لي جانشۋ سەربيا حالىقتىق پارلامەنتىنىڭ باستىعى داچيحپەن كەڭەس وتكىزدى
2021.06.23 15:23 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 22 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 - ايدىڭ 22 - كۇنى بەيجيڭدەگى حالىق سارايىندا بەينە ەكران تاسىلىمەن سەربيا حالىق پارلامەنتىنىڭ باستىعى داچيحپەن كەڭەس وتكىزدى.
لي جانشۋ بىلاي دەدى: جۇڭگو مەن سەربيا ءوز ۇلتىنىڭ تاۋەلسىزدىگىنە قول جەتكىزۋ جانە مەملەكەتتىڭ دامۋىن جۇزەگە اسىرۋ بارىسىندا ۋاقىت پەن كەڭىستىكتەن اتتاپ وتەتىن تەرەڭ دوستىق ورناتتى. ءتوراعا شي جينپيڭ مەن زۇڭتۇڭ ۆۋچيچتىڭ جەتەكشىلىگىندە جۇڭگو مەن سەربيانىڭ جالپى بەتتىك ستراتەگيالىق ارىپتەستىك قاتىناسى ءۇرتىس ىشكەرىلەي دامىپ، بۇرىن – سوڭدى بولماعان جوعارى ورەگە جەتتى. جۇڭگو سەربيامەن بىرگە ەكى ەل باسشىلارى كەلىسكەن ماڭىزدى ورتاق تانىمدى تياناقتاندىرىپ، ەكى ەل قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. ساياسي جاقتا ءوزارا قولداۋدى ۇزدىكسىز كۇشەيتىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن باتىل قولداپ، ىندەتكە قارسى اتتانۋ سەلبەستىگىن ۇزدىكسىز ورىستەتىپ، ىندەتتى تىزە قوسا ەرتەرەك تۇبەگەيلى جەڭىپ، ءار سالاداعى ناقتى سەلبەستىكتى ىلگەرىلەتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرىپ، مادەنيەت، وقۋ - اعارتۋ، دەنەتاربيە، جەرگىلىكتى ورىن سياقتى سالالارداعى اۋىس - كۇيىستى كەڭەيتىپ، ەكى ەل دوستىعىنىڭ حالىق رايى نەگىزىن بەكەمدەۋ كەرەك. لي جانشۋ جۇڭگو كوممۋنيستىك پارتياسىنىڭ 100 جىلدىق كۇرەس بارىسىن تانىستىردى، سەربيانىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاعانىنا العىس ايتتى.
لي جانشۋ مىنانى اتاپ كورسەتتى: جۇڭگو - ورتا، شىعىس ەۆروپا ەلدەرىنىڭ سەلبەستىگى − جۇڭگو سەربيانى قامتىعان ورتا، شىعىس ەۆروپا ەلدەرىمەن قول ۇستاسا قۇرعان ءوڭىر اتتاعان جاڭاشا سەلبەستىك مەحانيزمى، ول جۇڭگو مەن ورتا، شىعىس ەۆروپا ەلدەرىنىڭ بىرگە دامۋىن جەبەدى. ەكى جاقتىڭ جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋىنىڭ جەتىستىكتەرىن جاپپاي تياناقتاندىرىپ، سەلبەستىكتىڭ ساپاسىن جوعارىلاتىپ، دارەجەسىن جوعارىلاتۋدى ىلگەرىلەتۋىن ءۇمىت ەتەمىن.
لي جانشۋ مىنانى دارىپتەدى: جۇڭگو مەملەكەتتىك حالىق قۇرىلتايى سەربيا حالىقتىق پارلامەنتىمەن اۋىس - كۇيىستى، سەلبەستىكتى تەرەڭدەتىپ، جۇڭگو مەن سەربيانىڭ جالپى بەتتىك ستراتەگيالىق سەرىكتەستىك قاتىناسىن دامىتۋعا ۇلەس قوسۋدى قالايدى. جوعارى جىكتەگىلەردىڭ بارىس - كەلىس جاعدايىن ساقتاپ، ارناۋلى كوميتەتتەر، دوستىق گرۋپپالار جانە ۋاكىلدەر اراسىنداعى اۋىس - كۇيىستى جيىلەتىپ، كوپ جاقتى پارلامەنت ۇيىمدارىنداعى سايكەسۋدى، سەلبەسۋدى كۇشەيتىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋ كەرەك. ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ نەمەسە شىعارىپ، زاڭ شىعارۋدى باقىلاۋ، دامۋ جولى سياقتى جاقتارداعى اۋىس - كۇيىستى كۇشەيتۋ كەرەك.
داچيح مىنانى ءبىلدىردى: سەربيا مەن جۇڭگونىڭ ءداستۇرلى دوستىعى تەرەڭ، ەكى جاقتىڭ ءار سالاداعى سەلبەستىگىنىڭ تابىسى مول. سەربيا جۇڭگومەن جان - جاقتى ستراتەگيالىق سەرىكتەستىك قاتىناستى دامىتۋعا ايرىقشا ءمان بەرىپ، ءبىر جۇڭگو پرينسيبىن باتىل اتقارىپ، «ءبىر بەلدەۋ، ءبىر جول» باستاماسىن جانە ورتا، شىعىس ەۆروپا ەلدەرى مەن جۇڭگونىڭ سەلبەستىگىن قولدايدى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايمىن. جۇڭگونىڭ ىندەتتەن ساقتانۋ - تىزگىندەۋ بارىسىندا سەربيا جاققا ماڭىزدى قولداۋ كورسەتكەنىنە العىس ايتامىن. سەربيا حالىقتىق پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى كۇشەيتىپ، ەكى ەل قاتىناسىنىڭ اقاۋسىز، ورنىقتى دامۋىن جەبەۋدى قالايدى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى حاۋ ميڭجين كەڭەسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
