«جۇڭگولىقتار قاي - قاشان دا استىقپەن ءوزىن - ءوزى قامداي الاتىن بولۋى كەرەك» (شي جينپيڭنىڭ دوڭگەلەك داۋلەتتى ورەگە جەتۋ حيكاياسى)
− شي جينپيڭنىڭ استىق حاۋىپسىزدىگىنە ءمان بەرگەنى جونىندەگى اڭگىمە
2021.07.05 17:06 كەلۋ قاينارى : حالىق تورابى
«ءبىزدىڭ داۋىردەگىلەردىڭ اراسىندا ازدى - كوپتى قارنى تويماي قالۋ، قارنى اشۋ ەستەمەسى بار».
«استىق ماسەلەسىندە باق سىناۋعا، اۋرە - سارساڭعا سالۋعا بولمايدى».
«ەگەر ازىقتىق استىقتا يمپورتقا سۇيەنسەك، وندا باسقالاردىڭ جەتەگىندە كەتەمىز».تۇرمىسىمىز كۇننەن - كۇنگە جاقسارىپ كەلە جاتسا دا، ىسىراپشىلدىق ىستەيتىن ەشقانداي ۇقىعىمىز جوق!»
...
حالىق − مەملەكەتتىڭ نەگىزى، استىق حالىقتىڭ تىرشىلىگىن ساقتايدى. باس شۋجي شي جينپيڭ استىق حاۋىپسىزدىگى ماسەلەسىنە ايرىقشا ءمان بەرىپ كەلەدى. ءار رەتكى تەكسەرۋدە ول ۇنەمى كەدەي وتباسىلاردىڭ قازانىن اشىپ، اۋىلداستاردىڭ نە جەيتىنىن ۇعىسىپ وتىردى؛ ءار رەتكى تەكسەرۋ - زەرتتەۋدە ول اتىز باسىنا بارىپ ، ەگىننىڭ ءوسۋ جاعدايىن كورىپ، ەگىنشىلەردىڭ جۇرەك ءسوزىن تىڭدادى؛ استىقتى ىسىراپ ەتۋ ماسەلەسىنە ايرىقشا ءمان بەرىپ، تالاي رەت ماڭىزدى نۇسقاۋ بەردى.
حالىق بۇقاراسىنىڭ تاماقتانۋ ماسەلەسى توتەنشە ماڭىزدى
ءبىر ۋىسءبيداي، ءبىر شىنى كۇرىش باس شۋجي شي جينپيڭنىڭ كوكەيىنەن ەرەكشە ورىن العان.
50 نەشە جىلدىڭ الدىندا شانشيدەگى لياڭجياحى ۇلكەن اترەتىندە زيالى جاس بولىپ جۇرگەن كەزىندە ول حالىق تۇرمىسىنىڭ قيىنشىلىعىن ءوز كوزىمەن كوردى. جەرگىلىكتى بۇقارا ۇنەمى: «1 - ايدا قوڭدانىپ، 2 - ايدا ارىقتايمىز، 3 -، 4 - ايلاردا قۇر سۇلدەرىمىز قالادى» دەسەتىن. كوكتەمگى ەگىس كەزىندە بارلىق وتباسى ۇنەمدەپ قالعان استىقتى كۇش - قايراتى بار ەڭبەككۇشتەردىڭ ەگۋىنە قالدىرىپ، كەمپىر - شال بالالاردى ەرتىپ تىلەنشىلىك ىستەپ كەتەتىن.
«مەن 6 - 7 جىل ەگىنشى بولدىم، ول كەزدە مەن اش قۇرساق جۇرسەم دە، توڭىرەكتەگى بۇقارانىڭ جاعدايىن ۇعىسۋشى ەدىم، سىزدەرشە قانداي تۇرمىس ەڭ جاقسى، ناقتى نىسانا نە؟» 2020 - جىلى مەملەكەتتىك ەكى ءماجىلىس كەزىندە ساياسي كەڭەس ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا بارعاندا باس شۋجي شي جينپيڭ سول كەزدەگى زيالى جاس بولعان ءداۋىرىن ەسكە الدى.
بۇقارا سول كەزدە وعان مىناداي ءۇش جاۋاپ بەرگەن: ءبىرىنشى نىسانا، ەندىگارى تىلەنشىلىك ەتپەي، قارىندى تويعىزۋ، ءجونسالداۋ بولسا دا مەيلى؛ ەكىنشى نىسانا، كاۋلەن كۇرىشى، جۇگەرى ۇنى سياقتى تازا استىقتى جەۋ؛ ءۇشىنشى نىسانا، سول كەزدەگى قول جەتكىزۋ قيىن نىسانا − «قۇجىرلى تاعام جەۋ، ەتكە ەمىن - ەركىن قولى جەتۋ».
شي جينپيڭ اۋىلداستاردىڭ «ەتكە ەمىن - ەركىن قولى جەتۋ» دەگەن قاراپايىم تىلەگىن نەشە ون جىلدان بەرى كوكەيىنەن شىعارمادى.
لياڭجياحىدا ەگىس اتىزدارىنىڭ كولەمىن ارتتىرۋ ءۇشىن، قاقاعان ايازدا ەگىس جۇمىسىنىڭ سايابىر كەزىندە ول اۋىلداستارىن باستاپ توسپا سالدى، ءار جولى باستاماشىلىقپەن مۇزداي سۋىق باتپاقتى جالاڭاياق كەشىپ جۇمىس ىستەدى.
فۋجيان ولكەسى فۋجوۋ قالاسىندا قالالىق پارتكومنىڭ شۋجيى بولعان كەزدە ول پيڭتاننىڭ بالىق شارۋاشىلىعى بايلىعىنىڭ سارقىلعانىن، بالىقشىلاردىڭ تاماقتانۋى قيىن ەكەنىن ءبىلىپ، دەرەۋ حالىق ىستەرى سياقتى قاتىستى تاراۋلاردى شاقىرىپ، 600 مىڭ جىڭنان استام استىق بوساتىپ، بۇقارانىڭ اشىعۋىنان باتىل ساقتاندى...
شاپ - شاعىن جۇگەرى ءمانتىسى قاراماققا نازار اۋدارمايدى.
سولتۇستىك شانشيدە زيالى جاس بولىپ ىستەپ جۇرگەن كەزىندە شي جينپيڭ بۇقارانىڭ ساپاسى ناشار شەكەر قوسىلعان مومى جەگەنىن كورىپ، ءوزىنىڭ جۇگەرى قوسىلعان مومىسىن اۋىلداسىمەن الماستىرىپ جەيدى، بۇل بىرگە ەڭبەك ىستەگەن اۋىلداستاردى قاتتى اسەرلەندىرەدى. كەيىن كەلە اۋىلداستارىنىڭ جۇگەرى قوسىلعان مومى جەمەي، «ناعىز استىقتى» مىعىم ەڭبەككۇشتەر مەن بالالارعا قالدىرعانىن بايقاپ قاتتى اسەرلەنەدى.
دۇنيەدەگى ىستەر كۇردەلى دە كوپ بولعانىمەن، ەڭ نەگىزگىسى تاماقتانۋ سانالادى.
حىبي ولكەسىنىڭ جىڭديڭ اۋدانى كەزىندە ايگىلى «جوعارى ءونىمدى كەدەي اۋدان» بولىپ، ءار جىلى استىق ساتىپ الۋ مىندەتى 70 ميلليون جىڭنان اساتىن. كەيبىر جەرلەر مىندەتتەپ ساتىپ الۋعا استىق تاپسىرسا، ەگىنشىلەردىڭ ىشەر استىعى قالمايتىن دا، باسقا اۋدانداردان جوعارى باعالى استىق ساتىپ الۋعا ءماجبۇر بولاتىن.
شي جينپيڭ جىڭديڭدا مىندەتكە تاعايىندالعاننان كەيىن، حالىقتىڭ تىنىستاۋعا مۇمكىندىك الۋىنا بەل بايلادى. بۇقارا ىشەر اسقا جارىماسا، شىندىقتى ءىس جۇزىنەن ىزدەۋگە باتىلدىق ەتپەي وتىرۋ كەرەك پە؟ سونىمەن ول اۋداندىق پارتكوم شۋجيىنىڭ ورىنباسارى لۇي يۇيلانمەن اقىلداسىپ، ورتالىقتاعى باسشى جولداستارعا حات جازادى. اڭىس ەتۋ جانە تەكسەرۋ ارقىلى مەملەكەتتىڭ ساتىپ الۋ مولشەرى 28 ميلليون جىڭ ازايىپ، ەگىنشىلەردىڭ اۋىرتپالىعى بارىنشا جەڭىلدەدى.
«ءبىزدىڭ جىڭديڭگە ‹مەملەكەت بويىنشا جوعارى ءونىمدى اۋدان› دەگەن اتاقتىڭ قاجەتى جوق، بۇقارانى دا جاقسى تۇرمىسقا كەنەلتۋىمىز كەرەك». شي جينپيڭنىڭ ءسوزى جايبىراقات ايتىلعانىمەن، اسقاق ءۇن بەينەلەنگەن.
استىقتى نازاردان تىس قالدىرۋعا بولمايدى
2020 - جىلى 7 - ايدىڭ 22 - كۇنى تۇستەن كەيىن،
سۇڭلياۋ جازىعىنىڭ قويناۋى، جيلين ولكەسى سىپيڭ قالاسى ليشۋ اۋدانى مەملەكەتتىك ميلليون مۋلىق جاسىل ازىق - تۇلىك شيكىزاتى (جۇگەرى) ولشەمدەنگەن ءوندىرىس بازاسىنىڭ وزەكتى ۇلگى رايونى، باس شۋجي شي جينپيڭ راشەتكاعا سۇيەنىپ الىسقا كوز تاستادى، شەتسىز دە شەكسىز، جاپ - جاسىل جۇگەرى اتىزى تولقىندانىپ تۇر.
وسى رەت جيلينگە كەلىپ قىزمەت تەكسەرگەندە، باس شۋجي شي جينپيڭنىڭ ءبىرىنشى ايالداماسى قۇنارلى قارا توپىراقتى اتىز بولدى، ول استىق ءوندىرىسى سىندى ماڭداي الدى ىسكە تەكسەرۋ - زەرتتەۋ جۇرگىزدى.
«الدىڭعى جىلى حيلۇڭجياڭ ولكەسىنىڭ جيانسانجياڭ دەگەن جەرىندە كۇرىش اتىزىن كوردىم، وسى جولى جۇگەرى اتىزىن كورەيىن». جۇگەرى ساباقتارى باستارىن ارەڭ كوتەرۋدە، شي جينپيڭ وسى جولعى ساپارداعى العاشقى ماقساتىن تىلگە تيەك ەتتى، «بيىل جازعى استىقتان مول ءونىم الۋدىڭ جالپى جاعدايى تۇراقتاندى، ەندىگى تەتىك كۇزگى استىققا بايلانىستى. بيىل اپات از ەمەس، مەن شىعىس سولتۇستىكتەگى ەگىس داقىلدارىنىڭ ءوسۋ جاعدايىنا ەرەكشە كوڭىل بولەمىن».
كوز الداعى جۇگەرىنىڭ ءوسۋ جاعدايىنا قاراپ، جاعداي جونىندەگى مالىمەتتى تىڭداعاننان كەيىن، شي جينپيڭ بىلاي دەپ دارىپتەدى: «استىق − نەگىز! دەرت - دەربەزدەن، زياندى جاندىكتەردەن ساقتانۋدى كۇشەيتىپ، كۇزگى استىقتان مول ءونىم الىپ، تۇتاس جىلداعى استىقتان مول ءونىم الۋعا جانە ەكونوميكالىق، قوعامدىق دامۋعا نەگىز قالاۋ كەرەك».
2020 – جىلى جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزىنىڭ استىق بازارىنا كوپتەگەن سىن – سايىس الا كەلدى. حاۋىپ - قاتەر مەن سىن - سايىسقا ءدوپ كەلگەن سايىن، اۋىل شارۋاشىلىعىن سولعۇرلىم ورنىقتىرۋ، استىق پەن ماڭىزدى قوسىمشا ازىق - تۇلىكتىڭ حاۋىپسىزدىگىنە سولعۇرلىم شىنايى كەپىلدىك ەتۋ كەرەك.
باس شۋجي شي جينپيڭ ەرەكشە جىلدارداعى استىق وندىرىسىنە ايرىقشا ءمان بەرىپ، ەرەكشە شارالار ارقىلى اۋىل شارۋاشىلىعىنا ءمان بەرىپ، استىقتى يگەردى. 2 - ايدىڭ 23 - كۇنى ول جۇمىستى، ءوندىرىستى ءتارتىپتى تۇردە قالپىنا كەلتىرۋ جونىندە تالاپ قويعاندا، ورايدى قولدان بەرمەي كوكتەمگى اۋىل شارۋاشىلىق ءوندىرىسىن ويداعىداي يگەرۋ جونىندە ورنالاستىرۋ جاسادى.
وزىمىزدىكىن نەگىز ەتۋدە، ەل ءىشىن تياناق ەتۋدە، ءوندىرىس قۋاتىنا كەپىلدىك ەتۋدە، لايىقتى يمپورت ەتۋدە، عىلىم - تەحنيكانى تىرەك ەتۋدە تاباندى بولۋ كەرەك، جەر - جەر باس شۋجي شي جينپيڭنىڭ استىق ءوندىرىسى جونىندەگى ماڭىزدى نۇسقاۋىن ىشكەرىلەي دايەكتىلەندىرىپ، تياناقتاندىرىپ، ءتۇرلى شارالاردى ەرتە باستان ناقتى يگەردى، ءىرى ەلدىڭ استىق قامباسى تاريحي سيپاتتى «17 جىل مول ءونىم الۋعا» قول جەتكىزدى.
استىق ماسەلەسىندە قام - قايعىسىز كۇيگە جەتتىك پە؟
«جالپى تۇلعالىق جاقتان قاراعاندا، ەلىمىزدىڭ استىق حاۋىپسىزدىگىنىڭ نەگىزى ءالى دە بەرىك ەمەس، استىق حاۋىپسىزدىگى جاعدايى ءالى دە اۋىر، استىق وتكەلىنەن وتتىك دەپ قاي كەزدە دە جەڭىل - جەلپى ايتۋعا بولمايدى». باس شۋجي شي جينپيڭ بىلاي دەپ اتاپ كورسەتتى: استىق حاۋىپسىزدىگىن قامتاماسىز ەتۋدىڭ تەتىگى استىق ءوندىرۋ قۋاتىنا كەپىلدىك ەتىپ، قاجەت تابىلعاندا وندىرە الۋعا، قامداۋعا كەپىلدىك ەتۋدە. ول ىشكەرىلەي بىلاي دەپ اتاپ كورسەتتى : «قازىر استىق حاۋىپسىزدىگىن، ءىس جۇزىندە ازىق - تۇلىك حاۋىپسىزدىگىن دارىپتەۋىمىز كەرەك».
پارتيانىڭ 18 - قۇرىلتايىنان بەرى ەلىمىز اۋىل شارۋاشىلىعى كوزقاراسىن، ازىق - تۇلىك كوزقاراسىن ورناتىپ، ساپا ارقىلى اۋىل شارۋاشىلىعىن گۇلدەندىرۋ جولىمەن جۇرۋگە كۇش سالدى. باس شۋجي شي جينپيڭنىڭ ەل ىشىندە قىزمەت تەكسەرگەن كەيبىر جاي - جاپسارىنان مىناداي نەگىزگى ماندىك قاسيەتتى اڭعارامىز:
2014- جىلى 5 - ايدا باس شۋجي شي جينپيڭ حىنان ولكەسى ۋيشى اۋدانى جاڭچىڭ قالاشىعىنا كەلىپ، ءبيداي ماساعىنىڭ قويمالجىڭىن كورىپ ، ەگىنجاي قۇرىلىسىنىڭ جاعدايىن ۇعىستى. ءبيدايدىڭ جاپ - جاسىل بولىپ ءوسىپ - جەتىلگەنىن كورگەن ول: «ءبارىمىز ەگىنشى شاڭىراعىنان شىقتىق، ءبيدايدىڭ ءوسۋى وتە جاقسى ەكەن، مەن دە سىزدەر سياقتى قۋانامىن. اۋىلداستاردىڭ سوزىمەن ايتقاندا، بيىل مومى جەي الادى ەكەنبىز» دەدى.
2016 - جىلى 4 - ايدا انحۇي ولكەسى چۋجوۋ قالاسى فىڭياڭ اۋدانى شياۋگاڭ قىستاعىندا باس شۋجي شي جينپيڭ اتىز قىرلارىن بويلاپ ءبيداي اتىزىنا بارىپ، ءبيدايدىڭ ءوسۋ جاعدايىن كوزدەن كەشىرىپ، استىق ەگەتىن ءىرى وتباسىلارى مەن اۋىل شارۋاشىلىق تەحنيكتەرىنەن جوعارى ءونىمدى ۇلگى اتىزىن باسقارۋدىڭ تەتىگىن ۇعىستى.
2018 - جىلى 9 - ايدا حيلۇڭجياڭ تىڭ يگەرۋ ءوڭىرى جيانسانجياڭ باسقارۋ مەكەمەسى چيشيڭ ەگىس الاڭىنىڭ بەيداحۋاڭ دالمە - ءدال اۋىل شارۋاشىلىق ماشينالارى ورتالىعىندا باس شۋجي شي جينپيڭ قوس قولىمەن ءبىر شىنى كۇرىشتى كوتەرىپ، تەرەڭ سۇيىسپەنشىلىكپەن: «جۇڭگونىڭ استىعى! جۇڭگونىڭ تاماق ىدىسى!» دەدى.2020 - جىلى 7 - ايدا جيلين ولكەسىنىڭ ليشۋ اۋدانىندا باس شۋجي شي جينپيڭ تەرەڭ سۇيىسپەنشىلىكپەن مىنالاردى تالاپ ەتتى: ءونىمدى شارالار قولدانىپ، قارا توپىراقتى القپا سىندى «ەگىستىك جەردىڭ مىسىق ايۋىن» شىن مانىندە ويداعىداي قورعاپ، ويداعىداي پايدالانىپ، ونىڭ حالىققا ماڭگى باقىت جاراتۋىنا مۇمكىندىك تۋدىرۋ كەرەك.
...
«تاماق ماسەلەسىندە ۇمىتشاقتىق اۋرۋىنا شالدىقپاۋ، جاراقاتتى ۇمىتىپ قالماۋ» كەرەك. نەشە ون جىلدان بەرى شي جينپيڭ باستان - اياق وي جۇگىرتىپ، امالياتتان وتكىزىپ كەلەدى. ول مىنالاردى اتاپ كورسەتتى: استىق ءوندىرىسىنىڭ نەگىزى ەگىستىك جەردە، جان تامىرى سۋ يگىلىگىندە، شىعار جولى عىلىم - تەحنيكادا، قوزعاۋشى كۇشى ساياساتتا، وسى شەشۋشى تۇيىندەردى ءبىر - بىردەن تياناقتاندىرىپ، تىڭىلىقتىيگەرىپ، جوعارعى نەگىزدىك ءتۇيىن نەگىزىندە استىق وندىرىسىندە تىڭ قامال الۋعا قۇلشىنۋ كەرەك.
ءار ءتۇيىر ءدان وڭاي - وسپاق قولعا كەلمەگەن«بالا كەزىمىزدە وسى جاقتاعى قاتاڭ وتباسى تاربيەسىن قابىلدادىق، تاماقتى اسىرىپ تاستاۋ بىلاي تۇرسىن، اتا - انامىز ءبىر ءتۇيىر كۇرىشتى ىسىراپ ەتۋىمىزگە جول بەرمەيتىن». باس شۋجي شي جينپيڭ وسىلاي دەگەن بولاتىن، نەشە ون جىلدان بەرى وسىلاي ىستەپ تە كەلەدى.
جىڭديڭدا قىزمەت ىستەگەن كەزدە شي جينپيڭ جولداس ورگان اسحاناسىندا كوپشىلىك سياقتى قاتارعا تۇرىپ تاماق جەدى، كەيدە كەشىگىپ قالسا قۋىرماشا تاۋسىلىپ كەتەتىن، ول سوندا ەكى مومى مەن ءبىر كەسىم بۇرشاق ىرىمشىگىن قاناعات تۇتتى. ال ول اۋىل - قىستاققا بارىپ تاماقتانعاندا، ءسوز جوق، اۋىل - قالاشىق اسحاناسىنان تاماقتاندى، استىق بەلەتىن، تاماق قاراجاتىن، ءسوز جوق، مولشەرى بويىنشا تاپسىردى. ۇكىمەت جۇمىسىمەن كۇتىپ الۋدىڭ وزىندە قاتتامانى، شوشقانىڭ باس ەتىن نەگىز ەتكەن جاي تاعام جەدى نەمەسە قۋىرماشپەن بىرگە شوشىرە جەدى.
فۋجوۋدا قىزمەت ىستەگەن كەزىندە دە شي جينپيڭ جولداس ۇنەمشىلدىكپەن ناقتى ىستەر ىستەدى. فۋجوۋ قالاسى تۇڭعىش كەزەكتى قولونەر - اسەمونەر مەرەكەسىن وتكىزگەندە، جەر - جەردەگى ساۋداگەرلەر كوپتەپ جينالدى. ول ەكى جاققا دا پايدالى تاماشا ءادىس ويلاپ تاپتى − فۋجوۋ قالاسىنىڭ جەرگىلىكتى ءدامدى تاعامدارىمەن قوناقتاردى كۇتىپ الدى. قوناقتار وتە كوڭىلدى بولدى، وسى ورايدا ءدامدى تاعامدار ۇگىتتەلدى. كەيىن فۋجوۋ قالاسىنداعى، ءتىپتى ولكەدەگى كۇتىپ الۋ ىستەرىندە ۇنەمى تايپيڭ قارلىعاشى، بالىق دومالاقتاماسى، سورپا، كارتوپ قويىرتپاعى سياقتى فۋجوۋ تاعامدارى ارقىلى قوناقتار كۇتىپ الىناتىن بولدى.
داستارقانداعى ۇنەمشىلدىك ارقىلى قاجىرلى ەڭبەككە قۇرمەت ەتىلدى، تاماشا ءمورال اسقاقتاتىلدى.
باس شۋجي شي جينپيڭ بىلاي دەيدى: جۇڭگو مادەنيەتىندە استىقتى ۇنەمدەۋ تۋرالى كوپتەگەن مازمۇن بار، بالالاردى كىشكەنتايىنان تاربيەلەپ، ۇقىپتى، ۇنەمشىل بولۋ تاماشا سالتىن ساۋلەلەندىرۋ كەرەك. استىقتى ۇنەمدەۋ قىزمەتىن كۇشەيتىپ، داستارقاننان، جوعارى مەكتەپ اسحانالارىنان جانە ءارقايسى ورىنداردىڭ اسحانالارىنان، اس - سۋ كاسىبىنەن باستاپ يگەرىپ، بالاباقشادان ، ياسليدەن، سونداي - اق ءار دارەجەلى، ءار ءتۇرلى مەكتەپتەردەن باستاپ يگەرىپ، ءاربىر وتباسىنان باستاپ يگەرىپ، استىقتى ۇنەمدەۋدى تۇتاس قوعامدا سالتقا اينالدىرۋ كەرەك.
ءبىر تامشى سۋدان كۇننىڭ شۇلەن شۇعىلاسىن كورۋگە بولادى، ءبىر شىنى اس ارقىلى دا وراسان زور تاربيە دارىتۋعا بولادى.
كۇرەك كوتەرىپ، تەر توگىپ ەڭبەك ەتكەندەر ءار ءتۇيىر ءداننىڭ جاپا - ماشاقاتپەن كەلەتىنىن بىلەدى؛
اشتىقتىڭ ءدامىن سەزگەندەر بەرىك يرادا ورناتىپ، كوپشىلىكتى جاقسى تۇرمىسقا كەنەلتۋ ءۇشىن ەڭبەكتەنەدى.
جۇڭگونىڭ استىعى، جۇڭگونىڭ تاماق ىدىسى باس شۋجي شي جينپيڭنىڭ كوڭىلىندە ەرەكشە ورىن العان.
جۇرت مىناعان كوز جەتكىزدى: اۋىل شارۋاشىلىعىنان مول ءونىم الۋ، شارۋالاردىڭ كىرىسىن ارتتىرۋ كارتيناسى اۋىل شارۋاشىلىعىنىڭ ساپالى دامۋى بارىسىندا جارىققا شىققان جاڭا بەينەنى ايگىلەدى، سونداي - اق استىق حاۋىپسىزدىگىنىڭ نەگىزىن بارعان سايىن بەكەمدەدى.
(شينحۋا اگەنتتىگى، 7 - ايدىڭ 4 – كۇنى، بەيجيڭ، ءتىلشى يۇي ۋىنجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
