چيڭحايدىڭ مادو اۋدانىنداعى بۇقارا باياشات تۇرمىسقا تالپىنىپ، قۋانىشقا بولەندى (تاۋ جىرىن پارتياعا ارنايمىز)
«حالىق گازەتىنىڭ» ءتىلشىسى جيا فىڭفىڭ
2021.06.18 16:24 كەلۋ قاينارى : حالىق تورابى
جاز مەزگىلىندەگى ءۇستىرت. چيڭحاي ولكەسى گولو زاڭزۋ اۆتونوميالى وبلىسى مادو اۋدانىنىڭ الاڭىندا جۇرتشىلىق تۇسكى ارالىقتا سەيىلدەپ ءجۇر. «تاۋ جىرىن پارتياعا ارنايمىز، پارتيانى انامىزعا بالايمىز...» كوپكە تانىس ءان شارىقتاۋدا، كوپشىلىك تەبىرەنە ءان ايتىپ، بيگە باستى.
بۇل 6 - ايدىڭ 8 - كۇنى مادو اۋدانىنداعى بۇقارانىڭ وزدىكتەرىنەن ۇيىمداستىرعان قيمىلى ەدى.
5 - ايدىڭ 22 - كۇنى مادو اۋدانىندا 7.4 بال جەر سىلكىندى، پارتيا ورتالىق كوميتەتى، مەملەكەتتىك كەڭەس بۇعان ايرىقشا ءمان بەردى، چيڭحاي ولكەسىندەگى ءار دارەجەلى پارتكومدار مەن ۇكىمەتتەر دەرەۋ ۇيىمداستىرىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتى جونىندە جان - جاقتى ورنالاستىرۋ جاساپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن ءتارتىپتى، پارمەندى، ءونىمدى ىلگەرىلەتتى، اپاتتان قۇتقارۋ بۇيىمدارى اپات تۋىلعان رايونعا تولاسسىز جەتكىزىلدى.
بيىل 80 نەشە جاستاعى نانجيا كاريانىڭ بالا - شاعاسى جوق، جەر سىلكىنىسىندە قارتتار كۇتىمحاناسىنىڭ قىزمەتكەرلەرى ونى ۇيدەن ارقالاپ سىرتقا الىپ شىققان بولاتىن. ول: «پارتيا مەن ۇكىمەت ماعان جاڭا ءومىر سيلادى، جاڭا تۇرمىس جاراتىپ بەردى. سۋ ىشكەندە قۇدىق قازۋشىنى ۇمىتپاۋ كەرەك، وسى مەيىر - شاپاعاتتى ماڭگى ۇمىتپايمىن» دەپ كەشىرمەلەرىن ايتىپ، كوزىنە جاس الدى.
«اۋدان بويىنشا جوعارىدان تومەنگە دەيىن حالىقتى بارىنەن جوعارى قويۋدا، تىرشىلىكتى بارىنەن جوعارى قويۋدا تاباندى بولدى، قازىر ءتۇرلى ءوندىرىس، تۇرمىس نەگىزىنەن قالپىنا كەلدى، قايتا قۇرۋ قىزمەتى دە ءتارتىپتى ورىستەتىلۋدە. ‹تاۋ جىرىن پارتياعا ارنايمىز› دەگەن ءان مادو اۋدانىنداعى ءار ۇلت ۇلاندارىنىڭ شىنايى سۇيىسپەنشىلىگىن بەينەلەدى». مادو اۋداندىق اۋىل - قىستاقتى گۇلدەندىرۋ مەكەمەسىنىڭ قىزمەتكەرى جاڭ جۇنفىڭ بىلاي دەدى: «اسقاق ءان اۋەنى كۇش - قۋات پەن سەنىمدى ۇيىستىردى، سونداي - اق ءبىزدىڭ بىرگە وتكىزگەن كۇندەرىمىزدى دە ەستەلىككە الدى».
حۋاڭحى وزەنىنىڭ قاينار كوزىنە ورنالاسقان مادو اۋدانىنىڭ تەڭىز دەڭگەيىنەن ورتاشا بيىكتىگى 4 مىڭ مەتردەن اسادى. كەدەيلىكتەن ارىلتۋدان قامال الۋ شايقاسى باستالعاننان بەرى مادو اۋدانى «كەدەيلەردى سۇيەمەلدەۋ كاسىپ باقشاسى + كاسىپورىن + كەدەي وتباسى» سىندى كاسىپ سالاسى ارقىلى كەدەيلەردى سۇيەمەلدەۋ ۇلگىسىن ورناتىپ جانە كەمەلدەندىرىپ، جۇمىسقا ورنالاستىرۋدىڭ شىعار جولىن تابۋ ارقىلى ىشكى قوزعاۋشى كۇشتى ارتتىرىپ، كومەكتەسۋ مەن وي - سانانى اشۋدى ۇشتاستىرىپ، كەدەيلىكتەن ورنىقتى ارىلتۋدى جۇزەگە اسىردى؛ ەكولوگيالىق ورتانى جان - جاقتى جونگە سالۋ، سازدىقتى قورعاۋ، تاۋدى قورشاپ ورمان ءوسىرۋ، جايىلىمدى قالپىنا كەلتىرۋ سياقتى نىسانداردى ۇزدىكسىز ورىستەتتى. وتكەن جىلدىڭ سوڭىنا دەيىن اۋدان بويىنشا جان باسىندىق كىرىس 15 مىڭ يۋانعا جەتىپ، قارا توپىراقتى قايراڭدى جونگە سالۋ اۋماعى ءبىر ميلليون 167 مىڭ مۋدان اسىپ، ەكولوگياسى كوركەم، تۇرمىسى باي بولۋ ارمانى ۇزدىكسىز رەالدىققا اينالدى.
«وتكەن بىرنەشە جىلدا مادو اۋدانىنداعى 11 كەدەي قىستاق، ارحيۆ تۇرعىزىلىپ، كارتوچكا بەرىلگەن 5 مىڭنان استام كەدەي وتباسى ىركەس - تىركەس كەدەيلىكتەن ارىلىپ، تۇرمىسى بارعان سايىن جاقسارا ءتۇستى». مادو اۋداندىق اۋىل - قىستاقتى گۇلدەندىرۋ مەكەمەسىنىڭ باستىعى تيان سايشيۋ بىلاي دەدى: بۇل ناتيجە − تۇتاس اۋدانداعى كادرلار مەن بۇقارانىڭ قاجىرلىلىقپەن ناقتى ىستەۋىنىڭ ارقاسى، 2 اۋىل، 2 قالاشىق، 32 اكىمشىلىك قىستاق (الەۋمەتتىك اۋماق)، ءاربىر جايىلىم، ءاربىر شاتىر − كەدەيلىكتەن ارىلتۋدان قامال الۋدىڭ ۇلى امالياتىنىڭ ايعاعى.
«تاۋ جىرىن تاعى دا پارتياعا ارنايمىز، 56 ۇلت قوسىلا انگە سالامىز». الاڭنان «تاۋ جىرىن تاعى دا پارتياعا ارنايمىز» دەگەن ءان اۋەنى شىعاندادى، ءان داۋىسى شوعىرلى ورنالاستىرۋ تۇيىندەرىنە، شاتىردا جاسالعان ساباقحانالارعا جەتىپ، ودان شەتسىز - شەكسىز كوك اسپانعا ۇلاسىپ جاتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
