95 ميلليون 148 مىڭ پارتيا مۇشەسى، 4 ميلليون 864 مىڭ نەگىزگى ساتى پارتيا ۇيىمى بار
جۇڭگو كوممۋنيستىك پارتياسى 100 جىلدىق ۇلى بارىستا ۇزدىكسىز دامىپ، زورايدى
جالىندى تىرشىلىك تىنىسى مەن ومىرشەڭدىك كۇشىن باستان - اياق ساقتادى
2021.07.01 16:20 كەلۋ قاينارى : حالىق تورابى
«حالىق گازەتى»، 6 - ايدىڭ 30 - كۇنى، بەيجيڭ (تىلشىلەر ليۋ ۋەيتاۋ، مىڭ شياڭفۋ). ورتالىق كوميتەت ۇيىمداستىرۋ ءبولىمىنىڭ ەڭ جاڭا پارتيا ىشىندەگى ساناق ساندى مالىمەتىندە كورسەتىلۋىنشە، 2021 – جىلى 6 - ايدىڭ 5 – كۇنىنە دەيىن جۇڭگو كوممۋنيستىك پارتياسى مۇشەلەرىنىڭ جالپى سانى 95 ميلليون 148 مىڭ، پارتيانىڭ نەگىزگى ساتى ۇيىمدارىنىڭ جالپى سانى 4 ميلليون 864 مىڭ بولعان. 100 جىلدىق بوران - شاشىندى باستان وتكەرگەن جۇڭگو كوممۋنيستىك پارتياسى كىشكەنەدەن زورايىپ، السىزدەن كۇشەيىپ، پارتيا قۇرىلعان كەزدەگى 50 نەشە پارتيا مۇشەسىنەن دامىپ، بۇگىنگى تاڭدا 95 ميلليوننان استام مۇشەسى بار، ءبىر ميلليارد 400 ميلليوننان استام حالقى بار ءىرى ەلدە ۇزاق ۋاقىت بيلىك جۇرگىزگەن پارتياعا اينالدى.
پارتيا مۇشەلەرىنىڭ جالپى مولشەرى ورنىقتى ارتتى. بۇكىل ەل بويىنشا پارتيا مۇشەلەرىنىڭ جالپى مولشەرى 2019 - جىلدىڭ سوڭىنداعىدان ٪3.5 ارتىپ، 1949 - جىلى جاڭا جۇڭگو قۇرىلعان كەزدەگى 4 ميلليون 488 مىڭ ادامنان 20 ەسەدەي ارتتى. 2020 - جىلى 1 – ايدىڭ 1 - كۇنىنەن 2021 – جىلى 6 - ايدىڭ 5 - كۇنىنە دەيىن پارتياعا 4 ميلليون 739 مىڭ مۇشە قابىلداندى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاۋ قارساڭىندا، ءار جاقتاعى العاباسار ەلەمەنتتەر پارتياعا كىرۋگە بەلسەنە ءوتىنىش بەردى، بيىل الدىڭعى جارتى جىلدا بۇكىل ەل بويىنشا پارتياعا جاڭادان 2 ميلليون 312 مىڭ مۇشە قابىلداندى. ءتىپتى دە كوپ جاس كۇشتەر پارتيا قوسىنىنا قوسىلىپ، پارتيانىڭ قۇدىرەتتى تىرشىلىك تىنىسى مەن ومىرشەڭدىك كۇشىن ايگىلەپ، پارتيا ىستەرىنىڭ گۇلدەنىپ - كوركەيگەن، داڭققا تالپىنعان جالىندى بەينەسىن ايگىلەدى.
پارتيا مۇشەلەرى قوسىنىنىڭ قۇرىلىمى ۇزدىكسىز ساپالىلاندى. جاس پارتيا مۇشەلەرى ۇزدىكسىز كوبەيدى. 35 جاستاعى جانە ودان تومەنگى پارتيا مۇشەلەرى 23 ميلليون 679 مىڭعا جەتىپ، پارتيا مۇشەلەرى جالپى سانىنىڭ ٪24.9 ىن ۇستاپ، 2019 - جىلدىڭ سوڭىنداعىدان 0.7 پايىز جوعارىلادى. مادەنيەت دەڭگەيى كورنەكتى جوعارىلادى. جوعارى تەحنيكۋم جانە ودان جوعارى ماعلۇماتقا يە پارتيا مۇشەلەرى 49 ميلليون 513 مىڭ ادامعا جەتىپ، پارتيا مۇشەلەرى جالپى سانىنىڭ %52.0 ىن ۇستادى. ايەل پارتيا مۇشەلەرىنىڭ، از ۇلت پارتيا مۇشەلەرىنىڭ سالىستىرماسى ۇزدىكسىز جوعارىلادى. جاڭا جۇڭگو قۇرىلعان العاشقى مەزگىلدەگىمەن سالىستىرعاندا، ايەل پارتيا مۇشەلەرىنىڭ سالىستىرماسى %11.9 تەن %28.8 كە جوعارىلاپ، جالپى مولشەرى 27 ميلليون 450 مىڭ ادامعا جەتتى. از ۇلت پارتيا مۇشەلەرىنىڭ سالىستىرماسى %2.5 تەن %7.5 كە جوعارىلاپ، جالپى مولشەرى 7 ميلليون 135 مىڭ ادامعا جەتتى، بۇكىل ەلدەگى 55 از ۇلتتىڭ بارلىعىندا بەلگىلى مولشەردە پارتيا مۇشەسى بار. پارتيانىڭ تاپتىق نەگىزى مەن بۇقارالىق نەگىزى ۇزدىكسىز بەكەمدەلدى جانە ۇلعايدى. جۇمىسشىلار مەن شارۋالار ءالى دە پارتيا مۇشەلەرى قوسىنىنىڭ نەگىزگى تۇلعاسى، ول پارتيا مۇشەلەرى جالپى سانىنىڭ ٪33.9 ىن ۇستايدى، سانى جاڭا جۇڭگو قۇرىلعان كەزدەگىنىڭ 11.6 ەسەسىندەي. پارتيا مۇشەلەرى قوسىنىندا كاسىپورىن، ءىسورىنداردىڭ، قوعامدىق ۇيىمداردىڭ باسقارۋشىلارى 10 ميلليون 612 مىڭ ادام بولىپ، %11.2 تى، كاسىپتىك – تەحنيكالىق قىزمەتكەرلەر 15 ميلليون 75 مىڭ ادام بولىپ، %15.8 تى ۇستادى.
پارتيانىڭ ۇيىمدىق جۇيەسى كۇن سايىن قاتايا ءتۇستى. بۇكىل ەل بويىنشا پارتيانىڭ ءار دارەجەلى جەرگىلىكتى كوميتەتتەرى 3 مىڭ 199 بولدى، مۇنىڭ ىشىندە ولكەلىك (اۆتونوميالى رايوندىق، توتە قاراستى قالالىق) 31 كوميتەت، قالالىق (وبلىستىق) 397 كوميتەت، اۋداندىق (قالا، رايون، حوشۇن) 2 مىڭ 771 كوميتەت بار؛ جالپى 125 مىڭ پارتيا باسشىلىق گرۋپپاسى، 22 مىڭ قىزمەت كوميتەتى بار. پارتيانىڭ نەگىزگى ساتى ۇيىمدارى جاڭا جۇڭگو قۇرىلعان كەزدەگى 195 مىڭنان 4 ميلليون 864 مىڭعا جەتىپ، مولشەرمەن 24 ەسە ارتتى. بۇكىل ەل بويىنشا 8 مىڭ 942 قالا ءمالى باسقارماسىندا، 30 مىڭ اۋىل - قالاشىقتا، 113 مىڭ الەۋمەتتىك اۋماقتا (تۇرعىندار كوميتەتى)، 492 مىڭ اكىمشىلىك قىستاقتا پارتيا ۇيىمى قۇرىلدى. بۇكىل ەل بويىنشا ورگاندارداعى نەگىزگى ساتى پارتيا ۇيىمدارى 742 مىڭ، ءىسورىندارداعى نەگىزگى ساتى پارتيا ۇيىمدارى 933 مىڭ، كاسىپورىندارداعى نەگىزگى ساتى پارتيا ۇيىمدارى ءبىر ميلليون 513 مىڭ، قوعامدىق ۇيىمداردىڭ نەگىزگى ساتى پارتيا ۇيىمدارى 162 مىڭ بولىپ، قۇرۋعا تيىستىلەرىندە مۇمكىندىكتىڭ بارىنشا قۇرۋ نەگىزىنەن جۇزەگە اسىرىلدى.
نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ اتويشىلىق، ۇلگىلىك رولى تولىق ساۋلەلەندىرىلدى. 100 جىلدان بەرى جۇڭگو كوممۋنيستىك پارتياسى تۇرلىشە تاريحي داۋىردەگى وزەكتى مىندەتتى ارقاۋ ەتۋدە تاباندى بولىپ، ۇيىمدىق قۇرىلىستى كۇشەيتىپ، ۇيىمدىق ابزالدىقتى ساۋلەلەندىرىپ، پارتيا ىستەرى قاي جەرگە دەيىن كەڭەيسە، ۇيىمدىق قۇرىلىستى سول جەرگە دەيىن جەتكىزۋگە، پارتيا ۇيىمى مەن پارتيا مۇشەلەرىنىڭ رولىن سول جەرگە دەيىن ساۋلەلەندىرۋگە كەپىلدىك ەتتى. پارتيانىڭ 18 - قۇرىلتايىنان بەرى بۇكىل ەل بويىنشا قىستاقتا تۇراتىن 255 مىڭ قىزمەت اترەتى، 3 ميلليوننان استام ءبىرىنشى شۋجي جانە قىستاقتا تۇراتىن كادر تاڭداپ جىبەرىلىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەم بەرىلدى؛ 3 ميلليون 306 مىڭ نەگىزگى ساتى پارتيا ۇيىمى، 39 ميلليون 144 مىڭ پارتيالى كادر جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ قىزمەتىنە ات سالىسۋعا ۇيىمداستىرىلدى جانە جۇمىلدىرىلدى. جەر سىلكىنىسىنە قارسى اتتانىپ، اپاتتان قۇتقارۋ، تاسقىننان ساقتانىپ، تاسقىنعا قارسى اتتانۋ، ورنىقتىلىقتى قورعاپ، توسىن وقيعالارعا توتەپ بەرۋ سياقتى شۇعىل، قيىن، قاتەرلى، اۋىر مىندەتتەردە نارت قىزىل پارتيا تۋى باستان - اياق كەلەلى كۇرەستىڭ نەگىزگى شەبىندە جانە نەگىزگى ساتىنىڭ ءبىرىنشى شەبىندە اسقاق جەلبىرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
