ەڭ جوعارى حالىق سوتى، ەڭ جوعارى حالىق پروكۋراتۋراسى جانە قوعام حاۋىپسىزدىگى مينيسترلىگى
تەلەگرافتان، ينتەرنەتتەن پايدالانىپ الدامكوستىك ىستەۋگە قاتاڭ سوققى بەرەدى
2021.06.23 15:23 كەلۋ قاينارى : حالىق تورابى
جۇڭگو جاستارى گازەتىنىڭ 6 – ايدىڭ 22 – كۇنى حابارى (جۇڭگو جاستارى گازەتىنىڭ، جۇڭگو جاستارى تورابىنىڭ ءتىلشىسى ۋاڭ يجۇن) بۇگىن ەڭ جوعارى حالىق سوتى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى «تەلەگرافتان، ينتەرنەتتەن پايدالانىپ الدامكوستىك ىستەۋ قاتارلى قىمىستىق دەلولاردى ءبىرجايلى ەتۋدە قولدانىلاتىن زاڭدارعا قاتىستى ءبىرقىدىرۋ ماسەلەلەر جونىندەگى پكىردى (ەكىنشى)» (تومەندە قىسقارتىلىپ «پىكىر (ەكىنشى)» دەپ الىنادى) جاريالادى.
شەكارا اتتاعان تەلەگرافتان، ينتەرنەتتەن پايدالانىپ الدامكوستىك ىستەۋ قىلمىسىنىڭ جاڭا ەرەكشەلىكتەرىنە باعىتتاي وتىرىپ، «پىكىردە (ەكىنشى)» مىناداي ارناۋلى بەلگىلەمەلەر شىعارىلعان: ارەكەت جاساۋشى ادامنىڭ شەكارا سىرتىنداعى الدامكوستىك قىلمىستىق توبىنا نەمەسە قىلمىستىق ۇجىمىنا قاتىناسقانىن، شەكارا سىرتىندا تۇرىپ شەكارا ىشىندەگى تۇرعىندارعا باعىتتاي وتىرىپ، تەلەگرافتان، ينتەرنەتتەن پايدالانىپ الدامكوستىك قىلمىس وتكىزگەنىن دالەلدەيتىن ىسپات بار بولسا، الدامكوستىككە قاتىستى قاراجات سوماسىن تەكسەرىپ دالەلدەۋ قيىن بولعانىمەن، ءبىر جىل ىشىندە شەكارادان شىعىپ، الدامكوستىك اپاندارىنا بارعان ۋاقىتى 30 كۇننەن جوعارى بولسا نەمەسە كوپ رەت شەكارادان شىعىپ، الدامكوستىك اپاندارىنا بارعان بولسا، قىلمىستىق ىستەر زاڭىندا بەلگىلەنگەن «باسقا دا اۋىر قىلمىستارعا» جاتادى دەپ قارالىپ، الدامكوستىك قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.
ەڭ جوعارى حالىق سوتىنىڭ قىلمىستىق ىستەر 3 – سوتىنىڭ ورىنباسار سوت باستىعى لي رۇي – ي بىلاي دەپ تانىستىردى: زاڭعا قايشى تۇردە ساۋدالانعان بانكە كارتۋچكاسى، تەلەگراف كارتۋچكاسى سىندى «ەكى ءتۇرلى كارتۋچكا» — تەلەگرافتان، ينتەرنەتتەن پايدالانىپ الدامكوستىك ىستەۋدىڭ ءوسىپ – ءوربىيتىن «توپىراعى» ءارى «باستاۋ كوزى». «پىكىردە (ەكىنشى)» زاڭعا قايشى ساۋدالانعان «ەكى ءتۇرلى كارتۋچكاعا» قاتىستى قىلمىستىق ارەكەتتەرگە ينفورماتسيا تورى ارقىلى قىلمىس وتكىزۋ ارەكەتىنە كومەكتەسۋ قىلمىسىن ءبىرجاقتى ەتۋدەگى ناقتى زاڭ ولشەمدەرى اتقارىلاتىنى ايقىندالعان ءارى باسقالاردىڭ ينفورماتسيا تورىنان پايدالانىپ قىلمىس وتكىزۋىنە كومەكتەسۋ ءۇشىن كرەديت كارتۋچكاسى، بانكە ەسەپ ءنومىرى، باسقالاردىڭ قولفون كارتۋچكاسى، ينتەرنەتكە شىعۋ كارتۋچكاسى قاتارلىلاردى ساتىپ العان، ساتىپ بەرگەن، مايعا بەرگەندەردى قىلمىستىق ىستەر زاڭىنىڭ 287 – تارماعىنىڭ 2 – بەلگىلەمەسىندەگى «كومەكتەسۋ» ارەكەتى رەتىندە قاراۋعا بولادى دەپ بەلگىلەنگەن.
مۇنان سىرت، «پىكىردە (ەكىنشى)» دەلو بىتىرۋگە تارتىپتىك جاقتان كەپىلدىك ەتۋدى كۇشەيتۋ، دەلو ءبىتىرۋ ونىمدىلىگىن جوعارىلاتۋ جاقتارىنا ايرىقشا كوڭىل بولىنگەن. بۇعان قاتىستى بىلاي دەپ بەلگىلەنگەن: تەلەگرافتان، ينتەرنەتتەن پايدالانىپ الدامكوستىك جاساۋ قىلمىستىق دەلولارىن ءبىرجاقتى ەتكەندە، دەلوعا قاتىستى ەسەپ نومىرىندەگى قاراجاتتى ۇستاپ قالۋ بارىسىندا، قاراجاتتى زياندالۋشىلارعا قايتارىپ بەرۋدى الدىمەن ويلاستىرۋ، ەگەر تولىق سومادا قايتارىپ بەرۋگە جەتپەسە، سالىستىرماسى بويىنشا قايتارىپ بەرۋى كەرەك. زيانعا ۇشىراعان جۇرتشىلىقتىڭ ەكونوميكالىق زيانىن قايتارىپ اكەلۋگە بار كۇشتى سالۋعا كەپىلدىك ەتۋ، حالىق جۇرتشىلىعىنىڭ زاڭدى ۇقىق – مۇددەسىن شىنايى قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
