ءۇش تاراۋ قۇجات جاريالاپ
شارۋالاردىڭ تۇرعىن ءۇيى مەن اۋىل – قىستاق قۇرىلىسىن وسىزامانداندىرۋدى جەدەلدەتۋدى تالاپ ەتتى
ەكولوگيامەن، قورشاعان ورتامەن، كورشىلەرمەن جاراسىمدى بولۋعا تاباندى بولۋ قاجەت
2021.06.24 13:07 كەلۋ قاينارى : حالىق تورابى
حالىق گازەتىنىڭ ءتىلشىسى ديڭ يتيڭ 6 – ايدىڭ 23 – كۇنى بەيجيڭنەن حابارلايدى. جۋىردا تۇرعىن ءۇي جانە قالا – اۋىل قۇرىلىسى مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك اۋىل – قىستاقتى گۇلدەندىرۋ مەكەمەسى «شارۋالاردىڭ تۇرعىن ءۇيى مەن اۋىل – قىستاق قۇرىلىسىن وسىزامانداندىرۋدى جەدەلدەتۋ جونىندەگى جەتەكشى پىكىردى» (تومەندە قىسقارتىلىپ «جەتەكشى پىكىر» دەپ الىنادى) جاريالاپ، شارۋالاردىڭ تۇرعىن ءۇيىن جوبالاۋ، سالۋ ورەسىن جوعارىلاتۋ، «اۋىل ساعىنىشىنا» ارقاۋ بولاتىن قورشاعان ورتانى قالىپتاستىرۋ، سۋدى شارۋالاردىڭ تۇرعىن ۇيىنە دەيىن جەتكىزىپ قامداۋدى، اۋىل – قىستاقتاعى تۇرمىستىق قوقسىقتاردى تۇرگە ءبولىپ ءبىرجاقتى ەتۋدى دارىپتەۋ، اۋىل – قىستاقتاردىڭ ەنەرگيادان پايدالانۋىن جاڭعىرتۋدى ىلگەرىلەتۋ قاتارلى 12 ءتۇرلى جاقتان شارۋالاردىڭ تۇرعىن ءۇيى مەن اۋىل – قىستاق قۇرىلىسىن وسىزامانداندىرۋدى جەدەلدەتۋ جونىندەگى ساياساتتار مەن شارالاردى ورتاعا قويدى.
«جەتەكشى پىكىردە» مىنالار ورتاعا قويىلعان: جاڭادان سالىنعان شارۋالاردىڭ تۇرعىن ءۇيى تابيعي اپاتتار وڭاي تۋىلاتىن جەرلەردەن اۋلاق سالىنۋى، سەل ءجۇرۋ، بەتكەي كوشۋ، لاي كوشكىنى، وپىرىلۋ سياقتى گەولوگيالىق اپاتتار وڭاي تۋىلاتىن حاۋىپتى جەرلەردەن ۇيلەسىمدى ساقتانۋ، بەتكەي، جىرا، تاسقىن وڭاي جايىلاتىن جەرلەر جانە باسقا اپاتتار وڭاي تۋىلاتىن جەرلەرگە ءۇي سالماۋ قاجەت؛ ەكولوگيامەن، قورشاعان ورتامەن جانە كورشىلەرمەن جاراسىمدى بولۋعا تاباندى بولۋ، شارۋالاردىڭ تۇرعىن ءۇيى مەن اۋىل – قىستاق قۇرىلسىن سالۋ بارىسىندا تاۋ، وزەن، ورمان، اتىز، كول، جايىلىم سىندى ەكولوگيالىق جۇلگەگە قۇرمەت ەتۋ، تاۋدى قازىپ، كولدى تەگىستەمەۋ، سۋ جۇيەسىن بۇلدىرمەۋ، بايىرعى اعاشتاردى كەسپەۋ، جەر بەدەرىنىڭ جاعدايىنا سايكەس كەلۋ كەرەك.
اۋىل – قىستاقتارداعى تۇرمىستىق قوقسىقتاردى تۇرگە ءبولىپ ءبىرجاقتى ەتۋدى دارىپتەۋ جاعىندا، اۋىل – قىستاقتاعى تۇرمىستىق قوقسىقتاردى تۇرگە ءبولۋ ءتاسىلىن جاقسارتىپ، قايتا جيىپ الۋعا بولاتىن قوقسىقتاردى پايدالانۋ نەمەسە ساتۋ، ورگانيكالىق قوقسىقتاردى سول جەردە ءشىرىتىپ پايدالانۋ، ۋلى، زالالدى قوقسىقتاردى جۇيەلى ءبىرجاقتى ەتۋ، باسقا قوقسىقتاردى جيناۋ، تاسىمالداۋ، ءبىرجاقتى ەتۋ جۇيەسىنە تاپسىرىپ بەرۋ كەرەك. اۋىل – قالاشىقتاردى نەمەسە اكىمشىلىك قىستاقتاردى نەگىز ەتە وتىرىپ، اۋىل – قىستاقتارداعى ورگانيكالىق قوقسىقتاردى جان – جاقتىلى ءبىرجاقتى ەتىپ پايدالاناتىن وڭىرلىك ورتالىقتاردان ءبىر توبىن قۇرۋ كەرەك. اۋىل – قىستاقتاردىڭ تازالىعىن ساقتاۋ ءتۇزىمىن جاپپاي ورناتىپ، اۋىل – قىستاقتاردىڭ تازالىعىنا كەپىلدىك ەتۋ قاجەت.
اۋىل – قىستاقتاردا ەنەرگيادان پايدالانۋدى جاڭعىرتۋ جاعىندا، اۋىل – قىستاقتاردى ساپاسىز وتىندىق كومىر، سابان، وتىن سياقتى تىكەلەي جاناتىن ءداستۇرلى ەنەرگيا قاينارلارىنان پايدالانۋدى ۇزدىكسىز ازايتۋعا جەتەلەۋ، جەرگىلىكتى ورىننىڭ ەرەكشەلىگى مەن شارۋالاردىڭ قاجەتىنە ساي كەلەتىن تازا ەنەرگيالاردى پايدالانۋعا شابىتتاندىرۋ قاجەت. كۇن ەنەرگياسىمەن جىلىتۋ، فوتوۆولت قاتارلى جاڭا تەحنيكالار مەن ونىمدەردى جالپىلاستىرۋ جانە پايدالانۋ كەرەك. وتىندىق گازدى اۋىل – قىستاقتارعا جەتكىزۋدى ىلگەرىلەتىپ، اۋىل – قىستاقتارداعى حاۋىپسىز ءارى سەنىمدى گاز ساقتاۋ كۇبىسى بار پۋنكتتەر مەن جىڭىشكە قۇبىر تورلارى ارقىلى گازبەن قامداۋ جۇيەسىن سالۋعا قولداۋ كورسەتۋ قاجەت. شارۋالاردىڭ قازىرگى تۇرعىن ۇيلەرىن ەنەرگيانى ۇنەمدەيتىن ەتىپ وزگەرتىپ سالۋدى ىلگەرىلەتۋ قاجەت.
«جەتەكشى پىكىردە» مىنالار تالاپ ەتىلگەن: جەر – جەر ۇيىمدىق باسشىلىقتى كۇشەيتىپ، اتقاراتىن جوبانى جاساپ، تۇيىندە سىناق ەتۋدى بەلسەندى ورىستەتۋى قاجەت، جاعراپيالىق ورنى، جەر بەدەرى، ەكونوميكالىق شارت – جاعدايى، مادەني ءداستۇرى، قىستاقتىڭ تيپى قاتارلى فاكتورلارعا ساي، ۋاكىلدىك سيپات الاتىن ءبىرقانشا قىستاقتاردا تۇيىندە سىناق ەتۋدى ورىستەتىپ، جەرگىلىكتى ورىنداعى شارۋالاردىڭ تۇرعىن ءۇيى مەن اۋىل – قىستاق قۇرىلىسىن وسىزامانداندىرۋ ىسىنە ءىس جۇزىندىك ۇلگى ازىرلەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
