شىنجوۋ 12 - ءنومىرلى الەم كەمەسىنىڭ 3 عارىشكەرى تيانحى وزەكتى بولمەسىنە ءساتتى كىردى
جۇڭگولىقتار تۇڭعىش رەت ءوزىنىڭ كەڭىستىك بەكەتىنە كىردى
2021.06.18 16:14 كەلۋ قاينارى : حالىق تورابى
 |
6 - ايدىڭ 17 - كۇنى بەيجيڭ عارىشقا ۇشۋدى مەڭگەرۋ ورتالىعىندا تۇسىرىلگەن شىنجوۋ 12 - ءنومىرلى ادام الىپ ۇشاتىن الەم كەمەسىنىڭ تيانحى وزەكتى بولمەسىمەن دەربەس ءارى تەز ءتۇيىلىسۋىنىڭ ءساتتى بولۋ كورىنىسى. سۋرەتتى شينحۋا اگەنتتىگىنىڭ ءتىلشىسى جين ليۋاڭ تۇسىرگەن
|
«حالىق گازەتى»، 6 - ايدىڭ 17 - كۇنى، جيۋچۋان (تىلشىلەر يۇي جيانبين، ۋ يۋەحۇي، ليۋ شى - ياۋ). ءتىلشىنىڭ جۇڭگو عارىشقا ادام الىپ ۇشۋ ينجەنەرياسى كەڭسەسىنەن ۇعىسۋىنشا، 6 - ايدىڭ 17 - كۇنى ساعات 9 دان 22 مينۋت وتكەندە شىنجوۋ 12 - ءنومىرلى ادام الىپ ۇشاتىن الەم كەمەسى جيۋچۋان جاساندى سەرىك ۇشىرۋ ورتالىعىندا كەڭىستىككە كوتەرىلىپ، بەلگىلەنگەن وربيتاعا ءدال كىرىپ، 3 عارىشكەردى عارىشقا ءساتتى شىعارعان. شىنجوۋ 12 - ءنومىرلى ادام الىپ ۇشاتىن الەم كەمەسى وربيتاعا كىرگەننەن كەيىن، وربيتاعا كىرۋ كۇيىندەگى جۇمىس ورنالاستىرۋىن ءساتتى ورىنداپ، بەيجيڭ ۋاقىتى 6 - ايدىڭ 17 - كۇنى ساعات 15 تەن 54 مينۋت وتكەندە دەربەس ءارى تەز ءتۇيىلىسۋ ۇلگىسىن قولدانىپ تيانحى وزەكتى بولمەسىنىڭ الدىڭعى اۋزىمەن ءتۇيىلىسىپ، وسىنىڭ الدىندا ۇشتاسقان تيانجوۋ 2 - ءنومىرلى جۇك تاسىمال الەم كەمەسىمەن بىرگە 3 بولمە (كەمە) قۇراماسىن قالىپتاستىرعان، تۇتاس ءتۇيىلىسۋ بارىسى شامامەن 6.5 ساعات بولعان. بۇل − تيانحى وزەكتى بولمەسى ۇشىرىلعاننان كەيىن ادام الىپ ۇشاتىن الەم كەمەسىمەن تۇڭعىش رەت ءتۇيىلىسۋى.
شىنجوۋ 12 - ءنومىرلى ادام الىپ ۇشاتىن الەم كەمەسىمەن جانە ونىڭ وزەكتى كابيناسىمەن دەربەس ءارى تەز ءتۇيىلىسۋدى ءساتتى جۇزەگە اسىرعاننان كەيىن، عارىشكەرلەر گرۋپپا بويىنشا وتىرىپ قايتىمدى كابينادان وربيتالىق كابيناعا كىردى. ءتارتىپ بويىنشا ءتۇرلى دايىندىقتاردى ورىنداعاننان كەيىن ىلگەرىندى - كەيىندى كابينا ەسىگى، وزەكتى بولمە ەسىگى اشىلدى، بەيجيڭ ۋاقىتى 6 - ايدىڭ 17 - كۇنى ساعات 18 دەن 48 مينۋت وتكەندە عارىشكەرلەر نيە حايشىڭ، ليۋ بوميڭ، تاڭ حۇڭبو ىلگەرىندى - كەيىندى تيانحى وزەكتى بولمەسىنە كىردى، بۇل − جۇڭگولىقتاردىڭ تۇڭعىش رەت ءوزىنىڭ كەڭىستىك بەكەتىنە كىرگەنىنىڭ بەلگىسى.
وسىدان كەيىن عارىشكەرلەر گرۋپپاسى جوسپار بويىنشا قاتىستى قىزمەتتەردى ورىستەتىپ، 3 ايلىق وربيتادا تۇرۋ مىندەتىن ورىندايدى، مەحانيكالىق بىلەكتى مەڭگەرۋ، كابينادان شىعۋ قيمىلى سياقتى قىزمەتتەردى ورىستەتىپ، وربيتادا عارىشكەرلەر ۇزاق ۋاقىت تۇراقتاپ تۇرۋ، قايتا تۋىندايتىن تىرشىلىكتى قامسىزداندىرۋ سياقتى ءبىرقىدىرۋ شەشۋشى تەحنيكانى دالەلدەيدى.
كەلۋ قاينارى: حالىق تورابى
 |
6 - ايدىڭ 17 - كۇنى بەيجيڭ عارىشقا ۇشۋدى مەڭگەرۋ ورتالىعىندا تۇسىرىلگەن تيانحى وزەكتى بولمەسىنە جايعاسقان عارىشكەرلەردىڭ بۇكىل ەل حالقىنا قۇرمەت بىلدىرگەن كورىنىسى. سۋرەتتى شينحۋا اگەنتتىگىنىڭ ءتىلشىسى جين ليۋاڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
