«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» اتىنداعى جۇڭگو كوممۋنيستىك پارتياسىنىڭ تاريحى كورمەسى جۇڭگو كوممۋنيستىك پارتياسىنىڭ تاريحى كورمە سارايىندا اشىلدى
ۋاڭ حۋنيڭ اشىلۋ سالتىنا قاتىناستى ءارى ءسوز سويلەدى
2021.06.21 16:49 كەلۋ قاينارى : حالىق تورابى
«حالىق گازەتى»، 6 - ايدىڭ 18 - كۇنى، بەيجيڭ (ءتىلشى شۇي جۇن). «‹اۋەلگى ماقساتتى ۇمىتپاۋ، بورىشتى ەستە بەرىك ساقتاۋ› اتىنداعى جۇڭگو كوممۋنيستىك پارتياسىنىڭ تاريحى كورمەسىنىڭ» اشىلۋ سالتى 6 - ايدىڭ 18 - كۇنى تۇستەن بۇرىن سول كۇنى اشىلعان جۇڭگو كوممۋنيستىك پارتياسىنىڭ تاريحى كورمە سارايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ءسوز سويلەدى ءارى كورمەنىڭ اشىلعانىن جاريالادى.
تۇستەن بۇرىن ساعات 10 دا اشىلۋ سالتى باستالدى. بۇكىل زالداعىلار جۇڭحۋا حالىق رەسپۋبليكاسىنىڭ مەملەكەت گيمنىن اسقاقتاتا شىرقادى.
ۋاڭ حۋنيڭ سوزىندە مىنانى ءبىلدىردى: 100 جىلدىق كۇرەس بارىسىندا پارتيامىز حالىقتى ىنتىماقتاستىرىپ جانە باستاپ، جاڭا دەموكراتيالىق توڭكەرىستى ورىنداپ، جۇڭحۋا حالىق رەسپۋبليكاسىن قۇردى؛ سوتسياليستىك نەگىزگى ءتۇزىمدى ورناتىپ، سوتسياليستىك قۇرىلىستى ىلگەرىلەتتى؛ رەفورما جاساپ، ەسىك اشىپ، جۇڭگوشا سوتسياليزمدى جاراتتى، دامىتتى جانە وندا تاباندى بولدى. پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋدىرۋدى ىلگەرىلەتىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى قارسى الدى.
ۋاڭ حۋنيڭ مىنانى ءبىلدىردى: پارتيا تاريحى كورمە سارايىن سالىپ، پارتيا تاريحى تاقىرىپتىق كورمەسىن اشۋ پارتيامىزدىڭ حالىقتى ىنتىماقتاستىرىپ جانە باستاپ، 100 جىلدىق كۇرەس بارىسىندا اشقان ۇلى جولىن، قۇرعان ۇلى ەڭبەگىن، سومداعان ۇلى رۋحىن، توپتاعان قۇندى تاجىريبەلەرىن ايگىلەپ، قالىڭ پارتيا مۇشەلەرىن، كادرلاردى جانە بۇقارانى پارتيانىڭ قاجىماي - تالماي كۇرەس جۇرگىزۋ تاريحىن، قۇربان بەرۋدەن قورىقپاۋ تاريحىن، نازاريالىق ىزدەنىس تاريحىن، حالىققا باقىت جاراتۋ تاريحىن، وزىندىك قۇرىلىس تاريحىن ىشكەرىلەي ۇيرەنىپ، جۇڭگو كوممۋنيستىك پارتياسىنىڭ نەلىكتەن يقۋاتتى ەكەنىن، ماركسيزمنىڭ نە ءۇشىن جۇزەگە اساتىنىن، جۇڭگوشا سوتسياليزمنىڭ نە ءۇشىن جاقسى ەكەنىن جەتە تانىپ، قىزىل گەندى جالعاستىرىپ، قىزىل قان تامىردى جالعاستىرىپ، قاجىماي - تالماي كۇرەس جۇرگىزەتىن قۇدىرەتتى رۋحاني كۇش قابىلداۋعا باستاۋ ءۇشىن بولىپ وتىر. ەكىنشى 100 جىلدىق كۇرەس نىساناسىن جۇزەگە اسىرۋدىڭ تاريحي جاڭا باستاماسىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز كۇرەس جۇرگىزۋ كەرەك.
حۋاڭ كۇنميڭ اشىلۋ سالتىن باسقاردى. ياڭ جيەچى، جاڭ يوۋشيا، چىن شي، ساي چي، جاڭ چۇنشيان، جاۋ كىجى، جاڭ چيڭلي اشىلۋ سالتىنا قاتىناستى.
جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ قيمىلىنا باسشىلىق ەتۋ گرۋپپاسىنىڭ مۇشەلەرى، تاقىرىپتىق كورمەگە باسشىلىق ەتۋ گرۋپپاسىنىڭ مۇشەلەرى، قاتىستى جاقتارداعى جاۋاپتى جولداستار، ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، نەگىزگى ساتىداعى پارتيا مۇشەلەرى مەن استاناداعى ءار سالا بۇقاراسىنىڭ ۋاكىلدەرى، بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى قاتارلى مىڭداي ادام اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
