مەملەكەت دەنساۋلىق ساقتاۋ سالاسىندا كەدەيلەردى سۇيەمەلدەۋگە بولىنەتىن جۇمسالىمعا قاتىستى ساياسات، قاراجات، نىسان بويىنشا باتىس بولىكتەگى وڭىرلەرگە بەيىمدەلەدى
شارۋالار گازەتى مەن جۇڭگو شارۋالارى تورابىنىڭ ءتىلشىسى ليۋ چياڭ
2021.06.21 15:09 كەلۋ قاينارى : حالىق تورابى
شارۋالار گازەتى جانە جۇڭگو شارۋالارى تورابىنىڭ ءتىلشىسى ليۋ چياڭ حابارلايدى. جۋىردا مەملەكەتتىك دەنساۋلىق ساقتاۋ – سالاماتتىق كوميتەتى، مەملەكەتتىك دامىتۋ – رەفورمالاۋ كوميتەتى قاتارلى ون نەشە تاراۋ «دەنساۋلىق ساقتاۋ سالاسىندا كەدەيلەردى سۇيەمەلدەۋدىڭ ناتيجەلەرىن بەكەمدەۋدى اۋىل – قىستاقتى گۇلدەندىرۋمەن ءونىمدى ۇشتاستىرۋ جونىندەگى اتقارىلاتىن پىكىردى» (تومەندە «اتقارىلاتىن پىكىر» دەپ قىسقارتىلىپ الىنادى) بىرلەسىپ باسىپ تاراتتى. مۇندا مىنالار ايقىندالعان: كەدەيلىكتەن ارىلعان وڭىرلەرگە قولداۋ كورسەتۋ ماقساتىنداعى ءتۇرلى جۇمسالىمدارعا قاتىستى اتقارىلۋ ۇستىندەگى ساياساتتار، قاراجاتتار جانە نىساندار وتپەلى كەزەڭدە نەگىزىنەن ورنىقتى بولادى ءارى باتىس بولىك وڭىرلەردەگى اۋىل – قىستاقتى گۇلدەندىرۋدەگى ءتۇيىندى كومەك كورسەتىلەتىن اۋداندارعا قاراي بەيىمدەلەدى. ولكە، قالا سىندى ەكى دارەجەلى قازىنا ورىندارىنىڭ دەنساۋلىق ساقتاۋ – سالاماتتىق سالاسىنداعى نىساندارعا اجىراتقان قاراجاتتارى كەدەيلىكتەن ارىلعان وڭىرلەر مەن اۋىل – قىستاقتى گۇلدەندىرۋدەگى ءتۇيىندى كومەك كورسەتىلەتىن اۋداندارعا قاراي اناعۇرلىم باعىتتالۋى كەرەك. شىعىس بولىك پەن باتىس بولىكتىڭ سايكەسۋى، باعىتتامالى كومەكتەسۋ جانە قوعامدىق كۇشتەر سياقتى جاقتارداعى كەدەيلەردى سۇيەمەلدەۋ شارالارىنىڭ دەنساۋلىق ساقتاۋ – سالاماتتىق سالاسىنا قاراي بەيىمدەلۋىن اناعۇرلىم ىلگەرىلەتۋ كەرەك.
«اتقارىلاتىن پىكىردە» مىنالار ورتاعا قويىلعان: 2025 – جىلعا بارعاندا، اۋىل – قىستاقتارداعى كىرىسى تومەن جان سانىنىڭ نەگىزدىك ەمدەلۋ – دەنساۋلىق ساقتاۋ جاعىنداعى قامتاماسىزداندىرىلۋ ورەسى كورنەكتى جوعارىلايدى، بۇكىل عۇمىر پەريودىندىق دەنساۋلىق ساقتاۋ جاعىنداعى قىزمەت وتەۋ ىستەرى بىرتىندەپ كەمەلدەندىرىلەدى؛ كەدەيلىكتەن ارىلعان وڭىرلەردەگى اۋدان، اۋىل، قىستاق سىندى ءۇش دارەجەلى ەمدەۋ – دەنساۋلىق ساقتاۋ جاعىنداعى قىزمەت وتەۋ جۇيەسى اناعۇرلىم كەمەلدەندىرىلىپ، قۇرىلعىلارى اناعۇرلىم جاقسارتىلىپ، قىزمەت وتەۋ قۋاتى مەن قولجەتىمدىلىگى ونان ارى جوعارىلاتىلادى؛ اۋىر ىندەتتەردىڭ زالالى تىزگىندەلەدى جانە جويىلادى، دەنساۋلىق ساقتاۋ ورتاسى اناعۇرلىم جاقسارتىلادى، تۇرعىنداردىڭ دەنساۋلىق ساپاسى كورنەكتى جوعارىلاتىلادى؛ قالا – اۋىل، وڭىرلەر اراسىنداعى بايلىق قاينارى ءبولىسى بىرتىندەپ تەڭگەرىلىپ، تۇرعىنداردىڭ دەنساۋلىعىن ساقتاۋ ورەسىندەگى پارىق كورنەكتى تۇردە ازايتىلادى؛ نەگىزدىك ەمدەۋ – دەنساۋلىق ساقتاۋ جاعىنداعى قامتاماسىزداندىرۋ ناتيجەلەرى ۇزدىكسىز بەكەمدەلىپ، اۋىل – قىستاقتارداعى ەمدەۋ – دەنساۋلىق ساقتاۋ قۇرىلىمدارى مەن قىزمەتكەرلەرى جەتىسپەيتىن جەرلەر ۇزدىكسىز اداقتالىپ، سالاماتتى اۋىل – قىستاق قۇرىلىسىندا كورنەكتى جەتىستىكتەرگە قول جەتكىزىلەدى.
ناقتى شارالاردا مىناداي جاقتار قامتىلادى: اۋرۋلاردى تۇرگە ءبولىپ ەمدەۋ شارالارىن كەمەلدەندىرۋ، ەمحاناعا جاتقاندا الدىمەن تەكسەرىلىپ ەمدەلىپ، اقىنى سوڭىنان تولەۋ ساياساتىن كەمەلدەندىرۋ، اۋرۋ سەبەبىنەن قايتادان كەدەيلەسۋدەن ساقتانۋدى ديناميكالى باقىلاۋ – تەكسەرۋ جانە دالمە – ءدال كومەكتەسۋ مەحانيزمىن كەمەلدەندىرۋ، اۋىل – قىستاقتارداعى ەمدەۋ – دەنساۋلىق ساقتاۋ جاعىنداعى قىزمەت وتەۋمەن تولىق قامتۋدى كەمەلدەندىرۋ، اۋدان كولەمىندەگى مەديتسينا سالاسىنا جان – جاقتىلى رەفورما جاساۋدى ىلگەرىلەتۋ شارالارىن ىشكەرىلەي اتقارۋ، ءۇش دارەجەلى ەمحانالاردىڭ باعىتتامالى كومەكتەسۋىن ۇزدىكسىز ورىستەتۋ، «ينتەرنەت + مەديتسينالىق سالاماتتىق» ىستەرىن دامىتۋدى ىلگەرىلەتۋگە قولداۋ كورسەتۋ، ءتۇيىندى وڭىرلەردەگى اۋىر دەرت - دەربەزدەردەن جان – جاقتىلى ساقتانۋ – تىزگىندەۋدى ۇزدىكسىز كۇشەيتۋ، ءتۇيىندى ادامدار توبىنىڭ دەنساۋلىعىن جاقسارتۋ ارەكەتىن جالعاستىرۋ قاتارلىلار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
