بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ فيدجيدىڭ زۇڭليى باينيمارامامەن تەلەفوندا سويلەستى

2021.06.25 17:23     كەلۋ قاينارى : حالىق تورابى

  شينحۋا اگەنتتىگى، 6 - ايدىڭ 24 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 24 - كۇنى فيدجيدىڭ زۇڭليى باينيمارامامەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: فيدجي − جاڭا جۇڭگومەن ەڭ ەرتە ديپلوماتيالىق قاتىناس ورناتقان تىنىق مۇحيتتاعى ارال ەلى. ديپلوماتيالىق قاتىناس ورناتقان 46 جىلدان بەرى جۇڭگو - فيدجي قاتىناسى وراسان زور دامۋعا قول جەتكىزدى، ماڭىزدى ءبىر تاجىريبە ەكى جاقتىڭ باستان - اياق ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءبىرىن - ءبىرى قولداۋى بولدى. جۇڭگو فيدجيدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرۋىنا قۇرمەت ەتەدى، فيدجي جاقپەن بىرگە جۇڭگو مەن فيدجيدىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتىپ، وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋعا پەيىل.

  شي جينپيڭ بىلاي دەپ دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن فيدجي ءبىر جاعادان باس، ءبىر جەڭنەن قول شىعارىپ، ىندەتكە تىزە قوسا قارسى اتتاندى، ەكى ەلدىڭ دوستىعى مەن سەلبەستىگى ۇزدىكسىز تەرەڭدەدى. جۇڭگو جاق فيدجي جاقتىڭ ىندەتكە قارسى اتتانۋىنا ۆاكسينا سياقتى جاقتاردان ۇزدىكسىز قولداۋ كورسەتۋدى، جۇڭگو - تىنىق مۇحيت ارال ەلدەرىنىڭ شۇعىل جاعدايعا توتەپ بەرۋ زاتتىق ماتەريالدارىن زاپاس ساقتاۋ قويماسىن قۇرىپ، فيدجي سياقتى ارال ەلدەرىنىڭ كەلەلى الەۋمەتتىك دەنساۋلىق ساقتاۋ وقيعالارى مەن جاراتىلىستىق اپاتتارعا توتەپ بەرۋ قۋاتىن جوعارىلاتۋىنا كومەكتەسۋگە پەيىل. جۇڭگو فيدجي جاقپەن ستراتەگيالىق ۇشتاسۋدى كۇشەيتىپ، «ءبىر بەلدەۋ، ءبىر جولدى» بىرگە قۇرىپ، ساۋدا، قارجى قوسۋ، نەگىزدىك قۇرىلعى، قاتىناس، حابارلاسۋ، ساياحات سياقتى سالالارداعى سەلبەستىكتى تەرەڭدەتىپ، ساڭىراۋقۇلاق ءشوبى، اۋىل شارۋاشىلىق تەحنيكاسى سەلبەستىگى سياقتى نىسانداردى ۇزدىكسىز ويداعىداي اتقارىپ، فيدجي ەكونوميكاسىنىڭ، قوعامىنىڭ دامۋىنا دەم بەرۋدى قالايدى. جۇڭگو فيدجي جاقتىڭ كليمات وزگەرىسىنە توتەپ بەرۋ قۋاتىن جوعارىلاتۋىن ۇزدىكسىز قولدايدى.

  باينيماراما مىنانى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتايمىن. ءتوراعا شي جينپيڭنىڭ كورەگەندىگى مەن پارمەندى باسشىلىعىندا، جۇڭگو ۇلى دامۋ جەتىستىكتەرىنە قول جەتكىزىپ، دۇنيە جۇزىندە ماڭىزدى جەتەكشىلىك رول اتقاردى. جۇڭگو جاقتىڭ فيدجي جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى قولداۋ كورسەتكەنىنە العىس ايتامىن. فيدجي ءبىر جۇڭگو ساياساتىن باتىلدىقپەن اتقارىپ، تايۋانعا، شياڭگاڭعا، شينجياڭعا ساياتىن ماسەلەلەردە وبيەكتيۆ، ءادىل مايداندا تۇرىپ، جۇڭگونىڭ مۇددەسىنە زيان جەتكىزەتىن ىستەردى ىستەمەيدى. فيدجي جۇڭگومەن بارىس - كەلىستى كۇشەيتىپ، ءوزارا ءتيىمدى سەلبەستىكتى تەرەڭدەتىپ، حالىقارالىق ىستەردەگى قاتىناستى، سەلبەستىكتى نىعايتۋدى قالايدى. «ءبىر بەلدەۋ، ءبىر جولدى» بىرگە قۇرۋدىڭ بولاشاعى زور، فيدجي مەن جۇڭگونىڭ سەلبەستىگىنە ماڭىزدى وراي اكەلەدى، فيدجي جاق بۇعان ۇزدىكسىز بەلسەندىلىكپەن قاتىناسادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار