بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ شىنجوۋ 12 - ءنومىرلى الەم كەمەسىنىڭ عارىشكەرلەرىمەن ىقىلاسپەن سويلەستى

پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان عارىشكەرلەر نيە حايشىڭ، ليۋ بوميڭ، تاڭ حۇڭبوعا شىنايى سالەم جولدادى

حان جىڭ قيمىلعا قاتىناستى

2021.06.24 15:28     كەلۋ قاينارى : حالىق تورابى


  «حالىق گازەتى»، 6 - ايدىڭ 23 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 23 - كۇنى تۇستەن بۇرىن بەيجيڭدەگى عارىشقا ۇشۋدى مەڭگەرۋ ورتالىعىنا كەلىپ، تيانحى وزەكتى بولمەسىندە مىندەت اتقارىپ جاتقان شىنجوۋ 12 - ءنومىرلى الەم كەمەسىنىڭ عارىشكەرلەرى نيە حايشىڭ، ليۋ بوميڭ، تاڭ حۇڭبومەن ىقىلاسپەن سويلەسىپ، پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان ولاردان شىنايى حال سۇرادى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ قيمىلعا قاتىناستى.

  شىنجوۋ 12 - ءنومىرلى الەم كەمەسى 6 - ايدىڭ 17 - كۇنى ۇشىرىلعاننان بەرى شي جينپيڭ 3 عارىشكەردىڭ دەنساۋلىعى مەن مىندەت اتقارۋ جاعدايىنا ەرەكشە كوڭىل ءبولدى، 6 - ايدىڭ 23 - كۇنى بەيجيڭ عارىشقا ۇشۋدى مەڭگەرۋ ورتالىعىنا ارنايى كەلىپ، عارىشكەرلەرمەن سويلەستى.

  تۇستەن بۇرىن ساعات 9 دان 35 مينۋت وتكەندە شي جينپيڭ قاتارلىلار قولباسشىلىق زالىنا كىرىپ، ناق مايدانداعى ۇلكەن ەكراننان تيانحى وزەكتى بولمەسى مەن شىنجوۋ 12 - ءنومىرلى الەم كەمەسى قۇراماسىنىڭ قوزعالىس جاعدايىن جانە عارىشكەرلەردىڭ وربيتاداعى قىزمەت جاعدايىن كوردى. ەكراندا تيانحى وزەكتى بولمەسى ىشىندەگى ناقتى كورىنىس ايقىن كورىنىپ تۇر، نيە حايشىڭ، ليۋ بوميڭ، تاڭ حۇڭبو جەكە - جەكە مەحانيكالىق قولمەن وربيتادا جاتتىعۋ نىسانىن جۇرگىزۋ، بولمە سىرتىنداعى عارىش كيىمى جاعدايىن تۇراقتاندىرۋ جانە تەكسەرۋ سياقتى كابينادان شىعۋ الدىنداعى دايىندىق قىزمەتتەردى ىستەدى.

  ساعات 9 دان 40 مينۋت وتكەندە شي جينپيڭ ورنىنان قوزعالىپ، الدىڭعى شەپ قولباسشىلىق ورنىنا باردى. نيە حايشىڭ، ليۋ بوميڭ، تاڭ حۇڭبو سىندى 3 عارىشكەردىڭ كوتەرىڭكى رۋحپەن شي جينپيڭگە قۇرمەت ءبىلدىردى.

  شي جينپيڭ: حايشىڭ جولداس، بوميڭ جولداس، حۇڭبو جولداس، جاپا شەكتىڭىزدەر. مەن پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان سىزدەرگە شىنايى سالەم جولدايمىن! − دەدى.

  نيە حايشىڭ: باس شۋجيگە راقىمەت، بۇكىل ەل حالقىنا راقىمەت! − دەدى.

  شي جينپيڭ: سىزدەر تيانحى وزەكتى بولمەسىنە كىرگەن تۇڭعىش توپتاعى عارىشكەرلەر بولىپ سانالاسىزدار، عارىشتا 3 اي تۇراسىزدار. سىزدەردىڭ عارىشتاعى قىزمەت، تۇرمىس جاعدايلارىڭىز بۇكىل ەل حالقىنىڭ نازارىن قاي - قاشان دا اۋداردى. دەنساۋلىقتارىڭىز قانداي، تۇرمىستارىڭىز قانداي؟ قىزمەتتەرىڭىز ءساتتى مە؟ − دەدى.

  نيە حايشىڭ: باس شۋجيدىڭ قامقورلىعىنا راقىمەت! دەنساۋلىق جاعدايىمىز وتە جاقسى، ءتۇرلى قىزمەتتەرىمىزدىڭ اياق الىسى ءساتتى بولدى. مەن 3 - رەت مىندەت اتقاردىم، تيانحى وزەكتى بولمەسىندە قىزمەت ىستەپ، تۇرمىس كەشىرۋ شارت - جاعدايى بارعان سايىن جاقسارۋدا، جۇڭگو عارىشكەرلەرى عارىش وربيتاسىندا ۇزاق ۋاقىت جۇمىس ىستەيتىن تۇراققا يە بولدى. سوناۋ شالعايداعى الەم كەڭىستىگىندە تۇرعان ءبىز ۇلى پارتيا مەن وتاندى ماقتانىش ەتەمىز جانە داڭق تۇتامىز، − دەدى.

  ليۋ بوميڭ: باس شۋجيگە مالىمەت، مەن مىندەتتى ەكىنشى رەت اتقارىپ وتىرمىن. وسى رەتكى مىندەتكە قاتىناسۋدا بورىشىمنىڭ توتەنشە اۋىرلاعانىن سەزىندىم ءارى شەكسىز داڭققا بولەندىم. الداعى جەردە ءبىز ەكى رەت كابينادان شىعۋ قيمىلىن جانە مەحانيكالىق قولمەن جۇمىس ىستەۋ سياقتى ءبىرقىدىرۋ تەحنيكالىق دالەلدەۋ سىناعىن اتقارامىز، ءبىز، ءسوز جوق، دەن قويا ىستەپ، ءتۇرلى سىناقتاردىڭ ءساتتى بولۋىنا كەپىلدىك ەتەمىز، − دەدى.

  تاڭ حۇڭبو: باس شۋجيگە مالىمەت، مەن الەم كەڭىستىگىنە تۇڭعىش رەت قادام تاستاپ وتىرمىن، سالماقسىز ورتاعا ۇيلەستىم، اس - سۋ، جاتىن ورىن جانە قىزمەت جاعدايىمىز جاقسى، سونداي - اق ءۇي ىشىمىزبەن بەينە ەكران ارقىلى سويلەسە الامىز، ءبىزدىڭ عارىشتاعى تۇراعىمىز كوڭىلگە جىلۋ ۇيالاتادى، وتە جايلى. سوڭعى مىندەتتەردى ويداعىداي ورىنداۋعا سەنىمىمىز كامىل، − دەدى.

  شي جينپيڭ: سىزدەردىڭ جاعدايلارىڭىزدىڭ وتە جاقسى ەكەنىن، قىزمەتتەرىڭىزدىڭ ءساتتى ورىستەتىلىپ وتىرعانىن كورىپ قاتتى قۋاندىق. كەڭىستىك بەكەتىن سالۋ − جۇڭگونىڭ عارىش ىستەرىنىڭ ماڭىزدى بەلەسى، ول ادامزاتتىڭ الەم كەڭىستىگىنەن بەيبىت پايدالانۋىنا ءورىس اشۋ سيپاتىندا ۇلەس قوسادى. سىزدەر جاڭا داۋىردەگى جۇڭگونىڭ عارىش ىستەرىنىڭ سانسىز كۇرەسكەرلەرىنىڭ، تالپىنۋشىلارىنىڭ ۋاكىلدەرىسىزدەر. سىزدەردىڭ تىعىز سايكەسىپ، سوڭعى مىندەتتەردى ءساتتى ورىنداۋلارىڭىزدى ءۇمىت ەتەمىن! عارىشتاعى قىزمەت، تۇرمىستارىڭىزدىڭ ءساتتى بولۋىن تىلەيمىن، ءبىز بەيجيڭدە جەڭىسپەن ورالۋلارىڭىزدى كۇتەمىز! − دەدى.

  نيە حايشىڭ: ءبىز، ءسوز جوق، باس شۋجيدىڭ نۇسقاۋىن ەستە بەرىك ساقتاپ، بورىشتى ادا ەتىپ، ماڭىزدى تاپسىرمانى ورىنداپ، ءتۇرلى مىندەتتەردى باتىل اتقارامىز. باس شۋجي، الاڭسىز بولىڭىز، بۇكىل ەل حالقى، الاڭسىز بولىڭىزدار! − دەدى.

  وسىدان كەيىن 3 عارىشكەر قۇرمەت ءبىلدىردى. شي جينپيڭ ولارعا قول بۇلعاپ قۇرمەت ءبىلدىرىپ، ناق مايدانداعى سىناققا قاتىناسۋشىلاردان حال سۇرادى. تۇتاس الاڭنان ۇزاققا سوزىلعان قىزۋ قول شاپالاق ءۇنى كوتەرىلدى.

  ديڭ شۋەشياڭ، ليۋ حى، شۇي چيلياڭ، جاڭ يوۋشيا، ۋەي فىڭحى، ورتالىق اسكەري ىستەر كوميتەتىنىڭ مۇشەلەر لي زوچىڭ، مياۋ حۋا، جاڭ شىڭمين سويلەسۋ قيمىلىنا قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار