بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2021.06.24 15:36     كەلۋ قاينارى : حالىق تورابى

  «14 - بەسجىلدىق» جوبا مەزگىلىندە الەۋمەتتىڭ يگىلىك، جاڭالىق جاراتۋىن ىشكەرىلەي ىلگەرىلەتىپ، بازاردىڭ ومىرشەڭدىك قۋاتىن ارتتىرىپ، دامۋدى جەبەپ، جۇمىستانۋدى كەڭەيتىپ، حالىق تۇرمىسىنا تيىمدىلىك جاساۋ جونىندە ورنالاستىرۋ جاسادى؛ سىرتقى ساۋدانىڭ جاڭا كۇيىن، جاڭا ۇلگىسىن جەدەل دامىتۋ شارالارىن بەلگىلەپ، سىرتقى ساۋدانىڭ دارەجەسىن جوعارىلاتۋ، باسەكەنىڭ جاڭا ابزالدىعىن جەتىلدىرۋدى ىلگەرىلەتۋ جونىندە ۇيعارىم جاسادى

  شينحۋا اگەنتتىگى، 6 - ايدىڭ 23 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 6 - ايدىڭ 22 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «14 - بەسجىلدىق» جوبا مەزگىلىندە الەۋمەتتىڭ يگىلىك، جاڭالىق جاراتۋىن ىشكەرىلەي ىلگەرىلەتىپ، بازاردىڭ ومىرشەڭدىك قۋاتىن ارتتىرىپ، دامۋدى جەبەپ، جۇمىستانۋدى كەڭەيتىپ، حالىق تۇرمىسىنا تيىمدىلىك جاساۋ جونىندە ورنالاستىرۋ جاسادى؛ سىرتقى ساۋدانىڭ جاڭا كۇيىن، جاڭا ۇلگىسىن جەدەل دامىتۋ شارالارىن بەلگىلەپ، سىرتقى ساۋدانىڭ دارەجەسىن جوعارىلاتۋ، باسەكەنىڭ جاڭا ابزالدىعىن جەتىلدىرۋدى ىلگەرىلەتۋ جونىندە ۇيعارىم جاسادى.

  ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، تاياۋ جىلداردان بەرى جەر - جەر، تاراۋلار جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، «قوس جاسامپازدىقتى» بار كۇشپەن ىلگەرىلەتىپ، قىرۋار بازار تۇلعاسىن جارىققا شىعارىپ، جۇمىستانۋدى، اسىرەسە، جوعارى مەكتەپ بىتىرگەن وقۋشىلاردىڭ جۇمىستانۋىن پارمەندى قولداپ، جاڭا قوزعاۋشى كۇشتىڭ جەدەل جەتىلۋىن جەبەپ، ەكونوميكالىق دامۋدىڭ ىشكى قوزعاۋشى كۇشىن ارتتىردى. «14 - بەسجىلدىق» كەزىندە «قوس جاسامپازدىقتى» ىشكەرىلەي ىلگەرىلەتىپ، جاڭا دامۋ ۇستانىمىنىڭ تالابىن اناعۇرلىم ويداعىداي دايەكتىلەندىرۋ كەرەك. ءبىرىنشى، شارۋاشىلىق قۇرۋ ارقىلى جۇمىستانۋدى جەبەۋدە تاباندى بولۋ كەرەك. ەڭبەككۇش جاعىنداعى قامداۋ - قاجەتسىنۋ قاتىناسىنىڭ ىشكەرىلەي رەتتەلۋى، جۇمىستانۋ ءتاسىلىنىڭ اناعۇرلىم كوپ نەگىزدەنۋى، بازاردىڭ يكەمدىلىگىنىڭ كۇشەيۋى سياقتى جاڭا جاعدايعا سايكەسىپ، «قوس جاسامپازدىقتى» ونان ارى ىلگەرىلەتىپ، ومىرشەڭدىك كۇشكە تولى، باياندى، ورنىقتى تيجارات جۇرگىزەتىن ءتىپتى دە كوپ بازار تۇلعاسىن جەتىلدىرۋ، اسىرەسە، جوعارى مەكتەپ بىتىرگەن وقۋشىلار، شارۋا جۇمىسكەرلەر سياقتى ءتۇيىندى قاۋىمنىڭ كوپ ارنامەن شارۋاشىلىق قۇرىپ، جۇمىستانۋىن جەبەپ، ورتا، شاعىن، ۇساق كاسىپورىنداردىڭ جۇمىستانۋ قابىلەتىن كۇشەيتۋ كەرەك. ەكىنشى، «قوس جاسامپازدىق» ءۇشىن اناعۇرلىم ساپالى دامۋ ەكولوگياسىن قالىپتاستىرۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، ۇيلەسىمسىز كەدەرگىلەردى الاستاپ، ءىرى، ورتا، شاعىن كاسىپورىنداردىڭ توعىسپالى جاڭالىق اشۋىن جەبەپ، كاسىپ تىزبەگىندە جەتەكشى ورىندا تۇراتىن، «تىزبەك نەگىزى» سانالاتىن كاسىپورىنداردى جەتەكشىلىك، تىرەكتىك رولىن ساۋلەلەندىرۋگە شابىتتاندىرىپ، بازار، جاڭالىق اشۋ، قارجى سياقتى فاكتورلار بايلىعىن اشىپ، زەرتتەۋ - اشۋ، جەتىلدىرۋ، قارجى قوسۋ ءبىر تۇلعالانعان شارۋاشىلىق قۇرۋ، جاڭالىق اشۋ، جەتىلدىرۋ ورتالىعىن قۇرىپ، اناعۇرلىم كوپ «ارنايىلانعان، سۇرىپتالعان، ەرەكشە، جاڭا كاسىپورىندار»، «شاعىن الپاۋىت كاسىپورىندار»، جاساۋ كاسىبىنىڭ جەكە تۇرىنەن چەمپيون كاسىپورىندار سياقتى ورتا، شاعىن كاسىپورىنداردىڭ جەتىلۋىن جەبەۋ كەرەك. ءادىل باقىلاپ – باسقارۋدى كۇشەيتىپ، ورىنسىز باسەكەگە قارسى تۇرىپ، ورتا، شاعىن، ۇساق كاسىپورىنداردىڭ جانە جەكەشە ونەركاسىپشىلەر مەن ساۋداگەرلەردىڭ زاڭدى ۇقىق – مۇددەسىن قورعاۋ كەرەك. ءۇشىنشى، شارۋاشىلىق قۇرۋ، جاڭالىق اشۋ ساياساتىنا شابىت بەرۋدى كۇشەيتۋ كەرەك. سالىقتى كەمەيتۋ، كەشىرىم ەتۋ، زەرتتەۋ - اشۋ قاراجاتىن قوسىپ ەسەپتەپ تارتىپ قالۋ، ارتقان قۇن سالىعىنىڭ ارتۋ مولشەرىن دولايلاستىرىپ سالىق قايتارۋ سياقتى ساياساتتاردى ويداعىداي تياناقتاندىرۋ كەرەك. «قوس جاسامپازدىق» بويىنشا قارجى قۇراۋ ارناسىن كەڭەيتىپ، جالپىعا ءتيىمدى فينانس تەبىنىن ارتتىرىپ، قوعامدىق كاپيتالدى بازارلاندىرۋ ءتاسىلى نەگىزىندە شارۋاشىلىق قۇرۋعا قارجى قوسۋعا جەتەكتەۋ قورىن قۇرۋعا شابىتتاندىرۋ كەرەك. يكەمدى جۇمىستانۋشىلاردىڭ تۇرعىن ءۇي الەۋمەتتىك قورى تۇزىمىنە قاتىناسۋىن تۇيىندە سىناق ەتۋدى ىلگەرىلەتۋ كەرەك. ءتىپتى دە كوپ شەتەلدىك دارىندىلاردى جۇڭگوعا كەلىپ شارۋاشىلىق قۇرۋعا باۋراپ، شارت - جاعدايى بار «قوس جاسامپازدىقتان» ۇلگى كورسەتۋ بازالارىنىڭ حالىقارالانۋعا قاراي دامۋىن قولداۋ كەرەك.

  ءماجىلىس مىنالاردى اتاپ كورسەتتى: جاڭا كاسىپ فورماسى، جاڭا ۇلگى − ەلىمىزدىڭ سىرتقى ساۋدا دامۋىنىڭ جاندى كۇشى، سونداي - اق حالىقارالىق ساۋدا دامۋىنىڭ ماڭىزدى بەتالىسى. تاياۋ جىلداردان بەرى ەلىمىزدىڭ سىرتقى ساۋداسىنىڭ جاڭا كۇيى، جاڭا ۇلگىسى جەدەل دامىدى، مۇنىڭ ىشىندە شەكارا اتتاعان ەلەكتروندىق ساۋدا كولەمى 5 جىلدا 10 ەسەگە جۋىق ارتىپ، سىرتقى ساۋدانىڭ تيبىن وزگەرتىپ، دارەجەسىن جوعارىلاتۋدى جەبەدى، اسىرەسە، ىندەتتىڭ سوققىسىندا سىرتقى ساۋدانى ورنىقتىرۋ جاقتارىندا ماڭىزدى رول اتقاردى. كەلەسى قادامدا بىرىنشىدەن، شەكارا اتتاعان ەلەكتروندىق ساۋدانىڭ دامۋىن قولداۋ ساياساتىن كەمەلدەندىرۋ كەرەك. شەكارا اتتاعان ەلەكتروندىق ساۋدا ۋنيۆەرسال سىناق رايونىن تۇيىندە سىناق ەتۋ كولەمىن كەڭەيتۋ كەرەك. شەكارا اتتاعان ەلەكتروندىق ساۋدانىڭ بولشەك ساتىلاتىن يمپورت تاۋارلارىنىڭ ءتىزىمىن ساپالىلاندىرۋ كەرەك. شەكارا اتتاعان ەلەكتروندىق ساۋدانىڭ يمپورت - ەكسپورت، زات اۋىستىرۋ ىستەرىن باسقارۋعا قولايلىلىق جاراتۋ كەرەك. شەكارا اتتاعان ەلەكتروندىق ساۋدا ءبىلىم مەنشىك ۇقىعىن قورعاۋ باعدارناماسىن جاساپ، جالعان، جاراقسىز تاۋارلاردان ساقتانۋ كەرەك. ەكىنشى، شەتەلدەگى قامبالاردىڭ دامۋىن بەلسەنە ىلگەرىلەتۋ كەرەك. ءداستۇرلى سىرتقى ساۋدا كاسىپورىندارى، شەكارا اتتاعان ەلەكتروندىق ساۋدا جانە زات اينالىمى كاسىپورىندارى سياقتىلاردى شەتەل قامبا قۇرىلىسىنا ات سالىسۋعا شابىتتاندىرىپ، شەتەل قامباسىنىڭ سيفرلانۋ، زەردەلىلەنۋ دەڭگەيىن جوعارىلاتىپ، ورتا، شاعىن، ۇساق كاسىپورىنداردىڭ كەمەدەن پايدالانىپ تەڭىزگە شىعۋىن جەبەپ، ەل ىشىندەگى ايگىلى ماركالاردى، «قوس جاسامپازدىق» ونىمدەرىن حالىقارالىق بازار كەڭىستىگىن كەڭەيتۋگە جەتەكتەۋ كەرەك. ءۇشىنشى، بازار ارقىلى ساتىپ الۋ ساۋدا ءتاسىلىن بەلسەنە دامىتىپ، سىرتقى ساۋداعا جالپىلىق قىزمەت وتەيتىن كاسىپورىنداردى شوعىرلى ۋاكىلدىك رەتىندە سالىق قايتارۋ قىزمەتىنىڭ ونىمدىلىگى مەن حاۋىپ - قاتەردى باسقارۋ - مەڭگەرۋ دەڭگەيىن جوعارىلاتۋعا جەتەكتەپ، جالپىلىق قورعامالى سالىق رايونىنداعى، ەركىن ساۋدا سىناق رايونىنداعى كاسىپورىنداردىڭ قورعامالى سالىق ىستەرىن جۇرگىزۋىنە قولداۋ كورسەتىپ، شارت - جاعدايى بار جەرلەردىڭ رايوننان تىسقارى ساۋدانى دامىتۋىن قولداۋ كەرەك. ءتورتىنشى، حالىقارالىق اۋىس - كۇيىستى، سەلبەستىكتى اناعۇرلىم ىلگەرىلەتۋ كەرەك. سىرتقى ساۋدانىڭ جاڭا كۇيى، جاڭا ۇلگىسى جونىندەگى حالىقارالىق ەرەجەلەر مەن ولشەمدەردى جاساۋعا بەلسەنە قاتىناسۋ كەرەك. ءبىلىم مەنشىك ۇقىعىن قورعاۋ، مەملەكەت اتتاعان زات اينالىمى سياقتى سالالارداعى حالىقارالىق سەلبەستىكتى كۇشەيتۋ كەرەك.

  ءماجىلىس باسقا ىستەردى دە اقىلداستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار