بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بالىقشىلىق كاسىپ سالاسىمەن قاۋىشىپ، كىرىستى ارتتىرۋدىڭ جاڭا جولىن تاپتى

انار بۇلت / شينجياڭ گازەتىنىڭ ءتىلشىسى شى شين

2021.06.21 16:25     كەلۋ قاينارى : شينجياڭ گازەتى

  جاز ورتاسى، كەريا اۋدانى مۇعالا قالاشىعى بوستان قىستاعىندا وسىرىلگەن بالىقتار اۋلانىپ، بازارعا شىعارىلدى. بالىق كولشىگىنىڭ قاسىندا، 7 − 8 جىڭ كەلەتىن بوز بالىقتار اۋ ىشىندە تۋلاپ، جان - جاعىنا سۋ شاشتى، قىستاق تۇرعىنى ابدۇعاني ءماتروزىنىڭ جۇزىنەن مول ءونىمنىڭ قۋانىش لەبى ەستى.

  بوستان قىستاعى كەريا اۋدان قالاشىعىنان 14 كيلومەتردەي جەردە، بۇكىل قىستاقتا نەبارى 32 وتباسى 124 ادام عانا بار. وسى قىستاق كەريا وزەنىنە تاياۋ ماڭدا، كورىنىسى كوركەم، جان باسىنا تۋرا كەلەتىن ەگىستىك جەر از بولعانىمەن، ءبىراق سۋ ايدىنى بايلىعى مول. قىستاقتىڭ بالىق كولشىگىندە بالىق ءوسىرۋ تاريحى بولعانىمەن، سۋ ايدىنىن پايدالانۋ سالىستىرماسى تومەن، كولەم قالىپتاستىرماعان، ونىڭ ۇستىنە عىلمي باعىمشىلىق تەحنيكاسى كەمشىل بولعاندىقتان، تابىستارى ماردىمسىز ەدى. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ ءۇشىن اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى جىبەرگەن ءبىرىنشى شۋجي مەن قىستاق ”ەكى كوميتەتى“ بالىقشىلىق كاسىبىن دامىتۋدى قىستاق تۇرعىندارىنىڭ كىرىستى ارتتىرۋدى جۇزەگە اسىرۋىنداعى، اۋىل شارۋاشىلىعىن دامىتۋىنداعى جانە اۋىل - قىستاقتى گۇلدەندىرۋىندەگى نەگىز ەتتى.

  بيىل جىل باسىندا بوستان قىستاعى كەڭىنەن ۇسىنىسناما تاراتىپ، كاسىپورىن جانە نىسان ەنگىزىپ، بالىقشىلىق كاسىپ سالاسىن جوعارى باستامامەن جوبالاپ جوسپارلادى. ەڭ سوڭىندا 20 نەشە جىلدىق بالىق ءوسىرۋ تاجىريبەسى بار حوتان اۋدانىنداعى بالىق وسىرەتىن ءىرى وتباسىنان سۇڭ چۇنيوۋ ”باسەكەگە ءىلىندى“. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ بوستان قىستاعىندا تۇراتىن ءبىرىنشى شۋجيى كۇي گاڭ مەن قىستاق ”ەكى كوميتەتى“ قىستاقتاعى كونە بالىق كولشىكتەرىن ءبىر تۇتاس جوسپارلادى جانە بىرىكتىردى، سۇڭ چۇنيوۋ 300 − 400 ميلليون يۋان اقشا شىعارىپ، كولشىك تۇبىندەگى بالشىقتى تازالاۋ، كولشىك بوگەۋىنىڭ ەرنەۋىن كەڭەيتۋ، ءوسىرۋ اۋماعىن عىلمي جوبالاۋ سياقتىلارعا جۇمساپ، قىستاقتاعى 468 مۋ بوس قالىپ، كەرەكسىز ەتىلگەن كونە بالىق كولشىگىن ولشەمدەندىرىلگەن بال ءوسىرۋ كولشىگىنە اينالدىردى.

  6 - ايدىڭ 18 - كۇنى بوستان قىستاعىنىڭ بالىق ءوسىرۋ كولشىگىندە سۇڭ چۇنيوۋ بالىقتارعا جەم شاشتى، جەمنىڭ سۋعا شاشىلۋىمەن، سان مىڭداعان بالىق سۋ بەتىنە ىرشىپ شىعىپ، كولشىك بەتىندە بۇيرا تولقىن پايدا بولدى. ”مەن مامانداندىرىلعان قۇرىلىمداردى سۋ ساپاسىن تەكسەرۋگە ۇسىنىس ەتتىم، بۇل ارانىڭ سۋ ساپاسى جاقسى، بالىق وسىرۋگە باپ كەلدى. قازىر 5 ءتۇرلى بالىقتىڭ شاباعىن سالدىم، مەجەمەن جىل سوڭىندا 40 توننالىق تاۋار بالىق الۋعا بولادى“. سۇڭ چۇنيوۋدىڭ ايتۋىنشا، ءتىرى بالىق ساتۋدان تىس، سوڭعى جارتى جىلدا ول تاعى قىستاقتا شاباق كوبەيتۋ ورتالىعى، بالىق تازالاۋ زاۆودى جانە سۋىق قامبا سالىپ، وسىرۋدەن، وڭدەۋدەن، ساتۋدان اس - سۋعا دەيىنگى كەمەلدى كاسىپ سالاسى تىزبەگىن قالىپتاستىرۋدى جوسپارلاپ وتىر ەكەن.

  كۇي گاڭ مىناداي ءبىر ەسەپ جاسادى، ءار مۋ بالىق كولشىگىنىڭ جىلدىق كوتەرەگە الۋ باعاسى 150 يۋان، ءبىر جىلدا قىستاق كوللەكتيۆىنىڭ كىرىسىن 70 مىڭ يۋاننان استام كوبەيتەدى؛ كولەمدەنگەن باعىمشىلىق قىرۋار ەڭبەككۇشتى قاجەت ەتەدى، وسى قىستاقتىڭ قىستاق تۇرعىندارىن جۇمىستانۋعا تىكەلەي جەتەكتەپ، ءار ادامنىڭ ءار كۇندىك كىرىسىن 200 يۋان كوبەيتەدى؛ باعىمشىلىق تەحنيكاسى مەن ورەسىنىڭ جوعارىلاۋى قىستاق تۇرعىندارىن بىرتە - بىرتە باۋراپ، ولاردىڭ باعىمشىلىقتىڭ جاڭا بىلىمدەرىن، جاڭا تەحنيكالارىن يگەرۋىنە مۇمكىندىك بەرىپ، قىستاقتاعى بالىقشىلىق كاسىپ سالاسىنىڭ دەڭگەيىن ءوسىرىپ، دارەجەسىن جوعارىلاتۋىن جۇزەگە اسىردى.

  ”قىستاق باعىمشى وتباسىلارىنا ارناپ عىلمي باعىمشىلىق قاقپاسى اشىلدى“، - دەدى ابدۇعاني ءماتروزى تەبىرەنىپ. بۇرىن ول ەل تانىعان بالىق ءوسىرۋ شەبەرى ەدى، بۇكىل قىستاقتا ونىڭ بالىق كولشىگىندەگى شاباقتاردىڭ ءوسۋ جاعدايى ەڭ جاقسى، ونىمدىلىگى جوعارى بولاتىن، الايدا وسىلاي بولا تۇرسادا، ءبىر مۋ بالىق كولشىگىنەن ءبىر جىلدا كىرەتىن تابىس 500 يۋانعا جەتپەيتىن.

  ابدۇعاني ءماتروزىنىڭ ايتۋىنشا، بۇرىن ول شاباق سالعان سوڭ مۇلدە سۋ اۋىستىرمايتىن، عىلمي جەمدەۋدى دە بىلمەيتىن، بالىق كولشىكتەگى قامىستى جەيدى دەپ قارايتىن، بالىقتار اشىقسا، ازداپ جوڭىشقا مەن جۇگەرى سالىپ قوياتىن. قازىر ول سۇڭ چۇنيوۋعا ىلەسىپ، عىلمي باعىمشىلىق تەحنيكاسىن يگەردى، 3 بالىق كولشىگىندەگى بالىقتار سەمىز ءارى ۇلكەن، بيىل مەجەمەن ءار مۋ بالىق كولشىگىنەن مىڭداعان يۋان كىرىس كىرگىزۋگە بولادى.

  مۇنان تىس، ول تاعى اۆتوماتتى جەمدەۋ اپپاراتى ارقىلى سۇڭ چۇنيوۋدىڭ بالىق كولشىگىنە جەم شاشادى، ايلىق كىرىسى 4000 يۋان. ءبىر جاعىنان، اقشا تاۋىپ، ەندى ءبىر جاعىنان، بالىق ءوسىرۋ تەحنيكاسىن يگەردى، ابدۇعاني ءماتروزى قالعان جارتى جىلدا ءوز ءۇيىنىڭ بالىق كولشىگىن كەڭەيتىپ، كىرىسىن ارتتىرۋعا قام جاساپ وتىر.

  ”اتا قاز“ باستاپ ۇشتى، اۋىل - قىستاقتىڭ كاسىپ سالاسىن گۇلدەندىرۋگە دە قانات جايار كۇش - قۋات بەردى. كۇي گاڭنىڭ جوسپارىنشا، بوستان قىستاعىندا ”بالىقشىلىقتى +“ دانەكەر ەتىپ، بالىقشىلىق بويىنشا سەيىل - سەرۋەن قۇرۋعا، سەزىنۋگە، عىلىم بىلىمدەرىن جالپىلاستىرۋعا، ەرەكشە اس - سۋعا دەيىن كەڭەيتىپ، نەگىزگى تاقىرىپتىق مادەنيەت ساياحات جەلىسىن قالىپتاستىرىپ، كاسىپ سالاسى مەن ساياحاتتى بىرگە دامىتادى؛ بالىق كولشىكتەرىن ۇزدىكسىز بىرىكتىرىپ، مىڭ مۋلىق بالىقشىلىق بازاسىن تۇلعالاپ، كەريا اۋدانى بالىقشىلىق كاسىبىنىڭ كورمەلەۋ - ساتۋ تەرەزەسىن قۇرىپ، حوتان ايماعىنىڭ سۋ ونىمدەرىنىڭ ارنايىلانا، كولەمدەنە دامۋىن قامتيدى، جەتەكتەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار