شي جينپيڭ فرانسيانىڭ، گەرمانيا باسشىلارىمەن بەينە ەكران باسشىلار باس قوسۋىن وتكىزدى
2021.07.06 16:26 كەلۋ قاينارى : حالىق تورابى
7 - ايدىڭ 5 - كۇنى كەشتە مەملەكەت ءتوراعاسى شي جينپيڭ بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى مەركەلمەن بەينە ەكران باسشىلار باس قوسۋىن وتكىزدى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگى، 7 - ايدىڭ 5 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 5 - كۇنى كەشتە بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى مەركەلمەن بەينە ەكران باسشىلار باس قوسۋىن وتكىزدى.
شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ ىندەت جاعدايى ءالى دە اۋىر، ەكونوميكانىڭ قالپىنا كەلۋ بولاشاعى انىق ەمەس. دۇنيە ءجۇزى ءبىر - بىرىنە قۇرمەت ەتۋدى، شىنايى سەلبەسۋدى بۇرىنعى ءارقانداي كەزدەگىمەن سالىستىرعاندا ءتىپتى دە قاجەت ەتەدى، جەك كورىپ قارسىلاسۋعا، نولدىك جيىنتىق ويىنىن ويناۋعا بولمايدى. جۇڭگو مەن ەۆروپانىڭ ورتاق تانىم مەن سەلبەستىكتى كەڭەيتىپ، دۇنيە جۇزىلىك سايىستارعا بايىپپەن توتەپ بەرۋدە ماڭىزدى رول اتقارۋىن ءۇمىت ەتەمىن.
ءبىرىنشى، ءوزارا دۇرىس تانىمدا تاباندى بولۋ كەرەك. 100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، جۇڭگونىڭ مەملەكەت جاعدايىنا ۇيلەسەتىن ءارى حالىقتىڭ جاپپاي قولداۋىنا يە بولعان دامۋ جولىن اشتى. جۇڭگو بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىنان جازبايدى. جۇڭگو مەن ەۆروپا ءوزارا قۇرمەت ەتۋ، پارىقتاردى ساقتاپ، ورتاقتىققا ۇمتىلۋ پرينسيبى بويىنشا سەلبەستىك ورىستەتتى، ەكى جاقتىڭ جان - جاقتى ستراتەگيالىق سەرىكتەستىك قاتىناسى ءوزارا ەڭ ۇلكەن ورتاق بولگىشتى ۇيىستىردى. ءبىز وسى رۋحتى ۇستانىپ، ءوزارا پارىققا دۇرىس مامىلە جاساپ، الاۋىزدىقتاردى اقىلمەن ءبىر جاقتى ەتىپ، جۇڭگو - ەۆروپا قاتىناسىن ورنىقتىرۋدىڭ العا باسۋ بەتالىسىن مىقتاپ يگەرۋىمىز كەرەك.
ەكىنشى، ءوزارا تيىمدىلىك جەتكىزىپ، تەڭ يگىلىككە كەنەلۋ سەلبەستىگىن كەڭەيتۋ كەرەك. جۇڭگو ەۆروپا جاقپەن جۇڭگو - ەۆروپا باسشىلارىنىڭ 23 - رەتكى ديدارلاسۋىن ەرتەرەك وتكىزىپ، ستراتەگيالىق، ەكونوميكا - ساۋدا، گۋمانيتارلىق، سيفر، كليمات سالاسىنداعى جوعارى دارەجەلى كەڭەستەردى ويداعىداي وتكىزىپ، جۇڭگو - ەۆروپا ءتىزىم ونىمدەرىنىڭ ءبىرىن - ءبىرى مويىنداۋىن، ءبىرىن - ءبىرى قورعاۋىن ىلگەرىلەتىپ، ەكى جاق بۇقاراسىنىڭ كۇندەلىكتى تۇرمىسىنا اناعۇرلىم كوپ پايدا جەتكىزۋدى قالايدى. جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ جاعدايىندا ادامداردىڭ بارىس - كەلىسىنىڭ جىلدام ارناسىن ۇزدىكسىز ساپالىلاندىرۋ كەرەك. جۇڭگونىڭ ەسىكتى ايقارا اشۋ اياق الىسى مىزعىمايدى، ەۆروپا جاقتىڭ بازار پرينسيبى بويىنشا جۇڭگو كاسىپورىندارىنا ءادىل، جاريالى، كەمسىتپەيتىن تيجارات - ساۋدا ورتاسىن ازىرلەۋىن ءۇمىت ەتەمىن.
ءۇشىنشى، ناعىز كوپ جاقتىلىقتى قورعاۋ كەرەك. بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن بىرلەسكەن مەملەكەتتەر ۇيىمىنىڭ ەرەجەسىن نەگىز ەتكەن حالىقارالىق قاتىناستىڭ نەگىزگى ولشەمىن قورعاۋ ءۇشىن، حالىقاراداعى ىستەردە كوپشىلىك بايسالدى بولۋى جانە اقىلداسىپ ىستەۋى قاجەت. جۇڭگو جاق ەۆروپا جاقپەن بىرگە كۇنميڭدەگى «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ، «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 26 - رەتكى شارت جاساسۋشى جاقتار ءماجىلىسىنىڭ بەلسەندى جەتىستىكتەرگە قول جەتكىزۋىنە كەپىلدىك ەتۋدى ءارى دۇنيە جۇزىلىك ساۋدا ۇيىمى رەفورماسىنىڭ دۇرىس باعىتقا قاراي دامۋىنا بىرگە جەتەكشىلىك ەتىپ، بەيجيڭ قىسقى وليمپياداسى مەن پاريج جازعى وليمپيادا سپورت جارىسىن ويداعىداي وتكىزۋگە ءوزارا قولداۋ كورسەتۋدى قالايدى.
ءتورتىنشى، جالپى تۇلعالىق جاقتان ورنىقتى، بىركەلكى داميتىن ءىرى ەلدىك قاتىناس ورناتۋدا تاباندى بولۋ كەرەك. جۇڭگونىڭ ەڭ ارماندايتىنى باسقالاردىڭ ورنىن باسۋ ەمەس، قايتا ءوزىن ويداعىداي دامىتۋ. جۇڭگو العا قويعان «ءبىر بەلدەۋ، ءبىر جولدى» بىرگە قۇرۋ دارىپتەمەسى ءتىپتى دە كوپ ورتاق دامۋ ورايىن جاراتادى. جۇڭگو ءارقايسى جاقپەن پىكىرلەسۋدى، سەلبەسۋدى كۇشەيتۋدى قالايدى، سونىمەن بىرگە، ءوزىنىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى. ەۆروپا جاقتىڭ حالىقارالىق ىستەردە اناعۇرلىم كوپ بەلسەندى رول اتقارىپ، ستراتەگيالىق دەربەستىكتى شىنايى ايگىلەپ، دۇنيە ءجۇزىنىڭ بەيبىتشىلىگى مەن ورنىقتىلىعىن جانە دامۋىن، گۇلدەنۋىن بىرگە قورعاۋىن ءۇمىت ەتەمىن.
ءۇش ەل باسشىلارى تاعى افريكا كەڭەس تاقىرىبى جونىندە پىكىر اۋىستىردى. شي جينپيڭ مىنالاردى اتاپ كورسەتتى: افريكا − وركەندەپ كەلە جاتقان ەلدەر ەڭ شوعىرلى، جاڭا تيپتى ايدارشا ۆيرۋس وكپە قابىنۋىنا قارسى اتتانۋ جانە ەكونوميكانى قالپىنا كەلتىرۋ مىندەتىن جۇزەگە اسىرۋ ەڭ جاپالى ءوڭىر، ونان دا ماڭىزدىسى، دامۋ كومەسكى كۇشى ەڭ زور قۇرلىق. جۇڭگو افريكاداعى 40 تان استام مەملەكەت پەن افريكا وداعى كوميتەتىن ۆاكسينامەن قامداپ، افريكانىڭ ۆاكسينانى ءوز جەرىندە ءوندىرۋ قۋاتىن جوعارىلاتۋىنا بەلسەنە قولداۋ كورسەتتى. جۇڭگو افريكا ەلدەرىنەن 19 مەملەكەتپەن قارىزدى كەشەۋىلدەتۋ كەلىسىمىنە قول قويدى نەمەسە قارىزدى كەشەۋىلدەتۋ جونىندە ورتاق تانىمعا كەلدى ءارى «افريكانىڭ جاسىل ۇلى قورعانى» سياقتى باياندى دامۋ جوسپارىنا سىندارلى ات سالىستى. ەۆروپا جاقتىڭ افريكانى قولداۋ مەن وعان كومەكتەسۋدى كۇشەيتىپ، شۇعىل قاجەت ەتىپ وتىرعان افريكا ەلدەرىنە ءتىپتى دە كوپ ۆاكسينا بەرىپ، افريكانىڭ قارىز قىسىمىنا ويداعىداي توتەپ بەرىپ، افريكا ەكونوميكاسىنىڭ قالپىنا كەلۋى مەن جاسىل، تومەن كومىرتەكتى دامۋىن ەرتەرەك جۇزەگە اسىرۋىنا كومەكتەسۋىن ءۇمىت ەتەمىن. فرانسيانىڭ، گەرمانيانىڭ جۇڭگو مەن افريكا بىرگە العا قويعان «افريكانىڭ دامۋىن قولداۋ سەرىكتەستىك دارىپتەمەسىنە» قاتىناسىپ، 3 جاقتى، 4 جاقتى نەمەسە كوپ جاقتى سەلبەستىكتى ورىستەتۋىن قارسى الامىن.
ماكرون مىنانى ءبىلدىردى: وتكەن نەشە ون جىلدان بەرى جۇڭگونىڭ دامۋى وراسان زور تابىستارعا قول جەتكىزدى، فرانسيا ناقتى پوزيتسيا نەگىزىندە جۇڭگومەن سەلبەستىكتى ۇزدىكسىز ىلگەرىلەتۋگە كۇش سالىپ، ەۆروپا - جۇڭگو قارجى قوسۋ كەلىسىمىنە قول قويىلۋىن قولداپ، گۋمانيتارلىق اۋىس - كۇيىستى كۇشەيتتى، جۇڭگو كاسىپورىندارىنىڭ فرانسياعا قارجى قوسۋىن قارسى الامىن. فرانسيا دۇنيە جۇزىلىك ساۋدا ۇيىمىنىڭ رەفورماسى، كليمات وزگەرىسىنە توتەپ بەرۋ جانە ورگانيزمدەردىڭ الۋان تۇرلىلىگىن قورعاۋ سياقتى ماسەلەلەر جونىندە جۇڭگومەن ۇزدىكسىز پىكىرلەسۋدى، كۇنميڭدەگى «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسى مەن مارسەل 7 - كەزەكتى دۇنيە جۇزىلىك جاراتىلىستىق ورتانى قورعاۋ جينالىسىنىڭ تابىستى بولۋىن قولداۋدى قالايدى. فرانسيا جۇڭگونىڭ وركەندەپ كەلە جاتقان ەلدەردىڭ ۆاكسيناعا ءادىل قول جەتكىزۋىندە ماڭىزدى رول اتقارعانىن القايدى، جۇڭگومەن سەلبەستىكتى كۇشەيتۋدى قالايدى. فرانسيا جۇڭگونىڭ 20 ەل توبىنىڭ قارىزدى باسەڭدەتۋگە قاتىستى دارىپتەمەسىن تياناقتاندىرۋ جولىنداعى قۇلشىنىستارىن جوعارى باعالايدى، جۇڭگومەن افريكانىڭ قارجى قۇراۋ، وقۋ - اعارتۋ سياقتى ماسەلەلەرىنە كومەكتەسۋ جونىندە ۇزدىكسىز سايكەسۋدى كۇشەيتۋدى قالايدى.
مەركەل مىنانى ءبىلدىردى: جۇڭگونىڭ ىندەتتىڭ ىقپالىن جەڭىپ، ەكونوميكانىڭ قالپىنا كەلىپ دامۋىن جۇزەگە اسىرعانىن قۇتتىقتايمىن. گەرمانيا، فرانسيا، جۇڭگو باسشىلارىنىڭ اۋىس - كۇيىستى جالعاستىرۋى توتەنشە ماڭىزدى. گەرمانيا جۇڭگومەن ۆاكسينا ءوندىرىسىنىڭ ءادىل ءبولىسىن جەبەۋ، ادامدار جانە ساۋدا بارىس - كەلىسىن قالپىنا كەلتىرۋ جونىندە سايكەسۋ مەن سەلبەستىكتى كۇشەيتۋدى قالايدى. ەۆروپا - جۇڭگو قاتىناسى توتەنشە ماڭىزدى، ەكى جاقتىڭ ورتاق تانىمى وتە كوپ، سەلبەستىك جاساۋعا بولاتىن سالالار وتە كوپ، ءوزارا قۇرمەت ەتىپ، تىلدەسۋدى كۇشەيتۋ ارقىلى الاۋىزدىقتاردى ازايتۋ كەرەك. گەرمانيا ەۆروپا وداعى - جۇڭگو باسشىلارىنىڭ 23 - رەتكى ديدارلاسۋىن تەزىرەك وتكىزۋدى قولدايدى، ەۆروپا - جۇڭگو قارجى قوسۋ كەلىسىمىنىڭ تەزىرەك بەكىتىلۋىن ءۇمىت ەتەمىن. گەرمانيا جۇڭگومەن حالىقارالىق ىستەر سەلبەستىگىن كۇشەيتۋدى ءۇمىت ەتەدى، جۇڭگومەن كليمات وزگەرىسى، ورگانيزمدەردىڭ الۋان تۇرلىلىگى، افريكانىڭ ىندەتكە توتەپ بەرۋى سياقتى ماسەلەلەر جونىندە ۇزدىكسىز پىكىرلەسۋدى قالايدى، جۇڭگو مەن افريكا العا قويعان «افريكانىڭ دامۋىن قولداۋ سەرىكتەستىك دارىپتەمەسىنە» قاتىناسۋ ءىسىن بەلسەنە زەرتتەۋدى قالايدى.
ءۇش ەلدىڭ باسشىلارى يراننىڭ يادرو ماسەلەسى، اۋعانستان، بيرما جاعدايى قاتارلى ماسەلەلەر جونىندە پىكىر اۋىستىردى.
ياڭ جيەچى، ۋاڭ ي، حى ليفىڭ قاتارلىلار باسشىلار باس قوسۋىنا قاتىناستى.
7 - ايدىڭ 5 - كۇنى كەشتە مەملەكەت ءتوراعاسى شي جينپيڭ بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى مەركەلمەن بەينە ەكران باسشىلار باس قوسۋىن وتكىزدى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
