”ءىس بولسا اقىلداسقان جاقسى، كوپتىڭ ءىسىن كوپ بولىپ اقىلداسقان ءجون“
—— شي جينپيڭنىڭ حالىق دەموكراتياسىن ىلگەرىلەتۋ حيكاياسى
شينحۋا اگەنتتىگىنىڭ تىلشىلەرى ديڭ شياۋشي، يۋان رۋتيڭ
2021.07.07 17:32 كەلۋ قاينارى : شينجياڭ گازەتى
حالىق دەموكراتياسى − سوتسياليزمنىڭ جانى.
”جۇڭگو كوممۋنيستىك پارتياسىنىڭ حالىققا باسشىلىق ەتىپ حالىق دەموكراتياسىن اتقارۋى حالىقتىڭ قوجايىن بولۋىنا كەپىلدىك ەتۋ جانە ونى قولداۋ بولىپ تابىلادى“. 2014 - جىلى 9 - ايدىڭ 21 - كۇنى جۇڭگو حالىق ساياسي ءماسليحات كەڭەسى قۇرىلعاندىعىنىڭ 65 جىلدىعىن قۇتتىقتاۋ جينالىسىندا باس شۋجي شي جينپيڭ حالىق دەموكراتياسىنىڭ وزەكتى مازمۇنىن ايتتى.
ۋاقىت سترەلكاسىن 2006 - جىلعا تۋرالايىق.
سول كەزدە جىجياڭ ولكەلىك پارتكومنىڭ شۋجيى مىندەتىن اتقاراتىن شي جينپيڭ جولداس «جىجياڭ گازەتىنىڭ» ”جىجياڭ جاڭا لەبىزدەرى“ ايدارىندا ماقالا جاريالاپ، حالىق ىشىندەگى قايشىلىقتى شەشۋدىڭ دەموكراتيالىق ءادىسى جونىندە ىزدەنىس جاساپ، حالىق رايىن ءبىلدىرۋ ارناسىن ىركىلىسسىزدەندىرىپ، بۇقارانى تالاپ - تىلەكتەرىن ۇستامدىلىقپەن، زاڭدى تاسىلدەرمەن بىلدىرۋگە جەتەكتەۋ كەرەكتىگىن ورتاعا قويدى.
باستان - اياق حالىق ءۇشىن قىزمەت ىستەدى، باستان - اياق حالىققا سۇيەندى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىق دەموكراتياسىنىڭ دامۋىنىڭ اناعۇرلىم كەڭ كولەمدى، اناعۇرلىم تولىق، اناعۇرلىم اقاۋسىز بولۋىن ىلگەرىلەتتى.
حالىقتىڭ ۇقىق - مۇددەسىن قامتاماسىز ەتۋ
”دەموكراتيا ءتىزىپ قوياتىن اشەكەي بۇيىم ەمەس، قايتا ونىمەن حالىق شەشۋدى قاجەت ەتىپ وتىرعان ماسەلەلەر شەشىلەدى“
”باس شۋجي ءبىز ورتاعا قويعان ماسەلەلەرگە ەرەكشە كوڭىل ءبولدى. قازىرگە دەيىن جۇرەگىم مەيىرىمگە بولەنىپ كەلەدى“.
بىلتىر قاتىناسقان نەگىزگى ساتى ۋاكىلدەرىنىڭ اڭگىمە ءماجىلىسىن ەسكە العاندا حۋنان حىڭياڭ قالاسى چاڭنيڭ قالاسى تاشان ياۋزۋ اۋىلدىق سەنترلى باستاۋىش مەكتەپتىڭ ورىنباسار باستىعى پان جيۋرىننىڭ كوڭىل كۇيى ءالى كۇنگە دەيىن تەبىرەنىسكە تولى.
2020 - جىلى 9 - ايدىڭ 17 - كۇنى باس شۋجي شي جينپيڭ حۋناننىڭ چاڭشا قالاسىندا نەگىزگى ساتى ۋاكىلدەرى اڭگىمە ءماجىلىسىن باسقارىپ اشىپ، نەگىزگى ساتى كادر - بۇقاراسى ۋاكىلدەرىنىڭ ”14 - بەسجىلدىق“ جوبانى جاساۋ جونىندەگى پىكىرلەرى مەن ۇسىنىستارىن بەتپە - بەت تىڭدادى. ماجىلىستە ياۋزۋ اۋىلىندا 28 جىل وقىتۋشىلىقپەن شۇعىلدانعان وسى اۋىل - قىستاق وقىتۋشىسى باس شۋجيگە كەزەكتەگى تاۋلى ءوڭىردىڭ وقۋ - اعارتۋى ءدوپ كەلگەن ءىشىنارا قيىنشىلىقتاردى، اسىرەسە، وقىتۋشىلار كۇشىنىڭ جەتەرسىز بولۋ، قۇرىلىمدىق سيپاتتى شتات كەمشىلدىگى ورىن تەبۋ، جاقسى وقىتۋشىلاردى الىپ قالا الماۋ سياقتى ماسەلەلەردى مالىمدەدى.
باس شۋجي شي جينپيڭ: ”ءسىز وتە ناقتى ماسەلەلەردى اڭىس ەتتىڭىز“، - دەپ جاۋاپ بەردى.
”كەشە مەن رۋچىڭ اۋدانى ۋىنميڭ ياۋزۋ اۋىلىنداعى 1 - اۋماقتىق باستاۋىش مەكتەپكە باردىم، مەكتەپتە وقىتۋ عيماراتى، جاتاق جانە اسحانا بار ەكەن، ءنارلى تۇسكى تاعام تەگىن بەرىلەدى ەكەن، بالالار وتە جايدارى ەكەن، بۇل رەفورما جاساعان، ەسىك اشقاننان بەرى ءبىزدىڭ مىندەتتى وقۋ - اعارتۋدى جالپىلاستىرۋ ماسەلەسىن نەگىزىنەن شەشكەندىگىمىزدى، الايدا وقۋ - اعارتۋ بايلىعىنىڭ بىركەلكى بولماۋ ماسەلەسىنىڭ ءالى دە كورنەكتى ەكەندىگىن تۇسىندىرەدى. ’14 - بەسجىلدىق‘ مەزگىلىندە وسى ماسەلەنى ويداعىداي شەشۋگە كۇش سالۋ كەرەك، جاقسىلاپ زەرتتەۋ كەرەك“، - دەدى باس شۋجي شي جينپيڭ ماسەلەنىڭ ءمانىن تىكە كورسەتىپ.
”باس شۋجيدىڭ كوڭىل بولگەندىگىنە، قامقورلىق جاساعاندىعىنا مەن ەرەكشە تەبىرەندىم. مەن ءۇش كەز ساباق مىنبەسىن تياناق ەتىپ، اناعۇرلىم كوپ تاۋلى قىستاقتاعى وقۋشىلاردىڭ تاۋ قويناۋىنان شىعىپ، اناعۇرلىم تارتىمدى ءومىر ورنەكتەرىن سالۋىنا مۇمكىندىك جاساۋدى قالايمىن“، - دەدى پان جيۋرىن.
”نازاردى ەلەۋلى ماسەلەلەر مەن كورنەكى ولقىلىقتارعا شوعىرلاندىرىپ، حالىق بۇقاراسىنىڭ تالابى مەن تىلەگىنە جاۋاپ بەرۋ كەرەك“. پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە ”14 - بەسجىلدىق“ جوبا ۇسىنىسىن جازۋعا قاتىستى جاعدايلار جونىندە جالپى ماجىلىسكە تۇسىنىك جاساعاندا، باس شۋجي شي جينپيڭ وسىلاي دەپ باسا دارىپتەدى.
2020 - جىلى 8 - ايدىڭ 16 - كۇنىنەن 29 - كۇنىنە دەيىن ”14 - بەسجىلدىق“ جوبانى جاساۋ قىزمەتى ينتەرنەتتە پىكىر الۋ ورىستەتتى. حالىق بۇقاراسى جابال ات سالىسىپ، قىسقا عانا 2 اپتادا جالپى ءبىر ميلليون 18 مىڭنان استام ۇسىنىس تاپسىرىپ الدى. بۇل جونىندە باس شۋجي شي جينپيڭ ارناۋلى ماڭىزدى نۇسقاۋ بەرىپ، ”قاتىستى تاراۋلار دەر كەزىندە سالالاپ، تالداۋ جاساۋ، مۇقيات قابىلداۋ كەرەك“ دەپ تالاپ قويدى.
نەگىزگى ساتى بۇقاراسىنىڭ بارلىق تىلەگى جۇڭنانحايعا تىكە جەتتى.
تالاي جىلداردان بەرى شي جينپيڭ جولداس حالىق رايىن تىڭداۋ تاسىلىندە، ادىسىندە جاڭالىق اشۋ جونىندە ۇزدىكسىز ىزدەنىس جاساپ، نەگىزگى ساتى دەموكراتياسىنىڭ ”ەڭ سوڭعى ءبىر كيلومەترىن“ ىركىلىسسىزدەندىردى.
1991 - جىلى ورگانداردىڭ بۇقارانىڭ ارىزدارىن كورىپ ۇلگىرە الماۋ، شەشپەي كەشەۋىلدەتۋ، تىم كوپ باسىپ قويۋ ماسەلەسىن وزگەرتۋ ءۇشىن، سول كەزدە فۋجوۋ قالالىق پارتكومنىڭ شۋجيى مىندەتىن اتقاراتىن شي جينپيڭ قالا، اۋدان، رايون بىرلەسىپ ارىز قابىلداۋ قيمىلىن ورىستەتۋدى دارىپتەدى. ونىڭ باستاۋىندا قالا باسشىلارى مەن ءارقايسى فۋنكتسيالىق تاراۋلار نەگىزى ساتىعا ىرىقتىلىقپەن بارىپ ”احۋال ۇعىسىپ“، بۇقارانى ۋايىم - قايعىدان ارىلتتى، ولاردىڭ قيىنشىلىعىن شەشتى.
1994 - جىلى بۇقارا اڭىس ەتكەن فۋنكتسيالىق ورىنداردى ىزدەپ، ءىس بىتىرۋدە ادام تابۋ قيىن بولۋ، تەلەفونى بەرۋ قيىن بولۋ ورىن تەۋىپ وتىر دەگەن ماسەلەنى ەستىگەن شي جينپيڭ قالالىق پارتكوم كەڭسەسىنىڭ، قالالىق ۇكىمەت كەڭسەسىنىڭ جاۋاپتىلارىنا قالالىق پارتكومدى، قالاعا توتە قاراستى ورگانداردى قامتىعان مەكەمە - ورىنداردىڭ تەلەفونىن دەرەۋ گازەتكە شىعارىپ اشىق جاريالاڭدار دەپ تاباندا تاپسىرادى. كوپ وتپەي بارلىق تەلەفون نومىرلەرى «فۋجوۋ كەشكى گازەتىندە» اشىق جاريالاندى. ول كەزەكشى كەڭسە قۇرىپ، تەلەفون قابىلداۋدى، سونداي - اق كوپشىلىكتى تەلەفوندى قالاي قابىلداۋ، بۇقارانىڭ جۇرەك ءۇنىن قالاي تىڭداۋ بويىنشا باۋلۋدى تالاپ ەتىپ، بۇقارانىڭ كەڭ كولەمدە جاقسى باعاسىن الدى.
كوكەيىندە ساقتاپ، ىنتا - ىقىلاسىن ارنادى. دەموكراتيانى ساۋلەلەندىرۋ امالياتى بارىسىندا باس شۋجي شي جينپيڭ حالىقتى كوڭىل تورىنە قويىپ، بۇقارا كوڭىل ءبولىپ وتىرعان ءىس جۇزىندىك ماسەلەلەردى شەشۋدى ىلگەرىلەتتى.
جىجياڭ ولكەسى حۋجوۋ قالاسى انجي اۋداندىق ۇكىمەتتىڭ جانىنداعى ەكى قاباتتى ءبىر شاعىن عيمارات الدىندا ”انجي اۋدانىنىڭ قوعامدىق قايشىلىقتاردى، داۋ - شارلاردى جاراستىرۋ - ءبىر جاقتى ەتۋ، شەشۋ ورتالىعى“ دەگەن ءارىپ ايرىقشا كوزگە تۇسەدى.
2020 - جىلى 3 - ايدا باس شۋجي شي جينپيڭ جىجياڭدا قىزمەت تەكسەرگەندە وسى اراعا كەلىپ، بۇقارانىڭ قايشىلىقتارىن، داۋ - شارلارىن ءبىر ورىندا قابىلداۋ، جالپىلاي جاراستىرۋ - ءبىر جاقتى ەتۋ، تۇتاس تىزبەك بويىنشا شەشۋ ۇلگىسىنىڭ اينالىم جاعدايىن ۇعىستى.
”نەگىزگى ساتى −قوعامنىڭ جاراسىمدىلىعىنىڭ، ورنىقتىلىعىنىڭ نەگىزى“. باس شۋجي شي جينپيڭ بىلاي دەپ باسا دارىپتەدى: قوعامدىق قايشىلىقتان، داۋ - شاردان كوپ نەگىزدى ساقتانۋدىڭ، جاراستىرۋ - ءبىر جاقتى ەتۋدىڭ، شەشۋدىڭ كەشەندى مەحانيزمىن كەمەلدەندىرىپ، پارتيا مۇشەلەرىنىڭ، كادرلاردىڭ نەگىزگى ساتىعا بارىپ جاعداي ۇعىسۋى مەن بۇقارانىڭ جوعارىلاپ ارىزدانۋىن ۇشتاستىرىپ، بۇقارانىڭ قايشىلىقتارىن، داۋ - شارلارىن جاراستىرۋ - ءبىر جاقتى ەتۋ، شەشۋ قىزمەتىن ارناعا ءتۇسىرىپ، بۇقارانىڭ ماسەلەگە جولىققاندا ”تالابىن ايتاتىن“ جەرى بولۋىنا مۇمكىندىك جاساپ، قايشىلىقتى شىن مانىندە بەلەڭ بەرە باستاعان كەزىندە شەشۋ، نەگىزگى ساتىدا ءبىر جايلى ەتۋ كەرەك.
حالىقتىڭ ەركىن ايگىلەدى
”حالىق دەموكراتياسى ءبىر ءتۇرلى جالپى بارىستىق دەموكراتيا“
جۇنيۋە ادۆوكاتتار باسقارماسىنىڭ باس سەرىكتەسۋشى ادۆوكاتى ليۋ جىڭدۇڭنىڭ ءبىر جىلدان استام ۋاقىتتىڭ الدىنداعى سول ءبىر كۇن ءالى انىق ەسىندە.
2019 - جىلى 11 - ايدىڭ 2 - كۇنى باس شۋجي شي جينپيڭ شاڭحايدا قىزمەت تەكسەرگەندە چاڭنيڭ رايونى حۇڭچياۋ ءمالىسى گۋبەي قالا تۇرعىندارى ورتالىعىنا كەلدى.
”ءبىز سول كەزدە زاڭ جوباسىنا پىكىر - ۇسىنىس الۋ ءماجىلىسىن اشىپ جاتقان بولاتىنبىز، كوپشىلىك قىزۋ تالقى جۇرگىزىپ جاتقان ەدى“، - دەدى ليۋ جىڭدۇڭ.
”سىزدەردىڭ بۇل جەرلەرىڭىز −مەملەكەتتىك حالىق قۇرىلتايى تۇراقتى كوميتەتى قۇرعان نەگىزگى ساتىداعى زاڭ شىعارۋ بايلانىس ءتۇيىنى، سىزدەر الەۋمەتتىك اۋماقتىڭ ءىس جۇزىندىگىن تياناق ەتىپ، قىزمەتتى مۇقيات، تىڭعىلىقتى ورىستەتىپ، بۇقاراعا جاقىن، حالىقتىڭ اقىل - پاراساتىن شوعىرلاندىرعان كوپتەگەن پايدالى ىزدەنىستەر جاسادىڭىزدار“. باس شۋجي شي جينپيڭ بىلاي دەدى: ”حالىق قۇرىلتايى ءتۇزىمى −ەلىمىزدىڭ ءتۇبىرلى ساياسي ءتۇزىمى، ويداعىداي تاباندى بولىپ، ويداعىداي بەكەمدەپ، ويداعىداي دامىتىپ، حالىق رايىن اڭىس ەتۋ ارناسىن ىركىلىسسىزدەندىرىپ، دەموكراتيا فورماسىن بايىتۋ كەرەك“.
باس شۋجيدىڭ سوزىنەن ليۋ جىڭدۇڭ قاتتى شابىت الدى.
”حالىق دەموكراتياسى − جالپى بارىستىق دەموكراتيا، بارلىق كەلەلى زاڭ شىعارۋ شەشىمدەرى تۇگەلدەي ءتارتىپ بويىنشا بولادى، دەموكراتيالىق كەڭەستەن وتەدى، عىلمي شەشىم جاساۋ، دەموكراتيالىق شەشىم جاساۋ ارقىلى جارىققا شىعادى“، - دەدى باس شۋجي شي جينپيڭ باسا دارىپتەپ.
نەگىزگى ساتى بۇقاراسىنىڭ پىكىرى مەن ۇسىنىسىن دەن قويا تىڭداۋدىڭ دەموكراتيالىق زاڭ شىعارۋدى ىلگەرىلەتۋ جونىندەگى ءمانى زور.
تاياۋ جىلداردان بەرى مەملەكەتتىك حالىق قۇرىلتايى تۇراقتى كوميتەتىنىڭ زاڭ - ءتۇزىم قىزمەت كوميتەتى بۇكىل ەل بويىنشا كوپتەگەن نەگىزگى ساتى زاڭ شىعارۋ بايلانىس ءتۇيىنىن قۇرىپ، زاڭ جوباسىن بۇقارانىڭ قولىنداعى ”حالىقتان اقىل - كەڭەس الۋعا“ تىكە جولدادى، بۇقارانىڭ كوپتەگەن پىكىرى زاڭنىڭ ەڭ سوڭعى ءتۇپ نۇسقاسىنا ەنگىزىلدى.
مەملەكەتتىك حالىق قۇرىلتايى تۇراقتى كوميتەتى 10 رەت قارادى، 10 رەتتە قوعامنان اشىق پىكىر الدى، 3 رەت مەملەكەتتىك حالىق قۇرىلتايى ۋاكىلدەرىن ۇيىمداستىرىپ زەرتتەپ وقىپ تالقىلادى، مەملەكەتتىك حالىق قۇرىلتايى كەزىندە تاعى ءارقايسى جاقتاردىڭ پىكىرىنە نەگىزدەلىپ، 100 نەشە جەرىنە وزگەرىس ەنگىزدى... ازاماتتىق زاڭنامانى قۇراستىرۋ بارىسى اشىق زاڭ شىعارۋدىڭ، دەموكراتيالىق زاڭ شىعارۋدىڭ جاندى ىقشام كورىنىسى.
حالىق تىلەگىن تولىق اڭىس ەتەتىن وسى جاڭا ءداۋىر زاڭناماسىن ويداعىداي قۇراستىرۋ ءۇشىن، 2016 - جىلى 6 - ايدا، 2018 - جىلى 8 - ايدا، 2019 - جىلى 12 - ايدا باس شۋجي شي جينپيڭ ورتالىق كوميتەتى ساياسي بيۋروسى تۇراقتى كوميتەتى ءماجىلىسىن 3 رەت باسقارىپ، مەملەكەتتىك حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ازاماتتىق زاڭنامانى قۇراستىرۋ قىزمەتى جونىندە جاساعان نۇسقاۋ سۇراۋ مالىمەتىن تىڭداپ ءارى وعان پرينسيپتىك جاقتان قوسىلىپ، ازاماتتىق زاڭنامانى قۇراستىرۋ قىزمەتى جونىندە ماڭىزدى نۇسقاۋ بەرىپ، ازاماتتىق زاڭنامانى قۇراستىرۋ قىزمەتىنە ماڭىزدى جەتەكشىلىك جانە نەگىزگى بويسۇنۋ ولشەمىن ازىرلەدى.
حالىق قۇرىلتايى ۋاكىلدەرى كوپىر، ونىڭ ءبىر باسى پارتيامەن جانە ۇكىمەتپەن تۇتاسادى، ەندى ءبىر باسى سان ميلليونداعان بۇقارامەن تۇتاسادى.
سول جىلدارى شىنياڭ جەلدەتكىش توبى تىستى دوڭگەلەك نىعىزداۋىش ماشيناسى شەكتى سەرىكتەستىگىنىڭ اعا جۇمىسشى تەحنيگى شۇي چياڭ حالىق قۇرىلتايى ۋاكىلدەرى سايلاۋىنا قاتىناسىپ، سايلانباي قالادى، كوپتەگەن ادام ونى جۇباتىپ، باسقالار سەنىڭ ءبىر تال تەمەكىڭدى تارتپاسا، ءبىر توستاعان اراعىڭدى ىشپەسە، قالايشا سەنى سايلاسىن؟ دەيدى. كەيىن كەلە، شۇي چياڭ مەملەكەتتىك حالىق قۇرىلتايىنىڭ ۋاكىلى بولىپ تولىقتانىپ سايلاندى، ول كوكىرەك كەرە سول كەزدە ءوزىن جۇباتقاندارعا بىلاي دەدى: ”دۇنيە جولى −كوك تەڭىزدەر ەگىنجايعا وزگەرمەك، مەنىڭ سايلانۋىم قالىڭ سايلاۋشىلاردىڭ ماعان دەگەن سەنىمى بولىپ تابىلادى“.
2017 - جىلى مەملەكەتتىك ەكى ءماجىلىس كەزىندە شۇي چياڭ وسى كەشىرمەسىن ماقتانىشتى تۇردە باس شۋجي شي جينپيڭگە بايانداپ بەردى، باس شۋجيدىڭ ءسوزى وسى قاراپايىم جۇمىسشىنىڭ كوڭىلىن تاعى ءبىر رەت كولدەي تولقىتتى: نەگىزگى ساتىنىڭ ءبىرىنشى شەبىندەگى جولداستاردىڭ حالىق قۇرىلتايى ۋاكىلى بولۋى ەلىمىزدىڭ حالىق قۇرىلتايى ءتۇزىمىنىڭ ساياسي ابزالدىلىعى!
”مەملەكەتتىڭ بارلىق ۇقىعى حالىققا ءتان دەگەن نەگىزگى زاڭ ۇستانىمىنا تاباندى بولىپ، حالىقتى نەگىزگى زاڭ مەن زاڭداردىڭ بەلگىلەمەسىنە بويسۇنۋعا ەڭ كەڭ كولەمدە جۇمىلدىرىپ جانە ۇيىمداستىرىپ، ءار دارەجەلى حالىق قۇرىلتايلارى ارقىلى مەملەكەت بيلىگىن جۇرگىزىپ، ءتۇرلى جولدار مەن تاسىلدەر ارقىلى مەملەكەت پەن قوعامدىق ىستەردى باسقارۋ، ەكونوميكا جانە مادەنيەت ىستەرىن باسقارۋ...“ استاناداعى ءار سالانىڭ قازىرگى نەگىزگى زاڭنىڭ جاريالانىپ اتقارىلعاندىعىنىڭ 30 جىلدىعىن ەسكە ءتۇسىرۋ جينالىسىندا باس شۋجي شي جينپيڭ وسىلاي دەپ بايسالدىلىقپەن جاريالادى.
حالىق قۇرىلتايى قىزمەتىندەگى ەڭ ماڭىزدىسى ”حالىق مۇددەسىن بارىنەن جوعارى قويۋ“. باس شۋجي شي جينپيڭ بىلاي دەپ باسا دارىپتەدى: حالىق قۇرىلتايى قىزمەتى حالىق ءۇشىن بيلىك جۇرگىزۋ ۇستانىمىنا تاباندى بولىپ، ”حالىق“ دەگەن ءسوزدىڭ ءمانىن تەرەڭ ءتۇسىنىپ، باستان - اياق حالىقتىڭ ادال جارشىسى بولۋ كەرەك.
حالىقتىڭ جاسامپاز ومىرشەڭدىك كۇشىن قاۋلاتۋ
”تۇتاس قوعام ريزا بولاتىن جانە تالاپ ەتەتىن ەڭ ۇلكەن ورتاق بولگىشتى تابۋ −حالىق دەموكراتياسىنىڭ شىندىعى“
2020 - جىلى 5 - ايدىڭ 21 - كۇنى تۇستەن بۇرىن بەيجيڭ چيانمىن ساۋچاڭ سىتياۋ 44 - ءنومىرلى اۋلاسىنىڭ ىشىندە ءبىر اۋىق شالىنعان قوڭىراۋ ۇنىنەن كەيىن، ”شاعىن اۋلانىڭ كەڭەسۋ زالى“ تاعى ءبىر رەت جۇمىس باستاپ، الەۋمەتتىك اۋماق تۇرعىندار كوميتەتىنىڭ مۇشەسى، ءمالى - كوشە باستىعى، شاعىن كوشە باسقارۋشى، تۇرعىندار گرۋپپاسىنىڭ باستىقتارى، تۇرعىندار ۋاكىلدەرى قوقىر - قوقسىقتى تۇرگە ايىرۋ ءىسىن بىرگە اقىلداستى.
2019 - جىلى ەگىنشىلىك كالەندارى بويىنشا كوكتەم مەرەكەسى كەلۋ قارساڭىندا باس شۋجي شي جينپيڭ ”شاعىن اۋلانىڭ كەڭەسۋ زالىنا“ كەلدى. ءمالى، الەۋمەتتىك اۋماق، تۇرعىندار سياقتى جاقتاردان كەلگەن ۋاكىلدەر وسى ارادا حۋتۇڭ اۋلاسىنىڭ دارەجەسىن كوتەرىپ، جاڭالاۋ بويىنشا بۇكپەسىز اڭگىمەلەسۋ ءماجىلىسىن اشىپ جاتقان - دى.
”قاي ۋاقىتتان باستاپ جاڭالايسىڭدار؟“
”تاريحي مادەنيەت قۇنى بار ۇيلەر كوپ پە؟“
باس شۋجي كوپشىلىكتىڭ تالقىسىنا قوسىلدى.
”’تۇرعىنداردىڭ ءىسىن تۇرعىندار كەڭەسۋ، تۇرعىنداردىڭ ءىسىن تۇرعىندار تۇراقتاندىرۋ‘ الەۋمەتتىك اۋماق تۇرعىندارىنىڭ قاراستىلىق سەزىمى مەن قوجايىندىق تانىمىن كۇشەيتىپ، الەۋمەتتىك اۋماقتىڭ جونگە سالۋ مەن قىزمەت وتەۋدەگى دالمە - دالدىك، ەگجەي - تەگجەيلى بولۋ دەڭگەيىن جوعارىلاتۋعا پايدالى“، - دەدى باس شۋجي شي جينپيڭ.
حالىق ءىسىن حالىق كەڭەسۋ، حالىق ءىسىن حالىق ۇيعارۋ، حالىق ءىسىن حالىق ءبىتىرۋ.
بۇگىنگى تاڭداعى بەيجيڭدە بىرگە قۇرۋ تورى بارعان سايىن جيىلەۋدە: شىعىس قالا رايونىندا 1030 ءمالى - كوشە باستىعى، 2064 شاعىن كوشە باسقارۋشى بار، باتىس قالا رايونىندا 1392 كوشە باستىعى، 2896 شاعىن كوشە باسقارۋشى بار.
”ءىس بولسا اقىلداسقان جاقسى، كوپتىڭ ءىسىن كوپ بولىپ اقىلداسقان ءجون، تۇتاس قوعام ريزا بولاتىن جانە تالاپ ەتەتىن ەڭ ۇلكەن ورتاق بولگىشتى تابۋ −حالىق دەموكراتياسىنىڭ شىندىعى“، - دەدى باس شۋجي شي جينپيڭ.
اقىلداسۋ ارقىلى ورتاقتىققا ۇمتىلۋ، كەڭەسۋ ارقىلى شارۋا تىندىرۋ. ”ءىس بولسا اقىلداسقان جاقسى“ جۇڭگونىڭ ءداستۇرلى مادەنيەتىنىڭ مايەگى، ونان دا ماڭىزدىسى، كەڭەستىك دەموكراتيانىڭ ەڭ جاندى بەينەلەنۋ فورماسى.
1988 - جىلى 12 - ايدا شي جينپيڭ جولداس نيڭدى ايماقتىق پارتكومنىڭ شۋجيى مىندەتىن وتەگەن كەزدە نيڭدى العاشقى دەموكراتيالىق پارتيا - توپ ۇيىمى −دەموكراتيالىق وداقتىڭ ايماقتىق كوميتەتىن قۇردى. ول ايماقتىق پارتكومنىڭ باسشىلىق القاسىن دەموكراتيالىق پارتيا - توپ ۇيىمدارىمەن بايلانىس ورناتۋ، دەموكراتيالىق پارتيا - توپ زيالىلارىنان مەرزىم سايىن احۋال ۇعىسۋ ءتۇزىمىن ورناتتى، ءار جارتى جىلدا نەمەسە ءبىر ماۋسىمدا ءوزى بايلانىس ورناتقان دەموكراتيالىق پارتيا - توپتاردىڭ پىكىرىن تىڭداپ، ءىشىنارا دەموكراتيالىق پارتيا - توپتاردىڭ جاۋاپتىلارىمەن، زيالىلارمەن، قارت جولداستارمەن سىرلاستى.
”الەمدەگى ادامداردىڭ تۇرعىسىنان كوز سالساڭ، كورمەيتىنىڭ جوق؛ الەمدەگى ادامداردىڭ تۇرعىسىنان قۇلاق تۇرسەڭ، بىلمەيتىنىڭ جوق“.
2017 - جىلى 1 - ايدىڭ 22 - كۇنى باس شۋجي شي جينپيڭ پارتيا سىرتىنداعى قايراتكەرلەرمەن بىرگە كوكتەم مەرەكەسىن بىرگە قارسى الۋ كەزىندە بىلاي دەپ باسا دارىپتەدى: ”’حالىقتىڭ ءۇنىن كىشى پەيىلدىلىكپەن تىڭداپ، مەيلى قۇلاققا جاعىمدى، الدە جاعىمسىز بولسىن، دۇرىس پىكىر بولسا قابىلداۋ كەرەك‘. بۇل بيلىك باسىنداعى پارتيادا بولۋعا ءتيىستى دارقاندىق.’مەملەكەت ءىسىن اقىلداسقاندا ۇناتۋ - ۇناتپاۋعا قاراي ۇيعارىم جاساماي، قايتا ءسوزدىڭ دۇرىس - بۇرىستىعىنا قاراي ۇيعارىم جاساۋ كەرەك‘، بۇل ۇكىمەت جۇمىسىنا ات سالىساتىن پارتيانىڭ بولۋعا ءتيىستى جاۋاپكەرشىلىگى“.
ساياسي پارتيالار كەڭەسۋ، ۇكىمەت كەڭەسۋ، ساياسي كەڭەس - ءماسليحاتتاسۋ، حالىقتىق ۇيىمدار كەڭەسۋ... سوتسياليستىك كەڭەستىك دەموكراتيا كەڭ كولەمدە، كوپ دەڭگەيلى، تۇزىمدەنە دامىپ، كەڭەسۋ، ۇكىمەت ءىسىن اقىلداسۋ ارناسى اناعۇرلىم كەمەلدەندى.
الىپ قۇس شىعانعا جەكە ءبىر قاناتىمەن عانا وڭاي - وسپاق شىقپاعان؛ تۇلپار جالعىز اياعىنىڭ كۇشىمەن شاپقىلاي المايدى.
”جۇڭگو بيىككە سامعاپ، جىلدام زىمىراۋدا، ءبىر ميلليارد 400 ميلليون حالىقتىڭ تەلەگەي كۇشىن ۇيىستىرۋ جانە جۇمىلدىرۋ كەرەك“.
باس شۋجي شي جينپيڭنىڭ ىقىلاستى تىلەگى حالىق دەموكراتياسىنا تاباندى بولۋعا جانە ونى دامىتۋعا تاسقىنداعان قوزعاشى كۇش ۇستەدى.
(شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
