بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءتىپتى دە كوركەم دۇنيە ءجۇزى ءۇشىن

− شي جينپيڭنىڭ دۇنيە جۇزىلىك سۇيىسپەنشىلىگى جونىندە

2021.07.01 16:24     كەلۋ قاينارى : حالىق تورابى

  «جۇڭگو كوممۋنيستىك پارتياسىنىڭ ىستەگەندەرىنىڭ بارلىعى جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ، ادامزاتتىڭ بەيبىتشىلىگى مەن دامۋىن كوزدەۋ ءۇشىن بولدى».باس شۋجي شي جينپيڭ وسى 100 جىلدىق ءىرى پارتيانىڭ دۇنيە جۇزىلىك سۇيىسپەنشىلىگى مەن جاۋاپكەرلىگىن وسىلاي پايىمدادى.

  ۇلى مۇرات ورناتىپ، ۇلكەن ورتاقتىققا ۇمتىلدى. پارتيانىڭ 18 - قۇرىلتايىنان بەرى باس شۋجي شي جينپيڭ «كۇللى حالىقتىڭ ءىسىن ءوز مىندەتى ەتۋ» سىندى اسقاق سۇيىسپەنشىلىكپەن ءداۋىردىڭ تامىرىن يگەرىپ، حالىقارالىق اۋقىمدى بارلاپ، جۇڭگونىڭ ءوزىنىڭ بولاشاق تاعدىرىن دۇنيە ءجۇزى حالىقتارىنىڭ بولاشاق تاعدىرىمەن تىعىز بايلانىستىرۋىنا جەتەكشىلىك ەتىپ، دۇنيە ءجۇزىنىڭ بەيبىتشىلىگىن باتىل قورعاپ، ءار ەلدىڭ بىرگە دامۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، اناعۇرلىم تاماشا دۇنيە ءجۇزى ءۇشىن ۇزدىكسىز العا باستى.

  دۇنيە جۇزىنە كوڭىل ءبولىپ، دۇنيە ءجۇزىنىڭ بەيبىت دامۋىن قورعادى

  «ادامزاتقا ۇزدىكسىز تىڭ دا اناعۇرلىم زور ۇلەس قوسۋ − جۇڭگو كوممۋنيستىك پارتياسى مەن جۇڭگو حالقىنىڭ ەرتەدە - اق بەرگەن ايبىندى ۋادەسى. جۇڭگو كوممۋنيستىك پارتياسى مەن جۇڭگو حالقى جاپا - ماشاقاتتى باسىنان وتكەرگەن، بەيبىتشىلىكتىڭ قادىر - قىمباتىن، دامۋدىڭ قۇنىن ابدەن بىلەدى، دۇنيە ءجۇزىنىڭ بەيبىتشىلىگى مەن دامۋىن جەبەۋدى ءوزىنىڭ قاسيەتتى بورىشى سانايدى». 5 جىلدىڭ الدىندا شي جينپيڭ جۇڭگو كوممۋنيستىك پارتياسى قۇرىلعانىنىڭ 95 جىلدىعىن قۇتتىقتاۋ جينالىسىندا وسىلاي دەگەن بولاتىن.

  بۇكىل ادامزاتقا ءتىپتى دە زور ۇلەس قوسۋ − جۇڭگو كوممۋنيستەرىنىڭ رۋحاني تالپىنىسى جانە سانالى امالياتى. 1956 - جىلى ماۋ زىدۇڭ جولداس: «جۇڭگو ادامزاتقا ءبىرشاما زور ۇلەس قوسۋعا ءتيىس» دەگەن بولاتىن.

  ۋاقىت كوزدى اشىپ - جۇمعانداي زىمىراپ وتۋدە. 100 جىلدان بەرى جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قان كەشىپ شايقاس جۇرگىزىپ، قايسارلىقپەن كۇرەس جۇرگىزىپ، تاريحتىڭ العا باسۋ لوگيكاسى بويىنشا العا باسىپ، ءداۋىردىڭ دامۋ اعىمى بويىنشا دامىپ، دۇنيە ءجۇزىن جالت قاراتقان ۇلى تابىستارعا قول جەتكىزدى. جۇڭگو ءوزىن دامىتىپ قانا قويماي، ءوزىنىڭ دامۋى ارقىلى دۇنيە ءجۇزىنىڭ بەيبىتشىلىگىن قورعايتىن، دۇنيە ءجۇزى ەكونوميكاسىنىڭ ارتۋىن ىلگەرىلەتەتىن، بىرگە دامۋدى جەبەيتىن ماڭىزدى كۇشكە اينالىپ، اعا بۋىندار مەن ءداۋىردىڭ ءۇمىتىن اقتايتىنداي جاۋاپ قايتاردى.

  شي جينپيڭ: «ماركسيزمنىڭ ءمانى تەرەڭ، ونىڭ تۇپكى تياناعى ادامزاتتىڭ ازاتتىعىنا تالپىنۋ دەگەن ءسوز» دەگەن بولاتىن. دۇنيە جۇزىندەگى ەڭ ۇلكەن ماركستىك پارتيا رەتىندە جۇڭگو كوممۋنيستىك پارتياسى باستان - اياق ادامزات قوعامىنىڭ ادىلدىگى مەن ادىلەتتىلىگىنە تالپىنۋدى ءوزىنىڭ رۋحاني نەگىزى ەتتى، سونىمەن بىرگە، «جاراسىمدى قاتار ءومىر ءسۇرۋ»، «دۇنيە ءجۇزىنىڭ ۇلى بىرلىگى» سىندى جۇڭحۋانىڭ ءداستۇرلى اقىل - پاراساتى مەن قۇنىنا مۇراگەرلىك ەتتى جانە ونى ساۋلەلەندىردى.

  بۇگىنگى دۇنيەدە ەكونوميكانىڭ جاھاندانۋى مەن عىلىم - تەحنيكانىڭ العا باسۋى ۇزدىكسىز دامىپ كەلەدى، ادامزات تۇرمىسىنىڭ ءبىر - بىرىمەن تىعىز بايلانىسى بۇرىن – سوڭدى مۇنداي بولماعان، ءدوپ كەلگەن دۇنيە جۇزىلىك ماسەلەلەردىڭ سانى كوپ، كولەمى زور، تەرەڭدىگى دە بۇرىن - سوڭدى بولماعان. وڭىرلىك قاقتىعىستا ماسەلەنى قارۋمەن شەشۋ، زورەكەرلەر كۇشىنە سۇيەنىپ السىزدەردى باسىنۋ، باي - كەدەيلەرگە جىكتەلۋ جايتتەرى كوبەيمەسە ازايمادى، اۋرۋ، ىندەت ءالى دە ءورشىپ بارادى. دۇنيە ءجۇزى تىنىش ەمەس، دۇنيە جۇزىنە جاقىن بولاشاقتا تىنىشتىق ورنايتىنداي ەمەس!

  ادامزات قايدا بارادى؟ دۇنيە ءجۇزى قايتكەندە «ۇلى بىرلىككە» بەت الادى؟ داۋىرلىك سۇراق الدىندا شي جينپيڭ ادامزات قوعامىنىڭ جالپى تۇلعالىق كوزقاراسى مەن ورتاق تاعدىرىن شىعار ءتۇيىن ەتىپ، دۇنيە جۇزىلىك كوز ايا ورناتۋدى، تاريحي زاڭدىلىقتى يگەرۋدى، دامۋ اۋقىمىن ايقىن تانۋدى دارىپتەدى.

  − «قازىرگى دۇنيە ءجۇزىنىڭ اعىمى دەگەن نە؟ مۇنىڭ جاۋابى بىرەۋ عانا، اتاپ ايتقاندا، بەيبىتشىلىك، دامۋ، سەلبەستىك، تەڭ يگىلىكتەنۋ».

  − «مەملەكەتتەر مەيلى ۇلكەن - كىشى، كۇشتى - ءالسىز، باي - كەدەي بولسىن، بارلىعى دا بەيبىتشىلىكتىڭ قورعاۋشىسى جانە جەبەۋشىسى بولۋعا ءتيىس، مىنا جاقتا تۇعىر ورناتىپ، انا جاقتا تۇعىر بۇزۋعا بولمايدى، قايتا ءبىرىن - ءبىرى تولىقتاپ، ءبىر - بىرىمەن بىتە قايناسۋ كەرەك».

  − «سىڭار جاقتىلىق پەن كەمسىتۋ، وشپەندىلىك پەن سوعىس تەك اپات پەن ازاپ تۋدىرادى. ءوزارا قۇرمەت ەتۋ، تەڭ تۇرعىدا تاتۋ - ءتاتتى ءوتۋ، بەيبىت دامۋ، بىرگە گۇلدەنۋ عانا − ادامدار اراسىنداعى دۇرىس جول».

  2015 – جىلى 9 - ايدىڭ 27 – كۇنى، فوتو اپپاراتتار مەن كەسكىن اپپاراتتارى قاۋىرت ىسكە قوسىلىپ، شي جينپيڭ ب م ۇ - نىڭ سول كەزدەگى باس حاتشىسى پان كيمونمەن بىرگە قىزىل تورعىندى باياۋ اشتى. بيىكتىگى كىسى بويىنداي كەلەتىن، ادەمى دە سالتاناتتى ەتىپ جاسالعان «بەيبىتشىلىك اشەكەي كۇبىسى» جۇرت نازارىن اۋداردى، بۇل جۇڭگونىڭ ب م ۇ قۇرىلعانىنىڭ 70 جىلدىعىن قۇتتىقتاۋ ءۇشىن ب م ۇ - عا ۇسىنعان تارتۋى ەدى.

  شي جينپيڭ: «<بەيبىتشىلىك اشەكەي كۇبىسى> جۇڭگونىڭ جانە جۇڭگو حالقىنىڭ بەيبىتشىلىككە تالپىنۋ، دامۋدى كوزدەۋ، سەلبەستىكتى جەبەۋ، تەڭ يگىلىككە كەنەلۋگە ۇمتىلۋ تىلەگى مەن سەنىمىن جەتكىزدى، بۇل دا ب م ۇ ەرەجەسىنىڭ رۋحى سانالادى» دەدى.

  «بەيبىتشىلىك اشەكەي كۇبىسىن» ۇسىنعاننىڭ 2 – كۇنى شي جينپيڭ 70 - كەزەكتى ب م ۇ - نىڭ جاي تالقىسىندا ءسوز سويلەپ، ب م ۇ - نىڭ دامۋ بارىسىن ەسكە الىپ، «بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك − بۇكىل ادامزاتتىڭ ورتاق قۇندىلىعى» دەگەندى العا قويىپ، «بەستى ءبىر تۇلعالاندىرۋ» ارقىلى ادامزاتتىڭ تاعدىرلاس ورتاق تۇلعاسىن قۇرۋدىڭ جالپى ورنالاستىرۋىن، جالپى جولىن ىشكەرىلەي ءتۇسىندىردى. 20 مينۋتتىق سوزدە 15 رەت قىزۋ قول شاپالاق سوعىلدى.

  بەيبىتشىلىكتى «اۋاعا جانە كۇن نۇرىنا» بالاپ، دامۋدى «بارلىق ماسەلەنى شەشۋدىڭ باس كىلتى» دەپ قاراپ، قارسىلاسۋ ادامزاتتى «تۇيىققا تىرەيدى» دەگەندى دارىپتەدى، «دۇنيە جۇزىندەگى ىستەردى ءار ەل حالقى اقىلداسىپ ىستەۋى كەرەك» دەگەن قۋاتتاماسىن العا قويدى ... شي جينپيڭ ەل ءىشى - سىرتىنداعى ماڭىزدى ورىنداردا جۇڭگونىڭ باستان - اياق بەيبىت دامۋ جولىمەن ءجۇرۋىنىڭ تاريحي لوگيكاسى مەن مادەنيەت تامىرىن تالاي رەت پايىمداپ، ورتاقتىق، جالپىلىق، سەلبەستىك، باياندى حاۋىپسىزدىك كوزقاراسىن ءتۇسىندىرىپ، جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش سالۋ بەكىمى مەن تىلەگىن ءبىلدىرىپ، ۋاقىت وتكەن سايىن كەڭ كولەمدە قۇپتاۋعا جانە قولداۋعا يە بولدى.

  «باستان - اياق دۇنيە ءجۇزى بەيبىتشىلىگىنىڭ قۇرۋشىسى جانە قورعاۋشىسى بولادى»، جۇڭگو − دارىپتەۋشى، ونان دا ماڭىزدىسى، ارەكەت ەتۋشىلەردىڭ لەگىندە كەلەدى. قازىرگە دەيىن جۇڭگو ۇكىمەت ارا حالىقارالىق ۇيىمدارعا دەرلىكتەي جانە 500 دەن استام حالىقارالىق شارتقا قاتىناستى، ب م ۇ - نىڭ ەكىنشى ۇلكەن جارنا تاپسىرۋشى مۇشەسى؛ ب م ۇ - نىڭ 30 عا جۋىق بەيبىتشىلىكتى قورعاۋ ارەكەتىنە قاتىناستى، حاۋىپسىزدىك القالار كەڭەسىندەگى تۇراقتى القا ەلدەردىڭ ىشىندەگى بەيبىتشىلىكتى قورعاۋ تۇرعىسىنان اسكەر شىعارۋداعى ەڭ ۇلكەن ەل؛ جۇڭگو - ب م ۇ بەيبىتشىلىك جانە دامۋ قورىن، وركەندەپ كەلە جاتقان ەلدەردىڭ سەلبەستىك كومەك قورىن قۇردى؛ يران يادرو ماسەلەسى، سيريا، اۋعانستان، كورەي تۇبەگىنىڭ يادرو ماسەلەسى، پالەستين - يزرايل قاقتىعىسى قاتارلى ماڭىزدى وڭىرلىك قولامتالى ماسەلەلەردى شەشۋ اياق الىسىنا قاتىناسىپ، كوپ جاقتى جاراستىرۋدا سىندارلى رول اتقاردى؛ 20 ەل توبىنىڭ قارىزدى كەشەۋىلدەتۋ دارىپتەمەسىن تياناقتاندىرۋدى ىلگەرىلەتىپ، افريكا ەلدەرىنىڭ قارىز اۋىرتپالىعىن جەڭىلدەتتى؛ كليمات وزگەرىسىنە توتەپ بەرۋ، ينتەرنەت حاۋىپسىزدىگى، لاڭكەستىككە قارسى تۇرۋ سياقتى سالالارداعى حالىقارالىق سەلبەستىكتى ىلگەرىلەتتى... جۇڭگو باستان - اياق كوپ جاقتىلىق پرينسيبىندە تاباندى بولىپ، بەيبىت دامۋ ۇستانىمىنان جازباي، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە ءجۇزىن جونگە سالۋ كوزقاراسىن امالياتتا ايگىلەپ، ادامزاتتىڭ بەيبىتشىلىگى مەن العا باسۋ ىستەرىنە ۇلەس قوستى.

  تاريحتا بولىپ كورمەگەن جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو جاپالى قۇلشىنىس جاساۋ ارقىلى ەل ىشىندەگى ىندەتتى ءونىمدى تىزگىندەدى ءارى بۇكىل دۇنيە ءجۇزىنىڭ ىندەتكە قارسى اتتانۋ سەلبەستىگىنە جەدەل ات سالىستى. 2020 - جىلى شي جينپيڭ «بۇلتتىق ديپلوماتيا» تاسىلىمەن شەتەل باسشىلارىمەن جانە حالىقارالىق ۇيىمداردىڭ جاۋاپتىلارىمەن 87 رەت ديدارلاسىپ، تەلەفوندا سويلەسىپ، 22 رەت ماڭىزدى ەكى جاقتى، كوپ جاقتى قيمىلعا قاتىناسىپ، حالىقارانىڭ ىندەتكە قارسى اتتانۋ سەلبەستىگى ءۇشىن جۇڭگو دارىپتەمەسىن العا قويدى.

  «جۇڭگونىڭ ۆاكسيناسى بۇكىل جەر شارىنىڭ الەۋمەتتىك ونىمىنە اينالادى»، 2020 – جىلى 5 - ايدىڭ 18 – كۇنى بۇل حابار ءار ەل مەديالارىندا كەڭ كولەمدە حابارلاندى. بۇل سول كۇنى وتكىزىلگەن 73 - كەزەكتى دۇنيە جۇزىلىك دەنساۋلىق ساقتاۋ جينالىسىنىڭ بەينە ەكران ءماجىلىسىنىڭ اشىلۋ سالتىندا شي جينپيڭنىڭ جۇڭگو اتىنان بەرگەن ايبىندى ۋادەسى ەدى. 2021 - جىلى 2 - ايدا جۇڭگو دۇنيە جۇزىلىك دەنساۋلىق ساقتاۋ ۇيىمى جەتەكشىلىك ەتكەن جاڭا تيپتى ايدارشا ۆيرۋس ۆاكسيناسىن اتقارۋ جوسپارىن تۇڭعىش توپتا 10 ميلليون ۆاكسينامەن قامدايتىنىن جاريالادى، بۇل نەگىزىنەن وركەندەپ كەلە جاتقان ەلدەردىڭ شۇعىل قاجەتىنە جۇمسالادى. قازىر جۇڭگو 80 نەشە مەملەكەتكە ۆاكسينا جاعىنان كومەك كورسەتىپ، 40 نەشە مەملەكەتكە ۆاكسينا ەكسپورت ەتىپ، تاعى دا ءىس جۇزىندىك ارەكەتى ارقىلى «كۇللى دۇنيە ءجۇزى ءبىر شاڭىراق» ۇستانىمىن ءتۇسىندىرىپ، سوتسياليستىك ءىرى ەلدىڭ دۇنيە جۇزىلىك دارقان پەيىلى مەن جاۋاپكەرلىگىن ايگىلەدى.

  «ءبىز سەلبەستىككە مۇقتاجبىز، ءسوز جوق، سەلبەسۋىمىز كەرەك». پاكيستاننىڭ زۇڭتۇڭى اريف الۆي بىلاي دەدى: «ءتوراعا شي جينپيڭ بىزگە ۇعىندىرعانداي، ادامزات اناعۇرلىم جاقسى سەلبەستىك جاساۋى، اناعۇرلىم تەرەڭ ءتۇسىنىسۋى جانە اناعۇرلىم كەڭ كولەمدى بەيبىتشىلىك ورناتۋى كەرەك».

  ءتورت توڭىرەككە ساپار شەگىپ، ءار ەلدىڭ ورتاق باقىتىن نىعايتتى

  2017 - جىلى جانە 2019 - جىلى جۇڭگو 2 كەزەك «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلىلەر تالقى مىنبەرىن وتكىزدى. ءماجىلىس كەزىندە شي جينپيڭ حالىق سارايىنداعى «وتان وسىنشاما كورىكتى» اتتى ۇلكەن قابىرعا سۋرەتتىڭ الدىندا نەشە ونداعان شەتەل باسشىلارىمەن بىرگە سۋرەتكە ءتۇسىپ ەستەلىك قالدىردى.

  تاۋى شاعىلىپ، ەڭسەسى تۇسۋدەن قاسقايىپ ەڭسە كوتەرۋگە دەيىن، 100 جىلدان بەرى جۇڭگو كوممۋنيستىك پارتياسى جۇڭگو حالقىن باستاپ بوران - شاشىندى باستان كەشىرىپ، قايسارلىقپەن كۇرەس جۇرگىزىپ، 9 ميلليون 600 مىڭ شارشى كيلومەتردەن استام جۇڭگونىڭ بايتاق دالاسىن ومىرشەڭدىك كۇشكە يە ەتتى. شي جينپيڭ بىلاي دەگەن بولاتىن: «جۇڭگو حالقى ءوزىنىڭ جاقسى تۇرمىس كەشىرۋىن عانا ەمەس، ءار ەل حالقىنىڭ دا جاقسى تۇرمىس كەشىرۋىن ءۇمىت ەتەدى». جۇڭگو كوممۋنيستىك پارتياسى ءار ەلدىڭ ءوزارا ءتيىمدى سەلبەستىگىن، بىرگە دامۋىن ىلگەرىلەتۋگە باستان - اياق كۇش سالىپ كەلەدى.

  تانزانيا − شي جينپيڭ 2013 - جىلى مەملەكەت ءتوراعاسى بولعاننان كەيىن ساپارلاي بارعان تۇڭعىش افريكا مەملەكەتى. سول رەتكى ساپاردا ول شىنايى، ادال بولۋ ۇستانىمىن العا قويدى، بۇل قازىر جۇڭگونىڭ وركەندەپ كەلە جاتقان ەلدەرمەن ىنتىماقتاسۋىنىڭ، سەلبەستىگىنىڭ نەگىزگى ساياساتتىق ۇستانىمىنا اينالدى.

  بيىل 6 - ايدىڭ ورتا شەنىندە جۇڭگو كاسىپورىندارى ۇستىنە الىپ سالعان تانزانيانىڭ ورتالىق جەلىسىندەگى ولشەمدى رەليستى تەمىر جولىنىڭ يساكادان مۋانزاعا دەيىنگى بولەگىندە جۇمىس باستاۋ سالتى وتكىزىلدى. تانزانيانىڭ زۇڭتۇڭى حاسان نىساننىڭ ىرگە تاسىن قالادى. بۇل تەمىر جول نىسانى سالىنىپ بولعاننان كەيىن تانزانيا مەن ۋگاندا، رۋاندا، برۋندي سياقتى ەلدەردى تۇتاستىراتىن ءارى يندى مۇحيتىنا باراتىن ماڭىزدى جولعا اينالادى، بۇل وڭىردەگى مەملەكەتتەردىڭ ەكونوميكاسىنىڭ دامۋىن جەبەۋدە، حالىق تۇرمىسىن جاقسارتۋدا كەلەلى ماڭىزعا يە.

  20 - عاسىردىڭ 70 - جىلدارىندا سالىنعان تانزانيا تەمىر جولىنان تاياۋ جىلداردان بەرى ىسكە قوسىلعان ادديس ابەبا - جيبۋتي تەمىر جولىنا، مومباسا - نايروبي تەمىر جولىنا دەيىن، ودان تانزانيانىڭ جاڭادان سالىنعان تانزانيا ورتالىق جەلىسىندەگى ولشەمدى رەليستى تەمىر جولعا دەيىن، جۇڭگو - افريكا ەكى جاقتىڭ بىرگە قۇلشىنۋىندا، افريكانىڭ بايتاق دالاسىنداعى دامۋدىڭ «جولى» ۇزدىكسىز كەڭەيىپ، جۇڭگونىڭ دۇنيە جۇزىمەن بىرگە دامۋعا تالپىنعان شىن نيەتىنىڭ باستان - اياق ءبىر قالىپتان جازباعانىنا، ارەكەتتەن اۋىتقىماعانىنا كۋا بولدى.

  جۇڭگو مەن دۇنيە جۇزىندەگى ءار ەلدىڭ بىرگە دامۋىن ىلگەرىلەتۋدە شي جينپيڭ باستان - اياق ءوزى ونەگە بولدى. 2000 - جىلى سول كەزدە فۋجيان ولكەسىنىڭ باستىعى بولىپ تۇرعان شي جينپيڭ فۋجيان ولكەسىنىڭ پاپۋا - جاڭا گۆينەياسىنىڭ شىعىستاعى ءۇستىرتتى ولكەسىندە باكتەريا ءشوبىن، قۇرعاقشىلىققا ءتوزىمدى كۇرىشتى ەگۋ تەحنيكاسىنان ۇلگى كورسەتۋ نىسانىن اتقارۋىن ىلگەرىلەتتى. 2018 - جىلى 11 - ايدا شي جينپيڭ تىنىق مۇحيتتاعى وسى ارال ەلىندە مەملەكەتتىك ساپاردا بولدى، سونداي - اق جۇڭگونىڭ پاپۋا - جاڭا گۆينەياسىنا كومەكتەسۋدەگى باكتەريا ءشوبى، قۇرعاقشىلىققا ءتوزىمدى كۇرىش ەگۋ تەحنيكاسى سياقتى ءبىرقىدىرۋ نىسان كەلىسىمىنە رەسمي قول قويىلۋىنا كۋا بولدى. بۇگىنگى تاڭدا جۇڭگونىڭ شەتەلگە كومەك بەرۋ تەحنيكاسى رەتىندە باكتەريا ءشوبى نىسانى 100 دەن استام مەملەكەت پەن رايونعا تارالىپ، افريكا، ازيا جانە وڭتۇستىك تىنىق مۇحيت سياقتى وڭىرلەردەگى وركەندەپ كەلە جاتقان ەلدەردىڭ كەدەيلىكتى ازايتۋ ىستەرىنە دەم بەردى.

  ا ق ش - تىڭ حالىقارالىق ماسەلەلەر مامانى ۋيلليام جونس بىلاي دەدى: «جۇڭگو وركەندەپ كەلە جاتقان ەلدەردىڭ كەدەيلىكتى ازايتۋدى ىلگەرىلەتۋىنە كۇش سالىپ، ماڭىزدى رول اتقاردى، جۇڭگونىڭ ءىس جۇزىندىك ارەكەتى دە وسى ەلدەر حالىقتارىنىڭ قۇرمەتىنە بولەندى».

  بۇگىنگى تاڭدا جۇڭگو كوممۋنيستىك پارتياسى جۇڭگو حالقىن باستاپ ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىنا قادام تاستادى. جاڭا دامۋ ۇستانىمىنان جازباي، جۇڭگو جاڭا دامۋ جاعدايىن جەدەل قالىپتاستىرىپ، ساپالى دامۋ نىساناسىنا قاراي ۇمتىلۋدا.

  كەنيانىڭ بيلىكتى پارتياسى جۋبيلە پارتياسىنىڭ باس شۋجيى رافاەل توجۋ بىلاي دەدى: جۇڭگونىڭ دامۋى دۇنيە جۇزىندە كەڭ كولەمدە قارسى الىندى، جۇڭگو ءوزىنىڭ العا باسۋىنا تالپىنۋمەن بىرگە، دۇنيە ءجۇزىنىڭ باسقا وڭىرلەرىنىڭ دامۋىن دا ىلگەرىلەتۋدە.

  قيىن - قىستاۋ كەزدە باقىتقا بىرگە بولەنۋ قيىن ەمەس، مۇشكىل جاعدايدا تار جول، تايعاق كەشۋلەردەن بىرگە ءوتۋ ءتىپتى دە باعالى. ءاسىلى قۇلدىراپ تۇرعان دۇنيە ءجۇزى ەكونوميكاسىندا جاڭا تيپتى ايدارشا ۆيرۋس ىندەتى سەبەبىنەن قيىندىق ۇستىنە قيىندىق قوسىلدى. جۇمىستى، ءوندىرىستى الدىمەن قالپىنا كەلتىرگەن جۇڭگو ءوز ىستەرىن ىڭعايلاۋمەن قاناعاتتانبادى، قايتا مۇمكىندىكتىڭ بارىنشا دۇنيە ءجۇزى ەكونوميكاسىن قايتا باستاۋعا قوزعاۋشى كۇش قوستى.

  2010 - جىلى 5 - ايدا تۇڭعىش كەزەكتى جۇڭگو حالىقارالىق تۇتىنۋ بۇيىمدارى كورمەسى جۇڭگونىڭ حايكوۋ قالاسىندا وتكىزىلدى، شامامەن 70 مەملەكەت پەن رايوننان ءبىر مىڭ 500 دەن استام كاسىپورىن، 2 مىڭ 600 دەن استام تۇتىنۋ ماركاسى كورمەگە قاتىناستى.

  گۋاڭجوۋ ساۋدا جارمەنكەسى، قىزمەت وتەۋ ساۋداسى جارمەنكەسى، يمپورت كورمەسى، تۇتىنۋ بۇيىمدارى كورمەسى سياقتى سالتاناتتى ەكونوميكا – ساۋدا جينالىستارى ارت – ارتىنان وتكىزىلدى، جۇڭگو - افريكا سەلبەستىك تالقى مىنبەرى، جۇڭگو - اراب ەلدەرى سەلبەستىك تالقى مىنبەرى مەحانيزمى سۇبەلى تابىستارعا قول جەتكىزدى، جۇڭگو - ورتا، شىعىس ەۆروپا ەلدەرىنىڭ سەلبەستىك مەحانيزمى ۇزدىكسىز تەرەڭدەپ، «ءبىر بەلدەۋ، ءبىر جول» حالىقارالىق سەلبەستىگى «ۇلكەن ماننەن» «ەگجەي - تەگجەيلى جوباعا» بۇرىلىس جاساپ، سالاماتتىق، جاسىل، سيفرلى سياقتى جاڭا مازمۇنداردى اناعۇرلىم تولىقتادى...

  شي جينپيڭ 2020 - جىلى 11 - ايدا وتكىزىلگەن 3 - كەزەكتى يمپورت كورمەسىنىڭ اشىلۋ سالتىنداعى ارقاۋ سوزىندە: «جۇڭگو ەسىك اشۋ، سەلبەسۋ، ىنتىماقتاسۋ، تەڭ يگىلىككە كەنەلۋ سەنىمىنەن جازباي، ەسىك اشۋدى تاباندىلىقپەن جاپپاي كەڭەيتىپ، ىشكى - سىرتقى بازاردىڭ ۇلاسۋىن، ماڭىزدى فاكتورلار بايلىعىنان بىرگە يگىلىكتەنۋدى اناعۇرلىم ءونىمدى تۇردە جۇزەگە اسىرىپ، جۇڭگو بازارىن دۇنيە ءجۇزىنىڭ بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، حالىقارالىق قوعامعا اناعۇرلىم كوپ وڭ ەنەرگيا قوسادى» دەدى.

  «<ءبىر بەلدەۋ، ءبىر جولدى> بىرگە قۇرۋدا بىرگە اقىلداسۋ، بىرگە قۇرۋ، بىرگە يگىلىكتەنۋ سەلبەستىك پرينسيبىن ۇستانىپ، اشىق، جاسىل، پاك بولۋ، سەلبەسۋ ۇستانىمىندا تاباندى بولىپ، جوعارى ولشەمدى، حالىق تۇرمىسىنا تيىمدىلىك جاسايتىن، باياندى سەلبەستىك نىساناسىنا كۇش سالۋ كەرەك. جۇڭگو جاڭا دامۋ كەزەڭىنە قادام تاستاپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، <ءبىر بەلدەۋ، ءبىر جول> سەلبەستىك سەرىكتەستەرىنە اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەدى». بيىل 6 - ايدىڭ 23 - كۇنى شي جينپيڭنىڭ «ءبىر بەلدەۋ، ءبىر جول» ازيا - تىنىق مۇحيت ءوڭىرىنىڭ حالىقارالىق سەلبەستىك جوعارى دارەجەلى ماجىلىسىنە جولداعان جازباشا سوزىندە جۇڭگونىڭ ەسىك اشۋ سەلبەستىگىندە ۇستانعان − ەجەلدەن ءوزىمىزدىڭ ارتقى باقشامىزدى سالۋمەن ابىگەرلەنبەدىك، قايتا ءار ەل بىرگە يگىلىكتەنەتىن باۋ - باقشا قۇرۋعا تالپىنىپ وتىرمىز دەگەن نەگىزگى رۋحى قامتىلعان.

  شي جينپيڭنىڭ بولاشاق دامۋ جونىندەگى جوباسىندا «ادام مەن تابيعاتتىڭ جاراسىمدىلىعى» باستان - اياق ماڭىزدى بولەك بولدى. 2019 - جىلى 4 - ايدا ايبىندى ۇلى قورعاننىڭ ەتەگىندە، كورىكتى گۇيشۇي وزەنى جاعاسىندا شي جينپيڭ مەن شەتەل باسشىلارى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى. «ءبىز جەر شارى ەكولوگياسىنىڭ جالپى تەپە - تەڭدىگىن ساقتاپ، ۇرپاقتارىمىزدىڭ ءارى مول زاتتىق بايلىقتان يگىلىكتەنۋىنە، ءارى جۇلدىزدى اسپاندى الىستان كورۋىنە، جاسىل تاۋدى كورۋىنە، گۇلدىڭ حوش ءيىسىن سەزۋىنە مۇمكىندىك جاساۋىمىز كەرەك». شي جينپيڭنىڭ ورامدى سوزىندە جۇڭگونىڭ دۇنيە ءجۇزىنىڭ باياندى دامۋىن ىلگەرىلەتۋ تىلەگى مەن بەكىمى بەينەلەنگەن.

  جاڭا داۋىردەگى جۇڭگو كليمات وزگەرىسىنە توتەپ بەرۋدى مەملەكەتتىڭ ەكونوميكالىق، قوعامدىق دامۋىنىڭ باس ستراتەگياسىنا جاپپاي ەنگىزىپ قانا قويماي، جاسىل دامۋدىڭ حالىقارالىق سەلبەستىگىنە دە بەلسەنە ات سالىستى. «جۇڭگو مەملەكەتتىڭ دەربەس ۇلەس قوسۋ سەرپىنىن ارتتىرىپ، اناعۇرلىم پارمەندى ساياسات جانە شارا قولدانىپ، كومىرتەگى قوس توتىعىن ىعىستىرۋدى 2030 - جىلدان بۇرىن ەڭ جوعارى مانگە جەتكىزۋگە كۇش سالىپ، 2060 - جىلدان بۇرىن كومىرتەگىن بەيتاراپتاندىرۋدى جۇزەگە اسىرۋعا قۇلشىنادى». 2020 - جىلى 9 - ايدا شي جينپيڭ ب م ۇ - نىڭ 75 - كەزەكتى جينالىسىنىڭ جاي تالقىسىندا سويلەگەن سوزىندە دۇنيە جۇزىنە جۇڭگونىڭ ۋادەسىن جەتكىزدى.

  100 جىلدىق وزگەرىس جاعدايى مەن عاسىرلىق ىندەتتىڭ قاباتتاسۋىندا ورتاق دامۋدى جەبەۋدىڭ مىندەتى اۋىرلاپ، جولى ۇزاردى. دۇنيە جۇزىنە كوڭىل بولگەن جۇڭگو كوممۋنيستەرى جاڭا داۋىردەگى جۇڭگوعا جەتەكشىلىك ەتىپ، ءار ەلمەن مۇددە توعىسۋ ءتۇيىنىن ۇزدىكسىز كەڭەيتىپ، دامۋ جەتىستىكتەرىنەن ءار جاقتى يگىلىكتەندىردى.

  بولاشاققا جول اشىپ، ادامزاتتىڭ تاعدىرلاس بولۋىن ىلگەرىلەتتى

  كۇن نۇرى شۋاق شاشىپ تۇر، پاتنون عيباداتحاناسىنىڭ جولاقتى دىڭگەگىنە ءبىر قابات التىن ءتۇس جالاتىلعان. 2019 - جىلى 11 - ايدىڭ 12 - كۇنى شي جينپيڭ مەن حانىمى سول كەزدەگى گرەتسيانىڭ زۇڭتۇڭى پاۆلوپۋلوس پەن حانىمىنىڭ سەرىك بولۋىندا تاۋاپحانانىڭ ەتەگىندەگى افينا قالالىق مۇراجايدى ەكسكۋرسيالادى.

  شي جينپيڭ تۇسىندىرمەنى دەن قويا تىڭداپ، تاريحتىڭ جاي - جاپسارىن سۇراپ وتىردى. پاتنون عيباداتحاناسىنىڭ ءۇش بۇرىشىنداعى اۋليە ءمۇسىنىن كورگەن ول ازىلدەپ: « بۇل گرەتسيانىڭ ‹تاۋ - تەڭىز ءتاپسىرى› ەكەن» دەدى.

  «ءتوراعا شي جينپيڭ بەلگىلى ءبىر مادەني مۇراعا قىزىعۋمەن عانا تىنباي، ەجەلگى گرەتسيا وركەنيەتى مەن تاريحىنا دا توتەنشە قىزىعادى، ەجەلگى گرەتسيانىڭ كوركەمونەرى مەن قۇرىلىسىنا اسا جوعارى قۇرمەت بىلدىرەدى» دەدى ەكسكۋرسيالاۋعا، تۇسىندىرۋگە سەرىك بولعان مۇراجاي باستىعى پاندەماريس.

  ءوزارا اۋىس - كۇيىس جاساۋ، ءوزارا ۇلگى الۋ − وركەنيەت دامۋىنىڭ ماندىك تالابى. تۇرلىشە وركەنيەت پەن ءار ەل حالقىنىڭ جاراسىمدى قاتار ءومىر ءسۇرۋ جولىن قالاي تابۋ − شي جينپيڭ باستان - اياق نازار اۋدارىپ كەلە جاتقان ماسەلە.

  ۇزاق ۋاقىتتان بەرى حالىقارالىق جاماعات پىكىرى الاڭىندا «وركەنيەت باسىمدىعى نازارياسى»، «وركەنيەت قاقتىعىسى نازارياسى» دەگەن بوگدە ۇندەر كۇشەيىپ كەلەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى كەيبىر باتىستىڭ ساياسي الاياقتارى مەن اقپارات قۇرالدارى قاتارلىلار يدەولوگيالىق قارسىلاسۋعا بەتالدى جەلىكتىرىپ، ساياسي ءوزارا سەنىمدىلىك پەن حالىقارالىق سەلبەستىكتىڭ اياق الىسىنا كەدەرگىلىك جاسادى.

  شي جينپيڭ مىنانى تالاي رەت ۇندەدى: تەڭدىك، ءوزارا ۇلگى الۋ، پىكىرلەسۋ، كەشىرىمشىل بولۋ سىندى وركەنيەت كوزقاراسىن ورناتىپ، وركەنيەت اۋىس - كۇيىسى ارقىلى وركەنيەت كىربەڭدىگىنەن، وركەنيەتتەردىڭ ءوزارا ۇلگى الۋى ارقىلى وركەنيەت قاقتىعىسىنان، وركەنيەتتىڭ قاتار ءومىر ءسۇرۋى ارقىلى وركەنيەت باسىمدىعىنان اسىپ ءتۇسۋ كەرەك. بۇل جۇڭگو كوممۋنيستىك پارتياسىنىڭ وزىندىك كۇرەسى مەن نازاريالىق ويى نەگىزىندە شىعارعان قورىتىندىسى بولىپ، ادامزات وركەنيەتىنىڭ دامۋىنا ايقىن باعدار كورسەتتى.

  شي جينپيڭنىڭ قۋاتتاماسى نەگىزىندە جۇڭگو تاياۋ جىلداردان بەرى ازيا وركەنيەتتەر تىلدەسۋى جينالىسى، «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلىلەر تالقى مىنبەرى، جۇڭگو كوممۋنيستىك پارتياسى مەن دۇنيە جۇزىندەگى پارتيالاردىڭ جوعارى دارەجەلىلەر كەڭەسى سياقتى ماڭىزدى كوپ جاقتى ماجىلىستەردى وتكىزىپ، ءار ەلدىڭ وركەنيەت اۋىس - كۇيىسىن، بىرگە دامۋىن جەبەۋگە جاڭا تۇعىر ازىرلەپ، حالىقارالىق قوعامنىڭ جاپپاي قارسى الۋىنا يە بولدى.

  «دۇنيە جۇزىندە ەڭ كەڭ نارسە − تەڭىز - مۇحيت، تەڭىز - مۇحيتتان دا كەڭ نارسە − اسپان، اسپاننان دا كەڭ نارسە − ادامنىڭ پەيىلى». ەگيپەتتىڭ لۋكسو تاۋاپحاناسىنان چەحيانىڭ ستراگوۆسكايا كىتاپحاناسىنا دەيىن، مەكسيكانىڭ مايا وركەنيەت جۇرتىنان وزبەكستاننىڭ بۇحارا بايىرعى قالاسىنا دەيىن، جۇڭگو باسشىسىنىڭ ديپلوماتيالىق ءىزى تۇرلىشە وركەنيەتتىڭ ءبىر - بىرىنە شۇعىلا شاشىپ، ءوزارا ۇيرەنىپ، ءبىر - بىرىنەن ۇلگى الۋىنىڭ كارتيناسىن سالدى.

  تىلشىلىكتى قابىلداعاندا، رەسەي جازۋشىلارى مەن ادەبي شىعارمالارىنا قانىق ەكەنىن اڭعارتتى؛ ەۆروپادا ساپاردا بولعاندا، فرانسيا مەن گەرمانيا مادەنيەتىندەگى كوپتەگەن ايگىلى ادامدى تىلگە تيەك ەتىپ، جەرگىلىكتى بۇقارانى ايرىقشا اسەرلەندىردى؛ جاندى تەڭەۋ ارقىلى جۇڭگو جولىن بايانداپ، شەتەلدىڭ ماقال - ماتەلىمەن ءومىر مەن قوعامعا بولعان كوزقاراسىن بەينەلەدى ... شي جينپيڭ دۇنيە جۇزىنە جۇڭگو كوممۋنيستىك پارتياسىنىڭ باسشىسى مەن ءىرى ەل ساياساتشىسىنىڭ كەڭ كوز اياسى مەن مادەنيەت قورىن كورسەتىپ، مادەنيەت تىلدەسۋىنە ءۇن - ءتۇنسىز كوپىر سالدى.

  شاڭحاي سەلبەستىك ۇيىمىنىڭ باسشىلار باس قوسۋىندا گۋمانيتارلىق اۋىس - كۇيىستىڭ، سەلبەستىكتىڭ ورتاق دانەكەرىن نىعايتۋدى العا قويدى؛ تەبىندى ەلدەردىڭ سەلبەستىك مەحانيزمى اياسىىندا ساياسي، ەكونوميكا، گۋمانيتارلىق سىندى «ءۇش ءتۇرلى قوزعاۋشى كۇشتى» ىلگەرىلەتۋدى دارىپتەدى؛ «ءبىر بەلدەۋ، ءبىر جولدى» «وركەنيەت جولى» ەتىپ قۇرىپ شىعۋدى دارىپتەدى، ءار ەلدىڭ ءوزارا ءتۇسىنىسۋىن، ءوزارا قۇرمەت ەتۋىن، ءوزارا سەنىم ارتۋىن ىلگەرىلەتتى... شي جينپيڭ ادامزات وركەنيەتىنىڭ دامۋىن تەرەڭ يگەرىپ، تۇرلىشە وركەنيەت جونىنەن «ءوزى جاراتقان كوركەمدىكتەن ءلاززات الۋدى ءبىلۋ، ءوز كوركەمدىگى مەن باسقالاردىڭ كوركەمدىگىن توعىستىرۋ» يدەيالىق شام – شىراعىن جاقتى ءارى جۇڭگوشا ءىرى ەلدىك ديپلوماتيانىڭ شۇعىلالى وركەنيەت داستانىن بايىتتى.

  يدەولوگيامەن دۇنيە ءجۇزىن بولمەدى، ۇلكەن – كىشىلىكپەن، كۇشتى – السىزدىكپەن الىس – جاقىندىقتى ولشەمەدى، جۇڭگو كوممۋنيستىك پارتياسى دۇنيە جۇزىندەگى 600 دەن استام پارتيا جانە ساياسي ۇيىممەن ەتەنە دوس بولىپ، ەل باسقارۋ تاجىريبەلەرى جونىندە جان - جاقتى اۋىس - كۇيىس جاساپ، كەدەيلىكتى ازايتۋ، جەمقورلىققا قارسى تۇرۋ، ىندەتكە قارسى اتتانۋ سياقتى جاقتارداعى ادىستەردى دەر كەزىندە ءبولىسىپ وتىردى.

  رەسەي وقىمىستىسى يۋريي تافلوۆسكي بىلاي دەدى: جۇڭگو كوممۋنيستىك پارتياسى جۇڭگوعا ەڭ ۇيلەسەتىن دامۋ جولىن تاۋىپ، كاپيتاليزمنەن سىرت، «ومىرشەڭدىك كۇشكە تولى تالعام» جاراتتى. برۋنديدىڭ جۇڭگودا تۇراتىن باس ەلشىسى مارتين مبازۋماتيما بىلاي دەدى: جۇڭگو كوممۋنيستىك پارتياسى ۇزاق تاريحقا جانە مول تاجىريبەگە يە، «ءبىر ءتۇرلى جاڭا وركەنيەت ۇلگىسىنە ۋاكىلدىك ەتەدى».

  الەمگە ادىلەت ورناتساڭ، دۇرىس جولمەن باياندى جۇرە الاسىڭ. ادامزاتتىڭ تاعدىرلاس ورتاق تۇلعاسىن قۇرۋ تانىمى − ءارى ورتاق سايىستارعا توتەپ بەرۋدەگى شىت جاڭا شەشۋ جوباسى، ءارى دۇنيە جۇزىنە بەت العان جاڭاشا وركەنيەت كوزقاراسى. تاياۋ جىلداردان بەرى بۇل يدەيا كوپ رەت ەكى جاقتى، كوپ جاقتى ءماجىلىس پەن ب م ۇ - نىڭ قۇجاتتارىنا ەنگىزىلىپ، ءداۋىر اعىمىنا جانە ادامزات وركەنيەتىنىڭ العا باسۋ بەتالىسىنا جەتەكشىلىك ەتەتىن ايقىن تۋعا اينالدى. شي جينپيڭ دارىپتەگەن باياندى بەيبىتشىلىك ورناعان، جالپى بەتتىك حاۋىپسىز، بىرگە كوركەيىپ - گۇلدەنەتىن، اشىق ۇستالاتىن، كەشىرىمشىل، كىرشىكسىز، كوركەم دۇنيە قۇرۋ ادامزات قوعامىنىڭ ورتاق قۇن تالپىنىسىن بەينەلەپ، ءار ەل حالقىنىڭ بەيبىتشىلىك، دامۋ، گۇلدەنۋ جولىنداعى ەڭ ۇلكەن ورتاق بولگىشىن ۇيىستىردى.

  «دۇنيە جۇزىندەگى ءار ەلدە وسىنداي الاۋىزدىق، قايشىلىق بولعانىمەن، نە اناداي، نە مىناداي قاقتىعىسۋدان اۋلاق بولا الماعانىمەن، ءبىراق دۇنيە جۇزىندەگى ءار ەل حالقى ءبىر اسپاننىڭ استىندا، ءبىر مەكەندە جاساپ وتىر، ءبىر ءۇيلى جانداي بولۋعا ءتيىس. دۇنيە جۇزىندەگى ءار ەل حالقى <كۇللى الەم − ءبىر شاڭىراق> دەيتىن ۇستانىمدى ۇستانىپ، قۇشاعىن اشىپ، ءبىرىن - ءبىرى ءتۇسىنىپ، پارىقتاردى ساقتاپ، ورتاقتىققا ۇمتىلىپ، ادامزاتتىڭ تاعدىرلاس ورتاق تۇلعاسىن قۇرۋ جولىندا بىرگە قۇلشىنۋى كەرەك».

  شي جينپيڭنىڭ ىقىلاستى ءسوزى دۇنيە جۇزىنە تاعى ءبىر رەت وي سالدى، ادامزاتتا تەك ءبىر عانا جەر شارى بار، ادامزاتتا ءبىر عانا ورتاق بولاشاق بار. ءجۇز جىلدىق سان وزگەرىستى باستان كەشىرگەن جۇڭگو كوممۋنيستىك پارتياسى مەن جۇڭگو حالقى دۇنيە جۇزىندەگى ءار ەلمەن بىرگە بەيبىتشىلىكتى قورعاپ، دامۋدى جەبەپ، بۇكىل ادامزاتتىڭ ورتاق باقىتى ءۇشىن، اناعۇرلىم كوركەم دۇنيە ءجۇزىن قۇرۋ جولىندا تىڭ دا اناعۇرلىم زور ۇلەس قوسادى.

  (شينحۋا اگەنتتىگى، 6 – ايدىڭ 30 – كۇنى، بەيجيڭ. تىلشىلەر حان مو، جىڭ حانگىن، حان لياڭ)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار