بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاڭا جورىقتا، ءسوز جوق، جۇڭگو كوممۋنيستىك پارتياسىنىڭ پارمەندى باسشىلىعىندا تاباندى بولۋ كەرەك

− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

«حالىق گازەتىنىڭ» شولۋشىسى

2021.07.05 17:08     كەلۋ قاينارى : حالىق تورابى

  «جۇڭگونىڭ ىستەرىن جاقسى ىستەۋدىڭ تەتىگى پارتيادا». جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ پارتيامىزدىڭ 100 جىلدىق كۇرەسىنىڭ شۇعىلالى بارىسىن تەرەڭ سۇيىسپەنشىلىكپەن ەسكە الىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدە ۇستاپ، تاريحتى اينا ەتىپ، بولاشاق جاراتۋدى ايقىن العا قويدى، ءسوز جوق، جۇڭگو كوممۋنيستىك پارتياسىنىڭ پارمەندى باسشىلىعىنا تاباندى بولۋ كەرەك.

  قانشاما تاۋ قاتارلاسىپ تۇرعانىمەن، نەگىزگى شىڭى بولادى. جۇڭگو كوممۋنيستىك پارتياسى − مەملەكەتتىڭ ەڭ جوعارى ساياسي باسشىلىق كۇشى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. باس شۋجي شي جينپيڭ بىلاي دەپ اتاپ كورسەتتى: «جۇڭحۋا ۇلتىنىڭ تاياۋ زاماننان بەرگى 180 نەشە جىلدىق تاريحى، جۇڭگو كوممۋنيستىك پارتياسى قۇرىلعاننان بەرگى 100 جىلدىق تاريح، جۇڭحۋا حالىق رەسپۋبليكاسى قۇرىلعاننان بەرگى 70 نەشە جىلدىق تاريح جۇڭگو كوممۋنيستىك پارتياسى بولماسا، جاڭا جۇڭگو بولماق ەمەستىگىن، جۇڭحۋا ۇلتىنىڭ ۇلى گۇلدەنۋى دە بولماق ەمەستىگىن تولىق دالەلدەدى». جۇڭگونىڭ تاياۋ زاماننان بەرگى تاريحىن ىشكەرىلەي تۇسىنگەندە، ەگەر جۇڭگو كوممۋنيستىك پارتياسىنىڭ باسشىلىعى بولماسا، مەملەكەتىمىزدىڭ، ۇلتىمىزدىڭ بۇگىنگىدەي تابىسقا جەتە المايتىنىن، بۇگىنگىدەي حالىقارالىق ورىنعا يە بولا المايتىنىن بايقاۋ قيىن ەمەس. جۇڭگو كوممۋنيستىك پارتياسىنىڭ باسشىلىعىندا، بۇكىل ەلدەگى ءار ۇلت حالقىنىڭ جۇڭگو كوممۋنيستىك پارتياسىن قۇپتاۋى مەن قولداۋىندا جۇڭگو دۇنيە جۇزىندە سيرەك كەزدەسەتىن ەكونوميكانىڭ تەز قارقىنمەن دامۋ كەرەمەتتەرىن جانە قوعامنىڭ ۇزاق ۋاقىت ورنىقتى بولۋ كەرەمەتتەرىن جاراتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي كەزەڭگە ءوتتى. تاريح پەن رەالدىق بىزگە مىنانى ۇعىندىردى: تاريح پەن حالىقتىڭ جۇڭگو كوممۋنيستىك پارتياسىنىڭ جۇڭحۋا ۇلتىنىڭ ۇلى گۇلدەنۋ ىسىنە باسشىلىق ەتۋىن تاڭداۋى دۇرىس ، وندا، ءسوز جوق، ۇزاق ۋاقىت تاباندى بولۋ، ودان ماڭگى اۋىتقىماۋ كەرەك.

  باس شۋجي شي جينپيڭ بىلاي دەپ دارىپتەدى: «جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىعى، پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنىڭ، تاعدىرىنىڭ تياناعى». بۇل − پارتيانىڭ حالىققا باسشىلىق ەتىپ توڭكەرىس، قۇرىلىس، رەفورما ىستەرىن جۇرگىزۋدەگى ەڭ باعالى تاجىريبەسى. قازىر ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋ ەكىنشى 100 جىلدىق كۇرەس نىساناسىنا قاراي ارشىندى قادام تاستادىق. كۇردەلى جاعداي مەن جاپالى مىندەت الدىندا ءبىزدىڭ دۇنيە جۇزىندە ءجۇز جىلدا بولماعان زور وزگەرىس جاعدايى مەن جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جاپپاي يگەرىپ، كەلەلى سىن - سايىسقا پارمەندى توتەپ بەرىپ، اۋىر حاۋىپ - قاتەرگە توتەپ بەرىپ، اۋىر كەدەرگىلەردى جەڭىپ، كەلەلى قايشىلىقتاردى شەشىپ، كوپتەگەن جاڭا تاريحي ەرەكشەلىككە يە ۇلى كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىمىزدىڭ ەڭ ءتۇبىرلى كەپىلى − ءالى دە پارتيانىڭ باسشىلىعى. پارتيانىڭ باسشىلىعىندا تاباندى بولۋ سىندى پارتيا مەن مەملەكەتتىڭ بولاشاعى مەن تاعدىرىن بەلگىلەيتىن كەلەلى پرينسيپتىك ماسەلەدە بۇكىل پارتيا، بۇكىل ەل، ءسوز جوق، وسكەلەڭ يدەيالىق سانالىلىقتى، ساياسي سانالىلىقتى، ارەكەت سانالىلىعىن ساقتاۋى كەرەك، ودان تيتتەي دە اۋىتقۋعا بولمايدى. ءبىز پارتيانىڭ باسشىلىعىند باستان - اياق تاباندى بولساق بولعانى، العا باسۋ جولىنداعى ءارقانداي تار جول، تايعاق كەشۋلەردى، ءسوز جوق، جەڭىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرا الامىز.

  پارتيا، ۇكىمەت، ارميا، حالىق، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى. پارتيانىڭ باسشىلىعى، ءسوز جوق، جان - جاقتى، جۇيەلى، تۇتاس تۇلعالى بولۋى كەرەك. باس شۋجي شي جينپيڭ بىلاي دەپ دارىپتەدى : «جاڭا ساپاردا، ءبىز، ءسوز جوق، پارتيانىڭ جالپى بەتتىك باسشىلىعىنا تاباندى بولۋىمىز، پارتيانىڭ باسشىلىعىن ۇزدىكسىز كەمەلدەندىرىپ، ‹ءتورت تانىمدى› كۇشەيتىپ، ‹ءتورت سەنىمدى› بەكەمدەپ، ‹ەكىنى قورعاۋدى› ورىنداپ، ‹مەملەكەتتىڭ زور ءىسىن› ەستە بەرىك ساقتاپ، پارتيانىڭ عىلمي بيلىك جۇرگىزۋ ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ ورەسىن ۇزدىكسىز جوعارىلاتىپ، پارتيانىڭ جالپى جاعدايدى جالپىلاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋىمىز كەرەك! پارتيانىڭ باسشىلىعىندا تاباندى بولۋدا، ەڭ اۋەلى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىندا تاباندى بولۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ايقىن ساياسي ولشەم جانە ءتۇبىرلى ساياسي تالاپ ەتىپ، بۇكىل پارتيانىڭ يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا كەپىلدىك ەتىپ، پارتيانىڭ باسشىلىعىن رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى جونگە سالۋ سياقتى سالالاردا دايەكتىلەندىرۋ جانە ايگىلەۋ كەرەك. پارتيانىڭ باسشىلىعىندا تاباندى بولۋدا، ءسوز جوق، پارتيانىڭ باسشىلىعىن ۇزدىكسىز جاقسارتىپ، پارتيانىڭ باسشىلىعىن امالياتتىڭ، ءداۋىردىڭ، حالىقتىڭ تالابىنا اناعۇرلىم ۇيلەستىرۋ، جالپى جاعدايدى مەڭگەرىپ، ءار جاقتى سايكەستىرەتىن پارتيانىڭ باسشىلىق ءتۇزىم جۇيەسىن اقاۋسىزداندىرىپ، پارتيانىڭ باسشىلىق ءتاسىلى مەن بيلىك جۇرگىزۋ ءتاسىلىن كەمەلدەندىرىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتىپ، پارتيانىڭ بەتالىستى يگەرۋ، جالپى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعىن ۇزدىكسىز جوعارىلاتۋ كەرەك.

  ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم - زەڭگىر كوككە». وتكەندى ەسكە الساق، جۇڭگو كوممۋنيستىك پارتياسى حالىققا، تاريحقا ۇزدىك جاۋاپ قايتارىپ، جۇڭحۋا ۇلتىنىڭ دامۋ تاريحى مەن ادامزات قوعامىنىڭ العا باسۋ تاريحىندا ايبىندى داستان جازدى. بولاشاققا كوز جىبەرىپ، ەكىنشى 100 جىلدىق كۇرەس نىساناسىنا جورىق جاساعاندا، اناعۇرلىم داڭقتى بورىش ءبىزدىڭ جاۋاپكەرلىك ارقالاۋىمىزدى، اناعۇرلىم ۇلى كەرەمەتتەر ءبىزدىڭ جاسامپازدىقپەن جاراتۋىمىزدى كۇتۋدە. بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋقىمعا قاراي العا ۇمتىلىپ، تاۋ - وزەندەردى اشىپ، بوران - شاشىنعا بوگەلمەي ىلگەرىلەيتىن بولساق، ءارقانداي قيىنشىلىق ءبىزدى جەڭە المايدى، ءارقانداي كۇش جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ەكپىندى قادامىن بوگەي المايدى!

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار