بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءان اۋەنىمەن جۇرەك ءۇنىن اسقاقتاتىپ، پارتيا قۇرىلعاندىعىنىڭ 100 جىلدىعىنا تارتۋ ۇسىندى

— «پارتياعا ارناپ تاۋ ءانىن شىرقايمىن» كۋايشان قيمىلى رايونىمىزداعى ءار ۇلت بۇقاراسى اراسىندا قىزۋ اڭىس قوزعادى

□ انار بۇلت/ شينجياڭ گازەتىنىڭ تىلشىلەرى جاڭ تيڭ، سۇڭ ۋيگو

2021.06.24 15:16     كەلۋ قاينارى : شينجياڭ گازەتى

  ”پارتياعا ارناپ تاۋ ءانىن شىرقايمىن، مەن پارتيانى اناما بالايمىن، انام مەنىڭ تۇلعامدى عانا دۇنيەگە اكەلدى، پارتيا جۇرەگىمە نۇرىن توكتى...“ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا، رايونىمىزدىڭ جەر - جەرى «پارتياعا ارناپ تاۋ ءانىن شىرقايمىن» كۋايشان قيمىلىن ورىستەتىپ، ءان اۋەنىمەن پارتيا قۇرىلعاندىعىنىڭ 100 جىلدىعىنا تارتۋ ۇسىنىپ، پارتياعا العىس ايتاتىن، پارتيانىڭ سوزىنە قۇلاق اساتىن، پارتياعا ىلەسەتىن مىزعىماس بەكىمدەرىن ايگىلەدى.

  6 - ايدىڭ 22 - كۇنى قىزىلسۋ قىرعىز اۆتونوميالى وبلىستىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ نەگىزگى باسشىلارى جانە 100 پارتيا مۇشەسى، بۇقارا قىزىلسۋ وبلىستىق كىتاپحانادا ”نارت قىزىل پارتيا تۋىنىڭ ءوڭى ماڭگى تۇسپەيدى“ نەگىزگى تاقىرىپتىق مانەرلەپ وقۋ، ءان ايتۋ جارىسىن ورىستەتتى، «پارتياعا ارناپ تاۋ ءانىن شىرقايمىن»، «مەن جانە مەنىڭ وتانىم»... ءبىر - بىرلەگەن وتانشىلدىق اندەر قىزىلسۋ وبلىسىنداعى ءار ۇلت بۇقاراسىنىڭ جۇڭگو كوممۋنيستىك پارتياسىنا دەگەن قىزۋ سۇيىسپەنشىلىگى مەن العىس سەزىمىن بەينەلەدى. بيىل 4 - ايدان بەرى اتۇش قالاسى، ۇلۇقشات اۋدانى، اقتاۋ اۋدانى، اقشي اۋدانى 100 كەزەككە جۋىق وتانشىلدىق ءان ايتۋ قيمىلىن ىركەس - تىركەس ورىستەتتى.

  ”وسى ءبىر - بىرلەگەن كۋايشان، ءبىر - بىرلەگەن بەينە كەسكىندەر ماعان قىزىلسۋ وبلىسىنداعى ءار سالا، ءار كاسىپتىڭ دامىعان، جاڭارعان، ءار ۇلت بۇقاراسى ىنتىماقتاسا العا باسقان رۋحاني بەت - بەينەنى سەزىندىردى. مەن قىزمەتىمدى مۇقيات ىستەپ، توڭىرەگىمدەگى ادامداردى ءارقاشان پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن“، - دەدى جۇڭگو تەلەگراف شينجياڭ بولىمشە سەرىكتەستىگىنىڭ اقتاۋ اۋدانى ويتاۋ قالاشىعى اتويناق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ۋاڭ چۇنشياڭ.

  6 - ايدىڭ 19 - كۇنى تاڭەرتەڭ ءبىر اۆتوبۋز بۋىرشىن اۋدانىنىڭ دۋلايتى اۋىلىنداعى تاس جولدا زىمىراپ كەلەدى. تەرەزە سىرتىندا كوك اسپاندا اقشا بۇلت قالىقتايدى، بار الاپ جاسىل جەلەك جامىلعان؛ اۆتوبۋز ىشىندە ءازىل - قالجىڭ تولاستاماي، ءان اۋەنى شارىقتاپ كەلەدى. ”پارتياعا ارناپ تاۋ ءانىن شىرقايمىن، مەن پارتيانى اناما بالايمىن... “ جول بويى ءان تولاستاعان جوق، اۆتوبۋزداعىلار دۋلايتى اۋىلىنىڭ 12 اكىمشىلىك قىستاعىنان كەلگەن 36 قىستاق تۇرعىنى ۋاكىلدەرى ەدى.

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ءۇشىن، دۋلايتى اۋىلدىق ۇكىمەت قىستاق تۇرعىندارى ۋاكىلدەرىن ۇيىمداستىرىپ، جاڭاشا اۋىل - قىستاقتى ەكسكۋرسيالاتىپ، جاڭا وزگەرىستەردى سەزىندىردى ءارى كۋايشان بەينەجازباسىن ءتۇسىرىپ جاسادى.

  ”پارتيانىڭ 100 جىلدىق تۋعان كۇنى ءاربىر پارتيا مۇشەسىنىڭ جۇرەگىن تەبىرەنتتى، وسى رەت «پارتياعا ارناپ تاۋ ءانىن شىرقايمىن» كۋايشان قيمىلىنا قاتىناسا العانىمدى شەكسىز داڭق سەزىندىم جانە اسەرلەندىم“، - دەدى دۋلايتى اۋىلدىق پارتكومنىڭ ورىنباسار شۋجيى حان چاۋ.

  اۆتوبۋز ەرتىس قىستاعىنا كەلدى، اتىز باسىنداعى جولدىڭ ەكى جاعالاۋىنداعى سور ىعىستىرۋ توعانى ءتۇپ - ءتۇزۋ ادەمى تارتىلعان، ۇلكەندى - كىشىلى توعاندار جان - جاققا جالعاسىپ جاتىر. ”مۇنىڭ بارلىعى پارتيانىڭ ابزال ساياساتىنىڭ قولداۋىندا جاسالعان“، - دەدى ەرتىس قىستاعى قىستاق تاريحى بەكەتىنىڭ جاۋاپتىسى تابىسبەك وراز تانىستىرىپ.

  ”«پارتياعا ارناپ تاۋ ءانىن شىرقايمىن» بارلىق قىستاق تۇرعىندارىنىڭ جۇرەك ءۇنىن اسقاقتاتتى“. دۋلايتى اۋىلىنىڭ سارىتەرەك قىستاعىنداعى 33 جىلدىق پارتيالىق ستاجى بار ساقا پارتيا مۇشەسى مۇتايىر سۇپاحۇن: ”جۇڭگو كوممۋنيستىك پارتياسىنىڭ باسشىلىعىندا اۋىلىمىزدا وراسان زور وزگەرىس تۋىلدى، تۇرمىسىمىز بارعان سايىن جاقسارىپ كەلەدى“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار