بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ جۇڭگو كوممۋنيستىك پارتياسى مەن دۇنيە جۇزىندەگى پارتيالار باسشىلارىنىڭ باس قوسۋىنا قاتىناستى ءارى ارقاۋ ءسوز سويلەدى

ۋاڭ حۋنيڭ قاتىناستى

2021.07.07 16:47     كەلۋ قاينارى : حالىق تورابى


  «حالىق گازەتى»، 7 - ايدىڭ 6 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 7 - ايدىڭ 6 - كۇنى بەيجيڭدە بەينە ەكرانمەن جەلىگە قوسىلۋ ءتاسىلى ارقىلى جۇڭگو كوممۋنيستىك پارتياسى مەن دۇنيە جۇزىندەگى پارتيالار باسشىلارىنىڭ باس قوسۋىنا قاتىناستى ءارى «پارتيالاردىڭ سەلبەستىگىن كۇشەيتىپ، حالىقتىڭ باقىتىن كوزدەيىك» دەگەن تاقىرىپتا ارقاۋ ءسوز سويلەپ، مىنانى دارىپتەدى: پارتيا ادامزاتتىڭ العا باسۋىن ىلگەرىلەتەتىن ماڭىزدى كۇش رەتىندە دۇرىس العا باسۋ باعىتىن بەلگىلەپ، حالىقتى باقىتقا كەنەلتۋ، ادامزاتتىڭ العا باسۋىن كوزدەۋ سىندى تاريحي جاۋاپكەرلىكتى ارقالاۋى كەرەك. جۇڭگو كوممۋنيستىك پارتياسى ءار ەلدىڭ پارتيالارىمەن بىرگە قۇلشىنىپ، قاشان دا دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولۋدى قالايدى.

  جۇڭگو كوممۋنيستىك پارتياسى مەن دۇنيە جۇزىندەگى پارتيالار باسشىلارىنىڭ باس قوسۋى «حالىقتىڭ باقىتىن كوزدەۋ: ساياسي پارتيالاردىڭ جاۋاپكەرلىگى» دەگەندى نەگىزگى تاقىرىپ ەتكەن. باسشىلار باس قوسۋىنىڭ نەگىزگى ءماجىلىس الاڭى حالىق سارايىنىڭ التىن ءتۇستى زالىندا ورنالاستىرىلدى. التىن ءتۇستى زالدا جۇڭگو كوممۋنيستىك پارتياسىنىڭ تۋى مەن ماجىلىسكە قاتىناسقان شەتەل پارتيالارىنىڭ پارتيا تۋى ءبىر - بىرىنە شۇعىلا شاشىپ، ايبىندى پارتيا تۋى شوعىرىن قالىپتاستىردى. ءماجىلىس الاڭىنا وراسان ۇلكەن 5 ەكران ورناتىلىپ، دۇنيە جۇزىندەگى ءار ەل پارتيالارى باسشىلارىنىڭ «بۇلتتىق» جەلىدە بىرگە باس قوسىپ، ۇلى جوسپاردى بىرگە اقىلداسىپ، بولاشاقتى بىرگە تىلگە تيەك ەتكەن جاندى كورىنىسىن تولىق ايگىلەدى.

  شي جينپيڭ الدىمەن ارقاۋ ءسوز سويلەدى. ول مىنالاردى اتاپ كورسەتتى: جۇڭگو كوممۋنيستىك پارتياسى قۇرىلعان 100 جىلدان بەرى جۇڭگو حالقىن ىنتىماقتاستىرىپ جانە باستاپ، ۇزدىكسىز كۇرەس جۇرگىزىپ، جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الۋىن ىلگەرىلەتتى. جۇڭگو كوممۋنيستىك پارتياسى جۇڭگو حالقى مەن دۇنيە جۇزىندەگى ءار ەل حالقىنىڭ تاعدىرلاس بولۋىنان جازباي، دۇنيە ءجۇزىنىڭ جالپى جاعدايى مەن ءداۋىر اعىمىندا جۇڭگونىڭ دامۋىنىڭ العا باسۋ بەتالىسىن يگەرىپ، ءار ەلدىڭ بىرگە دامۋىن، گۇلدەنۋىن جەبەدى.

  شي جينپيڭ بىلاي دەپ دارىپتەدى: بۇگىنگى تاڭدا ادامزات قوعامى قالاي ءجۇرۋ كەرەك دەيتىن تاريحي جول ايرىعىندا تۇر، تالعام ءوز قولىمىزدا، جاۋاپكەرلىك ءوز يىعىمىزدا. ورتاق سايىس الدىندا ادامزاتتا ءبىر جاعادان باس، ءبىر جەڭنەن قول شىعارۋ، ءبىر – ءبىرىن تولىقتاۋ، بايلانىس جاساۋ نەگىزىندە بىرگە ءومىر ءسۇرۋ دەيتىن ءبىر عانا شىعار جول بار. پارتيا ادامزاتتىڭ العا باسۋىن ىلگەرىلەتەتىن ماڭىزدى كۇش رەتىندە دۇرىس بەتالىستى ايقىنداپ، تاريحي جاۋاپكەرلىكتى ارقالاۋى كەرەك.

  ءبىرىنشى، ءبىز بەتالىسقا جەتەكشىلىك ەتۋ جاۋاپكەرلىگىن ارقالاپ، ادامزاتتىڭ ورتاق بولاشاعىن يگەرۋىمىز جانە سومداۋىمىز كەرەك. ۇلى ءداۋىر جالپى جاعدايعا مۇقتاج، جالپى جاعداي كەڭ پەيىل بولۋعا ۇندەيدى. ءبىز حالىقتىڭ ۇنىنە قۇلاق اسىپ، ءداۋىر اعىمىنا سايكەسىپ، ءار ەلدىڭ سايكەسۋ مەن سەلبەسۋدى كۇشەيتۋىن ىلگەرىلەتىپ، ءوز ەل حالقىمىزدىڭ مۇددەسىن دۇنيە جۇزىندەگى ءار ەل حالقىنىڭ مۇددەسىمەن بىرلىككە كەلتىرىپ، ادامزاتتىڭ تاعدىرلاس ورتاق تۇلعاسىن قۇرۋ بەتالىسىنا قاراي العا باسۋىمىز كەرەك.

  ەكىنشى، ءبىز ورتاق تانىمدى ۇيىستىرۋ جاۋاپكەرلىگىن ارقالاپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىنان جازباۋىمىز جانە ونى ساۋلەلەندىرۋىمىز كەرەك. ءبىز ادامزاتتىڭ بولاشاق تاعدىرىنا وسكەلەڭ جاۋاپتى بولۋ پوزيتسياسىندا بولا وتىرىپ، تۇرلىشە وركەنيەتتىڭ قۇن مازمۇنى جونىندەگى تانىمىن كەڭ پەيىلدىكپەن ءتۇسىنىپ، تۇرلىشە ەل حالقىنىڭ قۇندى جۇزەگە اسىرۋ جولى جونىندەگى ىزدەنىسىنە قۇرمەت ەتىپ، بۇكىل ادامزاتتىڭ ورتاق قۇندىلىعىن ناقتى، رەال تۇردە ءوز ەلىمىزدىڭ حالىق مۇددەسىن جۇزەگە اسىرۋ امالياتىندا ايگىلەۋىمىز كەرەك.

  ءۇشىنشى، ءبىز دامۋدى جەبەۋ جاۋاپكەرلىگىن ارقالاپ، ءار ەل حالقىن دامۋ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋىمىز كەرەك. ادامزاتتىڭ باقىتقا تالپىنۋ جولىندا ءبىر مەملەكەت تە، ءبىر ۇلت تا كەم بولماۋى كەرەك. دۇنيە جۇزىندەگى بارلىق مەملەكەت، بارلىق ۇلت تەڭ دامۋ ورايى مەن ۇقىعىنان يگىلىكتەنۋى كەرەك. باسقا ەلدەردىڭ دامۋىنا كەدەرگى بولاتىن، باسقا ەلدەردىڭ حالىق تۇرمىسىنا زيان جەتكىزەتىن ءارقانداي ساياسي ارەكەت جۇرت كوڭىلىنە جاقپايدى، تۇپتەپ كەلگەندە، قۇر ارامتەر بولعاندىق!

  ءتورتىنشى، ءبىز سەلبەستىكتى كۇشەيتۋ جاۋاپكەرلىگىن ارقالاپ، دۇنيە جۇزىلىك حاۋىپ - قاتەر مەن سىن - سايىسقا تىزە قوسا توتەپ بەرۋىمىز كەرەك. ءبىز عىلمي شارا قولدانۋدا تاباندى بولىپ، ىنتىماق پەن سەلبەستىكتى دارىپتەپ، ىندەتتى ساياسيلاندىرۋعا قارسى تۇرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە ىلگەرىلەتۋىمىز؛ سەلبەستىك ارقىلى حاۋىپسىزدىكتى كوزدەپ، ورنىقتىلىقتى كوزدەپ، حاۋىپسىزدىكتىڭ «قامالىن» بىرگە ويداعىداي ورناتۋىمىز؛ تابيعاتقا قۇرمەت ەتۋدە، تابيعاتقا سايكەسۋدە، تابيعاتتى قورعاۋدا تاباندى بولىپ، جاسىل مەكەندى بىرگە قۇرۋىمىز؛ جاۋاپكەرلىكتى باتىلدىقپەن ارقالاپ، ءبىر نيەتپەن سەلبەسىپ، ادام مەن تابيعاتتىڭ جاراسىمدى قاتار ءومىر ءسۇرۋ جولىن بىرگە قاراستىرۋىمىز كەرەك.

  بەسىنشى، ءبىز جونگە سالۋدى كەمەلدەندىرۋ جاۋاپكەرلىگىن ارقالاپ، حالىقتىڭ باقىتىن كوزدەۋ قۋاتىن ۇزدىكسىز كۇشەيتۋىمىز كەرەك. باقىتقا اپاراتىن جول تۇرلىشە بولىپ كەلەدى، ءار ەل حالقى ءوزىنىڭ دامۋ جولى مەن ءتۇزىم ۇلگىسىن تاڭداۋعا ۇقىقتى، مۇنىڭ ءوزى حالىقتىڭ باقىتىندا بولۋعا ءتيىستى مازمۇن. ءبىر ەلدىڭ دەموكراتيالى بولعان - بولماعانىنا سول ەلدىڭ حالقى باعا بەرەدى، از ساندى ادامداردىڭ ايتقانى ەسەپ ەمەس! ءبىز اۋىس - كۇيىستى، ءوزارا ۇلگى الۋدى كۇشەيتىپ، ءوز ەلىمىزدىڭ مەملەكەت جاعدايىنا ۇيلەسەتىن دەموكراتيالىق ساياسي قۇرىلىستى ىلگەرىلەتۋىمىز كەرەك.

  شي جينپيڭ بىلاي دەپ اتاپ كورسەتتى: جۇڭگونىڭ ىستەرىن جاقسى ىستەپ، ءبىر ميلليارد 400 ميلليوننان استام جۇڭگو حالقىن اناعۇرلىم تاماشا تۇرمىسقا كەنەلتىپ، ادامزاتتىڭ بەيبىتشىلىگى مەن دامۋىن جەبەۋ وسكەلەڭ ءىسى − جۇڭگو كوممۋنيستىك پارتياسىنىڭ بۇلجىماس كۇرەس نىساناسى. جۇڭگو كوممۋنيستىك پارتياسى حالىقتى وزەك ەتكەن دامۋ يدەياسىندا تاباندى بولىپ، ايبىندى ۋاقىت پەن كەڭىستىك تۇرعىسىنان ۇلتتىڭ گۇلدەنۋى مەن ادامزاتتىڭ العا باسۋىنىڭ قاتپارلى تاقىرىبىنا وي جۇگىرتىپ، ءار ەل پارتيالارىمەن بىرگە قۇلشىنىپ، اناعۇرلىم كوركەم بولاشاق جاراتادى.

  − جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، جۇڭگوشا وسىزامانداندىرۋدى ىشكەرىلەي ىلگەرىلەتىپ، ادامزاتتىڭ وسىزاماندانۋ جولى جونىندەگى ىزدەنىسىنە تىڭ ۇلەس قوسادى. جۇڭگو كوممۋنيستىك پارتياسى بارلىق ىستە ءىس جۇزىندىكتى شىعار ءتۇيىن ەتۋدە تاباندى بولىپ، جۇڭگو حالقىن باستاپ جۇڭگوشا سوتسياليزم جولىن اشتى. ءبىز وسى نۇرلى جولدى بويلاپ تاباندىلىقپەن جۇرە بەرەمىز، ءارى ءوزىمىزدى دامىتامىز، ءارى دۇنيە جۇزىنە باقىت جاراتامىز.

  − جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، رەفورمانى جاپپاي تەرەڭدەتىپ جانە ەسىكتى ايقارا اشىپ، دۇنيە جۇزىندەگى ءار ەلدىڭ بىرگە دامۋىنا، گۇلدەنۋىنە تىڭ ۇلەس قوسادى. جۇڭگو كوممۋنيستىك پارتياسى ءار ەلدىڭ پارتيالارىمەن بايلانىستى كۇشەيتىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى،بارابار، تەڭ يگىلىككە كەنەلۋ بەتالىسىنا قاراي دامۋىنا بىرگە جەتەكشىلىك ەتۋدى قالايدى. «ءبىر بەلدەۋ، ءبىر جولدى» جوعارى ساپامەن بىرگە قۇرۋ سەلبەستىگىن كۇشەيتىپ، دۇنيە ءجۇزىنىڭ ۇلاسۋىن، تۇتاسۋىن جەبەۋ ءۇشىن ارتۋ مولشەرىن بىرگە جەبەپ، اناعۇرلىم كوپ مەملەكەتتى، اناعۇرلىم كوپ بۇقارانى دامۋ جەتىستىكتەرىنەن بىرگە يگىلىكتەندىرۋ كەرەك.

  − جۇڭگو كوممۋنيستىك پارتياسى ءىرى ەلدەگى ءىرى پارتيانىڭ جاۋاپكەرلىگىن اتقارىپ، ادامزاتتىڭ باقىتىن ارتتىرۋعا تىڭ ۇلەس قوسادى. كەدەيلىكتى جويۋ − ءار ەل حالقىنىڭ ورتاق تىلەگى، ءار ەل پارتيالارىنىڭ قۇلشىنا جۇزەگە اسىراتىن ماڭىزدى نىساناسى. جۇڭگو كوممۋنيستىك پارتياسى ادامزاتتىڭ كەدەيلىكتى ازايتۋ اياق الىسىنا اناعۇرلىم كوپ جۇڭگو جوباسى مەن جۇڭگو كۇشىن ارناۋدى قالايدى. جۇڭگو حالىقارانىڭ ىندەتكە قارسى اتتانۋ سەلبەستىگىن بار كۇشپەن قولدايدى ءارى دۇنيە ءجۇزىنىڭ كليمات وزگەرىسىنە توتەپ بەرۋىنە اناعۇرلىم زور ۇلەس قوسادى.

  − جۇڭگو كوممۋنيستىك پارتياسى دۇنيە جۇزىلىك جونگە سالۋدى كەمەلدەندىرۋدى بەلسەنە ىلگەرىلەتىپ، ادامزات قوعامىنىڭ ورتاق سىن - سايىسقا تىزە قوسا توتەپ بەرۋىنە تىڭ ۇلەس قوسادى. حالىقارالىق ەرەجەلەر دۇنيە جۇزىندەگى ءار ەل ورتاق مويىندايتىن ەرەجەلەر بولۋى كەرەك، ونى از ساندى ادامدار بەلگىلەۋگە ءتيىستى ەمەس. ءبىز كوپ جاقتىلىق اتىمەن سىڭار جاقتىلىقتى جۇزەگە اسىراتىن ءتۇرلى ارەكەتتەرگە بىرگە قارسى تۇرۋىمىز كەرەك. جۇڭگو − ماڭگى وركەندەپ كەلە جاتقان ەلدەر ۇلى شاڭىراعىنىڭ ءبىر مۇشەسى، وركەندەپ كەلە جاتقان ەلدەردىڭ حالىقارالىق جونگە سالۋ جۇيەسىندەگى ۋاكىلدىك سيپاتى مەن ءسوز سويلەۋ ۇقىعىن جوعارىلاتۋعا بۇلجىماستان كۇش سالادى.


  شي جينپيڭ بىلاي دەپ دارىپتەدى: جۇڭگو كوممۋنيستىك پارتياسى ءار ەلدىڭ پارتيالارىمەن جانە ساياسي ۇيىمدارىمەن ۇزدىكسىز بىرگە بولىپ، تاريحتىڭ دۇرىس جاعىندا، ادامزاتتىڭ العا باسۋ جاعىندا تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، اناعۇرلىم كوركەم دۇنيە ءجۇزىن قۇرۋعا تىڭ دا اناعۇرلىم زور ۇلەس قوسۋدى قالايدى! (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار)

  وڭتۇستىك افريكانىڭ افريكا ۇلتتىق اسسامبلەياسىنىڭ ءتوراعاسى، زۇڭتۇڭى راماپوسا، قازاقستاننىڭ «نۇر وتان» پارتياسىنىڭ ءتوراعاسى، تۇڭعىش زۇڭتۇڭى نازاربايەۆ، رەسەيدىڭ ءبىر تۇتاس رەسەي پارتياسىنىڭ ءتوراعاسى، رەسەي فەدەراتسيالىق حاۋىپسىزدىك كەڭەسى ءتوراعاسىنىڭ ورىنباسارى مەدۆەدەۆ، ارگەنتينانىڭ ادىلەت پارتياسىنىڭ ءتوراعاسى، زۇڭتۇڭى فەرناندەس، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ، كۋبانىڭ كوممۋنيستىك پارتيا ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياس - كانەل، فيلليپپيننىڭ دەموكراتيالىق حالىق كۇشتەرى پارتياسىنىڭ ءتوراعاسى، زۇڭتۇڭى دۋتەرت، كامبودجانىڭ حالىق پارتياسىنىڭ ءتوراعاسى، باس ءۋازىرى حۇڭسىن، زيمبابۆەنىڭ افريكا ۇلتتار وداعى - وتانشىلدىق شەبىنىڭ ءتوراعاسى، قوسىمشا ءبىرىنشى شۋجيى، زۇڭتۇڭى منانگاگۆا، پالەستينانىڭ ۇلت ازاتتىق قوزعالىسىنىڭ ءتوراعاسى، زۇڭتۇڭى ابباس، سەربيانىڭ العا پارتياسىنىڭ ءتوراعاسى، زۇڭتۇڭى ۆۋچيچ، پاكيستاننىڭ ادىلەت قوزعالىسى پارتياسىنىڭ ءتوراعاسى، زۇڭليى يمران حان، موزامبيكتىڭ ازاتتىق شەبى پارتياسىنىڭ ءتوراعاسى، زۇڭتۇڭى نيۋسي، ناميبيانىڭ حالىقتىق ۇيىم پارتياسىنىڭ ءتوراعاسى، زۇڭتۇڭى گەنگوب، كونگونىڭ ەڭبەك پارتياسىنىڭ ءتوراعاسى، كونگونىڭ (براززاۆيل) زۇڭتۇڭى ساسوۋ، شريلانكانىڭ حالىق شەبى پارتياسىنىڭ كوسەمى، زۇڭليى ماحيندا رادجاپاكسا، بوليۆيانىڭ سوتسياليزمگە قول جەتكىزۋ قوزعالىسىنىڭ ءتوراعاسى، بۇرىنعى زۇڭتۇڭى مورالەس، ماروككونىڭ ادىلەت جانە دامۋ پارتياسىنىڭ باس شۋجيى، باس ءۋازىرى وسماني، وڭتۇستىك سۋداننىڭ سۋدان حالىق ازاتتىق قوزعالىسىنىڭ ءتوراعاسى، زۇڭتۇڭى كير، سوتسياليستىك ينتەرناتسيونالدىڭ ءتوراعاسى پاپاندەرۋ، يسپانيانىڭ كوممۋنيستىك پارتياسىنىڭ ءتوراعاسى سەنتريا قاتارلىلار باسشىلار باس قوسۋىندا ءسوز سويلەپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتاپ، جۇڭگو كوممۋنيستىك پارتياسىنىڭ 100 جىلدىق وزگەشە بارىسىن جوعارى باعالاپ، ج ك پ - نىڭ 18 - قۇرىلتايىنان بەرى باس شۋجي شي جينپيڭدى ۇيىتقى ەتكەن ج ك پ ورتالىق كوميتەتىنىڭ باسشىلىعىندا جۇڭگونىڭ ءار سالادا قول جەتكىزگەن تاريحي دامۋ جەتىستىكتەرى مەن ادامزاتتىڭ العا باسۋ ىستەرىنە قوسقان ماڭىزدى ۇلەسىن ىستىق ىقىلاسپەن القاپ، باس شۋجي شي جينپيڭنىڭ ارقاۋ سوزىندە العا قويعان ساياساتتىق قۋاتتاماسىنا بەلسەنە ءۇن قوسىپ، پارتيالار حالىقتىڭ باقىتىن كوزدەۋ جاۋاپكەرلىگىن ارقالاۋى كەرەكتىگىن، جۇڭگو كوممۋنيستىك پارتياسىمەن بىرگە اناعۇرلىم كوركەم، باقىتتى دۇنيە ءجۇزىن قۇرۋعا پەيىلدى ەكەندەرىن ءبىلدىردى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ مۇشەلەرى ديڭ شۋەشياڭ، ياڭ جيەچى، ياڭ شياۋدۋ، چىن شي، حۋاڭ كۇنميڭ، ساي چي باسشىلار باس قوسۋىنا قاتىناستى.

  160تان استام مەملەكەتتىڭ 500 دەن استام پارتياسى مەن ساياسي ۇيىمىنىڭ باسشىلارى، شەتەل پارتيالارىنىڭ 10 مىڭنان استام ۋاكىلى ماجىلىسكە قاتىناستى. 100 دەن استام مەملەكەتتىڭ پارتياسى ءوز ەلىندە 200 گە جۋىق كوللەكتيۆ ءماجىلىس الاڭىن ورنالاستىرىپ، پارتيا ۋاكىلدەرىن وسى رەتكى باسشىلار باس قوسۋىنا توپتىق قاتىناسۋعا ۇيىمداستىردى. شاڭحاي، شانشي يان - ان، گۋاڭدۇڭ شىنجىن، فۋجيان نيڭدى جانە جىجياڭ انجي قاتارلى جەرلەردە جەرگىلىكتى بولىمشە ءماجىلىس الاڭى ورنالاستىرىلىپ، جەرگىلىكتى ورىندارداعى ءىشىنارا پارتيالى كادرلار باسشىلار باس قوسۋىنىڭ سالتاناتتى جاعدايىن بىرگە كوردى. باسشىلار باس قوسۋىندا ورتاق قۋاتتاما جاريالانىپ، ماجىلىسكە قاتىناسقان پارتيالاردىڭ دۇنيە ءجۇزىنىڭ بەيبىتشىلىگىن، دامۋىن قورعاۋ، حالىقتىڭ ىرىسىن ارتتىرۋ سىندى ورتاق تىلەگى ءبىلدىرىلدى.


  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار