التى تاراۋ بىرلەسىپ قۇجات جاريالادى، اۋىل – قىستاقتى گۇلدەندىرۋگە فينانستىق جاقتان قىزمەت وتەۋ قۋاتىن ۇزدىكسىز جوعارىلاتادى
2021.07.02 16:07 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋ يۇي 7 – ايدىڭ 1 – كۇنى بەيجيڭنەن حابارلايدى. ءتىلشىنىڭ جۇڭگو حالىق بانكەسىنەن ۇعىسۋىنشا، جۋىردا جۇڭگو حالىق بانكەسى قاتارلى التى تاراۋ بىرلەسىپ قۇجات شىعارىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى جانە اۋىل – قىستاقتى گۇلدەندىرۋدى جالپى بەتتىك ىلگەرىلەتۋدى توڭىرەكتەي وتىرىپ، فينانستىق ونىمدەر مەن قىزمەت وتەۋدە جاڭالىق جاراتىپ، فينانستىڭ ۇيىمدىق جۇيەسىن كەمەلدەندىرىپ، نەگىزدىك فينانستىق قىزمەت وتەۋدى جاقسارتىپ، اناعۇرلىم مول فينانستىق بايلىق قاينارىن اۋىل شارۋاشىلىعى، اۋىل – قىستاق، شارۋالار سالاسىنا قوسۋعا جەتەلەۋدى ورتاعا قويعان.
تانىستىرۋعا قاراعاندا، «14 – بەسجىلدىق» جوبا مەزگىلىندە اۋىل – قىستاقتاعى فينانستىق قىزمەت وتەۋدى شىنايى، ويداعىداي ىستەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە قولداۋ كورسەتىپ، اۋىل – قىستاقتى گۇلدەندىرۋگە فينانستىق جاقتان قىزمەت وتەۋدىڭ قۋاتى مەن ورەسىن ۇزدىكسىز جوعارىلاتۋ ءۇشىن، حالىق بانكەسى، بانكە – قامسىزداندىرۋ ىستەرىن باقىلاۋ – باسقارۋ كوميتەتى، قۇندى قاعاز ىستەرىن باقىلاۋ – باسقارۋ كوميتەتى، قازىنا مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك اۋىل – قىستاقتى گۇلدەندىرۋ مەكەمەسى «كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە فينانستىق قولداۋ كورسەتىپ، اۋىل – قىستاقتى گۇلدەندىرۋدى جالپى بەتتىك ىلگەرىلەتۋ جونىندەگى پىكىردى» بىرلەسىپ تاراتتى.
پىكىردە مىنالار اتاپ كورسەتىلگەن: فينانستىق قۇرىلىمدار كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، مەملەكەتتىك اۋىل – قىستاقتى گۇلدەندىردەگى ءتۇيىندى كومەكتەسەتىن اۋداندارعا بەيىمدەلە وتىرىپ فينانستىق بايلىق قاينارلارىن مولايتۋ، استىق قاتارلى ماڭىزدى اۋىل شارۋاشىلىعى ونىمدەرىنە قارجى قوسۋدى قامتاماسىزداندىرۋدى كۇشەيتۋ قاتارلى سەگىز ءتۇرلى ماڭىزدى سالانى توڭىرەكتەي وتىرىپ، فينانستىق بايلىق قاينارلارىنىڭ قوسىلىمىن ارتتىرۋ كەرەك. پىكىردە بانكە سالاسىنداعى فينانستىق قۇرىلىمداردىڭ قىزمەت وتەۋ قۋاتىن جوعارىلاتۋ جونىندە ايقىن تالاپتار ورتاعا قويىلىپ، بانكە سالاسىنداعى فينانستىق قۇرىلىمداردى اۋىل – قىستاقتاعى فينانستىڭ ۇيىمدىق جۇيەسىن كەمەلدەندىرۋگە، ىشكى جاقتاعى بايلىق قاينارى ءبولىسىن جانە ساياساتتىق ورنالاستىرۋدى جاقسارتىپ، فينانستى عىلىم – تەحنيكا ارقىلى جانداندىرۋدى كۇشەيتۋگە قۋزاعان.
حالىق بانكەسىندەگى قاتىستى قىزمەتكەرلەردىڭ تانىستىرۋىنشا، پىكىردە كەدەيلەردى دالمە – ءدال سۇيەمەلدەۋ جاعىنداعى بۇرىنعى فينانستىق ونىمدەر جانە فينانس ارقىلى اۋىل شارۋاشىلىعىن قولداۋعا ساياتىن ونىمدەر، حالىق شارۋاشىلىعى سالاسىنداعى بانكەدەن بەرىلەتىن قارىز قاتارلىلاردى رەتتەپ جانە كەمەلدەندىرىپ، شاعىن سوماداعى سەنىمدى قارىز، ءوندىرىس ارقىلى جەتەلەۋگە بەرىلەتىن قارىز، جاڭا تيپتى اۋىل شارۋاشىلىعى تيجاراتتىق تۇلعالارىنا بەرىلەتىن قارىز قاتارلى ون نەشە ءتۇرلى فينانستىق ءونىمدى نەگىز ەتە وتىرىپ، سەنىمدى قارىز، زايوم، جارنا ۇقىعى، مەرزىمدەمەلى تاۋار، قامسىزداندىرۋ قاتارلى فينانستىق بازارلاردىڭ بىرىككەن كۇشىن تولىق ساۋلەلەندىرىپ، ساياساتتىڭ باعىتتامالىلىعى مەن مەڭگەرىمدىلىگىن كۇشەيتۋ كەرەك.
پىكىردە مىنالار ايقىندالعان: اۋىل – قىستاقتاعى سەنىمدىلىك جۇيەسى قۇرىلىسىن ىلگەرىلەتۋ، اۋىل – قىستاقتاعى اقشا تولەۋگە قىزمەت وتەۋ ورتاسىن جاقسارتۋ قاتارلى جولدار ارقىلى اۋىل – قىستاقتاعى نەگىزدىك فينانستىق قىزمەت وتەۋدى ۇزدىكسىز كەمەلدەندىرىپ، اۋىل – قىستاقتاعى فينانستىق ەكولوگيالىق ورتا جاقسارتىلادى ءارى قاراجاتتىق قولداۋ كورسەتۋ، قازىنا باجىسىنان سيلىق – تولىقتاما قاراجات بەرۋ جانە حاۋىپ – قاتەردى ءبولىپ ارقالاۋ، تەكسەرۋ، باعالاۋ جانە باقىلاۋ – باسقارۋ ارقىلى تەجەۋ قاتارلى شارالاردى قولدانىپ، بانكە سالاسىنداعى فينانستىق قۇرىلىمدارعا باعىتتالعان شابىتتاندىرۋ مەن تەجەۋ كۇشەيتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
