ساياسي كەڭەس تۇراقتى كوميتەتىنىڭ 17 - ءماجىلىسى جابىلدى
ۋاڭ ياڭ ءماجىلىستى باسقاردى ءارى ءسوز سويلەدى
2021.06.24 15:38 كەلۋ قاينارى : حالىق تورابى
«حالىق گازەتى»، 6 - ايدىڭ 23 – كۇنى، بەيجيڭ (ءتىلشى فىڭ چۇنمەي). ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 17 - ءماجىلىسى 6 - ايدىڭ 23 - كۇنى تۇستەن بۇرىن بيجيڭدە جابىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جابىلۋ جيىنىن باسقاردى ءارى ءسوز سويلەدى.
ۋاڭ ياڭ بىلاي دەپ اتاپ كورسەتتى: ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاعان، پارتيا قۇرىلعانىنىڭ 100 جىلدىعىن قارسى الۋ ساتىندە تۇرعان ماڭىزدى ۋاقىت كەزەڭىندە مەملەكەتتىك ساياسي كەڭەستىڭ تۇراقتى كوميتەتى «<14 – بەسجىلدىق> جوبانىڭ تياناقتانۋىن ىلگەرىلەتىپ، جاڭا دامۋ جاعدايىن كۇش سالا قالىپتاستىرايىق» دەگەن نەگىزگى تاقىرىپ بويىنشا ۇكىمەت ءىسىن كەڭەستى، بۇل − مەملەكەتتىك ساياسي كەڭەستىڭ باس شۋجي شي جينپيڭنىڭ جاڭا دامۋ جاعدايىن ورناتۋ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، «14 – بەسجىلدىق» جوبادا جاقسى باستاما باستاپ، جاقسى قادام تاستاۋعا دەم بەرۋدەگى ءىس جۇزىندىك ارەكەتى. كەڭەسۋ بارىسىندا تۇراقتى مۇشەلەر وسكەلەڭ ساياسي جاۋاپكەرلىكپەن مىندەتىن مۇقيات اتقارىپ، جاۋاپكەرلىكتى ادا ەتىپ، جاڭا دامۋ جاعدايىن قالىپتاستىرۋعا ورتاق تانىم، اقىل - پاراسات، كۇش - قۋات توپتاپ، حالىق ساياسي كەڭەسىنىڭ ارناۋلى كەڭەس قۇرىلىمى بولۋ سىندى ابزالدىق رولى مەن جاۋاپكەرلىك ارقالاۋىن تولىق ايگىلەدى.
ۋاڭ ياڭ بىلاي دەپ دارىپتەدى: جاڭا دامۋ جاعدايىن ورناتۋ − ەلىمىزدىڭ جاڭا دامۋ كەزەڭىندەگى وراي مەن سىن - سايىستارعا توتەپ بەرۋدەگى، جاڭا دامۋ ۇستانىمىن دايەكتىلەندىرۋدەگى ستراتەگيالىق ورنالاستىرۋى، مەملەكەتتىك ساياسي كەڭەس قىزمەت تاسىلىندە ۇزدىكسىز جاڭالىق اشىپ، كەڭەس امالياتىن بايىتىپ، نازاردى جاڭا دامۋ جاعدايىن ورناتۋعا شوعىرلاندىرا وتىرىپ ۇكىمەت ءىسىن بەلسەنە كەڭەسىپ، جوعارى دەڭگەيدە مىندەت اتقارىپ، ساپالى دامۋعا قىزمەت ەتۋى كەرەك. ماماندار كەڭەس قوعامى تەكشەسىنەن پايدالانىپ، «14 - بەسجىلدىق» كەزىندەگى ەكونوميكالىق، قوعامدىق دامۋداعى كەلەلى ماسەلەلەرگە قاراتا كورەگەندىكپەن زەرتتەۋ جۇرگىزىپ، ىشكەرىلەي كەڭەسىپ، قيسىندى، قۇندى ۇسىنىس - پىكىرلەردى العا قويۋ كەرەك. كەڭەسۋ ۇلگىسىندەگى باقىلاۋدىڭ وزگەشە ابزالدىعىن ساۋلەلەندىرىپ، «14 – بەسجىلدىق» جوبانىڭ اتقارىلۋىنا قاتىستى قىزمەتتەردى ارقاۋ ەتە وتىرىپ دەموكراتيالىق باقىلاۋ جۇرگىزىپ، اقىل - كەڭەس بەرۋدى جانە ورتاق تانىم ۇيىستىرۋدى باقىلاۋدىڭ تۇتاس بارىسىنا ءسىڭىرۋ كەرەك. «ساياسي كەڭەستى ءتۇسىنۋ، كەڭەسە ءبىلۋ، ۇكىمەت ءىسىن كەڭەسۋگە شەبەر بولۋ» تالابى بويىنشا ۇيرەنۋدى كۇشەيتىپ، كەڭەس ەرەجەسىن يگەرىپ، ءونىمدى شابىت بەرىپ، جەتەكشىلىك ەتىپ، مۇشەلەردىڭ «14 – بەسجىلدىق» جوبانى تياناقتاندىرۋ قىزمەتىنە ات سالىسۋ جونىندەگى كەڭەسۋ قابىلەتىن جوعارىلاتۋ كەرەك.
ۋاڭ ياڭ مىنالاردى دارىپتەدى: ج ك پ ورتالىق كوميتەتىنىڭ ورنالاستىرۋى بويىنشا، دەن قويا دايىندىق كورىپ، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا سويلەيتىن ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ويداعىداي ىستەپ، ۇيرەنۋدىڭ ناقتى ونىمدىلىگىنە ءمان بەرىپ، ساياسي كەڭەستىڭ ەرەكشەلىگىن كورنەكتىلەندىرىپ، ساياسي كەڭەستەگى پارتيا تاريحىن ۇيرەنۋ تاربيەسىنىڭ ىشكەرىلەي جۇرگىزىلۋىن ىلگەرىلەتۋ كەرەك.
ءماجىلىس داۋىسقا سالۋ ارقىلى ۋاڭ جيڭچيڭ مەن ۋاڭ شياۋدۇڭدى مەملەكەتتىك 13 - كەزەكتى ساياسي كەڭەستىڭ مۇشەلىگىنە تولىقتاۋدى؛ ۋاڭ شياۋدۇڭدى اۋىل شارۋاشىلىعى جانە اۋىل - قىستاق كوميتەتى مەڭگەرۋشىسىنىڭ ورىنباسارلىعىنا، ۋاڭ جيڭچيڭدى وقۋ - اعارتۋ، عىلىم - تەحنيكا، دەنساۋلىق ساقتاۋ، دەنەتاربيە كوميتەتى مەڭگەرۋشىسىنىڭ ورىنباسارلىعىنا تولىقتاۋدى؛ ليۋ حۋا جولداستىڭ قىزمەت سەبەبىنەن 13 - كەزەكتى مەملەكەتتىك ساياسي كەڭەستىڭ مۇشەلىگىنەن شەگىنۋ ءوتىنىشىن قابىلداۋدى ۇيعاردى، ليۋ حۋا جولداستىڭ حالىق سانى، بايلىق، ورتا كوميتەتى مەڭگەرۋشىسىنىڭ ورىنباسارلىعى مىندەتىن اتقارماۋىن ۇيعاردى.
ءماجىلىستىڭ جابىلۋ جيىنىنىڭ الدىندا ۇيرەنۋ لەكسياسى وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، ورتالىق پارتيا تاريحى جانە قۇجات زەرتتەۋ ورنىنىڭ باستىعى چۇي چيڭشان «جۇڭگو كوممۋنيستىك پارتياسىنىڭ 100 جىلىن جانە 100 جىلدىق زور وزگەرىستى» نەگىزگى تاقىرىپ ەتىپ، جۇڭگو كوممۋنيستىك پارتياسىنىڭ 100 جىلدىق دامۋ بارىسى، دۇنيە ءجۇزىنىڭ زور وزگەرىسىنىڭ كۇردەلى جاعدايى جانە باس شۋجي شي جينپيڭنىڭ «ەكى جالپى جاعداي» جونىندەگى ماڭىزدى پايىمداۋلارىن ىشكەرىلەي ۇيرەنۋ، دايەكتىلەندىرۋ تالابى سياقتى جاقتاردان پىسىقتاۋ جاسادى ءارى تۇراقتى مۇشەلەرمەن پىكىر اۋىستىردى.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ليۋ چيباۋ، ۋان گاڭ، لۋ جانگۇڭ، ۋاڭ جىڭۋەي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
