بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قوعامدىق قامتاماسىزداندىرۋ جۇيەسى اناعۇرلىم كەمەلدەنىپ، بۇقارانىڭ كوڭىلى اناعۇرلىم ورنىقتى

      □ انار بۇلت/شينجياڭ گازەتىنىڭ ءتىلشىسى جاۋ شييا

2021.06.29 16:10     كەلۋ قاينارى : شينجياڭ گازەتى

  پارتيا 18 - قۇرىلتايىنان بەرى رايونىمىز قوعامدىق قامتاماسىزداندىرۋ ىستەرىندە جاڭالىق اشا دامۋدى ءبىر تۇتاس جوسپارلاپ ىلگەرىلەتىپ، نەگىزدىك زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋى تۇزىمدەرىن ۇزدىكسىز كەمەلدەندىرىپ، قوعامدىق قۇتقارۋ - كومەكتەسۋ جانە ەڭ تومەنگى شەكتەن تۇسىرمەي قامتاماسىزداندىرۋ قىزمەتىن تىڭعىلىقتى ويداعىداي ىستەپ، جالپى حالىقتى قامتىعان، قالا، اۋىلدى ءبىر تۇتاس جوسپارلاعان، لايىقتى قامتاماسىزداندىراتىن، باياندى، كوپ ساتىلى قوعامدىق قامتاماسىزداندىرۋ جۇيەسىن كۇش سالا ورناتتى. بۇگىنگى كۇندە بارعان سايىن ءجيى، بارعان سايىن بەرىك توقىلعان قوعامدىق قامتاماسىزداندىرۋ تورى ءار ۇلت بۇقاراسىنىڭ تاماشا تۇرمىسىنا مەيىرىمدىلىك نەگىزىن ازىرلەدى.

  قوعامدىق قامتاماسىزداندىرۋدىڭ قامتۋ كولەمىن ورنىقتى قاداممەن كەڭەيتتى

  باھارگۇل باكىر قۇمىل قالاسى يجوۋ رايونى شيحى ءمالىسى شيڭفۋ الەۋمەتتىك اۋماعىنداعى ەڭ تومەنگى تۇرمىسى قامتاماسىزداندىرىلاتىن وتباسى، جۇبايى قايتىس بولعان، ۇل - قىزى جوق، ونىڭ ۇستىنە دەنە قۋاتى ءالسىز، اۋرۋشاڭ، تۇرمىسىندا قيىنشىلىق بار ەدى. ءبىراز جىلدىڭ الدىندا الەۋمەتتىك اۋماق قىزمەتكەرلەرى ونىڭ ءىس جۇزىندىك جاعدايىنا نەگىزدەلە وتىرىپ، وعان نەگىزدىك زەينەتكەرلىك، ەمدەۋ سياقتى قوعامدىق قامسىزداندىرۋلاردى ءبىتىرىپ بەرگەن. بۇگىنگى كۇندە ءار ايداعى ەڭ تومەنگى تۇرمىسىن قامتاماسىزداندىرۋ قاراجاتى مەن زەينەتكەرلىك كومەك قاراجاتىن جانە نەگىزدىك ەمدەۋ قامسىزداندىرۋىن قوسقاندا، ونىڭ تۇرمىسىندا نەگىزدىك سۇيەنىش جانە قامتاماسىزدىق بار بولدى. باھارگۇل: ”مەنىڭ قازىرگىدەي تۇرمىسىم بولۋى پارتيانىڭ ابزال ساياساتىنىڭ ارقاسى“، - دەدى.

  ەڭ تومەنگى شەكتەن تۇسىرمەۋ، قوعامدىق قامتاماسىزداندىرۋ تورىن ءجيى توقىپ، مەحانيزم ورناتتى، سوڭعى جىلدارى رايونىمىز قالا، اۋىلداردىڭ دامۋىن ءبىر تۇتاس جوسپارلاپ، ءتۇزىم قۇرىلىسىن اناعۇرلىم كەمەلدەندىرىپ، قالا، اۋىل تۇرعىندارىن بۇكىلدەي قامتىعان قوعامدىق قامتاماسىزداندىرۋ جۇيەسىن قۇرۋدى، كەمەلدەندىرۋدى جەدەلدەتىپ، قوعامدىق قامسىزداندىرۋدىڭ قامتۋ كولەمىن ورنىقتى قاداممەن كەڭەيتتى.

  ”13 - بەسجىلدىق“ كەزىندە رايونىمىز جالپى حالىقتىڭ قامسىزداندىرۋعا قاتىناسۋ جوسپارىن اتقارۋدى قوعامدىق قامتاماسىزداندىرۋ ارقىلى حالىققا تيىمدىلىك جاساۋ ينجەنەرياسىنا ەنگىزىپ، اۆتونوميالى رايوننىڭ ءتۇيىندى رەفورما مىندەتىنە كىرگىزىپ، كەدەيلىكتەن ارىلتۋدان قامال الۋ سياقتى قىزمەتتەرمەن بەلسەنە ۇشتاستىرىپ، ۇكىمەت جەتەكشىلىك ەتىپ، تاراۋلار سەلبەسەتىن، جوعارى مەن تومەن بىرلەسە ارەكەتتەنەتىن جاۋاپكەرشىلىك جۇيەسى مەن ىلگەرىلەتۋ مەحانيزمىن قالىپتاستىردى. ”13 - بەسجىلدىق“ كەزىندە قوعامدىق قامسىزداندىرۋدىڭ قامتۋ كولەمى ۇزدىكسىز كەڭەيىپ، تۇزىمدىك جاپپاي قامتۋدان جۇرتشىلىقتى جاپپاي قامتۋعا قاراي قادام باسۋدى جۇزەگە اسىردى.

  باقىتتى قارتتىق ءداۋىردى جان - جاقتىلى قامتاماسىزداندىردى

  6 - ايدىڭ 11 - كۇنى ءۇرىمجى قالاسى زەينەتكە شىققان قىزمەتشىلەرگە 6 - ايداعى زەينەتاقىسىن تاراتتى، بۇل 2021 - جىلى زەينەتاقى جوعارىلاتىلعاننان كەيىن تۇڭعىش تاراتىلعان زەينەتاقى. 81 جاستاعى زەينەتكەر ۋاڭ يۇڭچىڭ زەينەتاقىسىن العاننان كەيىن تىلشىگە: ”6 - ايداعى ەڭبەكاقىم بۇرىنعى نەگىزدە 260يۋان ءوسىپتى، كۇندەرىمىز، شىنىندا، بارعان سايىن ارلەنۋدە“، - دەدى.

  زەينەتكەرلىككە قىزمەت وتەۋ تورىن ءجيى، بەرىك توقىپ، قارتتار تۇرمىسىن اناعۇرلىم قامتاماسىزداندىردى. پارتيا 18 - قۇرىلتايىنان بەرى پارتيا ورتالىق كوميتەتى مەن مەملەكەتتىك كەڭەستىڭ ءبىر تۇتاس ورنالاستىرۋى بويىنشا، رايونىمىز نورما بەلگىلەپ رەتتەۋ، ۇشتاستىرىپ رەتتەۋ جانە لايىقتى بەيىمدەلگەن رەتتەۋ تاسىلدەرىن قولدانىپ، زەينەتكە شىققان قىزمەتكەرلەردىڭ نەگىزدىك زەينەتاقى دەڭگەيىن جوعارىلاتتى. نورما بەلگىلەپ رەتتەۋ جالپىعا ءتيىمدى سيپاتىن ايگىلەپ، زەينەتاقىنى رەتتەۋ ساياساتىنان يگىلىكتەنۋگە ۇيلەسەتىن بارلىق زەينەتكەرلەرگە پايدا جەتكىزدى؛ ۇشتاستىرىپ رەتتەۋ قامسىزداندىرۋ قاراجاتىن تاپسىرعان جىل شەگى ۇزاق، تاپسىرعان قاراجات تاعانى جوعارى زەينەتكەرلەرگە زەينەتاقىنى كوبەيتىپ، ”كوپ تاپسىرعاندار كوپ الۋ، ۇزاق ۋاقىت تاپسىرعاندار كوپ الۋ“ سىندى شابىتتاندىرۋ مەحانيزمىن ايگىلەدى؛ لايىقتى بەيىمدەلگەن رەتتەۋ جاسى ۇلعايعان ادامدارعا، جاپالى، شەكارا، شالعاي رايوندارداعى زەينەتكەرلەرگە، كاسىپورىندارداعى اسكەري قوسىننان كاسىپ اۋىستىرعان كادرلارعا ءتۇيىندى تۇردە قامقورلىق جاساۋدى ايگىلەدى.

  قيىنشىلىعى بار بۇقاراعا ەڭ تومەنگى شەكتەن تۇسىرمەي ”قامتاماسىزداندىرۋ تورىن“ ءجيى توقىدى

  6 - ايدىڭ 16 - كۇنى اۋات اۋدانى عورۇچول قالاشىعى كەلپىن قىستاعىندا حالىق ىستەرى كومەكشىسى گۇلباھرام ابىلەت قىستاق تۇرعىنى اۋاگۇل ياسىنعا ”شينجياڭ قۇتقارۋ - كومەكتەسۋ“ قول تەلەفون APPىنەن ينفورماتسيا تەكسەرىپ بەرىپ جاتىر. ”سەنىڭ وسى ايداعى ەڭ تومەنگى تۇرمىس قامتاماسىزداندىرۋ قاراجاتىڭ 362.5 يۋان ەكەن، تاعى مۇگەدەكتەرگە بەرىلەتىن 100 يۋان تۇرمىستىق قوسىمشا قاراجاتىڭ بار، اقشا سەنىڭ بانكە كارتچكاڭا كىرىپ بولىپتى“، - دەپ گۇلباھرام قول تەلەفونىنداعى ينفورماتسيانى اۋاگۇلگە ايتىپ جاتتى.

  2018 - جىلى رايونىمىز قىستاق دارەجەلى حالىق ىستەرى كومەكشىسى سىناق ءتۇيىنى قىزمەتىن ورىستەتىپ، ەڭ تومەنگى تۇرمىسىن قامتاماسىزداندىرۋ قىزمەتىن ءتىپتى دە ەگجەي - تەگجەيلى، دالمە - ءدال ىستەپ، نەگىزگى ساتىعا قىزمەت وتەۋ قۋاتىن كورنەكتى جوعارىلاتتى. گۇلباھرام رايونىمىزدىڭ تۇڭعىش توپتاعى قىستاق دارەجەلى حالىق ىستەرى كومەكشىلەر قوسىنىنىڭ ءبىر مۇشەسى.

  ەڭ تومەنگى تۇرمىسىن قامتاماسىزداندىرۋ قيىنشىلىعى بار بۇقارانىڭ نەگىزدىك تۇرمىسى مەن كيەر كيىم، ىشەر اس جاعدايىنا سايادى. اۆتونوميالى رايوندىق پارتكوم مەن ۇكىمەت جوعارى دەڭگەيدە جوبالاۋدى كۇشەيتىپ، رەفورما ارقىلى قوعامدىق قۇتقارۋ - كومەكتەسۋ ءتۇزىمىن كەمەلدەندىرۋ، ەڭ تومەنگى تۇرمىسىن قامسىزداندىرۋ ولشەمىن يكەمدى رەتتەۋ مەحانيزمىن ورناتۋ، قامسىزداندىرۋ كولەمىن كەڭەيتۋ سياقتى ءبىرسىپىرا شارالاردى اتقارىپ، دالمە - ءدال قامسىزداندىرۋدى، قامسىزداندىرۋعا تيىستىلەرىنىڭ بارلىعىن تۇگەلدەي قامسىزداندىرۋدى جۇزەگە اسىردى.

  دالمە - ءدال قۇتقارۋ - كومەكتەسۋدى جۇرگىزۋ نەگىزىندە، اۆتونوميالى رايوندىق حالىق ىستەرى مەڭگەرمەسى قازىنا مەڭگەرمەسىمەن بىرگە ەڭ تومەنگى تۇرمىسىن قامتاماسىزداندىرۋ ولشەمىن يكەمدى ارتتىرۋ مەحانيزمىن ۇزدىكسىز كەمەلدەندىرىپ، قالا، اۋىلداردىڭ ەڭ تومەنگى تۇرمىسىن قامتاماسىزداندىرۋ ولشەمىن جىلدان - جىلعا جوعارىلاتىپ، قيىنشىلىعى بار بۇقارانىڭ نەگىزدىك تۇرمىسى ۇزدىكسىز جاقسارىپ، تابىس سەزىمى، باقىت سەزىمى كورنەكتى كۇشەيدى.

  ”بەستە قامسىزداندىرىلاتىن“ قارتتاردى جيىپ ءبىر جەردە كۇتىمدەۋدى جانە جەتىم بالالاردى جيىپ باعىپ - قاعۋ قىزمەت وتەۋ قۇرىلىمدارىن جاڭادان سالۋدى جانە وزگەرتىپ قۇرۋدى كۇشەيتتى، اسىرەسە، اۋىل - قىستاقتاردا باقىت ۇلكەن اۋلاسىن قۇرىپ پايدالانۋعا بەرىپ، ”بەستە قامسىزداندىرىلاتىن“ قارتتاردى جيىپ ءبىر جەردە كۇتىمدەۋ مولشەرىن جاپپاي جوعارىلاتتى؛ مۇگەدەكتەردىڭ 2 ءتۇرلى قوسىمشا قاراجات ءتۇزىمىن جاپپاي ورناتتى، مۇگەدەكتەردىڭ 2 ءتۇرلى قوسىمشا قاراجات ولشەمى ايىنا ادام باسىنا بەرىلەتىن 80 يۋاننان جوعارىلاپ، ايىنا ادام باسىنا 100 يۋاننان جوعارى بەرىلەتىن بولدى... ”13 - بەسجىلدىق“ كەزىندە رايونىمىز جاپپاي قامتىعان، نەگىزىنەن قامتاماسىزداندىرىلعان، باياندى قۇتقارۋ - كومەكتەسۋ جۇيەسىن جاپپاي ورناتتى، جەر - جەردەگى حالىق ىستەرى تاراۋلارى ەڭ تومەنگى شەكتەن تۇسىرمەي قامتاماسىزداندىرۋ تورىن ۇزدىكسىز ءجيى، بەرىك توقىپ، قيىنشىلىعى بار بۇقارانىڭ جاقسى قورعاۋشىسى بولۋعا بار كۇشتەرىن سالدى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار