«14 – بەسجىلدىق» جوبا مەزگىلىندە ەلىمىز قىستاقتاردى تازارتۋ ارەكەتىن ىشكەرىلەي ورىستەتەدى
2021.07.05 14:56 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى حى ۋىن 7 – ايدىڭ 4 – كۇنى لانجوۋدان حابارلايدى. قىستاقتاردا تازارتۋ ارەكەتىن جۇرگىزۋدى ىشكەرىلەي قورىتىندىلاۋ جانە زەرتتەۋ، قىستاقتاردى تازا دا رەتتى بولۋدان كورىكتى دە جايلى بولۋعا قاراي دامىتىپ، اۋىل – قىستاقتى جالپى بەتتىك گۇلدەندىرۋدەگى قورشاعان ورتا نەگىزىن بەكەمدەۋ ءۇشىن، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك اۋىل – قىستاقتى گۇلدەندىرۋ مەكەمەسى 7 – ايدىڭ 4 – كۇنى گانسۋ ولكەسى گاننان زاڭزۋ اۆتونوميالى وبلىسىندا مەملەكەت بويىنشا قىستاقتاردى تازارتۋ ارەكەتىنىڭ ناق مايدان ءماجىلىسىن اشتى.
2018 – جىلدىڭ سوڭىندا، ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ گرۋپپاسى كەڭسەسى، اۋىل شارۋاشىلىعى جانە اۋىل – قىستاق مينيسترلىگى قاتارلى 18 تاراۋ قىستاقتاردى تازارتۋ ارەكەتىن بىرگە باستاعان بولاتىن، قازىرگە دەيىن بۇل جۇمىستىڭ ءونىمى كورىنە باستادى. مەملەكەتتىك اۋىل – قىستاقتى گۇلدەندىرۋ مەكەمەسىنىڭ باستىعى ۋاڭ جىڭپۋدىڭ تانىستىرۋىنشا، 2020 – جىلدىڭ سوڭىنا دەيىن، بۇكىل ەلىمىز بويىنشا باسىم كوپ سانداعى قىستاق ۇيىمدارى ءتۇرلى فورماداعى تازالىق ارەكەتتەرىن ورىستەتىپ، اۋىل – قىستاقتاردا ۇزاق ۋاقىتتان بەرى ساقتالىپ وتىرعان لاس، بىلىققان، ناشار جاعدايدا بۇرىلىس بولعان، باسىم كوپ سانداعى قىستاقتار تازا، رەتتى، ءتارتىپتى بولۋدى ىسكە اسىرىپ، قىستاقتاردىڭ بەت – بەينەسىندە زور وزگەرىس بولعان.
گاننان زاڭزۋ اۆتونوميالى وبلىسىن مىسالعا الساق، ۇزدىكسىز جاقسارعان ەكولوگيالىق ورتاعا سۇيەنە وتىرىپ، گاننان وبلىسى جالپى وڭىرلىك ساياحاتتى دامىتىپ، بۇقارانىڭ كىرىسىن ارتتىرۋدى جەبەگەن. بيىل 1 – ايدان 6 – ايعا دەيىن، بۇكىل وبلىس بويىنشا جيىنى 4 ميلليون 40 مىڭ ادام – رەت ساياحاتشى قابىلداپ، ساياحاتتان تۇسكەن جالپى كىرىسى 2 ميلليارد يۋاننان اسقان.
ۋاڭ جىڭپۋ بىلاي دەپ تانىستىردى: الداعى قادامدا، قىستاقتاردى تازارتۋ ارەكەتىن ىشكەرىلەي ورىستەتىپ، قونىستانۋ ورتاسىنا نازاردى شوعىرلاندىرا وتىرىپ، ءتۇيىندى قىزمەتتەردە ناتيجە جاراتىپ، جالپى تۇلعالىق جاقتان جاقسارتۋ كەرەك. جەر – جەر كورىكتى اۋىل – قىستاق قۇرىلىسىن توڭىرەكتەي وتىرىپ، جەرگىلىكتى ورىننىڭ جاعدايىنا قاراي «ءۇشتى تازالاۋ، ءبىردى وزگەرتۋ» مازمۇنىن ورىستەتۋى قاجەت؛ ۇگىتتەۋمەن اتتانىسقا كەلتىرۋدى، ءتالىم – تاربيە بەرۋمەن ىلگەرىلەتۋدى، ۇلگى كورسەتۋمەن جەبەۋدى مىقتى ۇستاۋ ارقىلى شارۋالاردى تاماشا تۇرمىس ادەتىن قالىپتاستىرۋعا جەتەلەۋ قاجەت؛ تازالىق مەحانيزمىن كەمەلدەندىرۋ، قۋزاۋ – شابىتتاندىرۋ مەحانيزمىن كەمەلدەندىرۋ، تۇزىمدەندىرىلگەن، ۇزاق مەرزىمدى ءونىمدى مەحانيزمدى قۇرۋدى كۇشەيتۋ قاجەت؛ قىستاقتاردى تازارتۋ ارەكەتىن اۋىل – قىستاقتارداعى نەگىزدىك قۇرىلعىلار قۇرىلىسى، ءوندىرىستى وركەندەتۋ، اۋىل سالتى وركەنيەتى، شارۋالاردىڭ كىرىسىن ارتتىرۋ قاتارلىلارمەن ورگانيكالى تۇردە ۇشتاستىرۋ قاجەت.
ۇعىسۋعا قاراعاندا، ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ كەڭسەسى، مەملەكەتتىك دامىتۋ – رەفورمالاۋ كوميتەتى، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك اۋىل – قىستاقتى گۇلدەندىرۋ مەكەمەسى قاتارلى ورىندار «اۋىل – قىستاقتارداعى قونىستانۋ ورتاسىن جونگە سالۋ، دارەجەسىن جوعارىلاتۋدىڭ بەس جىلدىق ارەكەت جوباسىن (2021 — 2025 – جىلدار)» ۇيىمداستىرىپ جاساپ، قىستاقتاردى تازارتۋ ارەكەتىن «14 – بەسجىلدىق» جوبا مەزگىلىندە اۋىل – قىستاقتاعى قونىستانۋ ورتاسىن جاقسارتۋداعى ماڭىزدى مىندەت رەتىندە ۇزدىكسىز ورىستەتەتىن بولعان.
ءماجىلىس مەزگىلىندە، سىچۋان ولكەسى، چيڭحاي ولكەسى، يۇننان ولكەسى قاتارلى جەرلەردەن كەلگەن ۋاكىلدەر تازارتۋ ارەكەتىن ورىستەتۋ جاعىنداعى تاجىريبەلەرىن ورتاعا سالىپ، ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
