بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۋەلگى ماقساتتى، بورىشتى ەستە بەرىك ساقتاپ، ۇزدىكسىز كۇرەس جۇرگىزىپ العا تارتتى

2021.06.28 15:29     كەلۋ قاينارى : شينجياڭ گازەتى

  جۇڭگو كوممۋنيستىك پارتياسىنىڭ 100 جىلدىق مەرەيتويىن قارسى الۋ قارساڭىندا رايونىمىزدىڭ جەر - جەرى جاڭا پارتيا مۇشەلەرىنىڭ پارتياعا كىرۋ سەرتىن بەرۋ جانە پارتيا مۇشەلەرىنىڭ پارتياعا كىرۋ سەرتىن قايتالاي پىسىقتاۋ قيمىلىن ورىستەتتى.

  6 - ايدىڭ 24 - كۇنى تۇستەن بۇرىن اۆتونوميالى رايوندىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ پارتيالى كادرلارى 8 - ارميانىڭ شينجياڭداعى ءىس باسقارماسى ەسكەرتكىش سارايىنا بارىپ، ىززەت - قۇرمەتپەن ەكسكۋرسيالادى، ۇيرەندى. ناقتى بۇيىمداردى ەكسكۋرسيالاۋ، ءتۇسىندىرۋدى تىڭداۋ، كەسكىن ماتەريالدارىن كورۋ ارقىلى پارتيالى كادرلار جۇڭگو كوممۋنيستەرىنىڭ ۇلتتىڭ تاۋەلسىزدىگى مەن حالىقتىڭ ازاتتىعى ءۇشىن شينجياڭدا قايسارلىقپەن توڭكەرىس جانە كۇرەس جۇرگىزگەن عالامات تاريحىن ىشكەرىلەي ءتۇسىندى.

  جىر ەتەرلىك توڭكەرىستىك حيكايالاردان، ەشتەڭەدەن تايسالمايتىن توڭكەرىستىك رۋحتان كوپشىلىك تەرەڭ تاربيە الدى. ەكسكۋرسيا اياقتاعاننان كەيىن بارلىق پارتيا مۇشەسى پارتياعا كىرۋ سەرتىن قايتا پىسىقتادى، اسقاق تا ايبىندى سەرت بەرۋ ۇندەرى ۇلكەن زالدى كەرنەدى. كوپشىلىك مىنالاردى ءبىلدىردى: پارتياعا كىرۋ سەرتىن ماڭگى ەستە بەرىك ساقتاپ، داڭقتى ءداستۇردى ساۋلەلەندىرىپ، اۋەلگى ماقساتتى، بورىشتى ەستە بەرىك ساقتاپ، ءداۋىردىڭ اۋىر مىندەتىن ارقالاپ، توڭكەرىستىك ارداگەر قۇربانداردىڭ سول ءۇشىن كۇرەسكەن، سول ءۇشىن قۇربان بولعان ۇلى ىستەردى كۇش سالا العا ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراسات پەن كۇش - قۋات قوسامىز.نەشە كۇننەن بەرى ءۇرىمجى كەدەنى ورگاندى، سونداي - اق قاراستى كەدەندەردى ۇيىمداستىرىپ، جەلىلەس تاقىرىپتىق پارتيا كۇنى قيمىلىن وتكىزىپ، پارتيا مۇشەلەرىن مەملەكەت قاقپاسىنىڭ بيولوگيالىق حاۋىپسىزدىك تاربيەسى ۇلگى كورسەتۋ بازاسى، شينجياڭ اسكەري رايونى بەلگىلى قىزىل ارميا شىسى سياقتى جەرلەردى ەكسكۋرسيالاۋعا ۇيىمداستىردى ءارى پارتياعا كىرۋ سەرتىن قايتالاي پىسىقتادى.

  ءۇرىمجى كەدەنى كەڭسەسى ينفورماتسيا، ۇگىت ءبولىمىنىڭ باستىعى لياڭ فاڭ بىلاي دەدى:” 20 جىلدىڭ الدىندا مەن شەكارا وتكەلى كەدەنىندە سەرت بەرىپ پارتياعا كىرىپ، قىزمەتتەستەرىممەن بىرگە شەكارا كەدەنىنە تامىر تارتىپ، مەملەكەت قاقپاسىنىڭ حاۋىپسىزدىگىن قورعادىم. بۇگىن ءبىز پارتياعا كىرۋ سەرتىن قايتالاي پىسىقتاپ، قاجىرلىلىقپەن كۇرەس جۇرگىزىپ، ءىس ىستەۋ بەكىمىن ونان ارى نىعايتتىق“.

  ءۇرىمجى قالاسى سايباق رايونى حوتان ءمالىسى اۋماعىن باسقارۋ كوميتەتى سۋ يگىلىگى الەۋمەتتىك اۋماعىندا ورىستەتىلگەن ”پارتيا تۋى تيانشاندى نۇرلاندىردى“ اتىنداعى پارتياعا كىرۋ سەرتىن قايتالاي پىسىقتاۋ قيمىلىندا 51 جىلدىق پارتيا ستاجى بار الەۋمەتتىك اۋماق تۇرعىنى قادىر سادىق توتەنشە تەبىرەندى. ول بىلاي دەدى: ”كوممۋنيستىك پارتيانىڭ جەتەكشىلىگىندە جۇڭگودا وراسان زور وزگەرىستەر تۋىلدى، ءبىز جۇڭگو كوممۋنيستىك پارتياسى نە ءۇشىن ىسكەر ەكەندىگىن، ماركسيزم نە ءۇشىن جارامدى ەكەندىگىن، جۇڭگوشا سوتسياليزم نە ءۇشىن جاقسى ەكەندىگىن تەرەڭ تانىدىق. مەن ءوز تۇسىنىگىمدى، اسەرىمدى ۇرپاق تاربيەسىنە ءسىڭىرىپ، قىزىل رۋحتى ۇرپاقتان - ۇرپاققا جالعاستىرامىن“.

  6 - ايدىڭ 22 - كۇنى G0711 ءۇرىمجى − لوپنۇر جوعارى جىلدامدىقتى تاس جولىنىڭ 5 - توقتام بولىگى تيانشان شىڭلي تۋنەلى 1 - ءنومىرلى اۋا الماستىرۋ تىك قۇدىعى جۇمىس اۋماعى نىسان ءبولىمى تەڭىز دەڭگەيىنەن 3500 مەتر بيىكتىكتەگى قۇرىلىس جۇمىس باسىندا پارتيا تاريحىن ۇيرەنۋ تاربيەسىن ورىستەتتى ءارى پارتياعا كىرۋ سەرتىن قايتالاي پىسىقتادى. ”ءبىز جاپاعا ەرەكشە ءتوزىمدى، ەرەكشە كۇرەسكەر، ەرەكشە ۇلەسكەر بولۋ رۋحىن ۇزدىكسىز ساۋلەلەندىرىپ، ءۇرىمجى − لوپنۇر جوعارى جىلدامدىقتى تاس جولىندا ەرتەرەك اۆتوكولىك قاتىناۋىنا كۇش قوسىپ، ءىس جۇزىندىك ارەكەت جانە ۇزدىك ناتيجە ارقىلى پارتيا قۇرىلعاندىعىنىڭ 100 جىلدىعىن قۇتتىقتايمىز“، - دەدى وسى نىسان ءبولىمىنىڭ جاۋاپتىسى جو جۇنبو.

  6 - ايدىڭ 24 - كۇنى حوشۇت اۋدانى مالان حۇڭشان اسكەري مۇراجايىندا شينجياڭ مەتال قورىتۋ قۇرىلىسى (توبى) شەكتى جاۋاپكەرشىلىك سەرىكتەستىگىنىڭ جاڭا پارتيا مۇشەلەرى پارتيا تۋى الدىندا وڭ قولدارىن كوتەرىپ سەرت بەردى. ”پارتياعا كىرۋ جاۋاپكەرشىلىك پەن بورىشتان دەرەك بەرەدى، ايانباي شايقاسۋ مەن كۇرەسۋدەن دەرەك بەرەدى، شەشۋشى ساتتەردە توتەپ بەرۋدەن، قيىن - قىستاۋ ساتتەردە اتويلاپ الدا جۇرۋدەن دەرەك بەرەدى. ءبىز ماڭايىمىزداعى تاڭداۋلى پارتيا مۇشەلەرىن ۇلگى ەتىپ، ءوز اقىل - پاراساتىمىز بەن جاستىق كوكتەمىمىزدى پارتيانىڭ ىستەرىنە جانە بۇكىل ىنتا - پەيىلىمەن حالىق ءۇشىن ىستەۋ قىزمەتىنە ءسىڭىرىپ، ءىس جۇزىندىك ارەكەتىمىز ارقىلى پارتيانىڭ 100 جىلدىق مەرەي تويىنا تارتۋ ۇسىنامىز!“، - دەدى جاڭا پارتيا مۇشەسى جيا چىڭلۇڭ.

  سول كۇنى شاعانتوعاي اۋدانى جاڭا پارتيا مۇشەلەرى ۋاكىلدەرىنىڭ پارتياعا كىرۋ سەرتىن بەرۋ قيمىلىن ورىستەتتى، 40 جاڭا پارتيا مۇشەسى ۋاكىلى پارتيا تۋى الدىندا سالتاناتپەن سەرت بەردى. جاڭا پارتيا مۇشەسى ۋاكىلى پاراسات جانات بىلاي دەدى: ”مەن ۇيرەنۋدە ۇلگى، قىزمەتتە ۇلگى، تارتىپتە ۇلگى بولۋعا تالپىنىپ، ومىرلىك تالپىنىسىم جانە ارەكەتىم ارقىلى كوممۋنيستەردىڭ اۋەلگى ماقساتىن، بورىشىن امالياتتا ايگىلەيمىن“.

  (ءتىلشى جاڭ يۇنمەي، جازۋعا قاتىناسقان تىلشىلەر جاڭ يانفاڭ، چىن چياڭۋي، يۇي جياڭيان، ياڭ شۋحان، شى شين)

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار