شينجياڭعا كومەكتەسەتىن مەديتسينا ماماندارىنىڭ شەكارا وڭىرلەرىن ارالاي ءجۇرىپ تەگىن ەمدەۋ قىزمەتى باستالدى
2021.06.29 13:11 كەلۋ قاينارى : حالىق تورابى
شينجياڭ گازەتىنىڭ 6 – ايدىڭ 28 – كۇنى ۇرىمجىدەن بەرگەن حابارى. انار بۇلت \ شينجياڭ گازەتى ءتىلشىسى سۋ لۋپيڭ حابارلايدى: 6 – ايدىڭ 25 – كۇنى تۇستەن بۇرىن، بۇكىل شينجياڭداعى 7 ەمحانادان كەلگەن، «شينجياڭعا ماحاببات . شەكارا ساپارى — 10 – توپتاعى شينجياڭعا كومەكتەسەتىن مەديتسينا ماماندارىنىڭ شەكارانى ارالاپ تەگىن ەمدەۋ، ناقتى ءىس تىندىرۋ» قيمىلىنا قاتىناسقان، شينجياڭعا كومەكتەسەتىن مەديتسينا ماماندارىنان 10 مامان بۇراتالا وبىلىسى مەن تارباعاتاي ايماعىنا بارىپ، سول جەردەگى شينجياڭعا كومەككە بارعان مەديتسينا ماماندارىمەن كەزدەسىپ، شەكارا وڭىرلەرگە بارىپ ەمدەۋ جۇرگىزۋ، ءدارى – دارمەك بەرۋ، مەيىر جەتكىزۋ قيمىلىنا بىرگە اتتاندى.
«مەن بۇقارا ءۇشىن ناقتى ءىس ىستەيمىن» اتتى امالياتتىق قيمىلدى تىڭعىلىقتى، ىشكەرىلەي ورىستەتۋ ءۇشىن، شينجياڭ ۇيعۇر اۆتونوميالى رايوندىق پارتكومنىڭ ۇيىمداستىرۋ ءبولىمى، اۆتونوميالى رايوندىق دەنساۋلىق ساقتاۋ – سالاماتتىق كوميتەتى «شينجياڭعا ماحاببات . شەكارا ساپارى — 10 – توپتاعى شينجياڭعا كومەكتەسەتىن مەديتسينا ماماندارىنىڭ شەكارانى ارالاپ تەگىن ەمدەۋ، ناقتى ءىس تىندىرۋ» قيمىلىن بىرگە ورىستەتتى.
بۇل رەتكى شەكارانى ارالاپ تەگىن ەمدەۋ قيمىلى 5 ايعا جالعاسىپ، 10 ايماقتى (وبلىس، قالا) قامتيدى. جەرگىلىكتى ورىنداعى دەنساۋلىق ساقتاۋ – سالاماتتىق قاجەتىنە جانە ءالسىز تۇيىندەرگە نەگىزدەلە وتىرىپ، ولكە، توتە قاراستى قالالار مەن ورتالىقتاعى ورىنداردان شينجياڭعا كومەكتەسۋگە كەلگەن مەديتسينا ماماندارىنان ءبىر توبىن اي سايىن قاتىستى ايماق، وبلىس، قالالارداعى شەكارالىق اۋدانداردىڭ اۋىل – قىستاقتارى، شەكارالىق قورعانىس قاراۋىل ورنى، وتكەل، شەكارالىق تەكسەرۋ پۋنكتى قاتارلى جەرلەرگە سارالاپ جىبەرىپ، ءار ۇلت جۇرتشىلىعىنىڭ ناۋقاسىن تەگىن ەمدەيدى، ۇنەمى پايدالاناتىن ءدارى – دارمەكتەردى تەگىن ۇسىنادى، جاي اۋرۋلاردان، قايتالامالى اۋرۋلاردان ساقتانۋ بىلىمدەرى جونىندە لەكسيا ۇيىمداستىرادى.
كۇردەلى، سالماقتى ناۋقاستاردى دەر كەزىندە ەمدەيدى، ناق مايداندا ەمدەۋگە كەلمەيتىن اۋرۋلارعا باعىتتاي وتىرىپ، شينجياڭعا كومەكتەسەتىن مەديتسينا ماماندارى ەمدەۋگە قاتىستى ۇسىنىستارىن ايتادى ءارى سالماقتى ناۋقاستاردىڭ ەمدەلۋىنە مەديتسينالىق جاسىل ءدالىز اشادى.
سونىمەن بىرگە، شينجياڭعا كومەكتەسەتىن مەديتسينا ماماندارى شەكاراداعى نەگىزگى ساتىلارداعى ەمحانالارعا ىشكەرىلەي بارىپ، وقىتۋ – ۇيرەتۋ جانە ناۋقاس بولمەلەرىن تەكسەرۋ، عىلىمي لەكسيالار سويلەۋ، ناۋقاستاردىڭ جاعدايىن تالقىلاۋ، وپەراتسيا جاساۋدان ۇلگى كورسەتۋ – ۇيرەتۋ قاتارلى قيمىلداردى ورىستەتىپ، نەگىزگى ساتىلارداعى مەديتسينا قىزمەتكەرلەرىمەن اڭگىمە ءماجىلىسىن وتكىزەدى، بەتپە – بەت اڭگىمەلەسۋ، قولما – قول ۇيرەتۋ، جەتەرسىز ءتۇيىندى تولىقتاۋعا، مەحانيزم قۇرۋعا، تەكشە تىكتەۋگە كومەكتەسۋ ارقىلى نەگىزگى ساتىلاردىڭ ەمدەۋ – دەنساۋلىق ساقتاۋ جاعىنداعى قىزمەت وتەۋ ورەسىن جوعارىلاتادى.
«بۇل رەتكى شەكارانى ارالاپ تەگىن ەمدەۋ قيمىلىنا قاتىناسىپ، پارتيا قۇرىلعاندىعىنىڭ 100 جىلدىعىن قۇتتىقتاۋعا ءوز ۇلەسىمدى قوسقانىمدى شەكسىز داڭق سەزىنەمىن جانە وعان ماقتانامىن»، — دەيدى اۆتونوميالى رايوندىق حالىق ەمحاناسى جەل – قۇز اۋرۋلارىنا قاتىستى يممۋنيتەت ءبولىمىنىڭ ورىنباسار مەڭگەرۋشىسى، بەيجيڭ شيەحى ەمحاناسىنىڭ مەڭگەرۋشى شيپاگەرى سۋ جينمەي: «ءبىز الدا شىن جۇرەكپەن، ىستىق ىقىلاسپەن شەكارا وڭىردەگى ءار ۇلت جۇرتشىلىعىنا ويداعىداي قىزمەت وتەپ، ولاردىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى ارتتىرۋعا كۇش سالامىز».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
