بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

 شي جينپيڭ رەسەيدىڭ زۇڭتۇڭى پۋتينمەن بەينە ەكراندا ديدارلاستى

ەكى ەلدىڭ مەملەكەت باسشىلارى «جۇڭگو - رەسەي كورشىلىك دوستىق سەلبەستىك شارتىنىڭ» ۋاقىتىن ۇزارتاتىندىقتارىن جاريالادى

2021.06.30 16:00     كەلۋ قاينارى : شينجياڭ گازەتى



    شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 28 - كۇنى تۇستەن كەيىن بەيجيڭدە رەسەيدىڭ زۇڭتۇڭى پۋتينمەن بەينە ەكراندا ديدارلاستى. ەكى ەلدىڭ مەملەكەت باسشىلارى بىرلەسكەن مالىمدەمە جاريالاپ، «جۇڭگو - رەسەي كورشىلىك دوستىق سەلبەستىك شارتىنىڭ» ۋاقىتىن ۇزارتاتىندىقتارىن رەسمي ۇيعاردى. پۋتين جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ مەرەيمەن قۇتتىقتادى.

  شي جينپيڭ بىلاي دەپ اتاپ كورسەتتى: ءبىز الداعى جەردە «جۇڭگو - رەسەي كورشىلىك دوستىق سەلبەستىك شارتىنا» قول قويىلعاندىعىنىڭ 20 جىلدىعىن قارسى الامىز. «جۇڭگو - رەسەي كورشىلىك، دوستىق سەلبەستىك شارتىندا» تۇراقتانعان ۇرپاقتان - ۇرپاققا جالعاسقان دوستىق ۇستانىمى ەكى ەلدىڭ ءتۇبىرلى مۇددەسىنە ۇيلەسەدى، بەيبىتشىلىك پەن دامۋدىڭ داۋىرلىك نەگىزگى تاقىرىبىنا باپ كەلەدى، ول جاڭاشا حالىقارالىق قارىم - قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدىڭ جاندى امالياتى. بۇگىنگى جۇڭگو مەن رەسەيدىڭ قارىم - قاتىناسى كەمەلىنە كەلگەن، ورنىقتى، بەكەم، ءارقانداي حالىقارالىق اۋمالى - توكپەلى وزگەرىستىڭ سىناعىنان سۇرىنبەي وتە الادى. ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءوزارا باتىل قولداپ، ستراتەگيالىق سەلبەستىكتە مول ونىمدىلىككە قول جەتكىزىپ، ەكى ەلدىڭ ورتاق مۇددەسىن پارمەندى قورعادى. ناقتى ىستەر سەلبەستىگىنىڭ جەتىستىگى قوماقتى بولدى، ساپاسى مەن كولەمى تەڭ قادامدا جوعارىلادى. حالىقارالىق ىستەردە تىعىز سايكەسىپ، سەلبەسىپ، شىن مانىندەگى كوپ جاقتىلىق پەن حالىقارالىق ادىلدىكتى، تۋراشىلدىقتى بىرگە قورعادى. دۇنيە ءجۇزى اۋمالى - توكپەلى وزگەرىس مەزگىلىنە وتكەن، ادامزاتتىڭ دامۋى قات - قابات داعدارىسقا ۇشىراعان جاعدايدا جۇڭگو مەن رەسەي تىعىز سەلبەسىپ، حالىقارالىق قوعامعا وڭ ەنەرگيا ۇستەدى، جاڭاشا حالىقارالىق قارىم - قاتىناستىڭ تيپتىك ۇلگىسىن ورناتتى. ءبىز جۇڭگو مەن رەسەيدىڭ باستان - اياق باعداردان جازباعان، قوزعاۋشى كۇشتى كەمىتپەگەن تابىستى تاجىريبەلەرىن جالپى بەتتىك قورىتىندىلاپ، ءار سالاداعى سەلبەستىكتىڭ جاڭا نىسانالارى، جاڭا مىندەتتەرى جونىندە جوعارى دەڭگەيلى جوبا جاساپ، «جۇڭگو - رەسەي كورشىلىك، دوستىق سەلبەستىك شارتىنا» جاڭا داۋىرلىك ءمان قوسۋىمىز كەرەك. «شارت» رۋحىنىڭ جەتەكشىلىگىندە مەيلى العا باسۋ جولىندا تاعى قانشاما قايقاڭعا شىعۋعا، قانشاما كەدەرگىدەن وتۋگە تۋرا كەلسە دە، جۇڭگو - رەسەي ەكى ەل الداعى جەردە ۇزدىكسىز كۇش - قۋاتتى ۇيىستىراتىندىعىنا، ورنىقتى العا ىلگەرىلەيتىندىگىنە سەنەمىز.

  پۋتين جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتاپ، مىنالاردى ءبىلدىردى: رەسەي جاق تاريحتاعى جۇڭگو كوممۋنيستىك پارتياسىمەن بارىس - كەلىس جاساۋ بارىسىن قاستەرلەيدى، جۇڭگو كوممۋنيستىك پارتياسىمەن پارتيالار ارا بارىس - كەلىستى كۇشەيتۋدى قالايدى، جۇڭگو كوممۋنيستىك پارتياسىنىڭ باسشىلىعىندا جۇڭگونىڭ ەكونوميكالىق، قوعامدىق دامۋدا جاڭا ناتيجەگە قول جەتكىزۋىن ءارى حالىقارالىق ىستەردە اناعۇرلىم ماڭىزدى رول اتقارۋىن تىلەيدى.

  پۋتين مىنالاردى ءبىلدىردى: «رەسەي - جۇڭگو كورشىلىك، دوستىق سەلبەستىك شارتى» ەكى ەل حالقىنىڭ ۇرپاقتان - ۇرپاققا جالعاسقان دوستىق تىلەگىن بەينەلەيدى، «شارتتا» تۇراقتانعان قاتىستى پرينسيپ پەن رۋح رەسەي - جۇڭگو قارىم - قاتىناسىنىڭ ۇزاق ۋاقىت دامۋىندا ماڭىزدى، وزگەشە رول اتقاردى. رەسەي جاق كەزەكتەگى رەسەي - جۇڭگو قارىم - قاتىناسىنىڭ بۇرىن بولماعان جوعارى دەڭگەيگە جەتكەندىگىنە جانە ەكى ەل سەلبەستىگىنىڭ جالپى بەتتىك، ورنىقتى دامىعاندىعىنا ريزا. بۇگىن ءبىز بىرلەسكەن مالىمدەمە جاريالاپ، تاراتىپ، «رەسەي - جۇڭگو كورشىلىك، دوستىق سەلبەستىك شارتىنىڭ» ۋاقىتىن ۇزارتۋدى رەسمي ۇيعاردىق، بۇل الداعى جەردە رەسەي - جۇڭگو قارىم - قاتىناسىنىڭ باياندى دامۋىنا اناعۇرلىم بەرىك نەگىز قالايدى. رەسەي جاق جۇڭگو جاقپەن ستراتەگيالىق ءوزارا سەنىمدىلىكتى ۇزدىكسىز تەرەڭدەتىپ، ستراتەگيالىق سەلبەستىكتى جيىلەتىپ، ءار جاقتىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى قۇلشىنىسىن ۇزدىكسىز ءوزارا باتىل قولداپ، ءار جاقتىڭ تاڭداعان ءتۇزىم جانە دامۋ جولىنا ءوزارا قۇرمەت ەتىپ، ناقتى ىستەر سەلبەستىگى مەن گۋمانيتارلىق اۋىس - كۇيىستى تەرەڭدەتىپ، حالىقارالىق ىستەردەگى سايكەسۋدى، سەلبەسۋدى كۇشەيتىپ، رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرۋدى قالايدى.

  شي جينپيڭ پۋتيننىڭ جانە رەسەيدىڭ ءار سالاسىنداعىلاردىڭ كوپ ءتۇرلى تاسىلدەر ارقىلى جۇڭگو كوممۋنيستىك پارتياسىنىڭ 100 جىلدىق مەرەي تويىن قۇتتىقتاعاندىعىنا جانە قولداعاندىعىنا العىس ايتتى. شي جينپيڭ بىلاي دەپ باسا دارىپتەدى: جۇڭگو جاق رەسەي جاقتىڭ مەملەكەتتىڭ باياندى تىنىشتىعىن قورعاۋدا قولدانعان پارمەندى شاراسىن باتىل قولدايدى، رەسەي جاقتىڭ ءوز ءىسىن جاقسى ىستەۋىن باتىل قولدايدى.

  ەكى جاق مىنالاردى باسا دارىپتەدى: بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى بىرگە باتىل قورعاپ، الەمدىك ستراتەگيالىق حاۋىپسىزدىكتى، ورنىقتىلىقتى قورعاپ، شىن مانىندەگى كوپ جاقتىلىقتى قولداپ جانە امالياتتا ايگىلەپ، ”دەموكراتيانى“ جانە ”ادامدىق ۇقىقتى“ جەلەۋ ەتىپ وزگە ەلدەردىڭ ىشكى ىسىنە كيلىگۋگە قارسى تۇرامىز، سىڭار جاقتى ماجبۇرلەمەلى جازالاۋعا قارسى تۇرامىز.

  ەكى جاق بەيبىت، دامىعان، تەپە - تەڭ، ءادىل، دەموكراتيالى، ەركىن بولعان بۇكىل ادامزاتتىڭ ورتاق قۇنىن بىرگە اسقاقتاتىپ، ىنتىماقتاسا سەلبەسۋدى كۇشەيتىپ، ورتاق سىن - سايىسقا كۇش بىرىكتىرە توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ءبىر اۋىزدان قوسىلدى.

  ەكى جاق ىندەتتەن جانە ۆيرۋستىڭ قاينارىن ىزدەۋدەن پايدالانىپ، اتقا داق سالۋعا، ساياسيلاندىرۋعا بىرگە قارسى تۇراتىندىقتارىن باسا دارىپتەدى.

  ەكى جاق مىنالارعا قوسىلدى: جوعارى جىكتەگىلەردىڭ ءجيى بارىس - كەلىسىن ۇزدىكسىز ساقتاپ، ۆاكسينا جاعىنداعى سەلبەستىكتى كۇشەيتىپ، ەكى جاقتى ساۋدانىڭ كولەمىن ۇزدىكسىز كەڭەيتىپ، تومەن كومىرتەكتى ەنەرگيا، سيفرلى ەكونوميكا، اۋىل شارۋاشىلىعى سياقتى سالالارداعى سەلبەستىكتى كەڭەيتىپ، ”ءبىر بەلدەۋ، ءبىر جول“ باستاماسىنىڭ ەۆروپا - ازيا ەكونوميكالىق وداعىمەن ۇشتاسۋىن ىلگەرىلەتەمىز. ەكى جاق سپورتتى ساياسيلاندىرۋعا بىرگە قارسى تۇرادى، رەسەي جاق بەيجيڭ قىسقى وليمپيادا سپورت جارىسىنىڭ تابىستى وتكىزىلۋىن قولدايدى.

  ەكى جاق بىلاي دەپ قارادى: قازىرگى جاعدايدا شاڭحاي سەلبەستىك ۇيىمى جاڭا ورايلار مەن سىن - سايىستارعا ءدوپ كەلىپ وتىر، وسى ۇيىمنىڭ دامۋىن جان - جاقتى جوسپارلاۋ جانە ىلگەرىلەتۋ كەرەك.

  ەكى جاق تاعى جۋىقتان بەرى امەريكا مەن ناتونىڭ اۋعانستاننان جەدەل اسكەر شەگىندىرگەندىگىنە، اۋعانستان حاۋىپسىزدىك جاعدايىنىڭ ونان ارى كۇردەلىلەسىپ، قيىنداسىپ بارا جاتقاندىعىنا نازار اۋدارا كەلىپ، ءوڭىردىڭ بەيبىتشىلىگىن، حاۋىپسىزدىگىن جانە ورنىقتىلىعىن بىرگە قورعاۋدى باسا دارىپتەدى.

  ياڭ جيەچى، ۋاڭ ي قاتارلىلار جوعارىداعى قيمىلعا قاتىناستى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار