بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭحۋا ۇلتىنىڭ ۇلى داڭقى

− جاپپاي دوڭگەلەك داۋلەتتى قوعام قۇرۋ جونىندە

«حالىق گازەتىنىڭ» شولۋشىسى

2021.07.02 16:49     كەلۋ قاينارى : حالىق تورابى

  بۇل − جۇڭحۋا ۇلتىنىڭ ۇلى داڭقى! بۇل − جۇڭگو حالقىنىڭ ۇلى داڭقى! بۇل − جۇڭگو كوممۋنيستىك پارتياسىنىڭ ۇلى داڭقى!

  جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ پارتيا مەن حالىق اتىنان: «بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي ارشىندى قادام تاستادىق» دەپ سالتاناتپەن جاريالادى. مىڭ جىلدىق ارمان - تىلەك، 100 جىلدىق كۇرەس، جۇڭحۋا ۇلتىنىڭ تالىقپاي تالپىنعان تاماشا ارمانى رەالدىققا اينالدى، جۇڭحۋا ۇلتىنىڭ ۇلى گۇلدەنۋى العا قاراي تىڭ قادام تاستادى، تاريح وسى داڭقتى ءساتتى ماڭگى ۇمىتپايدى!

  «قاجىرلىلىقپەن ەڭبەك ەتكەن حالىق شارشاپ – شالدىعادى، دوڭگەلەك داۋلەتكە جەتكەندەي تىنىعىپ، تىنىستاپ الۋى كەرەك». دوڭگەلەك داۋلەتتى قوعام قۇرۋ جۇڭحۋا ۇلتى ەجەلدەن اڭساعان تاماشا قوعامدىق كۇيدى بەينەلەيدى. جۇڭگو كوممۋنيستىك پارتياسى ومىرگە كەلگەننەن كەيىن جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن كوزدەۋدى ءوزىنىڭ اۋەلگى ماقساتى، بورىشى ەتىپ بەلگىلەدى. رەفورما جاساپ، ەسىك اشقان العاشقى مەزگىلدە دىڭ شياۋپيڭ جولداس الدىمەن «دوڭگەلەك داۋلەتتى قوعام قۇرۋ» ارقىلى جۇڭگوشا وسىزامانداندىرۋدى ءتۇسىندىرىپ، 20 – عاسىردىڭ سوڭىندا «جۇڭگودا دوڭگەلەك داۋلەتتى قوعام قۇرۋ» كۇرەس نىساناسىن ايقىن ورتاعا قويدى. بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، بۇل نىسانا وتكەن عاسىردىڭ سوڭىندا ۋاعىندا جۇزەگە اسىپ، حالىق تۇرمىسى جالپى تۇلعالىق جاقتان دوڭگەلەك داۋلەتتى ورەگە جەتتى. باس شۋجي شي جينپيڭ بىلاي دەپ اتاپ كورسەتكەن بولاتىن: «پارتيا قۇرىلعانىنىڭ 100 جىلدىعى كەزىندە ءبىر ميللياردتان استام حالىققا يگىلىك جەتكىزەتىن اناعۇرلىم جوعارى دەڭگەيدەگى دوڭگەلەك داۋلەتتى قوعامدى جاپپاي قۇرۋ − پارتيامىزدىڭ جاڭا عاسىرعا قادام تاستاعاننان كەيىن، دوڭگەلەك داۋلەتتى قوعامدى نەگىزىنەن قۇرىپ شىعۋ نەگىزىندە العا قويعان كۇرەس نىساناسى، حالىققا بەرگەن ايبىندى ۋادەسى». جاپپاي دوڭگەلەك داۋلەتتى قوعام قۇرۋ بۇگىنگى جۇڭگولىقتاردىڭ مۇراتىن تەرەڭ ايگىلەۋمەن بىرگە، جۇڭحۋا ۇلتىنىڭ مىڭ جىلدان بەرگى تالىقپاعان تالپىنىسىن دا تەرەڭ بەينەلەدى، بۇل − پارتيامىزدىڭ حالىققا، تاريحقا بەرگەن ايبىندى ۋادەسى، ءبىر ميلليارد 400 ميلليوننان استام جۇڭگو حالقىنىڭ ورتاق تىلەگى.

  100 جىلدىق بارىس شۇعىلاعا تولى بولدى، 100 جىلدىق تابىس گۇلدەنىپ – كوركەيۋدى بەينەلەدى. رەفورما جاساپ، ەسىك اشۋدىڭ العاشقى مەزگىلىندە پارتيا ورتالىق كوميتەتى دوڭگەلەك داۋلەتتى قوعام قۇرۋ ستراتەگيالىق ويىن العا قويعاننان بەرى، ءبىز حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، نەشە ۇرپاق ادامدار باستان - اياق دايەكتى، ۇزدىكسىز كۇرەس جۇرگىزىپ، ءبىر - بىرلەپ ىستەپ، كۇش جالعاپ ەڭبەكتەنىپ، جاپپاي دوڭگەلەك داۋلەتتى قوعام قۇرۋدا كورنەكتى ناتيجەلەرگە قول جەتكىزدىك. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىنشىلىقتاردى جەڭىپ، ۇدەرە العا تارتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ دابىلىن قاقتى. 2020 - جىلى ەلىمىزدىڭ ىشكى ءوندىرىس جالپى ءونىم قۇنى 100 تريلليون يۋاننان اسىپ، جان باسىندىق ىشكى ءوندىرىس جالپى ءونىم قۇنى 10 مىڭ دوللاردان استى؛ 8 جىلدان بەرى قازىرگى ولشەم بويىنشا اۋىل - قىستاقتاعى 98 ميلليون 990 مىڭ كەدەي تۇرعىن تۇگەلدەي كەدەيلىكتەن ارىلىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە قول جەتكىزدىك؛ نەگىزگى ەمدەلۋدى قامسىزداندىرۋ ءبىر ميلليارد 360 ميلليون ادامدى قامتىپ، نەگىزگى زەينەتكەرلىك قامسىزداندىرۋىنىڭ قامتىمى ءبىر ميلليارد ادامنان اسىپ، دۇنيە ءجۇزى بويىنشا كولەمى ەڭ ۇلكەن قوعامدىق قامتاماسىزداندىرۋ جۇيەسىن قۇردىق ... تاريحتا ماڭگى وشپەيتىن وسىنداي دامۋ جەتىستىكتەرى مەملەكەتتىڭ قۇدىرەتتەنۋىن، حالىقتىڭ باقىتىن تاسقىنداتاتىن شىت جاڭا بەينە قالىپتاستىردى. جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى قارسى الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي بارىسقا قادام تاستادى.

  «ءور اسۋدى دەمە بەينە قۇرىش قامال سوعىلعان، بۇگىن ارشىندى قاداممەن تىڭ ساپار باستايمىز باسىنان». جاپپاي دوڭگەلەك داۋلەتتى قوعام قۇرۋ ەلىمىزدىڭ سوتسياليستىك وسىزامانداندىرۋ قۇرىلىسى بارىسىندا بەلەستىك مانگە يە بولىپ، ەلىمىزدىڭ جاڭا دامۋ كەزەڭىنە وتۋىنە، ەكىنشى 100 جىلدىق كۇرەس نىساناسىنا قاراي جورىق جاساۋىنا بەرىك نەگىز قالادى. سونىمەن بىرگە، بۇل ءبىزدىڭ جۇڭحۋا ۇلتىنىڭ ۇلى گۇلدەنۋىنە قادام تاستاۋىمىزدىڭ شەشۋشى ءبىر قادامى عانا ەكەنىن سەرگەكتىكپەن تانىپ جەتۋىمىز كەرەك. باس شۋجي شي جينپيڭ بىلاي دەپ دارىپتەگەن بولاتىن: «وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپ قايتاردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا ءتۇستى». بۇل ءبىزدىڭ جاڭا ساپاردى باستاپ، جەلكەن جايىپ تاعى دا ساپارعا شىعۋىمىزعا جۇمىلدىرۋ بۇيرىعىن بەردى. جاڭا ۇلى جورىقتا ءبىز ۇزدىكسىز كىشپەيىل، بايسالدى بولىپ، داندايسىماي، ۇشقالاقتىققا سالىنباي، ۇزدىكسىز قاجىرلىلىقپەن كۇرەس جۇرگىزىپ، قايراتتانا العا ۇمتىلىپ، قولايلى ساتتەن پايدالانىپ تاۋ - وزەندەردى اشىپ، بوران - شاشىنعا بوگەلمەي العا ىلگەرىلەپ، ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزىپ، جاڭا داۋىردە جاڭا تاريحي ۇلى ءىس جاراتۋىمىز كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار