جۇڭگونىڭ ۋاكىلى ا ق ش جاقتى باسقا مەملەكەتتەرگە باعىتتالعان سىڭار جاقتىلى جازالاۋ شارالارىن دەرەۋ كۇشىنەن قالدىرۋعا قۋزادى
2021.06.25 12:55 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 23 – كۇنى ب م ۇ – نان حابارلايدى. ب م ۇ – نىڭ 75 – كەزەكتى قۇرىلتايى 6 – ايدىڭ 23 – كۇنى جالپى ءماجىلىس وتكىزىپ، «ا ق ش – نىڭ كۋباعا قاراتقان ەكونوميكالىق، ساۋدالىق جانە فينانستىق قۇرساۋىن، ءسوزسىز، توقتاتۋ» تاقىرىبىن قارادى. جۇڭگونىڭ ب م ۇ – ندا تۇراتىن ۋاكىلى جاڭ جۇن ماجىلىسكە قاتىناستى ءارى ءسوز سويلەدى، ول ا ق ش – ىن باسقا مەملەكەتتەرگە باعىتتالعان سىڭار جاقتىلى ءماجبۇرلەۋ شارالارىن دەرەۋ كۇشىنەن قالدىرۋعا قۋزادى.
جاڭ جۇن مىنانى ءبىلدىردى: قازىر جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزى بويىنشا تارالۋدا، بۇل ءار ەلدىڭ، وتە – موتە، دامۋ ۇستىندەگى ەلدەردىڭ ەكونوميكاسى مەن قوعامىنىڭ دامۋىنا اۋىر سوققى بولدى. ءار ەل ادامزاتتىڭ تاعدىرلاس ورتاق تۇلعاسى تانىمىن شىعار ءتۇيىن ەتىپ، ىندەتكە تىزە قوسا قارسى اتتانىپ، قايتا گۇلدەنۋدىڭ اناعۇرلىم ويداعىداي بولۋىن ىلگەرىلەتىپ، بىرگە دامۋعا تالپىنۋى قاجەت. الايدا، ءىشىنارا باتىس ەلدەرى سىڭار جاقتىلى جازالاۋ شارالارىن قالاعانىنشا الباتى قولدانىپ، حالىقارالىق بەلگىلەمەلەردى اياققا تاپتاپ، حالىقارالىق تارتىپتەردى ءبۇلدىرىپ، حالىقارالىق قارىم – قاتىناستاردى زاھارلاندىرۋدا. وسىعان باعىتتاي وتىرىپ ءار ەل قارسى جازالاۋ شارالارىن قولدانۋعا، سىڭار جاقتىلى جازالاۋعا باتىل قارسى تۇرۋعا جانە قارسى شابۋىلعا وتۋگە، وزدەرىنىڭ زاڭدى ۇقىق – مۇددەلەرىن پارمەندى تۇردە قورعاۋعا تولىق ۇقىقتى.
جاڭ جۇن مىنانى ءبىلدىردى: ا ق ش – نىڭ كۋبا قاتارلى ەلدەرگە سىڭار جاقتىلى ماجبۇرلەۋ شارالارىن اتقارۋى بەيبىتشىلىك پەن دامۋ، سەلبەستىك پەن تەڭ يگىلكتەنۋ سىندى حالىقارالىق اعىمعا مۇلدە سايكەس كەلمەيدى، 2030 – جىلعا دەيىنگى كۇن تارتىپتەگى حالىقارالىق ورتاق تانىمعا قايشى كەلىپ، ءار ەل حالقىنىڭ ءومىر ءسۇرۋ ۇقىعىنا، دامۋ ۇقىعىنا جانە ءتۇرلى نەگىزدىك ادامدىق ۇقىقتارىنا زيان جەتكىزەتىندىىكتەن، ونى، ءسوزسىز، توقتاتۋ كەرەك. وكىنەرلىگى، ا ق ش كۋباعا باعىتتالعان ەكونوميكا، ساۋدا جانە فينانس جاقتارىنداعى قۇرساۋدى كۇشىنەن قالدىرماعانىمەن قويماي، جۋىردا ونان ارى ۇستەمەلەدى. بىرلەسكەن مەملەكەتتەر ۇيىمىنىڭ ءماجىلىسى 28 جىل بويى باسىم كوپ داۋىسپەن «ا ق ش – نىڭ كۋباعا باعىتتالعان ەكونوميكا، ساۋدا جانە فينانس جاقتارىنداعى قۇرساۋىن توقتاتۋ» قاۋلىسىن ماقۇلدادى، بۇل حالىقارالىق قوعامداعى ادىلەتتىڭ ءۇنى، ءسوزسىز، ءىس جۇزىندە اتقارىلۋى كەرەك.
بۇل رەتكى ماجىلىستە كۋبا ورتاعا قويعان «ا ق ش – نىڭ كۋباعا باعىتتاعان ەكونوميكا، ساۋدا جانە فينانس جاقتارىنداعى قۇرساۋىن، ءسوزسىز، توقتاتۋ» قاۋلى جوباسىنا داۋىس بەرىلىپ، بۇل قاۋلى 184 داۋىستىڭ قولداۋى، 2 داۋىستىڭ قارسى تۇرۋى، 3 داۋىستىڭ قالىس قالۋى سىندى باسىم كوپ داۋىسپەن ماقۇلداندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
