لي جانشۋ اراب بىرىككەن امىرلىگى فەدەراتسيالىق حالىقتىق پارلامەنتىنىڭ باستىعى ساقارمەن كەڭەس وتكىزدى
2021.07.08 18:43 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 7 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 7 - ايدىڭ 7 - كۇنى بەيجيڭدەگى حالىق سارايىندا بەينە ەكران تاسىلىمەن اراب بىرىككەن امىرلىگى فەدەراتسيالىق حالىقتىق پارلامەنتىنىڭ باستىعى ساقارمەن كەڭەس وتكىزدى.
لي جانشۋ بىلاي دەدى: جۇڭگو مەن اراب بىرىككەن امىرلىگى − تاتۋ دوستار، جاقسى سەرىكتەر. ەكى جاق ءتوراعا شي جينپيڭ مەن تاق مۇراگەرى مۇحاممەدتىڭ ءوزارا ساپاردا بولۋداعى ماڭىزدى جەتىستىكتەرىن بەلسەنە تياناقتاندىرىپ، جۇڭگو - اراب بىرىككەن امىرلىگى قاتىناسىنىڭ «عاسىرلىق ۇلى جوسپارى» قۇرىلىسىن بار كۇشپەن ىلگەرىلەتىپ، ساياسي ءوزارا سەنىمدىلىكتى ۇزدىكسىز تەرەڭدەتتى، ەكونوميكا - ساۋدا سەلبەستىگىنىڭ تابىسى مول، گۋمانيتارلىق اۋىس - كۇيىس اناعۇرلىم تىعىز بولدى، اسىرەسە، ىندەتكە قارسى اتتانۋ سەلبەستىگى ەكى ەل قاتىناسىنىڭ جاڭا كورىنەۋ تۇيىنىنە اينالدى. جۇڭگو مەن اراب بىرىككەن امىرلىگىنىڭ جالپى بەتتىك ستراتەگيالىق سەرىكتەستىك قاتىناس قۇرىلىسىندا ناقتى، كەلەلى ىلگەرىلەۋشىلىككە قول جەتىپ، ەكى ەلگە جانە ەكى ەل حالىقتارىنا باقىت جاراتۋمەن بىرگە، جۇڭگونىڭ اراب ەلدەرىمەن جانە ءىسلام ەلدەرىمەن ءوزارا قۇرمەت ەتۋ، ءوزارا پايدا جەتكىزىپ، تەڭ يگىلىككە كەنەلۋ سەلبەستىگىن ورىستەتۋىنىڭ ۇلگىسىن ورناتتى.
لي جانشۋ بىلاي دەپ اتاپ كورسەتتى: جۇڭگو مەن اراب بىرىككەن امىرلىگى ەكى ەلدىڭ ەڭ جوعارى باسشىلارى كەلىسكەن ماڭىزدى ورتاق تانىم بويىنشا، ستراتەگيالىق جاقتاعى تىلدەسۋدى ۇزدىكسىز نىعايتىپ، «ءبىر بەلدەۋ، ءبىر جول» دارىپتەمەسى مەن «بولاشاقتاعى 50 جىلعا بەت العان مەملەكەتتىڭ دامۋ ستراتەگياسىن» ۇشتاستىرۋدى كۇشەيتۋى كەرەك. ساياسي جاقتا ءوزارا قولداۋدى كۇشەيتىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن باتىل قولداپ، «ب م ۇ ەرەجەسىنىڭ» تۇپكى ماقساتىن، پرينسيبىن جانە حالىقارالىق قاتىناستىڭ نەگىزگى ولشەمىن بىرگە قورعاپ، قالىڭ وركەندەپ كەلە جاتقان ەلدەردىڭ ءتۇبىرلى جانە ۇزاق بولاشاقتىق مۇددەسىن بىرگە قورعاۋ كەرەك. ىندەتكە قارسى اتتانۋ سەلبەستىگىن ۇزدىكسىز ورىستەتىپ، ۆاكسيناعا قاتىستى سەلبەستىكتىڭ اناعۇرلىم كوپ ەلگە پايدا جەتكىزۋىن ىلگەرىلەتۋ كەرەك. ءار سالاداعى ناقتى سەلبەستىكتى ىشكەرىلەي ىلگەرىلەتىپ، ەنەرگيا، نەگىزگى قۇرىلىس، فينانس سياقتى سالالارداعى سەلبەستىكتى ۇزدىكسىز ويداعىداي ىستەۋ نەگىزىندە، جاڭا سەلبەستىك سالاسىن بەلسەنە كەڭەيتىپ، گۋمانيتارلىق سالاداعى بارىس - كەلىستى جيىلەتۋ كەرەك.
لي جانشۋ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋعا قاتىستى جاعدايلاردى تانىستىردى ءارى جۇڭگونىڭ شينجياڭعا ساياتىن ماسەلەلەردەگى، ۆيرۋستىڭ قاينارىن ىزدەۋ ماسەلەسىندەگى پرينسيپتىك مايدانىن پايىمدادى.
لي جانشۋ مىنانى دارىپتەدى: جۇڭگو مەملەكەتتىك حالىق قۇرىلتايى اراب بىرىككەن امىرلىگى پارلامەنتىمەن اۋىس - كۇيىستى، سەلبەستىكتى كۇشەيتۋگە ايرىقشا ءمان بەرەدى. ەكى جاقتىڭ ارناۋلى كوميتەتتەر، دوستىق گرۋپپالار جانە ۋاكىلدەر اراسىنداعى بارىس - كەلىستى ونان ارى جەبەپ، ەكى ەلدىڭ ءار سالاداعى دوستىق سەلبەستىگىن ىلگەرىلەتۋىن؛ ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وعان وزگەرىس ەنگىزىپ، «ءبىر بەلدەۋ، ءبىر جولدى» بىرگە قۇرۋدى جانە ءار سالاداعى ناقتى سەلبەستىكتى ىلگەرىلەتۋدى زاڭدىق كەپىلمەن قامداۋىن؛ مەملەكەتتى زاڭمەن جونگە سالۋ، حالىق تۇرمىسىن جاقسارتۋ، مەملەكەتتىڭ حاۋىپسىزدىگىن قورعاۋ سياقتى جاقتارداعى اۋىس - كۇيىستى، ءوزارا ۇلگى الۋدى كۇشەيتىپ، بىرگە دامۋدى جەبەۋىن؛ كوپ جاقتى ورىندار مەن حالىقارالىق ىستەردەگى سايكەسۋدى، سەلبەسۋدى جيىلەتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋىن ءۇمىت ەتەمىن.
ساقار مىنانى ءبىلدىردى: اراب بىرىككەن امىرلىگى − جۇڭگونىڭ جان - جاقتى ستراتەگيالىق سەرىگى، ەكى ەل ءبىرىن - ءبىرى قۇرمەتتەيدى، بەرىك دوستىققا يە، ءار سالاداعى سەلبەستىكتە سۇبەلى تابىستارعا قول جەتكىزدى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايمىن. جۇڭگونىڭ ىندەت بارىسىندا اراب بىرىككەن امىرلىگىنە ماڭىزدى قولداۋ كورسەتكەنىنە العىس ايتامىن. اراب بىرىككەن امىرلىگى پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى تەرەڭدەتىپ، ەكى ەل قاتىناسىنىڭ دامۋىن جەبەۋگە، ناقتى سەلبەستىكتى ىلگەرىلەتۋگە، حالىقتار دوستىعىن كۇشەيتۋگە بەلسەندى ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
