100 جىلدىق كەمەل شاقتا، قايتادان جاڭا ساپارعا اتتانايىق
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى
□ انار بۇلت / شينجياڭ گازەتىنىڭ تىلشىلەرى
2021.07.05 16:42 كەلۋ قاينارى : شينجياڭ گازەتى
7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى، باس شۋجي شي جينپيڭنىڭ ماڭىزدى ءسوزى رايونىمىزداعى قالىڭ پارتيا مۇشەلەرى، كادرلار، بۇقارا اراسىندا قىزۋ اڭىس قوزعادى. كوپشىلىك جاپپاي مىنانى ءبىلدىردى: 100 جىلدىق كەمەل شاققا قايىرىلا قاراساق، كۇرەس جاساۋدىڭ ءدال كەزىنە تۋرا كەلەدى، ءسوزسىز، باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، اۋەلگى ماقساتتى، بورىشتى امالياتتا ايگىلەپ، مۇرات - سەنىمدى بەكەمدەپ، قاجىماي - تالماي كۇرەس جۇرگىزىپ، ماڭگى كۇرەس جۇرگىزىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ شينجياڭ تاراۋىن قۇلشىنا جازىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءوز كۇش - قۋاتىمىزدى ارنايمىز.
100 جىلدىق ساپار اسقاق ايبىنمەن قۇلاشىن كەڭ جايدى، اۋەلگى ماقسات، بورىش ۋاقىت وتكەن سايىن بەكەمدەلە ءتۇستى
100 جىلدان بەرى، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن تايسالماس جىگەرمەن جۇڭحۋا ۇلتىنىڭ نەشە مىڭ جىلدىق تاريحىنداعى ەڭ اسقاق تاريحي داستانىن جازدى. جۇڭگو كوممۋنيستىك پارتياسىنىڭ 100 جىلدىق مەرەيتويى سىندى كەلەلى ءارى سالتاناتتى كۇندە كەڭ - بايتاق شينجياڭ دالاسىندا 25 ميلليوننان استام تيانشان ۇلاندارى ەڭ قويۋ ىقىلاستى تىلەك ارنادى.
ءۇشتۇرپان اۋدانى يمامۋ قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ مەكتەپ باستىعى قۇربان نياز جاڭا عانا ”مەملەكەتتىك تاڭداۋلى كوممۋنيستىك پارتيا مۇشەسى“ اتاعىن الدى. سول جەردە باس شۋجي شي جينپيڭنىڭ ماڭىزدى ءسوزىن ەستىگەننەن كەيىن، ول تەبىرەنگەن كوڭىل كۇيىن جاسىرا المادى، ”كوممۋنيستىك پارتيا بولماسا، جاڭا جۇڭگو بولماق ەمەس، ءبىزدىڭ بۇگىنگى باقىتتى تۇرمىسىمىز دا بولماق ەمەس. مەن شىن كوڭىلىممەن پارتيانىڭ 100 جىلدىق مەرەيتويىنا تىلەك ايتامىن، ۇلى، داڭقتى، دۇرىس جۇڭگو كوممۋنيستىك پارتياسى جاساسىن!“.
”’ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشتىك‘. بۇل نەتكەن ايبىندى جاريالاۋ، نەتكەن كەرەمەت جاۋاپناما! مەن ۇلى پارتيامىزدى، ۇلى مەملەكەتىمىزدى ماقتانىش ەتەمىن“. كۇنەس اۋداندىق پارتكومنىڭ شۋجيى شۇي يامين بىلاي دەدى: پارتيا 18 - قۇرىلتايىنان بەرى كۇنەس اۋدانىنىڭ ءتۇرلى ىستەرى شۇعىلالى تابىسقا قول جەتكىزىپ، تىنىش تا بەرەكەلى، قارىشتاپ دامىعان اسا تاماشا جاعداي جارىققا شىقتى. اماليات مىنانى تولىق دالەلدەدى: جۇڭگو كوممۋنيستىك پارتياسى ايتسا ايتقانداي ۇلى، داڭقتى، دۇرىس پارتيا، ايتسا ايتقانداي جۇڭگو حالقى مەن جۇڭحۋا ۇلتىنىڭ تىرەگى، ايتسا ايتقانداي جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ شۋجيى، ورىنباسار مەڭگەرۋشى ۋاڭ گاڭ مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ ويى ورەلى، كوز اياسى كەڭ، يدەياسى تەرەڭ، پارتيانىڭ جۇڭگو حالقىن ىنتىماقتاستىرىپ، باستاپ اشقان ۇلى جولىن، جاراتقان ۇلى ىستەرىن، قول جەتكىزگەن ۇلى تابىستارىن ەسكە ءتۇسىرىپ، پارتيا مەن حالىق ىستەرى دامۋىنىڭ نۇرلى بولاشاعىنا كوز جىبەردى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومى پارتيانىڭ مەملەكەت مەنشىگىندەگى كاسىپورىندارعا پارمەندى باسشىلىعىنا باستان - اياق تاباندى بولىپ، پارتياعا ادالدىقتى، قىزۋ سۇيىسپەنشىلىكتى جۇڭگوشا سوتسياليزم قۇرۋ ۇلى ساپارىمەن توعىستىرادى، بار ىنتا - پەيىلمەن حالىق ءۇشىن قىزمەت ىستەۋ ۇلى ىستەرىمەن توعىستىرادى، مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ جوعارى ساپالى دامۋ امالياتىمەن توعىستىرادى.
”100 جىلدان بەرى، جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ اۋەلگى ماقساتى مەن بورىشى جۇڭگو كوممۋنيستەرىن ەشقاشان مويىماۋعا، العان بەتىنەن قايتپاۋعا جىگەرلەندىرىپ كەلەدى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مىندەت وتەۋدىڭ قۇدىرەتتى قوزعاۋشى كۇشىنە اينالدىرىپ، ءىس جۇزىندىك ارەكەتىمىزبەن اۋەلگى ماقساتتى، بورىشتى امالياتتا ايگىلەيمىز“، - دەدى قىزىلسۋ قىرعىز اۆتونوميالى وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ اقتاۋ اۋدانى ۇجىمە اۋىلى جايتەرەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى فاڭ جيانبين.
شينجياڭ حالىقارالىق ەكونوميكالىق سەلبەستىك (توبى) شەكتى جاۋاپكەرشىلىك سەرىكتەستىگى پارتكومىنىڭ مۇشەسى، ورىنباسار باس ديرەكتور جاڭ يۇي مىنانى ءبىلدىردى: كەزىندە كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاساعان پارتيا مۇشەسى رەتىندە، جاڭا ساپارعا اتتانۋ جولىندا كوممۋنيستەردىڭ مۇرات - سەنىمىن اۋەلگىدەي بەكەمدەپ، بەرىلە شوگەلدىكپەن ىستەپ، تاباندىلىقپەن قىزمەت ىستەپ، مەملەكەتتىڭ اۋىل - قىستاقتى گۇلدەندىرۋ ستراتەگياسىنا بەلسەنە ات سالىسىپ، وڭتۇستىك شينجياڭنىڭ 4 ايماق - وبلىسىنداعى ەتتى كەپتەر باعىمشىلىعى حالىق تۇرمىسى ينجەنەرياسىن ويداعىداي قۇرىپ، ويداعىداي دامىتىپ، بار قايراتىممەن شينجياڭنىڭ اۋىل - قىستاق كاسىپ سالاسىنىڭ قاۋىرت دامۋى ءۇشىن كۇش - قۋاتىمدى ارنايمىن.
”مەنىڭ اسكەر بولعانىما قازىرگە دەيىن 75 جىل، پارتياعا كىرگەنىمە 73 جىل بولدى، پارتيامىز بەن مەملەكەتىمىزدىڭ قۇلاشىن كەڭ جايعان ايدىنى اسقاق دامۋ تاريحىنىڭ باستان وتكەرۋشىسى، قاتىناسۋشىسى جانە كۋاگەرى رەتىندە، باس شۋجي شي جينپيڭنىڭ ماڭىزدى ءسوزىن ەستىپ، بارىنشا ماقتانىش جانە داڭق سەزىندىم. مەن ۇزدىكسىز قالعان قۋاتىمدى ساۋلەلەندىرىپ، پارتيانىڭ ىستەرىنە كۇش - قۋاتىمدى ارنايمىن“، - دەدى شينجياڭ قاتىناس قۇرىلىسى قارجى قوسۋ، جارنا تىزگىندەۋ شەكتى سەرىكتەستىگىنىڭ زەينەتكە شىققان پارتيا مۇشەسى ساۋ رىشىڭ تەبىرەنىپ.
ۇلى پارتيا قۇرۋ رۋحىن اسقاقتاتىپ، تاريحتى اينا ەتىپ بولاشاق اشامىز
باس شۋجي شي جينپيڭ بىلاي دەپ باسا دارىپتەدى: 100 جىلدان بەرى، جۇڭگو كوممۋنيستىك پارتياسى ۇلى پارتيا قۇرۋ رۋحىن ساۋلەلەندىرىپ، ۇزاق ۋاقىتتىق كۇرەس بارىسىندا جۇڭگو كوممۋنيستەرىنىڭ رۋحاني شەجىرەسىن قالىپتاستىرىپ، ايقىن ساياسي قاسيەت سومدادى. تاريح كوشى ايالسىز العا جىلجىپ، رۋح ۇرپاقتان - ۇرپاققا جالعاسىپ كەلەدى. ءبىز داڭقتى ءداستۇردى ۇزدىكسىز ساۋلەلەندىرىپ، قىزىل تامىردى ۇزدىكسىز جالعاستىرىپ، ۇلى پارتيا قۇرۋ رۋحىن ماڭگى جالعاستىرۋىمىز، اسقاقتاتۋىمىز كەرەك!
”جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس. تاريحتى اينا ەتىپ، بولاشاق اشۋدا، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەك“. اۆتونوميالى رايوندىق پارتكوم ۇيىمداستىرۋ ءبولىمى مەملەكەت قىزمەتكەرلەرى 3 - باسقارماسىنىڭ ورىنباسار باستىعى ما دى بىلاي دەدى: ”ۇيىمداستىرۋ قىزمەتى كادرى رەتىندە، ءبىز باس شۋجي شي جينپيڭنىڭ تاپسىرماسىن ەستە بەرىك ساقتاپ، جاڭا ساپاردا پارتيانىڭ جالپى بەتتىك باسشىلىعىنا باستان - اياق تاباندى بولىپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن ىشكەرىلەي دايەكتىلەندىرىپ، تياناقتاندىرىپ، شىن مانىندە ’ءتورت تانىمدى‘ كۇشەيتىپ، ’ءتورت سەنىمدى‘ بەكەمدەپ، ’ەكىنى قورعاۋدى‘ ورىنداپ، اۋەلگى ماقساتتى، بورىشتى ەستە بەرىك ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەپ، ءىس جۇزىنىك ارەكەتىمىز ارقىلى ۇلى پارتيا قۇرۋ رۋحىن جالعاستىرامىز، اسقاقتاتامىز!“.
”’بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگىن قورعاۋ كەرەك‘. باس شۋجي شي جينپيڭنىڭ ماڭىزدى ءسوزى تەرەڭ سۇيىسپەنشىلىككە تولى، پارتيامىزدىڭ بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى باس ماقساتىن ايگىلەدى“. مەملەكەتتىك سالىق باس مەكەمەسى اۆتونوميالى رايوندىق سالىق ىستەرى مەكەمەسى كەڭسەسىنىڭ (پارتكوم كەڭسەسى) مەڭگەرۋشىسى لين جىشين مىنانى ءبىلدىردى: پارتيانىڭ ءتۇبىرلى باس ماقساتىن ەستە بەرىك ساقتاپ، پارتيانىڭ بۇقارالىق لۋشيانىن دايەكتىلەندىرىپ، سالىق جيناۋ سىندى تيەسىلى قىزمەتتى تياناق ەتىپ، پارتيا تاريحىن ۇيرەنۋ تاربيەسىن ىشكەرىلەي ورىستەتۋدى وراي ەتىپ، دامۋ كەلەلى جاعدايىنا قىزمەت ەتۋ، حالىق بۇقاراسىنا قىزمەت ەتۋ بارىسىندا ۇيرەنۋ ونىمدىلىگىن تەكسەرىپ، سالىق ىستەرى بويىنشا جاۋاپكەرشىلىك ارقالاۋدى ايگىلەيمىز.
اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار مەكتەپ باستىعى (يۋانجاڭ) دۋان لياڭ مىنانى ءبىلدىردى: باس شۋجي شي جينپيڭنىڭ ماڭىزدى ءسوزى ماركسيزمنىڭ عىلميلىعىن، اقيقاتتىلىعىن جانە امالياتتىق ۇلى كۇشىن تەرەڭدەي ءتۇسىندىرىپ، ءبىزدىڭ ماركسيزمگە تاباندى بولۋ سىندى قۇدىرەتتى سەنىمىمىزدى تولىق بەينەلەدى، 95 ميلليوننان استام جۇڭگو كوممۋنيستىك پارتياسى مۇشەلەرىنىڭ مىزعىماس مۇرات - سەنىمىن ونان ارى قاۋلاتۋ، دۇرىس ساياسي بەتالىسقا تاباندى بولۋ، بۇكىل ەل حالقىن ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىنەن ايرىقشا ماڭىزدى داۋىرلىك مانگە يە. ماركسيزمنىڭ جۇڭگوشالانۋىنىڭ ەڭ جاڭا جەتىستىگى رەتىندە، شي جينپيڭ جاڭا ءداۋىر جۇڭگوشا سوتسياليزم يدەياسى ءداۋىردى بارلاۋدىڭ، ءداۋىردى ءتۇسىنۋدىڭ، داۋىرگە جەتەكشىلىك ەتۋدىڭ يدەيالىق قارۋى، ارتىقشىلىققا قول جەتكىزۋدىڭ، ىرىقتىلىققا قول جەتكىزۋدىڭ، بولاشاققا قول جەتكىزۋدىڭ نازاريالىق كلاسسيگى. ءبىز اماليات بارىسىندا ماركسيزمدى ۇزدىكسىز بايىتۋعا جانە دامىتۋعا تاباندى بولىپ، ماركسيزمنىڭ جۇڭگوشالانۋىن، زامانالاسۋىن، بۇقارالانۋىن ۇزدىكسىز ىلگەرىلەتىپ، ماركسيزم ارقىلى ءداۋىردى بارلاپ، ءداۋىردى ءتۇسىندىرىپ، داۋىرگە جەتەكشىلىك ەتىپ، زامانىمىزداعى جۇڭگو ماركسيزمىن، 21 - عاسىر ماركسيزمىن ۇزدىكسىز دامىتامىز.
باس شۋجي شي جينپيڭ بىلاي دەپ باسا دارىپتەدى: تاريحتى اينا ەتىپ، بولاشاق اشۋدا، ءسوز جوق، جۇڭگوشا سوتسياليزمگە تاباندى بولۋ جانە دامىتۋ كەرەك. شينجياڭ جۇڭگوشا سوتسياليزم نازارياسى جۇيەسىن زەرتتەۋ ورتالىعىنىڭ تەتە اعا زەرتتەۋشىسى چىن جۇن بىلاي دەدى: جۇڭگوشا سوتسياليزم جۇڭگونى دامىتۋدا، جۇڭگونى ورنىقتىرۋدا، جۇڭگونى بايىتۋدا، جۇڭگونى كوركەيتۋدە، ءسوز جوق، باسىپ وتەتىن جول، سونداي - اق جۇڭگونىڭ وسىزاماندانۋىن جۇزەگە اسىرۋدا، ءسوز جوق، باسىپ وتەتىن جول. تەك جۇڭگوشا سوتسياليزمگە بۇلجىماستان تاباندى بولعاندا جانە دامىتقاندا عانا، وسىزاماندانۋ اياق الىسىن ءساتتى ىلگەرىلەتىپ، جۇڭگونىڭ دامۋىنىڭ، العا باسۋىنىڭ جاڭا ءورىسىن ۇزدىكسىز اشۋعا بولادى.
”’مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنگەندە عانا مەملەكەت تىنىش بولادى‘. باس شۋجي شي جينپيڭنىڭ ماڭىزدى ءسوزىن تىڭداعاننان كەيىن جۇرەگىم الىپ ۇشتى“، - دەدى شينجياڭ بەلگىلى جاتتىعۋ الاڭىندا تۇراتىن قۇرىش قاھارمان ليانى 1 - بانىنىڭ بانجاڭى شان ليتاۋ، اسكەري ادام بىرىنشىدەن جاپادان قورىقپاۋ، ەكىنشىدەن ولىمنەن قورىقپاۋ سىندى قايىسپاس شايقاس رۋحىن باستان - اياق ساقتاۋى، ماشاقاتتى دا قاتاڭ جاتتىعۋدا ابدەن شىنىعىپ شىڭدالىپ، جىگەردى شىڭاپ، ىسىلعان اسكەري ىستەر قابىلەتىنە توسەلىپ، ونى بەكەمدەپ، اسكەري ىستەر ساپاسىن ۇزدىكسىز جوعارىلاتىپ، رۋحتى، قابىلەتتى، جىگەرلى، ءمورالدى جاڭا بۋىن توڭكەرىستىك اسكەريلەردەن بولۋ كەرەك.
جۇڭحۋانىڭ ماڭگىلىك ۇلى ءىسىن كوكەيدە ساقتاپ، ءداۋىردىڭ ءۇمىتىن اقتاپ، ەكپىندەي العا باسامىز
ماڭگىلىك ۇلى ىستەرگە كۇش سالامىز، 100 جىل تەك بەتاشار عانا. ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىنا قادام تاستاعان ءبىزدىڭ جىگەر - قايراتىمىز تاسقىنداۋدا، ارىنىمىز اسقاقتاۋدا؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ۇلى ارماندى جۇزەگە اسىرۋعا ارشىندى قاداممەن، العان بەتىمىزدەن قايتپاي العا تارتا بەرەمىز.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى حوۋ حانمين مىنالاردى ءبىلدىردى: 100 جىلدان بەرى، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جۇرگىزگەن بارلىق كۇرەسى، بارلىق قۇرباندىعى، بارلىق جاسامپازدىعى تۇگەلدەي جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن. جۇڭگونى تەك جۇڭگو كوممۋنيستىك پارتياسى عانا قۇتقارا الادى، جۇڭگونى تەك جۇڭگو كوممۋنيستىك پارتياسى عانا دامىتا الادى، جۇڭحۋا ۇلتىن تەك جۇڭگو كوممۋنيستىك پارتياسى عانا باستاپ ۇلى گۇلدەنۋگە بەتتەي الادى. ”ءبىز جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرىپ، شينجياڭدى مادەنيەتپەن نارلەندىرۋ ينجەنەرياسىن، ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، حالىق بۇقاراسىنىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، مادەنيەت پەن ساياحات شارۋاشىلىعىن شينجياڭنىڭ جوعارى ساپالى دامۋىنىڭ ستراتەگيالىق تىرەكتى كاسىپ سالاسىنا جانە حالىقتى بايىتاتىن كاسىپ سالاسىنا اينالدىرۋىمىز كەرەك“.
”باس شۋجي شي جينپيڭ ۇلى ارماندى جۇزەگە اسىرۋ ءۇشىن قايسارلىقپەن ايانباي شايقاسۋ، قاجىماي - تالماي كۇرەس جۇرگىزۋ كەرەك دەپ باسا دارىپتەدى. پارتيانىڭ باسشىلىعىندا شەكارا، شالعاي قىستاقتارعا ەلەكتر تورىن جەتكىزۋ ينجەنەرياسى سياقتى حالىققا تيىمدىلىك جاساۋ جەلىلەس ينجەنەريالارىن ورىنداپ، شەت، شالعاي وڭىرلەردەگى ەگىنشى - مالشىلاردى مەملەكەتتىڭ دامۋ پايداسىنان ءبىر ۋاقىتتا يگىلىكتەندىردىك. مۇنان بىلاي ءبىز قاجىماي - تالماي كۇرەس جۇرگىزۋ رۋحىن ۇزدىكسىز ۇستانىپ، اۋىل - قىستاقتارداعى ەلەكتر تورىنىڭ ءۇستىرت، سۋىق كليماتقا شىدامدىلىق قابىلەتىن ۇزدىكسىز كۇشەيتىپ، اۋىل - قىستاقتاردىڭ ەلەكتر تورىن جاڭالاۋدى، دارەجەسىن جوعارىلاتۋدى جەدەلدەتىپ، ەلەكتر تورىنىڭ كوتەرىمدىلىگى بويىنشا قوسىلۋ قابىلەتىن جوعارىلاتىپ، جالپى حالىقتى بىرگە بايىتۋ سىندى ۇلى نىسانانى جۇزەگە اسىرۋعا جەتكىلىكتى، سەنىمدى ەلەكتر قۋاتىن ازىرلەيمىز“، - دەدى مەملەكەتتىك ەڭبەك ەرى، مەملەكەت ەلەكتر تورى ىلە يحى ەلەكترمەن قامداۋ شەكتى جاۋاپكەرشىلىك سەرىكتەستىگىنىڭ قىزمەتكەرى امانتۇر يسامەدەن.
اۆتونوميالى رايوندىق پارتكوم بىرلىكساپ ءبولىمى ورگان پارتكومىنىڭ ورىنباسار شۋجيى زىنناتگۇل تۇرسۇن اسەرلەنە بىلاي دەدى: ”بىرلىكساپ كادرلارى باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، تىزە قوسا كۇرەس جۇرگىزەتىن كۇشتى ەڭ جوعارى شەكتە ۇيىستىرىپ، جاڭا ساپاردا ۇلەستەر قوسۋى كەرەك“.
باس شۋجي شي جينپيڭ بىلاي دەپ اتاپ كورسەتتى: جاڭا داۋىردەگى جۇڭگو جاستارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز مىندەتى ەتىپ، جۇڭگولىق بولۋ جىگەرىن، جالىنىن، سەنىمىن كۇشەيتىپ، ءداۋىردىڭ ءۇمىتىن اقتاۋ، ەسىل شاقتاردىڭ ءۇمىتىن اقتاۋ، پارتيا مەن حالىقتىڭ ىقىلاستى ءۇمىتىن اقتاۋ كەرەك! باس شۋجيدىڭ ىقىلاستى تاپسىرماسى رايونىمىزداعى قالىڭ جاستاردى ەرەكشە شابىتتاندىردى.
شينجياڭ اۋىل شارۋاشىلىعى داشۋەسى ازىق - تۇلىك عىلىمى جانە ءدارى - دارمەك ءىلىمى شۋەيۋانىنىڭ ماگيستر اسپيرانتى جاڭ ۋىنلى بىلاي دەدى: جاڭا داۋىردەگى جاس رەتىندە، اۋىل شارۋاشىلىعىن گۇلدەندىرىپ وتاننىڭ ءۇمىتىن اقتاۋدى ءوز مىندەتىم ەتىپ، جاستارعا ءتان بورىشتى ىرىقتىلىقپەن ارقالاپ، جاستىق كوكتەمدى كۇرەس بارىسىندا قۇلپىرتا تۇسەمىن.
”ءبىز جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەلدەگى ءار ۇلت حالقى تىعىز ىنتىماقتاسىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ نىساناسىن، ءسوز جوق، جۇزەگە اسىراتىندىعىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوز جوق، جۇزەگە اسىراتىندىعىنا كامىل سەنەمىز!“، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باستىعى نيجات سىمايىل، - ونەركاسىپ جانە ينفورماتسيالاندىرۋ جۇيەسىندەگى قالىڭ پارتيالى كادرلار پارتيا ورتالىق كوميتەتىنىڭ ۇندەۋىنە تاپجىلماستان ءۇن قوسىپ، اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، جاڭا دامۋ ۇستانىمىن جەتەكشى ەتىپ، حالىق تۇرمىسىمەن تىعىز جاناستىرىپ جوعارى ساپالى دامۋدى ىلگەرىلەتۋدى نىسانا ەتىپ، جاۋاپكەرشىلىكتى باتىلدىقپەن ارقالاپ، ايانباي شايقاسىپ، شينجياڭنىڭ ونەركاسىپ جانە ينفورماتسيالاندىرۋ ءىسىنىڭ جوعارى ساپالى دامۋىن ۇزدىكسىز ىلگەرىلەتىپ، پارتيا مەن حالىققا، ءتىپتى، زور داڭق اپەرۋگە قۇلشىنادى!
(ءتىلشى شى شين، جازۋعا قاتىناسقان تىلشىلەر لي ياڭ، ءجازيرا نەسىپبەك، سۇڭ ۋيگو، جاڭ يانفاڭ، ميھىرگۇل ناسىر، فان حۇڭي، گاۋ ۋا، ۋاڭ نا، ياۋ گاڭ، چىن چياڭۋي، ميھىرگۇل عوپۇر، جاۋ شييا، ما ينيڭ، ەرىكتى ءتىلشى لي جاۋشين)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
