شي جينپيڭ سەربيانىڭ زۇڭتۇڭى ۆۋچيچپەن تەلەفوندا سويلەستى
2021.06.25 17:20 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 24 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 24 - كۇنى سەربيانىڭ زۇڭتۇڭى ۆۋچيچپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: سەربيا حالقى − ادامگەرشىلىككە ءمان بەرەتىن ۇلت، جۇڭگو مەن سەربيانىڭ «ەتەنە سۇيىسپەنشىلىگى» اسا باعالى، ءبىزدىڭ باتىلدىقپەن قورعاپ، ۇرپاقتان - ۇرپاققا جالعاپ ساۋلەلەندىرۋىمىزگە تاتيدى. قازىر جۇڭگو مەن سەربيا جاڭا وراي مەن سايىسقا ءدوپ كەلىپ وتىر، جۇڭگو سەربيامەن بىرگە ەكى جاقتى قاتىناسقا ستراتەگيالىق جانە ۇزاق بولاشاقتىق تۇرعىدان مامىلە جاساپ جانە ونى دامىتىپ، جۇڭگو مەن سەربيانىڭ دوستىق قاتىناسىن ۇزاق ۋاقىت بەكەمدەۋدى قالايدى.
شي جينپيڭ بىلاي دەپ دارىپتەدى: ءبىز ءوز مەملەكەتتەرىمىزدىڭ يەلىك ۇقىعى مەن حاۋىپسىزدىگىن قورعاۋ جولىنداعى قۇلشىنىستارىمىزدا ءوزارا باتىلدىقپەن قولداۋىمىز كەرەك. جۇڭگو سەربيا حالقىنىڭ ءوز ەلىنىڭ جاعدايىنا ساي تاڭداعان دامۋ جولىن قولدايدى. ەكى جاق «ءبىر بەلدەۋ، ءبىر جولدى» جوعارى ساپامەن بىرگە قۇرۋدى جەدەل ىلگەرىلەتىپ، سەلبەستىكتىڭ جاڭا ارتۋ تۇيىندەرىن جەتىلدىرىپ، ورايدان بىرگە يگىلىكتەنىپ، دامۋدى بىرگە قاراستىرۋى كەرەك. جاڭا تيپتى ايدارشا ۆيرۋس وكپە قابىنۋ ىندەتى، ەكونوميكانى قالپىنا كەلتىرۋ، كليمات وزگەرىسى سياقتى دۇنيە جۇزىلىك سايىستارعا تىزە قوسا توتەپ بەرۋ كەرەك. سەربيا جاق قاجەت ەتسە بولعانى، جۇڭگو جاق سەربيا جاقتىڭ ىندەتكە قارسى اتتانۋىنا ۇزدىكسىز كومەك كورسەتۋدى قالايدى. كوپ جاقتى ىستەردە سەلبەستىكتى كۇشەيتىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭ مەن حالىقارالىق قاتىناستىڭ نەگىزگى ولشەمىن باتىلدىقپەن قورعاپ، ناعىز كوپ جاقتىلىقتى امالياتتا ايگىلەۋ كەرەك. جۇڭگو - ورتا، شىعىس ەۆروپا ەلدەرى باسشىلارى باس قوسۋىنداعى ورتاق تانىم مەن جەتىستىكتەردى ويداعىداي تياناقتاندىرىپ، جۇڭگو - ورتا، شىعىس ەۆروپا ەلدەرى سەلبەستىگىنىڭ ۇزدىكسىز تىڭ دامۋشىلىقتارعا قول جەتكىزۋىن ىلگەرىلەتۋ كەرەك.
ۆۋچيچ مىنانى ءبىلدىردى: جۇڭگو كوممۋنيستىك پارتياسىنىڭ عاسىرلىق مەرەي تويىن قىزۋ قۇتتىقتايمىن. جۇڭگو كوممۋنيستىك پارتياسىنىڭ باسشىلىعىندا جۇڭگو دۇنيە ءجۇزىن جالت قاراتقان ۇلى تابىستارعا قول جەتكىزىپ، مەملەكەتتىڭ قۇدىرەتتەنۋىن جۇزەگە اسىرىپ، دۇنيە ءجۇزىنىڭ بەيبىتشىلىگى مەن دامۋىن جەبەيتىن ماڭىزدى كۇشكە اينالدى. مەن جۇڭگو كوممۋنيستىك پارتياسىنىڭ جۇڭگو حالقىن باستاپ، جۇڭگوشا سوتسياليزم جولىمەن ارشىندى قاداممەن العا باساتىنىنا كامىل سەنەمىن. جۇڭگو − سەربيانىڭ ۇلى دوسى، سەربيا - جۇڭگو قاتىناسى قازىر تاريحتاعى ەڭ جاقسى دەڭگەيدە تۇر، سەربيا جاق سەربيا مەن جۇڭگونىڭ «ەتەنە دوستىعىن» ماقتانىش ەتەدى. جۇڭگو سەربيانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى كومەك كورسەتىپ، ءداستۇرلى دوستىقتى تەرەڭدەتتى جانە بەكەمدەدى، ۆاكسينا سياقتى جاقتاردا سەلبەستىكتى ۇزدىكسىز كۇشەيتۋدى ءۇمىت ەتەمىن. سەربيا «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، ءار سالاداعى ناقتى سەلبەستىكتى كەڭەيتۋدى قالايدى. سەربيا جۇڭگو - ورتا، شىعىس ەۆروپا ەلدەرى سەلبەستىگىن باتىل قولدايدى ءارى ۇزدىكسىز بەلسەندىلىكپەن ىلگەرىلەتەدى. سەربيا - جۇڭگو دوستىعىنىڭ ماڭگى جالعاسۋىن تىلەيمىن!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
