جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسى تيان - انمىن الاڭىندا سالتاناتپەن وتكىزىلدى
2021.07.02 16:46 كەلۋ قاينارى : حالىق تورابى
شي جينپيڭ ماڭىزدى ءسوز سويلەپ مىنانى دارىپتەدى: 100 جىلدىڭ الدىندا جۇڭگو كوممۋنيستىك پارتياسىنىڭ اتويشىلارى جۇڭگو كوممۋنيستىك پارتياسىن قۇرىپ، اقيقاتتا تاباندى بولۋ، مۇراتتان جازباۋ، اۋەلگى ماقساتتى امالياتتا ايگىلەۋ، بورىشتى ارقالاۋ، قۇربان بەرۋدەن قورىقپاۋ، ەرلىكپەن كۇرەس جۇرگىزۋ، پارتياعا ادال بولۋ، حالىقتىڭ ءۇمىتىن اقتاۋ سىندى پارتيا قۇرۋدىڭ ۇلى رۋحىن قالىپتاستىردى، بۇل − جۇڭگو كوممۋنيستىك پارتياسىنىڭ رۋحاني قاينارى. 100 جىلدان بەرى جۇڭگو كوممۋنيستىك پارتياسى پارتيا قۇرۋدىڭ ۇلى رۋحىن ساۋلەلەندىرىپ، ۇزاق ۋاقىتتىق كۇرەس بارىسىندا جۇڭگو كوممۋنيستەرىنىڭ رۋحاني شەجىرەسىن قالىپتاستىرىپ، ايقىن ساياسي قاسيەتتى شىڭدادى. تاريح اعىنى تولاسسىز جوڭكىلىپ، رۋح ۇرپاقتان - ۇرپاققا جالعاسىپ كەلەدى. ءبىز داڭقتى ءداستۇردى ۇزدىكسىز ساۋلەلەندىرىپ، قىزىل قان تامىردى جالعاستىرىپ، پارتيا قۇرۋدىڭ ۇلى رۋحىن ماڭگى جالعاستىرۋىمىز، ساۋلەلەندىرۋىمىز كەرەك
لي كىچياڭ جينالىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حۋ جينتاۋ جينالىسقا قاتىناستى
«حالىق گازەتى»، 7 - ايدىڭ 1 – كۇنى، بەيجيڭ. 100 جىلدىق ساپار قۇلاشىن كەڭ جايىپ، عاسىرلىق اۋەلگى ماقسات ۇزاق تاريحي بارىستا بەكەمدەلە ءتۇستى. 7 - ايدىڭ 1 – كۇنى تۇستەن بۇرىن جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى، ءار سالا ۋاكىلدەرىنەن 70 مىڭنان استام ادام سالتاناتتى سالت وتكىزىپ، جۇڭگو كوممۋنيستىك پارتياسىنىڭ 100 جىلدىق مەرەي تويىن قۇتتىقتادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى (ءسوزدىڭ تولىق مازمۇنى «حالىق گازەتىنىڭ» 2 – بەتىندە جاريالاندى). ول بىلاي دەپ دارىپتەدى: وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپ قايتاردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان جولىنا ءتۇستى. جۇڭگو كوممۋنيستىك پارتياسى جۇڭحۋا ۇلتىنىڭ بولاشاقتىق ۇلى ءىسىن مۇرات تۇتىپ، 100 جىلدىق تولىسقان كەزىنە تۋرا كەلدى. وتكەندى ەسكە الىپ، بولاشاققا كوز جىبەرسەك، جۇڭگو كوممۋنيستىك پارتياسىنىڭ پارمەندى باسشىلىعى، بۇكىل ەلدەگى ءار ۇلت حالقىنىڭ تىعىز ىنتىماعى بولادى ەكەن، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسى، ءسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى.
شي جينپيڭ پارتيا مەن حالىق اتىنان مىنانى سالتاناتپەن جاريالادى: بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي ارشىندى قادام تاستادىق. بۇل − جۇڭحۋا ۇلتىنىڭ ۇلى داڭقى، جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي كىچياڭ قۇتتىقتاۋ جينالىسىن باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەت ءتوراعاسىنىڭ ورىنباسارى ۋاڭ چيشان جينالىسقا قاتىناستى.
جۇڭگونىڭ بايتاق دالاسى شاتتىققا شومىپ، الۋان تۇسكە بولەندى، استانا بەيجيڭدە گۇل شوقتارى جايناپ، تۋلار جەلبىرەدى. ۇلى جۇڭگو كوممۋنيستىك پارتياسىنىڭ باسشىلىعىندا، تاياۋ زاماننان كەيىن تالاي تاۋقىمەتتى باستان كەشكەن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، ءبىر ميلليارد 400 ميلليوننان استام جۇڭگو حالقى جۇڭگوشا سوتسياليزمنىڭ جاڭا ءداۋىرىنىڭ ايبىندى جورىعىندا جىگەرلەنە العا باسۋدا.
تيان - انمىن مىنبەسى ايبىندى دا سالتاناتتى بەينەگە ەنگەن، مىنبەنىڭ قىزىل قابىرعاسىنىڭ ءدال ورتاسىنا ماۋ زىدۇڭ جولداستىڭ الىپ ءتۇستى سۋرەتى ىلىنگەن. تيان - انمىن الاڭىندا حالىق قاھارماندارى ەسكەرتكىشى اسقاق بوي سوزىپ تۇر. ەسكەرتكىشتىڭ سولتۇستىك جاعىندا بيىكتىگى 7.1 مەتر، كەڭدىگى 7.1 مەتر كەلەتىن جۇڭگو كوممۋنيستىك پارتياسىنىڭ پارتيا بەلگىسى مەن «1921»، «2021» دەگەن جازۋلار ەرەكشە كوز تارتادى. الاڭنىڭ شىعىس، باتىس ەكى جاعىندا 100 قىزىل تۋ جەلبىرەيدى.
اۋەدەن كوز سالعاندا تيان - انمىن الاڭىنداعى «الىپ كەمەنىڭ ساپارعا اتتانۋى» اتتى اشەكەيلى قۇرىلعى ايبىندى دا سالتاناتتى بولىپ، تولقىن جارا العا ىلگەرىلەۋدى، جۇڭحۋا ۇلتى ۇلى گۇلدەنۋىنىڭ شۇعىلالى بولاشاعىنا بەت الۋدى بەينەلەۋدە.
«تاۋ جىرىن پارتياعا ارنايمىز»، «ءبىز داڭعىل جولمەن كەلەمىز»، «جاڭا الەم»، «كوممۋنيستىك پارتيا بولماسا، جاڭا جۇڭگو بولماق ەمەس» ... قۇتتىقتاۋ جينالىسى باستالاردان بۇرىن تۇتاس الاڭداعىلار اسقاق جىگەرمەن ەكپىندەي ىلگەرىلەگەن كلاسسيكالىق اندەردى اسقاقتاتا شىرقاپ، پارتياعا دەگەن سۇيىسپەنشىلىكتەرى مەن تىلەكتەرىن ءبىلدىردى.
تۇستەن بۇرىن ساعات 7 دەن 53 مينۋت وتكەندە ويناقى مۋزىكا ءۇنى ىشىندە شي جينپيڭ قاتارلى پارتيا مەن مەملەكەت باسشىلارى تيان - انمىن مىنبەسىنە كەلدى، تۇتاس الاڭدا قىزۋ قول شاپالاق ءۇنى كۇركىرەدى.
قىرانداي سامعاپ، كوك اسپاندا قانات قاقتى. ساعات 7 دەن 55 مينۋت وتكەندە جۇڭگو حالىق ازاتتىق ارمياسىنىڭ 71 سوعىس ۇشاعى تيان - انمىن الاڭىنا قاراي ۇشىپ، پارتياعا، وتانعا، حالىققا قۇرمەت ءبىلدىردى. اۋەدەگى تۋ قورعاۋشىلار تىركەسپەلى قوسىنى ۇشۋ ارقىلى قۇتتىقتاۋ كونسەرتىنىڭ شىمىلدىعىن اشتى، 5 تىك ۇشار جەكە - جەكە جۇڭگو كوممۋنيستىك پارتياسىنىڭ تۋى مەن «ۇلى جۇڭگو كوممۋنيستىك پارتياسى جاساسىن»، «ۇلى جۇڭگو حالقى جاساسىن»، «ۇلى جۇڭحۋا حالىق رەسپۋبليكاسى جاساسىن»، «بۇكىل ەلدەگى ءار ۇلت حالقىنىڭ ۇلى ىنتىماعى جاساسىن» دەگەن جازۋلار جازىلعان كەرمە تۋلاردى ىلگەن كۇيدە ۇشىپ ءوتتى. وسىدان كەيىن تىك ۇشارلار، سوعىس ۇشاقتارى جەكە - جەكە «100»، «71» دەگەن جازۋ پىشىندەرىن بەينەلەپ كەڭىستىكتەن ءوتتى، J-20 تيبىندەگى 15 ۇشاقتان قۇرالعان 3 تىركەسپەلى قوسىن زىمىراپ وتە شىقتى، جاتتىعۋ ۇشاعى 10 تال ءتۇستى ءتۇتىن شىعاردى، تارتىمدى ويىن نومىرلەرىن كورگەن كوپشىلىك ءالسىن - ءالى شاتتىققا شومدى.
تيان - انمىن الاڭىنداعى ءىرى تۇرپاتتى ەلەكتروندىق ەكراندا قوڭىراۋ سوعىلعان كورىنىس جارىققا شىقتى. 1921، 1931، 1941 ... 2021، ساعات قوڭىراۋىنىڭ سوعىلۋىمەن جىل ساندارى رەتىمەن كورىنە باستادى. ساعات ءدال 8 دە الىپ كەمەنىڭ جولعا شىققانىنىڭ سيمۆولى بولعان گۋدوك ءۇنى كوتەرىلىپ، قۇتتىقتاۋ جينالىسى باستالدى.
تۇتاس الاڭداعىلار قۇرمەت كورسەتىپ قاتاڭ بەينەمەن تىك تۇردى، قۇرمەت زەڭبىرەگى 100 رەت اتىلىپ، جەر - كوكتى جاڭعىرتتى، مەملەكەت تۋىن قورعاۋ اترەتىنىڭ كوماندير - جاۋىنگەرلەرى بەس جۇلدىزدى قىزىل تۋدى قورعاپ، ايبىندى دا نىق قاداممەن حالىق قاھارماندار ەسكەرتكىشىنەن الاڭنىڭ سولتۇستىك جانىنداعى تۋ شىعارۋ اۋماعىنا كەلدى. جۇڭگو حالىق ازاتتىق ارمياسىنىڭ بىرلەسكەن اسكەري وركەسترى ايبىندى «ەرىكتىلەر مارىشىن» ورىندادى، تۇتاس الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن بىركەلكى داۋىسپەن اسقاقتاتا شىرقادى، كوز تارتاتىن كورىكتى بەس جۇلدىزدى نارت قىزىل تۋ باياۋ كوتەرىلىپ، تيان - انمىن الاڭىنىڭ كەڭىستىگىندە جەلبىرەدى.
دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر بىرلەسپە قۇتتىقتاۋ ءسوزىن جولدادى، جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ى - شياڭ قۇتتىقتاۋ ءسوزىن وقىپ، جۇڭگو توڭكەرىسىنىڭ، قۇرىلىسىنىڭ، رەفورما ىستەرىنىڭ پارمەندى باسشىلىق ۇيىتقىسى − ۇلى جۇڭگو كوممۋنيستىك پارتياسىنا ەڭ وسكەلەڭ قۇرمەت ءبىلدىردى جانە ەڭ ادال ىقىلاسپەن قۇتتىقتادى. شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوساتىندارىن ءبىلدىردى.
كوممۋنيستىك جاستار وداعىنىڭ مۇشەلەرى مەن پيونەرلەر ۋاكىلدەرى توپتىق ارناۋ ءسوز جولداپ، پارتياعا جاستىق كوكتەمنىڭ ماداعىن جەتكىزىپ، «پارتيا الاڭسىز بولسىن، ءبىز مەملەكەتتى قۇدىرەتتەندىرۋگە دايىنبىز» دەگەن ايبىندى سەرتتەرىن ءبىلدىردى.
دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنانى ءبىلدىردى: بۇگىنگى كۇن جۇڭگو كوممۋنيستىك پارتياسى تاريحىندا، جۇڭحۋا ۇلتى تاريحىندا توتەنشە كەلەلى ءارى سالتاناتتى كۇن بولدى. ءبىز بۇل ارادا سالتاناتتى جينالىس وتكىزىپ، بۇكىل پارتيامەن، بۇكىل ەلدەگى ءار ۇلت حالقىمەن بىرگە جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىن ەسكە الىپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىنا كوز جىبەردىك. شي جينپيڭ پارتيا ورتالىق كوميتەتى اتىنان جۇڭگو كوممۋنيستىك پارتياسىنىڭ جالپى مۇشەلەرىن مەرەكە بايلانىسىمەن قىزۋ قۇتتىقتادى.
شي جينپيڭ بىلاي دەپ اتاپ كورسەتتى: جۇڭگودا كوممۋنيستىك پارتيا ومىرگە كەلدى، بۇل − جەر - كوكتى ءدۇر سىلكىندىرگەن ءىرى وقيعا، ول تاياۋ زاماننان كەيىنگى جۇڭحۋا ۇلتىنىڭ دامۋ بەتالىسى مەن اياق الىسىن، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن، دۇنيە ءجۇزىنىڭ دامۋ بەتالىسى مەن جاعدايىن تەرەڭ وزگەرتتى. جۇڭگو كوممۋنيستىك پارتياسى ومىرگە كەلگەننەن كەيىن جۇڭگو حالقىنىڭ باقىتىن كوزدەۋدى، جۇڭحۋا ۇلتىنىڭ گۇلدەنۋىن كوزدەۋدى ءوزىنىڭ اۋەلگى ماقساتى، بورىشى ەتىپ بەلگىلەدى. 100 جىلدان بەرى جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ جانە باستاپ جۇرگىزگەن بارلىق كۇرەسىن، بارلىق قۇرباندىعىن، بارلىق جاسامپازدىعىن جيناقتايتىن بولساق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ دەيتىن نەگىزگى تاقىرىپقا تۇراقتايدى.
شي جينپيڭ بىلاي دەپ دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، قاندى شايقاس جۇرگىزىپ، قاجىماس قايسارلىق كورسەتىپ، جاڭا دەموكراتيالىق توڭكەرىستىڭ ۇلى جەتىستىكتەرىن جاراتتى؛ ءوز كۇشىنە سۇيەنىپ ءومىر ءسۇرىپ، قايراتتانا العا ۇمتىلىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، قايراتتانا العا ۇمتىلىپ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى جەتىستىكتەرىن جاراتتى؛ سەنىمدى بەكەمدەپ، ءوزىن الۋەتتەندىرىپ، دۇرىس جولدان جازباي، جاڭالىق اشىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، جاڭا داۋىردەگى جۇڭگوشا سوتسياليزمنىڭ ۇلى جەتىستىكتەرىن جاراتتى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى العانىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى بۇرۋعا بولمايتىن تاريحي كەزەڭگە وتكەنىن سالتاناتپەن جاريالادى.
شي جينپيڭ بىلاي دەپ اتاپ كورسەتتى: 100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، «قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن» دەگەن ەشنارسەدەن تايىنبايتىن جىگەرمەن جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستانىن جازدى. وسى 100 جىلدان بەرى اشقان ۇلى جول، جاراتقان ۇلى ءىس، قول جەتكىزگەن ۇلى تابىس، ءسوز جوق، جۇڭحۋا ۇلتىنىڭ دامۋ تاريحىنا، ادامزات وركەنيەتىنىڭ دامۋ تاريحىنا جازىلادى.
شي جينپيڭ مىنانى ءبىلدىردى: 100 جىلدان بەرى ءبىزدىڭ قول جەتكىزگەن تابىستارىمىز − جۇڭگو كوممۋنيستەرىنىڭ، جۇڭگو حالقىنىڭ، جۇڭحۋا ۇلتىنىڭ ىنتىماقتاسا كۇرەس جۇرگىزۋىنىڭ ناتيجەسى. ماۋ زىدۇڭ جولداستى، دىڭ شياۋپيڭ جولداستى، جياڭ زىمين جولداستى، حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى جۇڭحۋا ۇلتىنىڭ ۇلى گۇلدەنۋى ءۇشىن تاريحتا ماڭگى وشپەيتىن ۇلى ەڭبەك ءسىڭىردى، ءبىز ولارعا وسكەلەڭ قۇرمەت بىلدىرەمىز.
شي جينپيڭ مىنانى ءبىلدىردى: ءدال وسى ساتتە ءبىز جۇڭگو توڭكەرىسى، قۇرىلىسى، رەفورماسى ءۇشىن، جۇڭگو كوممۋنيستىك پارتياسىنىڭ قۇرىلۋى، بەكەمدەلۋى، دامۋى ءۇشىن ەلەۋلى ۇلەس قوسقان ماۋ زىدۇڭ، جوۋ ىنلاي، ليۋ شاۋچي، جۋ دى، دىڭ شياۋپيڭ، چىن يۇن قاتارلى اعا بۋىن توڭكەرىسشىلەردى ساعىنىشپەن ەسكە الامىز، جاڭا جۇڭگونى قۇرۋ، قورعاۋ، كوركەيتۋ جولىندا ەرلىكپەن قۇربان بولعان توڭكەرىستىك قۇربانداردى، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى جولىندا ەرلىكپەن قۇربان بولعان توڭكەرىستىك قۇربانداردى ساعىنىشپەن ەسكە الامىز، تاياۋ زاماننان بەرگى ۇلتتىڭ تاۋەلسىزدىگى مەن حالىقتىڭ ازاتتىعى جولىندا قايسارلىقپەن كۇرەس جۇرگىزگەن بارلىق ارداگەردى ساعىنىشپەن ەسكە الامىز. ولاردىڭ وتان مەن ۇلت ءۇشىن سىڭىرگەن ۇلى ەڭبەگى تاريحقا ماڭگى جازىلادى! ولاردىڭ وسكەلەڭ رۋحى حالىقتىڭ جۇرەگىندە ماڭگى ساقتالادى!
شي جينپيڭ مىنانى ءبىلدىردى: حالىق − تاريحتى جاراتۋشى، ناعىز قاھارمان. مەن پارتيا ورتالىق كوميتەتى اتىنان بۇكىل ەلدەگى قالىڭ جۇمىسشىلارعا، ەگىنشىلەرگە، زيالىلارعا، دەموكراتيالىق پارتيا - توپتارعا جانە پارتيادا، توپتا جوق قايراتكەرلەرگە، حالىقتىق ۇيىمدارعا، ءار سالاداعى وتانشىل قايراتكەرلەرگە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر – اسكەرلەرىنە، قوعام حاۋىپسىزدىگى كادر - ساقشىلارىنا جانە ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قوسىنىنداعى كوماندير - جاۋىنگەرلەرگە، بارلىق سوتسياليستىك ەڭبەكشىلەرگە، بىرلىكساپ سالاسىنداعى قالىڭ مۇشەلەرگە وسكەلەڭ قۇرمەت بىلدىرەمىن. شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا جانە تايۋاندىق باۋىرلاستارعا، سونداي - اق قالىڭ مۇھاجىر باۋىرلاستارعا شىنايى سالەم جولدايمىن. جۇڭگو حالقىمەن تاتۋ - ءتاتتى وتكەن، جۇڭگونىڭ توڭكەرىس، قۇرىلىس، رەفورما ىستەرىنە كوڭىل بولگەن جانە قولداۋ كورسەتكەن ءار ەل حالىقتارى مەن دوستارىنا شىن جۇرەكتەن العىس ايتامىن.
شي جينپيڭ مىنالاردى دارىپتەدى: اۋەلگى ماقساتتى بەلگىلەۋ وڭاي، باستان - اياق قورعاۋ قيىن. تاريحتى اينا ەتكەندە عانا ورلەۋ مەن قۇلدىراۋدى بىلۋگە بولادى. ءبىز تاريح ارقىلى رەالدىقتى ايگىلەپ، بولاشاققا كوز جىبەرىپ، جۇڭگو كوممۋنيستىك پارتياسىنىڭ 100 جىلدىق كۇرەسىنەن وتكەندە ءبىزدىڭ نە ءۇشىن تابىسقا جەتەتىنىمىزدى، بولاشاقتا قايتكەندە ۇزدىكسىز تابىسقا جەتەتىنىمىزدى ايقىن كورە ءبىلۋىمىز، سول ارقىلى جاڭا ساپاردا اۋەلگى ماقساتتى، بورىشتى اناعۇرلىم باتىل، اناعۇرلىم سانالى تۇردە ەستە بەرىك ساقتاپ، كوركەم بولاشاق جاراتۋىمىز كەرەك. تاريحتى اينا ەتىپ، بولاشاققا جول اشۋدا، ءسوز جوق، جۇڭگو كوممۋنيستىك پارتياسىنىڭ پارمەندى باسشىلىعىندا تاباندى بولىپ، پارتيانىڭ جالپى بەتتىك باسشىلىعىندا تاباندى بولىپ، پارتيانىڭ باسشىلىعىن ۇزدىكسىز كەمەلدەندىرىپ، پارتيانىڭ جالپى جاعدايدى مەڭگەرۋ، ءار جاقتى سايكەستىرۋ سىندى باسشىلىق ۇيىتقىلىق رولىن تولىق ساۋلەلەندىرۋ؛ جۇڭگو حالقىن ىنتىماقتاستىرىپ جانە باستاپ، تاماشا تۇرمىس ءۇشىن ۇزدىكسىز كۇرەس جۇرگىزىپ، حالىققا بەرىك سۇيەنىپ تاريحتى جاراتىپ، حالىقتى وزەك ەتكەن دامۋ يدەياسىن امالياتتا ايگىلەپ، بۇكىل بارىستا حالىق دەموكراتياسىن دامىتىپ، ادامنىڭ جان - جاقتى دامۋىن، جالپى حالىقتىڭ بىرگە اۋقاتتانۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى ىلگەرىلەتۋ؛ ماركسيزمنىڭ جۇڭگوشالانۋىن ۇزدىكسىز ىلگەرىلەتىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، ماركسيزم ارقىلى ءداۋىردى باقىلاپ، ءداۋىردى يگەرىپ، داۋىرگە جەتەكشىلىك ەتىپ، قازىرگى زامانعى جۇڭگونىڭ ماركسيزمىن، 21 - عاسىرداعى ماركسيزمدى ۇزدىكسىز دامىتۋ؛ جۇڭگوشا سوتسياليزمدە تاباندى بولىپ جانە ونى دامىتىپ، پارتيانىڭ نەگىزگى نازارياسىندا، نەگىزگى لۋشيانىندا، نەگىزگى جالپى جوباسىندا تاباندى بولىپ، ءوزى تاڭداعان جولدا ارشىندى قاداممەن تىنباي ءجۇرىپ، جۇڭگونىڭ دامۋ، العا باسۋ تاعدىرىن ءوز قولىندا بەرىك ۇستاۋ؛ مەملەكەت قورعانىسى مەن ارميانىڭ وسىزاماندانۋىن تەزدەتىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ حالىق ارمياسىنا مۇلدەمدىك باسشىلىعىندا تاباندى بولىپ، حالىق ارمياسىن دۇنيە جۇزىندەگى ماڭداي الدى ارميا ەتىپ قۇرىپ شىعىپ، اناعۇرلىم قۇدىرەتتى قۋات، اناعۇرلىم سەنىمدى ءتاسىل ارقىلى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ؛ بەيبىتشىلىك، دامۋ، سەلبەستىك، تەڭ يگىلىكتەنۋ تۋىن بيىك ۇستاپ، دەربەس، ءوز - وزىنە قوجا بولۋ سىندى بەيبىت ديپلوماتيالىق ساياساتتى اتقارىپ، جاڭاشا حالىقارالىق قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتىپ، تاريح تەگەرشىگىنىڭ نۇرلى نىساناعا قاراي العا باسۋىن ىلگەرىلەتۋ؛ كوپتەگەن جاڭا تاريحي ەرەكشەلىككە يە ۇلى كۇرەس جۇرگىزىپ، تاۋقىمەت تانىمىن كۇشەيتىپ، باستان - اياق امانشىلىقتا جامانشىلىقتىڭ بولارىن ويلاپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، تاۋ كەزىكسە جول اشىپ، سۋعا كەزىكسە كوپىر سالىپ، بارلىق حاۋىپ - قاتەر مەن سىن - سايىستى باتىلدىقپەن جەڭۋ؛ جۇڭحۋا ۇلاندارىنىڭ ۇلى ىنتىماعىن كۇشەيتىپ، ەل ءىشى - سىرتىنداعى بارلىق جۇڭحۋا ۇلاندارى ءبىر نيەت، ءبىر تىلەكتە بولىپ، ءبىر نىسانا ءۇشىن كۇش شىعاراتىن جاندى جاعدايدى قالىپتاستىرىپ، ۇلتتىڭ گۇلدەنۋىن جۇزەگە اسىرۋدىڭ جويقىن كۇشىن توپتاۋ؛ پارتيا قۇرىلىسىنىڭ جاڭا دا ۇلى ينجەنەرياسىن ۇزدىكسىز ىلگەرىلەتىپ، تەمىر سوقساڭ قۇرىش بول دەگەن قاعيدانى ەستە بەرىك ساقتاپ، پارتيانى جاپپاي قاتاڭ جونگە سالۋ ماڭگى جالعاسادى دەيتىن ساياسي سانالىلىقتى كۇشەيتىپ، پارتيانىڭ جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋدىڭ تاريحي بارىسىندا باستان - اياق پارمەندى باسشىلىق ۇيىتقى بولۋىنا شىنايى كەپىلدىك ەتۋ كەرەك.
شي جينپيڭ مىنالاردى دارىپتەدى: ءبىز «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن جاپپاي دۇرىس دايەكتىلەندىرىپ، ورتالىقتىڭ شياڭگاڭ، اۋمىن ەرەكشە اكىمشىلىك رايوندارىن جاپپاي باسقارۋ، جونگە سالۋ ۇقىعىن تياناقتاندىرىپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋى مەن ورنىقتىلىعىن ساقتاۋىمىز كەرەك. ءبىر جۇڭگو پرينسيبى مەن «92 - جىلعى ورتاق تانىمدا» تاباندى بولىپ، وتاننىڭ بەيبىت بىرلىككە كەلۋ اياق الىسىن ىلگەرىلەتۋ كەرەك. ەكى جاعالاۋداعى باۋىرلاستاردى قامتىعان بارلىق جۇڭحۋا ۇلاندارى ءبىر جاعادان باس، ءبىر جەڭنەن قول شىعارىپ، ىنتىماقتاسا العا باسىپ، ءارقانداي «تايۋان تاۋەلسىزدىگى» قاسكۇنەمدىگىن باتىل تالقانداپ، ۇلتتىڭ گۇلدەنۋىنىڭ كوركەم بولاشاعىن بىرگە جاراتۋى كەرەك. ءارقانداي ادام جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى بەرىك بەكىمىن، ەرىك - جىگەرىن، قۇدىرەتتى قۋاتىن تومەن مولشەرلەمەۋى كەرەك.
شي جينپيڭ بىلاي دەپ اتاپ كورسەتتى: بولاشاق جاستارعا ءتان، ءۇمىت جاستاردا. جاڭا داۋىردەگى جۇڭگو جاستارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز مىندەتى ەتىپ، جۇڭگولىقتارعا ءتان ەرىك - جىگەر، قايرات - قارىم، سەنىمدى كۇشەيتىپ، ءداۋىردىڭ، جاستىق كوكتەمنىڭ، پارتيا مەن حالىقتىڭ شىنايى ءۇمىتىن اقتاۋى كەرەك.
شي جينپيڭ بىلاي دەپ دارىپتەدى: وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپ قايتاردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا ءتۇستى. شي جينپيڭ پارتيا ورتالىق كوميتەتى اتىنان جۇڭگو كوممۋنيستىك پارتياسىنىڭ بارلىق مۇشەسىن اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، پارتيانىڭ نەگىزگى ماقساتىن امالياتتا ايگىلەپ، حالىق بۇقاراسىمەن ەتەنە بايلانىستى ماڭگى ساقتاپ، قاشان دا حالىقپەن بىرگە ويلاپ، بىرگە ىستەپ، جاپا - ماشاقاتتا، قيىن – قىستاۋ ساتتە بىرگە بولىپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ جولىندا تىنباي قۇلشىنىپ، پارتيا مەن حالىققا اناعۇرلىم زور داڭق الىپ بەرۋ ءۇشىن قۇلشىنۋعا ۇندەدى.
شي جينپيڭنىڭ ءسوزى اياقتاعاندا تۇتاس الاڭداعىلار ورىندارىنان تۇرىپ، الاڭنان ۇزاققا سوزىلعان قىزۋ شاپالاق ءۇنى كوتەرىلدى.
جينالىس ايبىندى «ينتەرناتسيونال انىمەن» اياقتادى.
ايبىندى مۋزىكا ءۇنى كوتەرىلدى، تۇتاس الاڭداعىلار «وتاندى جىرلايمىز» ءانىن اسقاقتاتا شىرقادى. 100 مىڭ بەيبىتشىلىك كوگارشىنى قاناتىن جايىپ بيىككە سامعادى، 100 مىڭ ءتۇستى شار لاپ بەرىپ كوككە كوتەرىلدى. تيان - انمىن الاڭىنداعى ءار سالا جۇرتشىلىعى تيان - انمىن مىنبەسىنە قاراي الاقايلاپ قۇرمەت ءبىلدىردى، شي جينپيڭ قاتارلىلار كوپشىلىككە قول بۇلعاپ قۇرمەت ءبىلدىردى. مىنبەنىڭ جوعارعى جاعى مەن تومەنگى جاعىندا شىنايى سۇيىسپەنشىلىك توعىسقان جۇرەك كوپىرى سالىنىپ، الاڭ ءىشى - سىرتىندا شاتتىق ءۇنى قۋانىش تەڭىزىنە اينالىپ، جۇڭگو كوممۋنيستىك پارتياسىنىڭ عاسىرلىق مەرەي تويىن بىرگە قۇتتىقتاپ، وتان مەن دۇنيە ءجۇزىنىڭ بولاشاعىنىڭ ءتىپتى دە كوركەم بولۋىن بىرگە تىلەدى.
قۇتتىقتاۋ جينالىسىنا قاتىناسقانداردان تاعى تومەندەگىلەر بار: ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، حۋ جينتاۋ، لي رۇيحۋان، ۋ باڭگو، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ جانە چى حاۋتيان، جياڭ چۇنيۇن، ۋاڭ لىچۋان، ۋاڭ جاۋگو، حۇي لياڭيۇي، ليۋ چي، ۋ ي، ساۋ گاڭچۋان، زىڭ پەييان، ۋاڭ گاڭ، ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، مىڭ جيانجۋ، گو جينلۇڭ، ۋاڭ حانبين، حى يۇڭ، دۋ چيڭلين، جاۋ حۇڭجۋ، پىڭ پەييۇن، لي تيەيىڭ، حى لۋلي، جياڭ جىڭحۋا، گۋ شيۋليان، رى دي، ۋيۇنچومىك، چىن جىلي، جوۋ تيەنۇڭ، جياڭ شۋشىڭ، ساڭ گوۋەي، ۋاڭ شىڭجۇن، چىن چاڭجى، يان جۇنچي، جاڭ پيڭ، شياڭبا پيڭسو، داي بيڭگو، چاڭ ۋانچۋان، حان جۋبين، جيا چۇنۋاڭ، سۇڭ جيان، حۋ چيلي، ۋاڭ جۇڭيۇي،حاۋ جيانشيۋ، شۇي كۋاڭدي، جاڭ حۋايشي، لي مىڭ، لياۋ حۇي، باي ليچىن، چىن كۇييۋان، ابىلەت ابدىرەشيت، لي جاۋجو، حۋاڭ مىڭفۋ، جاڭ مەييىڭ، جاڭ رۇڭميڭ، چيان يۇنلۋ، سۇن جياجىڭ، لي جينحۋا، جىڭ ۋانتۇڭ، چىن زۇڭشيڭ، ۋاڭ جىجىن، حان چيدى، لو فۋحى، لي حايفىڭ، چىن يۋان، جوۋ شياۋچۋان، ۋاڭ جيارۇي، چي شۇيچۇن، ما پەيحۋا، ليۋ شياۋفىڭ، ۋاڭ چينمين، سونداي - اق لي زوچىڭ، مياۋ حۋا، جاڭ شىڭمين جانە فۋ چۋانيوۋ، يۇي يۇڭبو، ۋاڭ كى، چىن بيڭدى، لي جي - ناي، چياۋ چيڭچىن، جيڭ جىيۋان، جاۋ كىشى، ۋ شىڭلي، ما شياۋتيان، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى ي - چىڭ.
بەيجيڭدەگى ورتالىقتىڭ پارتيا، ۇكىمەت، ارميا، بۇقارالىق ورىندارىنىڭ ءارقايسى تاراۋىنداعى جاۋاپتى جولداستار، ساقا جولداستاردىڭ ۋاكىلدەرى، بەيجيڭدەگى ورتالىق باسقاراتىن فينانس قۇرىلىمدارى، كاسىپورىن، جوعارى مەكتەپ، عىلمي زەرتتەۋ قۇرىلىمدارى سياقتى ورىندارداعى نەگىزگى جاۋاپتى جولداستار، بەيجيڭدەگى ورتالىق كوميتەتتىڭ مۇشەلەرى، ورتالىق كوميتەتتىڭ كانديدات مۇشەلەرى، پارتيا 19 - قۇرىلتايىنىڭ ۋاكىلدەرى، ورتالىق ءتارتىپ تەكسەرۋ كوميتەتىنىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى مۇھاجىر باۋىرلاستاردىڭ ۋاكىلدەرى، ءارقايسى دەموكراتيالىق پارتيا - توپتار ورتالىق كوميتەتتەرىنىڭ بەيجيڭدەگى مۇشەلەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدەگى اتقارۋ كوميتەتىنىڭ جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنداعى قاتىستى جاۋاپتى جولداستار، مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى، «مەملەكەتتىك كەدەيلىكتەن ارىلتۋدان قامال الۋ ونەگەسى» داڭق اتاعىنىڭ، «مەملەكەتتىك ەڭ جوعارى عىلىم - تەحنيكا سيلىعىنىڭ»، «عارىش قاھارماندارىنىڭ»، «قاھارمان عارىشكەرلەردىڭ» يەگەرلەرى، مەملەكەتتىك وزات، ۇلگىلى قايراتكەرلەر ۋاكىلى، 11 - اۋلەت بانچان ەردەني چۋەجيجيەبۋ، مەملەكەتتىك ءدىني توپتاردىڭ نەگىزگى جاۋاپتىلارى، بەيجيڭدەگى جۇڭگو عىلىم اكادەمياسىنىڭ اكادەميكتەرى جانە جۇڭگو ينجەنەريا اكادەمياسىنىڭ اكادەميكتەرى، شەتەلدە وقىپ وتانعا ورالعان تاڭداۋلى دارىندىلاردىڭ ۋاكىلدەرى، قايتىس بولعان ءبىر ءبولىم قارت كادرلاردىڭ تۋىس - تۋعاندارى، قۇربانداردىڭ جانە ۇكىمەت قىزمەتى ءۇشىن قۇربان بولعانداردىڭ بالا - شاعاسى، «پارتيا قۇشاعىنداعى داڭقتى 50 جىل» ەستەلىك زناك يەگەرلەرىنىڭ ۋاكىلدەرى، 2021 - جىلى جاڭادان قابىلدانعان پارتيا مۇشەلەرىنىڭ ۋاكىلدەرى، بۇكىل ەلدەگى از ۇلتتاردىڭ ۋاكىلدەرى، مەملەكەت بويىنشا ءتۇيىندى تۇردە قامقورلىق جاسالاتىن وبيەكتىلەر، استانانىڭ ءار سالاسىنداعى بۇقارا ۋاكىلدەرى، بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى قاتارلىلار جينالىسقا قاتىناستى.
بەيجيڭدەگى ءار ەلدىڭ جۇڭگودا تۇراتىن ەلشىلەرى مەن حالىقارالىق ۇيىمداردىڭ جۇڭگودا تۇراتىن ۋاكىلدەرى، شەتەلدىك ماماندار دا ۇسىنىس بويىنشا جينالىسقا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
