ا ق ش - نىڭ جۇڭگولىق 500 وقۋشىعا ۆيزا بەرۋدەن باس تارتقانى جونىندە سىرتقى ىستەر مينيسترلىگى جاۋاپ قايتاردى
2021.07.07 15:57 كەلۋ قاينارى : حالىق تورابى
7 – ايدىڭ 6 – كۇنى سىرتقى ىستەر مينيسترلىگىنىڭ كەزەكتى تىلشىلەردى قابىلداۋ ماجىلىسىندە، ءتىلشى بىلاي دەپ سۇرادى: جۋىردا جۇڭگولىق 500 نەشە وقۋشى جۇڭگونىڭ ا ق ش – ندا تۇراتىن باس ەلشىلىگىنە بىرلەسكەن حات جولداپ، ولاردىڭ ا ق ش – نا بارىپ وقۋ ءۇشىن تاپسىرعان ۆيزا ءوتىنىشىن ا ق ش – نىڭ قابىلداماعانىن ايتقان. جۇڭگو جاق بۇعان قانداي پىكىر بىلدىرەدى؟
جاۋ ليجيان بىلاي دەپ جاۋاپ قايتاردى: ءبىز جۋىردا ءبىر ءبولىم جۇڭگولىق وقۋشىلار ا ق ش – نا بارۋعا ۆيزا ءوتىنىشىن تاپسىرعان كەزدە، ا ق ش جاقتىڭ ترامپ ۇكىمەتى مەزگىلىندە قول قويعان 10043 – ءنومىرلى پرەزيدەنت جارلىعىنا قايشى كەلەدى دەگەن سىلتاۋمەن ۆيزا بەرۋدەن باس تارتقانىنا نازار اۋداردىق. جۇڭگو جاق بۇعان ايرىقشا ءمان بەرىپ، ا ق ش جاقپەن قاتاڭ پوزيتسيامەن سويلەستى. گۋمانيتارلىق اۋىس – كۇيىس — جۇڭگو – ا ق ش قارىم – قاتىناسىنىڭ نەگىزى. عىلىم، وقۋ – اعارتۋ جانە تەحنيكا سالاسىنداعى اۋىس – كۇيىس جۇڭگو مەن ا ق ش – نىڭ گۋمانيتارلىق اۋىس – كۇيىستەرىنىڭ ماڭىزدى قۇرامداس بولىگى، ەكى ەل حالقىنىڭ ءبىر – ءبىرىن تۇسىنۋىندە، تانۋىندا، جۇڭگو مەن ا ق ش قارىم – قاتىناسىنىڭ ورنىقتى دامۋىن ىلگەرىلەتۋدە ماڭىزدى ءمان الادى.
ا ق ش جاقتىڭ ۆيزاعا قاتىستى شەكتەۋ شارالارى ترامپ ۇكىمەتى مەزگىلىندەگى زارداپتاردىڭ جالعاسۋى. بۇل ا ق ش – نىڭ «جۇڭگولىق وقۋشىلاردى قارسى الامىز» دەگەن پوزيتسياسىنا ۇيلەسپەيدى، ا ق ش – نا بارىپ وقيتىن جۇڭگولىق وقۋشىلاردىڭ زاڭدى ۇقىق – مۇددەسىنە اۋىر زيان جەتكىزەدى، جۇڭگو مەن ا ق ش – نىڭ قالىپتى گۋمانيتارلىق قارىم – قاتىناسى مەن وقۋ – اعارۋ سالاسىنداعى سەلبەستىگىنە اۋىر زيان جەتكىزەدى. سونىمەن بىرگە، بۇل ا ق ش - نىڭ ءوزىن – ءوزى ماقتاعاندا ايتاتىن ەسىكتى اشىق ۇستاۋ، ەركىندىك سىندى تانىمدارىنا مۇلدە قايشى، حالىقارالىق دارىندىلار اراسىنداعى اۋىس – كۇيىس ورىستەتۋدەي ءداۋىر اعىمىنا مۇلدە قايشى، جۇڭگو مەن ا ق ش ەكى ەل حالقىنىڭ دوستىق اۋىس – كۇيىس جاساۋ سىندى ورتاق ارمانىمەن كەرەعار، تاريحتىڭ اعىنىنا كەرى جۇزگەنمەن بىردەي.
جۇڭگو جاق ا ق ش – جاقتى قاتەلىكتەرىن تۇزەتىپ، جۇڭگولىق وقۋشىلاردىڭ ا ق ش – نا بارىپ وقۋعا تاپسىرعان ۆيزا ءوتىنىشىن قايتا قاراۋعا، ءتۇرلى جەلەۋلەردەن پايدالانىپ جۇڭگولىق وقۋشىلاردى قيسىنسىز شەكتەۋ مەن ولارعا قىسىم كورسەتۋدى توقتاتۋعا، ولاردىڭ ۇيلەسىمدى، زاڭدى ۇقىق – مۇددەلەرىن قورعاپ، جۇڭگو مەن ا ق ش – نىڭ گۋمانيتارلىق اۋىس – كۇيىس جانە وقۋ – اعارتۋ جاعىنداعى سەلبەستىك ىستەرىنە تاماشا اۋقىم جاراتۋعا قۋزايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
