شي جينپيڭ «ءبىر بەلدەۋ، ءبىر جول» ازيا - تىنىق مۇحيت ءوڭىرىنىڭ حالىقارالىق سەلبەستىك جوعارى دارەجەلى ماجىلىسىنە جازباشا ءسوز جولدادى
2021.06.24 15:33 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 23 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 23 - كۇنى «ءبىر بەلدەۋ، ءبىر جول» ازيا - تىنىق مۇحيت ءوڭىرىنىڭ حالىقارالىق سەلبەستىك جوعارى دارەجەلى ماجىلىسىنە جازباشا ءسوز جولدادى.
شي جينپيڭ مىنانى دارىپتەدى: مەنىڭ «ءبىر بەلدەۋ، ءبىر جولدى» بىرگە قۇرۋ باستاماسىن العا قويۋداعى ماقساتىم جىبەك جولى رۋحىنا مۇراگەرلىك ەتىپ، اشىق سەلبەستىك تۇعىرىن قول ۇستاسا سومداپ، ءار ەلدىڭ سەلبەسىپ دامۋىنا تىڭ قوزعاۋشى كۇش ازىرلەۋ ەدى. 8 جىلدان بەرى 140 مەملەكەت جۇڭگو جاقپەن «ءبىر بەلدەۋ، ءبىر جولدى» بىرگە قۇرۋ سەلبەستىك كەلىسىمىنە قول قويىستى، سەلبەستىك سەرىكتەرى بارعان سايىن كوبەيدى. ءارقايسى جاق ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، حالىق تىلەگىن توعىستىرۋدى بەلسەنە ىلگەرىلەتىپ، حالىققا باقىت سيلايتىن قىرۋار ناقتى سەلبەستىك نىسانىن باستاپ، جان - جاقتى، بىرىكپەلى ءوزارا بايلانىس سەرىكتەستىك قاتىناسىن ورناتىپ، بىرگە دامۋدىڭ جاڭا بولاشاعىن اشتى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا ءبىز ءبىر - بىرىمىزگە قارايلاسىپ، قيىنشىلىقتاردى بىرگە جەڭىپ، «ءبىر بەلدەۋ، ءبىر جولدى» بىرگە قۇرۋدىڭ ۇزدىكسىز العا باسۋىن ىلگەرىلەتىپ، حالىقارالىق قوعامعا سەنىم جانە كۇش - قۋات سيلاپ، دۇنيە ءجۇزىنىڭ ىندەتكە قارسى اتتانۋ سەلبەستىگى مەن ەكونوميكانىڭ قالپىنا كەلۋىنە ماڭىزدى ۇلەس قوستىق.
شي جينپيڭ بىلاي دەپ دارىپتەدى: «ءبىر بەلدەۋ، ءبىر جولدى» بىرگە قۇرۋدا بىرگە اقىلداسۋ، بىرگە قۇرۋ، بىرگە يگىلىكتەنۋ سەلبەستىك پرينسيبىن ۇستانىپ، اشىق، جاسىل، پاك بولۋ، سەلبەسۋ ۇستانىمىندا تاباندى بولىپ، جوعارى ولشەمدى، حالىق تۇرمىسىنا تيىمدىلىك جاسايتىن، باياندى سەلبەستىك نىساناسىنا كۇش سالۋ كەرەك. جۇڭگو جاڭا دامۋ كەزەڭىنە قادام تاستاپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، «ءبىر بەلدەۋ، ءبىر جول» سەلبەستىك سەرىكتەستەرىنە اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەدى. جۇڭگو ءارقايسى جاقپەن بىرگە اناعۇرلىم تىعىز «ءبىر بەلدەۋ، ءبىر جول» سەرىكتەستىك قاتىناسىن ورناتىپ، ىنتىماقتاسۋ - سەلبەسۋ، ۇلاستىرۋ - تۇتاستىرۋ، بىرگە دامۋ جولىمەن جۇرۋدە تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋگە پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
