لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2021.07.08 18:42 كەلۋ قاينارى : حالىق تورابى
ەمدەۋ قامسىزداندىرۋىنا قىزمەت وتەۋدىڭ ءونىمدى، حالىققا قولايلى بولۋىن اناعۇرلىم ىلگەرىلەتۋ جونىندە ورنالاستىرۋ جاسادى؛ جاڭاشا جۇمىستاندىرۋ كۇيىندەگى ەڭبەكشىلەردىڭ ۇقىق - مۇددەسىن قامتاماسىزداندىرۋدى كۇشەيتۋگە ساياتىن ءبىرقانشا ساياساتتىق شارانى بەلگىلەدى؛ فينانستىڭ ناقتى ەكونوميكاعا قولداۋ كورسەتۋىن كۇشەيتىپ، كومىرتەگى قوس توتىعىنىڭ شىعارىلۋىنا ساياتىن قولداۋ شارالارىن العا قويۋدى ۇيعاردى
شينحۋا اگەنتتىگى، 7 - ايدىڭ 7 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 7 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ەمدەۋ قامسىزداندىرۋىنا قىزمەت وتەۋدىڭ ءونىمدى، حالىققا قولايلى بولۋىن اناعۇرلىم ىلگەرىلەتۋ جونىندە ورنالاستىرۋ جاسادى؛ جاڭاشا جۇمىستاندىرۋ كۇيىندەگى ەڭبەكشىلەردىڭ ۇقىق - مۇددەسىن قامتاماسىزداندىرۋدى كۇشەيتۋگە ساياتىن ءبىرقانشا ساياساتتىق شارانى بەلگىلەدى؛ فينانستىڭ ناقتى ەكونوميكاعا قولداۋ كورسەتۋىن كۇشەيتىپ، كومىرتەگى قوس توتىعىنىڭ شىعارىلۋىنا ساياتىن قولداۋ شارالارىن العا قويۋدى ۇيعاردى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، ەمدەۋ قامسىزداندىرۋى جاعىنان حالىققا قولايلى قىزمەت وتەۋدى ساپالىلاندىرۋ بۇقارانىڭ دەنساۋلىعىن اناعۇرلىم ويداعىداي قامتاماسىزداندىرۋعا، تابىس سەزىمىن جوعارىلاتۋعا ءتيىمدى. ءماجىلىس مىنالاردى بەلگىلەدى: ءبىرىنشى، نەشە ءجۇز ميلليون جىلجىمالى حالىققا، اسىرەسە، شارۋا جۇمىسكەرلەر قاتارلى قاۋىمعا ءتۇيىندى بەت الىپ، بالنيتسادا جاتىپ ەمدەلۋ، امبالاتوريادا ەمدەلۋ قاراجاتىن سىرت جەردە ەسەپتەن كوتەرۋ قىزمەت وتەۋىن جەدەل ىلگەرىلەتىپ، بيىل جىل سوڭىنان بۇرىن ءارقايسى ولكە، اۆتونوميالى رايون، توتە قاراستى قالانىڭ %60 تەن استام اۋداندارىندا كەمىندە ءبىر ادەتتەگى امبالاتوريادا ەمدەلۋ قاراجاتىن ولكە اتتاپ توراپتا تۇتاستىرۋ قۇرىلىمى بولۋىنا، كەلەر جىلدىڭ سوڭىنان بۇرىن ءار اۋداندا كەمىندە ءبىر ءتۇيىن ەتىلگەن ەمدەۋ قۇرىلىمىنىڭ امبالاتوريادا ەمدەلۋ قاراجاتىن ءوز ىشىنە العان ەمدەۋ قاراجاتىندا ولكە اتتاپ تىكەلەي ەسەپ جابۋ قىزمەت وتەۋىمەن قامداۋىنا كەپىلدىك ەتۋ كەرەك. ەكىنشى، ءتۇيىن ەتىلگەن ەمدەۋ قۇرىلىمدارىنىڭ جالپى سوماسى مەجە ەسەبىن باسقارۋدى ساپالىلاندىرىپ، قازىرگى سىناق تۇيىندەرىنىڭ تاجىريبە قالىپتاستىرۋىن ىلگەرىلەتىپ، جالپىلاستىرۋدى مىقتى يگەرۋ كەرەك. قوعام قۇرعان ەمدەۋ قۇرىلىمدارىنىڭ ءتۇيىن ەتىلگەن ەمدەۋ، ءدارى - دارمەك قۇرىلىمدارىنىڭ قاتارىنا قوسىلۋدى ءوتىنىش ەتۋىنە قاراتا ءبارىن بىردەي كورۋ كەرەك. ساۋدا قامسىزداندىرۋ قۇرىلىمدارىن ەمدەۋ قامسىزداندىرۋىنا قىزمەت وتەۋگە قاتىناستىرىپ، قامسىزداندىرۋ تۇرلەرىن مولايتىپ، ەمدەۋ قامسىزداندىرۋىنىڭ ءدال ەسەپتەۋ دەڭگەيىن جوعارىلاتۋ كەرەك. ەمدەۋ قامسىزداندىرۋىنىڭ ەركىن كەسىم جاساۋ ۇقىعىن ارناعا ءتۇسىرىپ جانە ازايتىپ، ەمدەۋ قۇرىلىمدارىنىڭ جىل سوڭىندا «قاراجاتتى تۇيىقسىزدان تىزگىندەۋىنەن» ساقتانۋ كەرەك. ءۇشىنشى، ەمدەۋ قامسىزداندىرۋىن ءبىتىرۋ ءتارتىبىن ءبىر تۇتاس ارناعا ءتۇسىرىپ جانە ساپالىلاندىرىپ، ءبىر جاقتى ەتۋ بۋىندارى مەن ماتەريالدارىن قاراپايىمداندىرىپ، ەمدەۋ قامسىزداندىرۋىن ەسەپتەن كوتەرۋدى ءبىر جولدا حابارلاۋدى، ءبىر كەستەدە ءوتىنىش ەتۋدى، ءبىر تەرەزەدە ءبىتىرۋدى جولعا قويۋ كەرەك. «ينتەرنەت +» عا سۇيەنىپ، ەمدەۋ قامسىزداندىرۋىنا قىزمەت وتەۋدى «ينتەرنەتتە ءبىتىرۋدى»، «الاقاندا ءبىتىرۋدى» جۇزەگە اسىرۋ كەرەك. ءتورتىنشى، تۇتاس بارىستى باقىلاۋ - باسقارۋدى كۇشەيتىپ، زاڭ - ەرەجەنى كەمەلدەندىرىپ، الداپ - ارباۋ، شيپاحاناعا جاتۋعا شىرعالاۋ، تالوندى جالعاننان كەسۋ، ءدارى - دارمەكتى بەتالدى پايدالانۋ سياقتى ارەكەتتەرگە زاڭ بويىنشا قاتاڭ سوققى بەرىپ، بۇقارانىڭ «ءومىردى قامسىزداندىرۋ اقشاسىن» ويداعىداي ساقتاۋ، ودان ويداعىداي پايدالانۋ كەرەك.
ءماجىلىس مىنالاردى اتاپ كورسەتتى: جاڭاشا جۇمىستاندىرۋ كۇيىندەگى ەڭبەكشىلەردىڭ ەڭبەك قامتاماسىزداندىرۋ ۇقىق - مۇددەسىن ويداعىداي قورعاۋ يكەمدى جۇمىستانۋدى جەبەۋگە، جۇمىس ورنى مەن بۇقارانىڭ كىرىسىن ارتتىرۋعا ءتيىمدى. ءماجىلىس مىنالاردى بەلگىلەدى: ءبىرىنشى، جاڭاشا جۇمىستاندىرۋ كۇيىنە ۇيلەسىپ، كوپ ءتۇرلى فورماداعى، ەڭبەكشىلەردىڭ ۇقىق – مۇددەسىن قامتاماسىزداندىرۋعا ءتيىمدى ەڭبەك قاتىناسىن ورناتۋدى ىلگەرىلەتۋ كەرەك. ەڭبەككۇش جىبەرۋ، سىرتقا كوتەرمەگە بەرۋ سياقتى جۇمىسشى ىستەتۋ ءتاسىلىن قولدانعاندا، قاتىستى كاسىپورىندار ەڭبەكشىلەردىڭ ۇقىق - مۇددەسىن ۇيلەسىمدى قامتاماسىزداندىرۋى كەرەك. ەكىنشى، كاسىپورىن ەڭبەكاقىنى ۋاعىندا تولىق بەرۋى كەرەك، ەڭبەكشىلەردىڭ حاۋىپسىزدىگىنە، دەنساۋلىعىنا زيان جەتكىزەتىن باعالاۋ كورسەتكىشىن جاساۋىنا بولمايدى. تۇعىر كاسىپورىندارىن تاپسىرىس ءبولىسى، ۇلگى الۋ سالىستىرماسى سياقتى تۇزىمدىك ەرەجەلەر مەن ەستەپتەۋ تاسىلدەرىن جاساۋعا جانە كەمەلدەندىرۋگە قۋزاپ، ەڭبەكشىلەر ۋاكىلدەرى قاتارلىلاردىڭ پىكىرىن تىڭداپ وتىرۋ ءارى ناتيجەسىن جاريالاپ تۇرۋ كەرەك. ەڭبەكشىلەردىڭ كوپ تۇعىردا جۇمىستانۋىن زاڭعا قايشى شەكتەۋگە بولمايدى. ءۇشىنشى، ءجۇرىس - تۇرىس، تاعام جەتكىزىپ بەرۋ، دەر كەزىندە جەتكىزۋ سياقتى سالالاردى ءتۇيىن ەتىپ، يكەمدى جۇمىستانۋشىلاردىڭ كاسىپتىك زاقىمدالۋىن قامتاماسىز ەتۋدى تۇيىندە سىناق ەتۋ قىزمەتىن ورىستەتۋ كەرەك. ءتورتىنشى، جاڭاشا جۇمىستاندىرۋ كۇيىنە ۇيلەسەتىن كاسىپتىك شەبەرلىككە تاربيەلەۋ ۇلگىسىن ورناتىپ، شارتقا ۇيلەسەتىندەرىنە بەلگىلەمە بويىنشا قوسىمشا قاراجات بەرۋ كەرەك. بەسىنشى، يكەمدى جۇمىستانۋشىلاردىڭ جۇمىستانعان جەردە نەگىزگى زەينەتكەرلىككە، نەگىزگى ەمدەلۋدى قامسىزداندىرۋعا قاتىناسۋ نوپوس شەكتەمەسىن ەركىنە قويا بەرۋ كەرەك.
ءماجىلىس مىنانى ۇيعاردى: كوپ قولدى تاۋارلار باعاسىنىڭ جوعارىلاۋىنىڭ كاسىپورىنداردىڭ ءوندىرىس، تيجاراتىنا جاسايتىن ىقپالىنا باعىتتاي وتىرىپ، اقشانى بەيپىل تاراتپاۋ نەگىزىندە، اقشا ساياساتىنىڭ ورنىقتىلىعىن ساقتاپ، ونىمدىلىگىن ارتتىرىپ، ولشەمدى تومەندەتۋ سياقتى اقشا ساياساتى قۇرالدارىنان دەر كەزىندە پايدالانىپ، فينانستىڭ ناقتى ەكونوميكانى، اسىرەسە، ورتا، شاعىن، ۇساق كاسىپورىنداردى قولداۋىن ونان ارى كۇشەيتىپ، جالپىلىق قارجى قۇراۋ وزىندىك قۇنىنىڭ ورنىقتى تومەندەۋىن جەبەۋ كەرەك. سونىمەن بىرگە، جاسىل، تومەن كومىرتەكتى دامۋدى ىلگەرىلەتىپ، كومىرتەگى قوس توتىعىن ىعىستىرۋدى ازايتۋ اقشا ساياساتى قۇرالىن بەلگىلەپ، ورنىقتى، ءتارتىپتى بولۋ، دالمە - ءدال تىكە جەتكىزۋ تاسىلىمەن تازا ەنەرگيا، ەنەرگيا ۇنەمدەۋ، ورتانى قورعاۋ، كومىرتەگى قوس توتىعىن ازايتۋ تەحنيكاسىنىڭ دامۋىن قولداۋ، سونداي - اق اناعۇرلىم كوپ قوعامدىق قارجىنىڭ كومىرتەگى قوس توتىعىن ىعىستىرۋدى جەبەۋگە جۇمسالۋىنا تۇرتكى بولۋ كەرەك. تۇيىندە سىناق ەتۋ نەگىزىندە، بيىل 7 – ايدىڭ ىڭعايلى ساتىندە ەلەكتر شىعارۋ كاسىبىنىڭ بۇكىل ەل بويىنشا كومىرتەگى قوس توتىعىن ىعىستىرۋ ۇقىعى ساۋدا بازارىن ىسكە قوسۋ كەرەك. كەلەسى قادامدا كاسىپ سالاسىن قامتۋ كولەمىن ورنىقتى كەڭەيتىپ، جىلىجاي گازىنىڭ شىعارىلۋىن بازار مەحانيزمى ارقىلى تىزگىندەۋ جانە ازايتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
