بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بۇل APP دەتالىن، استە، قولفوننان وشىرمەڭىز!

2021.07.05 15:36     كەلۋ قاينارى : حالىق تورابى

  «مەملەكەتتىك الدامكوستىككە قارسى تۇرۋ ورتالىعى» (国家反诈中心) اتتى APP دەتالىن ورناتقان با ەدىڭىز؟ بۇل قوعام حاۋىپسىزدىگى مينيسترلىگى قىلمىستىق ىستەردى بارلاۋ مەكەمەسى شىعارعان رەسمي تەكشە!

  الايدا، بۇل تەكشە الدامكوستەردىڭ «كوزىنە شىققان سۇيەلگە» اينالعاندىقتان، الدامكوستەر ءتۇرلى امالداردى ويلاستىرىپ، قولدانۋشىلاردى مەملەكەتتىك الدامكوستىككە قارسى تۇرۋ ورتالىعى APP دەتالىن وشىرۋگە جەتەلەۋدە، ءتىپتى كەيبىرەۋى بار امال – ايلالارىن ىسكە قوسىپ، «قوعام حاۋىپسىزدىگى ساقتىق دەتالى» (公安防护) اتتى APP دەتالىن جالعاننان جاساعان، بۇل دەتالدى كورگەندەر وتە وڭاي الدانىپ قالۋى مۇمكىن.

  بۇل جونىندە، ساقشى جاق شۇعىل ساقتىق سەگنالىن جاريالادى، تەك قولفونداعى سەنىمدى قولدانىلمالى دەتالدار بازارىنان تۇسىرگەن «مەملەكەتتىك الدامكوستىككە قارسى تۇرۋ ورتالىعى» APP دەتالى عانا الدامكوستىككە قارسى شىن دەتال، باسقا دەتالداردىڭ بارلىعى وعان ەلىكتەگەن جالعان دەتالدار، اباي بولىڭىزدار!

  شىنايى مىسال

  گۋاڭدۇڭ ولكەسى فوشان قالاسىنىڭ گۋانياۋ دەگەن جەرىندە تۇراتىن افاڭ (وزگەرتىلگەن اتى) 6 – ايدىڭ 16 – كۇنى تۇستەن كەيىن ءوزىن «نانجيڭ قوعام حاۋىپسىزدىگى مەكەمەسىندەگى» چىن ساقشىمىن دەپ اتاعان بىرەۋدىڭ تەلەفونىن قابىلدايدى، قارسى جاقتىڭ ايتۋىنشا، افاڭنىڭ ازاماتتىق كۋالىگىنىڭ كوپيا نۇسقاسىن الدامكوستىك توپتاعىلار پايدالانىپ، ونىڭ اتىندا بانكە كارتۋچكاسىن ءبىتىرىپ، اقشا جىمقىرۋعا پايدالانعان. افاڭ مۇنى ەستىگەن سوڭ شوشىپ كەتىپ، «چىن ساقشىدان» ەندى قايتۋى كەرەك ەكەنىن دەرەۋ سۇراستىرا باستايدى.

  «قولفونىڭا ورناتىلعان مەملەكەتتىك الدامكوستىك ورتالىعى APP دەتالى بار ما ەدى؟ ونى دەرەۋ تەلەفونىڭنان ءوشىر، ءبىزدىڭ ەڭ جاڭا شىعارعان قوعام حاۋىپسىزدىگى ساقتىق دەتالىن ورنات»، — دەيدى الدامكوس.

  افاڭ ءوزىنىڭ ناقاق ەكەنىن دالەلدەۋ ءۇشىن، دەرەۋ قارسى جاقتىڭ ايتقانى بويىنشا ىستەيدى.

  اتالمىش قوعام حاۋىپسىزدىگى ساقتىق دەتالىن اشقان كەزدە، ونىڭ بەتىندە «ەكونوميكالىق قىلمىستاردى بارلاۋ مەكەمەسى» دەگەن ۇلكەن جازۋدى كورەدى، ول جازۋدىڭ قاسىندا ساقشى بەلگىسىنىڭ سۋرەتى بار ەكەن، ونىڭ ۇستىنە، بۇل دەتالدان وعان اقشا جىمقىرۋ كۇمانىنا شاتىلىپ، «قىلمىستىق ءىس بويىنشا تۇتقىنداۋ بۇيرىعى» تۇسىرىلگەنى سياقتى زاڭعا قاتىستى قۇجاتتاردى دا كورگەن ...

  «ءبىز ءسىزدىڭ بارلىق قاراجاتتارىڭىزدى تەكسەرۋىمىز كەرەك». ىلە – شالا، افاڭ «چىن ساقشىنىڭ» جەتەكشىلىگىندە، ءوزىنىڭ اتىنداعى بارلىق بانكە كارتۋچكالارىنىڭ ەسەپ ءنومىرى مەن قۇپيا سيفرلارىن «قوعام حاۋىپسىزدىگى ساقتىق دەتالى» اتىنداعى APP دەتالىنا جازادى ءارى 170 مىڭ يۋان اقشاسىن تۇگەلدەي ءبىر بانكە كارتۋچكاسىنا جوتكەيدى.

  كوپ وتپەي، افاڭ كارتۋچكاداعى 170 مىڭ يۋان اقشانىڭ تۇگەل جوتكەپ اكەتىلگەنىن بايقايدى. «چىن ساقشىدان» سۇراستىرسا، ول بۇل قاراجاتتى تەكسەرىپ، ماسەلە جوق ەكەنى تۇراقتاندىرىلعان سوڭ، بۇرىنعى سوماسى بويىنشا افاڭنىڭ ەسەبىنە قايتارىلاتىنىن ايتادى. كەلەسى كۇنى افاڭ بۇل ءىستىڭ ءبىر شيكىلىگى بار ەكەنىن سەزىپ، گۋانياۋ بولىمشە مەكەمەسىنە بارىپ، ساقشىعا مالىمدەپ، كومەك سۇرايدى.

  الدامكوستىككە قارسى تۇرۋ ورتالىعى مىنانى ەسكەرتەدى

  قوعام حاۋىپسىزدىگى ورگاندارى دەلونى تەلەفون، ينتەرنەت ارقىلى تەكسەرمەيدى، اقشا جايلى اڭگىمە ايتىلسا بولعانى، دەرەۋ تەلەفوندى جابىڭىز!

  1. قوعام حاۋىپسىزدىگى ورگاندارى تەلەفون، QQ، ۋيچات ارقىلى ەستەلىككە المايدى.

  2. قوعام حاۋىپسىزدىگى ورگاندارىندا ەشقانداي «حاۋىپسىز ەسەپ ءنومىرى» بولمايدى، قاراجات پەن مال – مۇلىكتى تەكسەرۋ نەمەسە ءوزىنىڭ ناقاق ەكەنىن دالەلدەۋ دەگەن ءتارتىپ جوق، تۇرعىنداردان ءارقانداي جاعدايدا اقشا جوتكەۋدى، اقشا سالۋدى تالاپ ەتپەيدى، قارىز الۋ تەكشەلەرىنە بارىپ اقشا شىعارۋ دەگەندى تىپتەن تالاپ ەتپەيدى.

  3. كەلۋ قاينارى انىق بولماعان دەتالداردى تۇسىرمەڭىز، بەيتانىس جالعانىمداردى اشپاڭىز، جەكەلىك ينفورماتسياڭىز بەن بانكە ەسەپ ءنومىرىڭىزدى، قۇپيا سيفردى، كۋالاندىرۋ ءنومىرىن الباتى تولتىرماڭىز.

  4. ىسكە جولىققاندا سابىرلى بولىپ، الدامكوستىككە ۇشىراساڭىز دەر كەزىندە 110 تەلەفونىنا تەلەفون ۇرىپ، ساقشىعا مالىمدەڭىز، «الدامكوستىككە قارسى تۇرۋ ورتالىعى» APP دەتالىن، استە، قولفونىڭىزدان وشىرمەڭىز!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار