شينجياڭدا 5 جىلدا 28 ميلليون 375 مىڭ 600 مۋ قۇمايتتانعان جەر تىزگىندەلدى
قۇمايتتانعان جەردىڭ كەڭەيۋ جاعدايى ۇزدىكسىز باسەڭدەدى
2021.06.21 16:27 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ساۋ حۋا 6 - ايدىڭ 17 - كۇنى ۇرىمجىدەن حابارلايدى. 6 - ايدىڭ 17 - كۇنى 27 - رەتكى دۇنيە جۇزىلىك شولەيتتەنۋدەن، قۋاڭشىلىقتان ساقتانۋ جانە ونى تىزگىندەۋ كۇنى. ءتىلشىنىڭ اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىنا قاراعاندا، ”13 - بەسجىلدىقتان“ بەرى شينجياڭ ”ءۇش تەرىستىك“ ىقتاسىن ورمانى، ەگىستىكتەن ورماندى، جايلىمدى قالپىنا كەلتىرۋ، تارىم ويپاتى توڭىرەگىندە قۇمنان ساقتانۋ، قۇمدى تىزگىندەۋ قاتارلى مەملەكەتتىك ءتۇيىندى ينجەنەريالارعا ارقا سۇيەپ، جالپى 28 ميلليون 375 مىڭ 600 مۋ قۇمايتتانعان جەردى تىزگىندەپ، مەملەكەت تۇسىرگەن مىندەتتى ％126 ورىندادى، قۇمايتتانعان جەردىڭ كەڭەيۋ جاعدايى ۇزدىكسىز باسەڭدەدى، شولەيتتەنۋدەن ساقتانۋ جانە ونى تىزگىندەۋ قىزمەتى كەزەڭدىك جەتىستىكتەرگە قول جەتكىزدى.
شينجياڭ ەلىمىزدەگى قۇمايتتانعان جەرلەردىڭ ورنالاسۋى ەڭ شوعىرلى، كولەمى ەڭ ۇلكەن ولكە - رايون. جەردىڭ قۇمايتتانۋىنىڭ كەڭەيۋ بەتالىسىن تەجەۋ ءۇشىن، مەملەكەتتىڭ زور كۇشپەن قولداۋىندا، شينجياڭ ىركەس - تىركەس ”ءۇش تەرىستىك“ ىقتاسىن ورمان جۇيەسى قۇرىلىسى، ەگىستىكتەن ورماندى، جايلىمدى قالپىنا كەلتىرۋ، تارىم ويپاتى توڭىرەگىندە قۇمنان ساقتانۋ، قۇمدى تىزگىندەۋ، مال ورىستەتۋگە تيىم سالىپ، جايلىمدى شۇرايلاندىرۋ، سۋ مەن توپىراقتى ساقتاۋ جانە قۇمايتتانعان جەرلەردى قورشاپ قورعاۋ ءوڭىرى قاتارلى مەملەكەتتىك ءتۇيىندى ەكولوگيالىق ينجەنەريالار مەن نىسانداردى اتقاردى. اسىرەسە، پارتيا 18 - قۇرىلتايىنان بەرى قۇمايتتانۋدان ساقتانۋ، قۇمدى تىزگىندەۋ جانە قورشاپ قورعاۋ تەبىنىنىڭ ۇزدىكسىز ارتۋىنا بايلانىستى، شينجياڭ قۇمايتتانۋدان ساقتانۋدا، قۇمدى تىزگىندەۋدە كورنەكتى ونىمدىلىككە قول جەتكىزدى، قۇمدى وڭىرلەردىڭ ەكولوگيالىق جاعدايى كورنەكتى جاقساردى.
قۇمدى ءشول وسىمدىك جامىلعىسىن قورعاۋدا شينجياڭ قورشاپ قورعاۋ ءوڭىرى قۇرىلىسىن كۇشەيتۋ، قۇمدى تۇراقتاندىرۋ، قۇمدى بەكەمدەۋ، قورشاپ قورعاۋ، ادام كۇشىمەن باسقارىپ قورعاۋ قاتارلى شارالار ارقىلى ادامدار قيمىلىنىڭ جانە مالدىڭ ءبۇلدىرۋىن ازايتىپ، وسىمدىك جامىلعىسىنىڭ تابيعي قالپىنا كەلۋىن جەبەدى. قازىر بۇكىل رايوندا جالپى قورشاپ قورعالعان وڭىردەن 43ى قۇرىلدى، اۋماعى 8 ميلليون 90 مىڭ مۋ كەلەدى، مۇنىڭ ىشىندە ”13 - بەسجىلدىق“ مەزگىلىندە تىڭنان قوسىلعان قورشاپ قورعاۋ ءوڭىرى 25 بولىپ، اۋماعى 4 ميلليون 247 مىڭ مۋ كەلەدى.
قۇمايتتانعان جەردى جاپپاي وڭاۋدا، ”13 - بەسجىلدىق“ مەزگىلىندە، شينجياڭدا مەملەكەتتىك قۇمنان ساقتانۋ، قۇمدى تىزگىندەۋدەن جان - جاقتىلى ۇلگى كورسەتۋ رايونىندا قۇمدى تىزگىندەپ ورمان ءوسىرۋ اۋماعى 45 مىڭ 700 مۋ بولىپ، مەملەكەتتىك ءشول باقشاسىنان 9ى جاڭادان قۇرىلىپ، جالپى سانى 27گە جەتتى، جوباداعى جالپى اۋماعى 2 ميلليون 879 مىڭ مۋ. جالپى ”ءۇش تەرىستىك“ ەكپە ورمان ءوسىرۋ اۋماعى 3 ميلليون 304 مىڭ مۋعا جەتىپ، تاۋدى (قۇمدى) قورشاپ، ورمان ءوسىرۋ اۋماعى 4 ميلليون 167 مىڭ 870 مۋعا، ەگىستىكتەن قالپىنا كەلتىرىلگەن ورمان اۋماعى 4 ميلليون 222 مىڭ مۋعا، ەگىستىكتەن قالپىنا كەلتىرىلگەن جايلىم اۋماعى ءبىر ميلليون 15 مىڭ مۋعا، مال ورىستەتۋگە تيىم سالىنىپ شۇرايلاندىرىلعان جايلىم اۋماعى 4 ميلليون 809 مىڭ 500 مۋعا جەتىپ، قۇمايتتانعان جەردىڭ كەڭەيۋ جاعدايى ءونىمدى باسەڭدەدى.
قازىرگە دەيىن، شينجياڭدا قۇمنان ساقتانۋ، قۇمدى تىزگىندەۋ بويىنشا ءتۇرلى ءتۇيىندى ينجەنەريالارىنا قوسىلعان قارجى 13 ميلليارد 260 ميلليون يۋانعا جەتتى. ”14 - بەسجىلدىق“ مەزگىلىندە، شينجياڭ قۇمنان ساقتانۋدى، قۇمدى تىزگىندەۋدى كولەمدەندىرۋدى كۇش سالا ىلگەرىلەتىپ، قۇمدى ءشول وسىمدىك جامىلعىسىن قورعاۋ تەبىنىن ارتتىرىپ، كورىكتى شينجياڭنىڭ ەكونوميكاسىنىڭ، قوعامىنىڭ باياندى دامۋىنا پارمەندى تىرەك ازىرلەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
