وقۋ – اعارتۋ مينيسترلىگى: قوعامداعى كۋرس قۇرىلىمدارىنىڭ جانە جەكەلەردىڭ تالاپ كەستەسىن تولتىرۋعا كەڭەس بەرۋ ارەكەتىنە باقىلاۋ – باسقارۋدى كۇشەيتەدى

2021.06.26 09:51   كەلۋ قاينارى : حالىق تورابى

　　ءتىلشىنىڭ 6 – ايدىڭ 23 – كۇنى وقۋ – اعارتۋ مينيسترلىگىنەن ۇعىسۋىنشا، 2021 – جىلعى جوعارى مەكتەپ ەمتيحانى تالاپ كەستەسىن تولتىرۋ قىزمەتى باستالادى. وقۋ – اعارتۋ مينيسترلىگى مىنانى تالاپ ەتتى: جەر – جەردەگى جوعارى مەكتەپتەر جەرگىلىكتى ورىننىڭ ءىس جۇزىندىك جاعدايىنا بىرلەستىرە وتىرىپ، جوعارى مەكتەپ ەمتيحانىنا قاتىستى ينفورماتسيالاردى جاريالاۋ جولدارى مەن جاريالاۋ تاسىلدەرىن اناعۇرلىم كەمەلدەندىرىپ، ينفورماتسيالاندىرىلعان تاسىلدەردى تولىق پايدالانىپ، ەمتيحان بەرگەندەردىڭ تالاپ كەستەسىن تولتىرۋىنا ءتۇرلى جاقتان جەتەكشىلىك ەتۋى جانە قىزمەت كورسەتۋى كەرەك. جەر – جەر ينتەرنەت ينفورماتسياسى كەڭسەسى، قوعام حاۋىپسىزدىگى مەكەمەسى، بازاردى باقىلاۋ – باسقارۋ تاراۋى قاتارلى ورىنداردى سايكەستىرە وتىرىپ، قوعامداعى كۋرس قۇرىلىمدارى مەن جەكەلەردىڭ تالاپ كەستەسىن تولتىرۋعا كەڭەس بەرۋ قيمىلىنا باقىلاۋ – باسقارۋدى كۇشەيتۋى، اسىرا جارنامالاعان، جالعان جارناما جاساعان، جوعارى باعادا كەڭەس بەرۋ اقىسىن العان، كۋرستىق قىزمەت وتەۋدى بەلگىلەمەگە قايشى تۇردە ورىستەتكەن دەلدالدىق قۇرىلىمدار، توراپتار، App قولدانبالارى قاتارلىلاردى زاڭ بويىنشا قاتاڭ تەكسەرىپ ءبىرجاقتى ەتۋى كەرەك.


　　كەلۋ قاينارى: حالىق تورابى