رايونىمىزدىڭ ەكونوميكا، فينانس، جوعارى وقۋ - اعارتۋ سالالارى باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن مۇقيات ۇيرەنىپ، ءبىر اۋىزدان مىنالاردى ءبىلدىردى −
جوعارى ساپالى دامۋدىڭ شينجياڭ جاۋاپناماسىن بىرگە جازامىز
□ انار بۇلت / شينجياڭ گازەتىنىڭ تىلشىلەرى
2021.07.05 16:40 كەلۋ قاينارى : شينجياڭ گازەتى
باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى ەكونوميكا، فينانس، جوعارى وقۋ - اعارتۋ سالالارىندا قىزۋ اڭىس قوزعادى جانە كۇشتى ۇندەستىك تۋدىردى. كوپشىلىك جابال مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، ۇلى پارتيا قۇرۋ رۋحىن اسقاقتاتىپ، اۋەلگى ماقساتتى، بورىشتى امالياتتا ايگىلەۋدى مۇرات ەتىپ، ”توعىز ءسوز جوقتى“ جەتە يگەرىپ، جاڭا ساپاردا دامۋ سىندى ماڭداي الدى ماڭىزدى مىندەتتى مىقتاپ ۇستاپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جاڭا دامۋ ارناسىنا قىزمەت ەتىپ جانە توعىسىپ، جوعارى ساپالى دامۋدىڭ شينجياڭ جاۋاپناماسىن قۇلشىنا تاپسىرامىز.
كۇنلۇن بانكەسى پارتكومىنىڭ شۋجيى ۋاڭ جۇڭلاي مىنالاردى ءبىلدىردى: باس شۋجي شي جينپيڭنىڭ ماڭىزدى سوزىندە تۇتاستاي ماركسيزم اقيقاتىنىڭ شۇعىلاسى ساۋلە شاشقان، ول پارتيانىڭ ماڭىزدى نازاريالىق جاسامپازدىق جەتىستىگى، ءبىزدىڭ جوعارى ساپالى دامۋىمىزعا جەتەكشىلىك ەتەتىن تۇعىرنامالىق حۇجات. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ساياسي دەڭگەيدى ونان ارى جوعارىلاتىپ، جاۋاپكەرشىلىك ارقالاۋدى كۇشەيتىپ، ماڭگى بويكۇيەزدىككە سالىنبايتىن رۋحاني كۇيمەن جاڭا قىزمەت ناتيجەسىن جاراتامىز، جاڭا جاعداي اشامىز، جاڭا وبراز ايگىلەيمىز.
شينجياڭ قازىنا - ەكونوميكا داشۋەسى پارتكومىنىڭ شۋجيى لي جيانجۇن مىنالاردى ءبىلدىردى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ 100 جىلدىق تاريحىنان اقىل - پاراسات جانە كۇش - قۋات قابىلداپ، ونەگە كورسەتىپ ادام تاربيەلەۋ بورىشىن ەستە بەرىك ساقتاپ، پارتيا ءۇشىن ادام تاربيەلەۋگە، وتان ءۇشىن دارىندى تاربيەلەۋگە تاباندى بولىپ، مەكتەپتىڭ وقۋ تاربيە ىستەرىنىڭ جوعارى ساپالى دامۋىن جان - جاقتىلى ىلگەرىلەتىپ، حالىق رازى بولاتىن وقۋ - اعارتۋدى قۇلشىنا جاقسى جۇرگىزەمىز.
”مەن ’3 - ۇرپاق كەنشىمىن‘، بۇل كۇندەرى اكەمنىڭ ءىسىن جالعاستىرىپ شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگىنىڭ نەگىزگى ساتى ورنىندا قىزمەت ىستەپ جاتىرمىن، داڭقتى ءداستۇردى اسقاقتاتۋدىڭ، قىزىل قان تامىردى ۇزدىكسىز جالعاستىرۋدىڭ ەرەكشە ءمانىن ابدەن بىلەمىن. مەن باس شۋجي شي جينپيڭنىڭ ماڭىزدى ءسوزىنىڭ رۋحىن اۋەلگى ماقساتتان اينىماۋدىڭ، بورىشتى جاقسى ارقالاۋدىڭ سانالى ارەكەتىنە اينالدىرىپ، ءبىز ۇرپاقتارعا ءتان جاڭا جورىقتىڭ ۇتىلامالى جارىسىن جاقسى جالعايمىن“، - دەدى شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگى فۋكاڭ قورىتۋ زاۆودى قوزعاۋشى كۇش سەحىنىڭ حاۋىپسىزدىك قىزمەتكەرى ياقۇپ ءيمىنجان.
شينجياڭ يىندولان ۇيعۇر ءدارى - دارمەك جارناگەرلىك شەكتى سەرىكتەستىگىنىڭ القا باستىعى لي جۇن بىلاي دەدى: سەرىكتەستىكتەگى بارلىق قىزمەتكەرلەر باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ۇلى پارتيا قۇرۋ رۋحىنا ماڭگى مۇراگەرلىك ەتەدى، اسقاقتاتا بەرەدى! ”14 - بەسجىلدىق“ مەزگىلىندە سەرىكتەستىك ءار ۇلت بۇقاراسىنىڭ سالاماتتىعىنا قىزمەت وتەۋ اۋەلگى ماقساتىنان اينىماي، مەملەكەتتىك جۇڭي، ۇلتتىق ءدارى - دارمەكتى وسىزامانداندىرۋدى زەرتتەۋ ورتالىعىن، ءوندىرۋ، جاساۋ ورتالىعىن، عىلمي زەرتتەۋ دارىندىلارىن شوعىرلاندىرۋ ورتالىعىن جانە جۇڭي شيپاگەرلىگى، جۇڭي ءدارى - دارمەك مادەنيەتى بويىنشا شەتەلمەن اۋىس - كۇيىس جاساۋ ورتالىعىن قۇرادى.
”مەن ءبىلىم بەرۋ ورتالىعى سىندى وسى قىزىل شەپتى ويداعىداي ساقتاپ، قىزىل گەننىڭ تاباندى جالعاستىرۋشىسى، قىزىل حيكايانىڭ شەبەر بايانداۋشىسى، قىزىل رۋحتىڭ جاندى ءتۇسىندىرۋشىسى بولىپ، ءتىپتى دە كوپ پارتيا مۇشەلەرىنىڭ، كادر - قىزمەتكەرلەردىڭ پارتيا تاريحىن ۇيرەنۋ تاربيەسىنەن اقىل - پاراسات پەن كۇش - قۋات قابىلداۋىنا مۇمكىندىك جاسايمىن“، - دەدى شينجياڭ شينيە ەنەرگيا، حيميا شەكتى جاۋاپكەرشىلىك سەرىكتەستىگى −”شينيە جولى“ ءبىلىم بەرۋ ورتالىعىنىڭ ءتۇسىندىرۋشىسى لي سۋيا باتىل تۇردە.
جۇڭگو اۋىل شارۋاشىلىعىن دامىتۋ بانكەسى شينجياڭ بولىمشە بانكەسى پارتكومىنىڭ شۋجيى، بانكە باستىعى جياڭ چۇنشيڭ مىنالاردى ءبىلدىردى: بۇكىل بانكە جوعارى مەن تومەن بولىپ ءسوزدىڭ رۋحىن ۇيرەنۋدى ناقتى قىزمەتپەن ۇشتاستىرىپ، اۋىل - قىستاقتى گۇلدەندىرۋگە بار كۇشپەن قىزمەت وتەپ، پارتيانىڭ ءۇمىتىن اقتايتىن، ءداۋىردىڭ ءۇمىتىن اقتايتىن قىزمەت ناتيجەسىن قۇلشىنا جاراتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەلسەندى ۇلەس قوسادى.
(ءتىلشى شى شين، قاتىناسقان تىلشىلەر ۋاڭ يۇڭفي، جاۋ شييا، ەرىكتى تىلشىلەر شى ۋيجيا، ان حۇي، چىن دان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
