چىن چۋانگو ماناس اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
پارتيا تاريحىن ۇيرەنۋگە، يدەيانى تۇسىنۋگە، ناقتى ءىس ىستەۋگە، جاڭا جاعداي اشۋعا تاباندى بولىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايىق
2021.06.23 16:45 كەلۋ قاينارى : شينجياڭ گازەتى
6 - ايدىڭ 21 - كۇنى اۆتونوميالى رايوندىق پارتكومنىڭ شۋجيى چىن چۋانگو پارتيا تاريحىن ۇيرەنۋ تاربيەسى بويىنشا بايلانىس جاساۋ ءتۇيىنى ماناس اۋدانىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو شىما نان باقشاسىندا ءوندىرىس جۇرگىزۋ، جۇمىستانۋعا جەتەكتەۋ سياقتى جاعدايلاردى ۇعىسۋدا.□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ياۋ تۇڭ 6 - ايدىڭ 21 - كۇنى ماناستان حابارلايدى. 6 - ايدىڭ 21 - كۇنى اۆتونوميالى رايوندىق پارتكومنىڭ شۋجيى چىن چۋانگو پارتيا تاريحىن ۇيرەنۋ تاربيەسى بويىنشا بايلانىس جاساۋ ءتۇيىنى ماناس اۋدانىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىماستان دايەكتىلەندىرىپ، تياناقتاندىرىپ، پارتيا تاريحىن ۇيرەنۋ تاربيەسىن ىشكەرىلەي تىڭعىلىقتى ورىستەتىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى شىنايى ورىنداۋ كەرەك.
چىن چۋانگو ماناس اۋدانى جۇڭشين گو - ان ءجۇزىم اراعى كاسىبى سەرىكتەستىگىنە كەلىپ، ءوندىرىس تيجاراتى، ءونىمنىڭ ساتىلۋى سياقتى جاعدايلاردى ۇعىستى. ول بىلاي دەدى: ەرەكشەلىككە يە باسىمدىقتاردى ساۋلەلەندىرىپ، ماركا جاراتىپ، ساپاسىن جوعارىلاتىپ، كولەمىن كەڭەيتىپ، شينجياڭنىڭ ءجۇزىم اراعى كاسىپ سالاسىن كۇش سالا ۇلعايتۋ، كۇشەيتۋ كەرەك. شىما نان باقشاسىندا چىن چۋانگو باقشا اۋماعى قۇرىلىسى، ءوندىرىس جۇرگىزۋ، جۇمىستانۋدى جەتەكتەۋ سياقتى جاعدايلاردى تەكسەرىپ كوردى، بازاردى كوزدەپ، ءتۇرىن مولايتىپ، كولەمدەنۋ، كاسىپ سالالانۋ، بازارلانۋ ورەسىن جوعارىلاتىپ، كىشكەنتاي ناندى ۇلكەن كاسىپ سالاسىنا اينالدىرىپ، جالپى حالىق تۇرمىسىن جەبەۋ؛ ەڭبەك شوعىرلانعان كاسىپ سالاسىن بار كۇشپەن دامىتىپ، بۇقارانىڭ ورنىقتى جۇمىستانۋىن، كىرىستەرىن ۇزدىكسىز ارتتىرۋىن جەبەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ كەرەك دەپ اتاپ كورسەتتى. شينجياڭ نۇڭفۋ بازاسى ماناس ازىق - تۇلىك شەكتى سەرىكتەستىگىندە چىن چۋانگو ءوندىرىستىڭ ءبىرىنشى شەبىنە بارىپ، ءوندىرىس تيجاراتى، ءونىمدى زەرتتەپ اشۋ سياقتى جاعدايلاردى ۇعىسىپ، جۇمىستاندىرۋدى باعدار ەتۋگە تاباندى بولىپ، جەرگىلىكتى ورىننىڭ جاعدايىنا قاراي ەرەكشە باسىمدىققا يە كاسىپ سالاسىن دامىتىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك دەپ باسا دارىپتەدى.
شىحىزى - ماناس ۇلكەن كوپىرىندە چىن چۋانگو ماناس وزەنى الابىنداعى تاۋ، سۋ، ورمان، اتىز، كول، جايلىم ەكولوگياسىن قورعاۋ، قالپىنا كەلتىرۋ ينجەنەرياسىنىڭ جاعدايىنان بەرىلگەن مالىمەتتى تىڭدادى ءارى ماناس وزەنىنىڭ ەكولوگيالىق قورشاعان ورتاسىن قالپىنا كەلتىرۋ اياق الىسىن ناقتى كوردى. ول بىلاي دەپ اتاپ كورسەتتى: وزەن - كول باستىعى ءتۇزىمىن مۇقيات اتقارىپ، ەكولوگيانى قالپىنا كەلتىرۋدى جانە قورشاعان ورتانىڭ لاستانۋىن جونگە سالۋدى ىشكەرىلەي ىلگەرىلەتىپ، الاپتىڭ ەكولوگيالىق قورشاعان ورتاسىن ۇزدىكسىز جاقسارتۋدى ىلگەرىلەتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيانى الدىڭعى ورىنعا قويۋعا، جاسىل، تومەن كومىرتەكتى دامۋعا تاباندى بولىپ، ەكولوگيانى قورعاۋدى، جاسىل دامۋدى، حالىق تۇرمىسىن جاقسارتۋدى ءوزارا بىرلىككە كەلتىرۋ كەرەك.
لانجوۋۋان قالاشىعى ىرداۋ شۋوزى قىستاعىندا چىن چۋانگو قىستاق تۇرعىنى ياسىن ءتالىپتىڭ ۇيىنە بارىپ، ۇيدەگىلەرمەن بىرگە ءجۇزىم سورەسى استىندا قورالانا وتىرىپ، ءوندىرىس، تۇرمىس، وتباسى كىرىسى سياقتى جاعدايلاردى ەگجەي - تەگجەيلى ۇعىستى. ول بىلاي دەدى: ءبىزدىڭ بۇگىنگى باقىتتى تۇرمىسىمىز وڭاي - وسپاق قولعا كەلگەن ەمەس، ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋىمىز، قاجىرلى ەڭبەگىمىزگە جانە پاراساتىمىزعا سۇيەنىپ كۇندەرىمىزدى اناعۇرلىم بالداي ءتاتتى وتكىزۋىمىز، اناعۇرلىم تالپىنىسپەن وتكىزۋىمىز كەرەك. نەگىزگى ساتى ءبىرىنشى شەبىندەگى كادرلارعا ءار ۇلت حالقىنىڭ ءىسىن سۇيىسپەنشىلىكپەن، جاۋاپكەرشىلىكپەن جاقسى، شىنايى ىستەپ بەرۋدى تاپسىردى.
چىن چۋانگو تاعى ماناس قالاشىعى شيگۋان مەشىتىنە كەلىپ ءدىني قيمىلداردىڭ ورىستەتىلۋ جاعدايىن ۇعىستى. ول بىلاي دەپ اتاپ كورسەتتى: شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، دىنگە سەنەتىن بۇقارانىڭ قالىپتى ءدىني قيمىلدارى مەن ءدىني قاجەتىن زاڭ بويىنشا قامتاماسىزداندىرۋ كەرەك. ءدىن سالاسىنداعى قالىڭ قايراتكەرلەر وتاندى ءسۇيۋ، ءدىندى قادىرلەۋ تاڭداۋلى ءداستۇرىن بار كۇشپەن ساۋلەلەندىرىپ، دىنگە سەنەتىن بۇقارانى قوعام ورنىقتىلىعى مەن باياندى تىنىشتىقتى جۇزەگە اسىرۋعا بەلسەنە ۇلەس قوسۋعا جەتەكتەۋ كەرەك.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، پارتيا تاريحىن ۇيرەنۋ تاربيەسىن جوعارى ولشەمدە، جوعارى ساپادا ويداعىداي ورىستەتۋ كەرەك. يدەيانىڭ ۇلى كۇشىن ءتۇسىنىپ، پارتيالى كادرلاردى پارتيانىڭ عالامات بارىسىنان ماركسيزمنىڭ اقيقات كۇشى مەن امالياتتىق كۇشىن سەزىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ءتۇسىنىپ، بۇلجىماستان وسى ماڭىزدى يدەيا ارقىلى وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاربيەلەۋ، جەتەكتەۋ كەرەك. حالىق تۇرمىسىنا قاتىستى ناقتى ىستەردى ويداعىداي ىستەپ، بۇقارامەن ءبىر تىلەكتە بولىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ ويداعىداي شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. كەڭ كولەمدە ۇگىت جۇرگىزىپ، لەكسيا جاساپ، بۇقارا قۋانا قابىلدايتىن تاسىلدەردى قولدانىپ، تۇتاس قوعامدا پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى جونىندەگى ۇگىت تاربيەنى كەڭ كولەمدە ورىستەتىپ، پارتيا تاريحى بىلىمدەرىن جالپىلاستىرىپ، پارتيا تاريحىن ۇيرەنۋ تاربيەسىن بۇقاراعا ىشكەرىلەي جەتكىزۋدى، نەگىزگى ساتىعا ىشكەرىلەي جەتكىزۋدى، جۇرت جۇرەگىنە تەرەڭ ۇيالاتۋدى ىلگەرىلەتۋ كەرەك.
چىن چۋانگو بىلاي دەپ باسا دارىپتەدى: پارتيا تاريحىن ۇيرەنۋ تاربيەسى مەن ”ءتورت تاريح“ ۇگىت تاربيەسىن ورىستەتۋدەن قاۋلاپ شىققان قوزعاۋشى كۇشتى قىزمەتتى ىلگەرىلەتۋدىڭ ءىس جۇزىندىك ارەكەتىنە شىن مانىندە اينالدىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى جانە باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى، ەكونوميكانىڭ جوعارى ساپالى دامۋى سياقتى قىزمەتتەردى تىڭعىلىقتى، ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
اۆتونوميالى رايوننىڭ ورىنباسار ءتوراعاسى جاۋ چيڭ قاتارلىلار بىرگە تەكسەرۋ - زەرتتەۋ جۇرگىزدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
