بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۇلى پارتيا قۇرۋ رۋحىن ماڭگى جالعاستىرايىق، اسقاقتاتايىق

—— باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

2021.07.06 15:08     كەلۋ قاينارى : شينجياڭ گازەتى

  رۋحتىڭ كۇشى شەكسىز. پارتيامىزدىڭ 100 جىلدىقتى باستان كەشىرىپ كەمەلىنە كەلىپ تولىسۋى، جاپا - ماشاقاتتى وتكەرىپ، تىڭ تىنىسقا يە بولۋى توڭكەرىسكە جان قيارلىق قوسىلعان قۋاتتى رۋحتىڭ ارقاسى.

  ”100 جىلدىڭ الدىندا، جۇڭگو كوممۋنيستىك پارتياسىنىڭ ارداگەرلەرى جۇڭگو كوممۋنيستىك پارتياسىن قۇرىپ، اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن قالىپتاستىردى، بۇل − جۇڭگو كوممۋنيستىك پارتياسىنىڭ رۋحاني قاينارى“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ماڭىزدى ءسوز سويلەپ، 100 جىلدان بەرى جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جاراتقان ۇلى تابىسىن جوعارى باعالادى، ۇلى پارتيا قۇرۋ رۋحىنىڭ تەرەڭ ءمانىن ەگجەي - تەگجەيلى جيناقتاپ: ءبىز داڭقتى ءداستۇردى ۇزدىكسىز ساۋلەلەندىرىپ، قىزىل تامىردى ۇزدىكسىز جالعاستىرىپ، ۇلى پارتيا قۇرۋ رۋحىن ماڭگى جالعاستىرۋىمىز، اسقاقتاتۋىمىز كەرەك! دەپ سالتاناتپەن جاريالادى.

  100 جىلدى باسىپ وتكەن جۇڭگو كوممۋنيستەرى اقيقاتقا تاباندى بولۋدى، مۇراتتان اينىماۋدى دايەكتى جالعاستىردى. ماركسيزم جانە كوممۋنيزم، سوتسياليزم نانىمى، سەنىمى كوممۋنيستەردىڭ جان تامىرى جانە جانى. جۇڭگو كوممۋنيستىك پارتياسى قۇرىلعان كۇننەن باستاپ ماركسيزمدى ءوز تۋىنا ايقىن جازىپ، كوممۋنيزمدى جۇزەگە اسىرۋدى ەڭ جوعارى مۇراتى ەتىپ تۇراقتاندىردى. 100 جىلدان بەرى، توڭكەرىس، قۇرىلىس جانە رەفورما بارىسىندا ماركسيزمگە تاباندى بولۋدان جانە ونى دامىتۋدان اۋىتقىماعاندىقتان، پارتيامىز قىم - قۋىت، كۇردەلى جاعدايدا باستان - اياق دۇرىس بەتالىستى مەڭگەرىپ، بۇكىل پارتيامىزدا ”ورتاق ءتىل“ بولۋىنا مۇمكىندىك جاسادى، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋ ورتاق يدەيالىق نەگىزىن سومداي الدى، ءسويتىپ، العا باسۋ ساپارىنداعى قيىندىقتاردى، قاتەرلەردى، كەدەرگىلەردى جەڭدى، بۇكىل دۇنيە ءجۇزىن جالت قاراتقان ۇلى تابىسقا قول جەتكىزدى. توڭكەرىستىك مۇرات بارىنەن جوعارى تۇردى، مۇرات - سەنىم ۇشقىنى تۇتانسا زور رۋحاني كۇش - قۋات تۋىندايدى. 100 جىلدان بەرى، سانسىزداعان جۇڭگو كوممۋنيستەرى اۋەلگى ماقساتتى ۇمىتپاۋعا، ءوز مۇراتىنان اينىماۋعا تاباندى بولىپ، توسقاۋىلداردى تالقانداپ، كۇش سالا العا باسىپ، پارتيانىڭ مۇرات - سەنىمى جولىندا قايسارلىقپەن كۇرەس جۇرگىزدى، قاجىماي - تالماي كۇرەس جۇرگىزدى. بۇگىنگى تاڭدا قالىڭ پارتيالى كادرلار ماركسيزمگە دەگەن نانىمىن، جۇڭگوشا سوتسياليزمگە دەگەن سەنىمىن ومىرلىك تالپىنىسى ەتىپ، ماڭگى پارتياعا سەنىپ، پارتيانى ءسۇيىپ، پارتيا ءۇشىن قىزمەت ىستەپ، اركىم ءوز قىزمەت ورنىندا قايسارلىقپەن شايقاسىپ، وسكەلەڭ مۇرات جولىندا كۇرەس جۇرگىزۋ امالياتىن ۇزدىكسىز العا ىلگەرىلەتتى.

  100 جىلدى باسىپ وتكەن جۇڭگو كوممۋنيستەرى اۋەلگى ماقساتتى امالياتتا ايگىلەۋدى، بورىش ارقالاۋدى دايەكتى جالعاستىردى. جۇڭگو حالقىن باقىتقا كەنەلتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ اۋەلگى ماقساتى مەن بورىشىن ەستە بەرىك ساقتاۋ جانە امالياتتا ايگىلەۋ پارتيامىزدىڭ 100 جىلدىق كۇرەس تاريحىنا ساباقتاسقان قىزىل ارقاۋ. 100 جىلدان بەرى، مەيلى جاعداي مەن مىندەت قالاي وزگەرسىن، مەيلى قانداي تار جول، تايعاق كەشۋگە جولىقسىن، پارتيامىز باستان - اياق دۇرىس بەتالىستى بويلاپ باتىل العا باستى؛ مەيلى قانشاما سىن - سايىس پەن قىسىمعا ءدوپ كەلسىن، مەيلى قانشاما قۇرباندىق جانە بوداۋ بەرسىن، حالىقتى تاماشا تۇرمىسقا كەنەلتۋ سىندى وسى ءبىر تۇيىننەن اۋىتقىمادى. شىكۋمىننان تيان - انمىنگە دەيىن، شيڭيە جولىنان فۋشيڭ جولىنا دەيىن جۇڭگو كوممۋنيستىك پارتياسى مىڭ ءبىر جاپا - ماشاقاتتى باستان كەشىرىپ، سونشاما كوپ قيىندىقتى، حاۋىپ - قاتەردى جەڭىپ، جۇڭگو حالقىن ىنتىماقتاستىرىپ، باستاپ قاندى شايقاس جۇرگىزىپ، كۇشەيۋ ءۇشىن قايراتتانىپ، رەفورما جاساپ، ەسىك اشىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. باس شۋجي شي جينپيڭ بىلاي دەپ ايرىقشا اتاپ كورسەتتى: وسى اۋەلگى ماقسات پەن بورىشتان باستان - اياق اينىماعاندىقتان دا پارتيامىز ەرەكشە قيىن - قىستاۋ جاعدايدا دامىپ، زورايا الدى، تىعىرىققا تىرەلگەن تۇستا قات - قابات قورشاۋدى بۇزىپ شىعا الدى، ابدەن تيتىقتاعان، ءتيىمسىز جاعدايدا باتىلدىقپەن بەلسەندىلىك كورسەتە الدى. العا باسۋ جولىندا پارتيانىڭ اۋەلگى ماقساتى مەن بورىشى پارتيامىزدى ماڭگى تاباندىلىق كورسەتۋگە ىنتالاندىردى، پارتيامىزدى باتىلدىقپەن العا باسۋعا شىڭدادى.

  100 جىلدى باسىپ وتكەن جۇڭگو كوممۋنيستەرى قۇرباندىق بەرۋدەن قورىقپاۋدى، ەرلىكپەن كۇرەسۋدى دايەكتى جالعاستىردى. پارتيامىز مەملەكەت ىشكى دۇربەلەڭ مەن سىرتقى شاپقىنشىلىققا ۇشىراعان، ۇلت حاۋىپ - قاتەر مەن قيىنشىلىقتا قالعان ساتتە دۇنيەگە كەلگەن، دۇنيەگە كەلىسىمەن مەملەكەت، حالىق مۇددەسى ءۇشىن كۇرەس جۇرگىزەتىن ۇلى تولقىنعا قوسىلىپ، كۇرەس جۇرگىزۋ بارىسىندا ءومىر سۇرۋگە تالپىندى، دامۋعا يە بولدى، جەڭىسكە قول جەتكىزدى. دۇنيە جۇزىندە ەشقانداي پارتيا ءبىز سياقتى وسىنشاما كوپ جاپا - ماشاقاتقا، قيىنشىلىققا، حاۋىپ - قاتەرگە، كەدەرگىگە كەزدەسىپ، وسىنشاما كوپ ءولىم - ءومىر سىناعىن باستان كەشىرىپ، وسىنشاما كوپ اۋىر قۇرباندىق بەرگەن جوق. 100 جىلدان بەرى، پارتيامىز كۇرەس بارىسىندا دۇنيەگە كەلدى، كۇرەس بارىسىندا دامىدى، كۇرەس بارىسىندا زورايدى. ءتۇرلى قيىنشىلىق پەن سىن - سايىسقا توتەپ بەرۋدە پارتيامىز ازۋلى جاۋدان جاسقانبايتىن، حاۋىپ - قاتەردەن قورىقپايتىن، باتىلدىقپەن كۇرەسەتىن، جۇرەكتىلىكپەن جەڭىسكە جەتەتىن جىگەر مەن قاسيەتتى شىڭدادى، بۇل پارتيامىزدىڭ ەڭ ايقىن قاسيەتى مەن ەرەكشەلىگىنە اينالدى.

  100 جىلدى باسىپ وتكەن جۇڭگو كوممۋنيستەرى پارتياعا ادال بولۋدى، حالىقتىڭ ءۇمىتىن اقتاۋدى دايەكتى جالعاستىردى. پارتياعا ادال بولۋ كوممۋنيستەردىڭ ماڭداي الدى ساياسي قاسيەتى. پارتيامىز وسى بارىستا سانسىز قيىندىق پەن ميحىناتتى باستان كەشىرسە دە، ءارقانداي قيىندىق ءبىزدى بوگەي المادى، ءارقانداي جاۋ ءبىزدى قۇلاتا المادى، مۇندا سۇيەنگەنىمىز سان مىڭداعان پارتيا مۇشەلەرىنىڭ ادالدىعى بولدى. پارتيانىڭ 100 جىلدىق تاريحى پارتيانىڭ حالىقپەن جۇرەكتەس، تىنىستاس، تاعدىرلاس بولۋ تاريحى. سانسىز جۇڭگو كوممۋنيستەرى پارتيا مەن حالىققا دەگەن ادالدىعى مەن ىنتا - ىقىلاسىن جۇرەكتەرىندە بەرىك ساقتاپ، ارەكەتتەرىندە تياناقتاندىرىپ، پارتيا مەن حالىق ىسىنە وزىندەگىنىڭ ءبارىن، اۋەلى، قىمباتتى ءومىرىن ارنادى. پارتياعا ادال بولاتىن اسقاق ءمورالدى ارداقتاپ، حالىقتى باقىتقا كەنەلتەتىن الەۋمەتتىك ءمورالدى ارداقتاپ، ءوزىن قاتاڭ تارتىپكە شاقىراتىن ءمورالدى ارداقتاپ، حالىقتى باقىتقا كەنەلتەتىن ءىس جۇزىندىك ارەكەتىمەن كوممۋنيستەردىڭ ”وزىمەن ساناسپاي، حالىقتىڭ ءۇمىتىن اقتايتىن“ وسكەلەڭ سۇيىسپەنشىلىگىن ۇعىندىردى، بۇل ءاربىر كوممۋنيستىك پارتيا مۇشەلەرىندە بولۋعا ءتيىستى قۇن تالپىنىسى.

  تاريح كوشى ايالسىز العا جىلجىپ، رۋح ۇرپاقتان - ۇرپاققا جالعاسىپ كەلەدى. 100 جىلدان بەرى جۇڭگو كوممۋنيستىك پارتياسى ۇلى پارتيا قۇرۋ رۋحىن اسقاقتاتىپ، ۇزاق ۋاقىت كۇرەس جۇرگىزۋ بارىسىندا جۇڭگو كوممۋنيستەرىنىڭ رۋحاني شەجىرەسىن قالىپتاستىرىپ، ايقىن ساياسي قاسيەتتى سومداپ شىقتى. وسى قۇندى رۋحاني بايلىق ۋاقىت - كەڭىستىكتى ەندەي ءوتىپ، ۋاقىت ۇزارعان سايىن جاڭارىپ، پارتيانىڭ بەرىك سەنىمىن، ءتۇبىرلى باس ماقساتىن، تاماشا ستيلىن شوعىرلى بەينەلەپ، جۇڭگو كوممۋنيستەرىنىڭ قاجىرلىلىقپەن كۇرەس جۇرگىزۋ، قۇرباندىق بەرۋ، ۇلەس قوسۋ، ءورىس اشا تالپىنۋ ۇلى قاسيەتىن ۇيىستىرىپ، پارتيامىزدىڭ، مەملەكەتتىڭ، ۇلتتىڭ، حالىقتىڭ قان تامىرىنا تەرەڭ توعىسىپ، ءبىزدىڭ پارتيا قۇرۋىمىزعا، پارتيانى گۇلدەندىرۋىمىزگە، پارتيانى قۇدىرەتتەندىرۋىمىزگە مول ءنار ازىرلەدى. ۇلى پارتيا قۇرۋ رۋحىنىڭ جەتەكشىلىگىندە، پارتيامىز دامىپ 95 ميلليوننان استام پارتيا مۇشەسى بار، ءبىر ميلليارد 400 ميلليوننان استام جان سانى بار ءىرى ەلگە باسشىلىق ەتكەن، كەلەلى الەمدىك ىقپال كۇشكە يە دۇنيە جۇزىندەگى ءبىرىنشى ۇلكەن بيلىك باسىنداعى پارتياعا اينالدى.

  ”قوس 100 جىلدىقتىڭ“ تاريحي توعىسۋ تۇيىنىندە تۇرعان جۇڭحۋا ۇلتىنىڭ ۇلى گۇلدەنۋىنىڭ شۇعىلاسى الدا، بولاشاعى جارقىن. سونىمەن بىرگە، ءبىز وڭاي قولعا كەلمەيتىن ورايعا ءدوپ كەلدىك ءارى قاتاڭ سىن - سايىسقا دا ءدوپ كەلۋدەمىز. كۇرەس نىساناسىنا تاياعان سايىن، حاۋىپ - قاتەر، سىن - سايىسقا ءدوپ كەلگەن سايىن، ۇلى پارتيا قۇرۋ رۋحىن سولعۇرلىم اسقاقتاتىپ، ماڭگى بويكۇيەزدىككە سالىنبايتىن رۋحاني بەينە، العان بەتىنەن قايتپايتىن كۇرەس جۇرگىزۋ كۇيى ارقىلى ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا باسۋىمىز كەرەك. جاڭا ۇلى ساپاردا ۇلى پارتيا قۇرۋ رۋحىن ماڭگى جالعاستىرىپ، اسقاقتاتىپ، كوممۋنيستەردىڭ رۋحاني قان تامىرىن ۇزدىكسىز جالعاستىرىپ، نانىم نەگىزىن ۇزدىكسىز بەكەمدەپ، رۋحاني كالتسيدى ۇزدىكسىز تولىقتاپ، يدەيا رولىن ورنىقتى مەڭگەرىپ، مۇرات - سەنىمدى اناعۇرلىم بەكەمدەۋدى، ساياسي قاسيەتتى اناعۇرلىم كىرشىكسىزدەندىرۋدى، كۇرەس جۇرگىزۋ رۋحىن اناعۇرلىم اسقاقتاتۋدى، كۇرەس جۇرگىزۋ ىنتاسىن اناعۇرلىم تاسقىنداتۋدى ورىندايتىن بولساق، ءبىز، ءسوز جوق، كوپتەگەن جاڭا تاريحي ەرەكشەلىككە يە ۇلى كۇرەس بارىسىندا جەڭىستەن جاڭا جەڭىسكە ۇزدىكسىز بەت الىپ، جۇڭگو كوممۋنيستەرىنىڭ جاڭا رۋحاني تاريحي ەپوسىن جازا الامىز!

  (شينحۋا اگەنتتىگىنىڭ 7 - ايدىڭ 3 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار