بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حان جىڭ حۋاڭحى وزەنى الابىنىڭ ەكولوگياسىن قورعاۋعا جانە ساپالى دامىتۋعا باسشىلىق ەتۋ گرۋپپاسىنىڭ جالپى ماجىلىسىندە مىنانى دارىپتەدى

ماسەلەنى نىشان ەتۋدەن جازباي، ماسەلەلەردى رەتتەۋ - تۇزەتۋدى مىقتى يگەرىپ، حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ سىندى كەلەلى ءىستى ويداعىداي ىستەۋ كەرەك

2021.07.08 18:45     كەلۋ قاينارى : حالىق تورابى

  شينحۋا اگەنتتىگى، 7 – ايدىڭ 7 – كۇنى، جينان (ءتىلشى چي جۇڭشي). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، حۋاڭحى وزەنى الابىنىڭ ەكولوگياسىن قورعاۋدى جانە ساپالى دامىتۋدى ىلگەرىلەتۋگە باسشىلىق ەتۋ گرۋپپاسىنىڭ باستىعى حان جىڭ 7 - ايدىڭ 7 - كۇنى جيناندا حۋاڭحى وزەنى الابىنىڭ ەكولوگياسىن قورعاۋدى جانە ساپالى دامىتۋدى ىلگەرىلەتۋگە باسشىلىق ەتۋ گرۋپپاسىنىڭ جالپى ءماجىلىسىن باسقارىپ اشىپ، باس شۋجي شي جينپيڭنىڭ قاتىستى ماڭىزدى سوزدەرى مەن نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، الدىڭعى ءبىر كەزەڭدەگى قىزمەت جاعدايىن قورىتىندىلاپ، قاتىستى قۇجاتتاردى قاراپ، كەلەسى ساتىداعى ءتۇيىندى قىزمەتتەردى اقىلداسىپ ورنالاستىردى.

  ماجىلىستەن بۇرىن حان جىڭ ەكولوگيالىق ورتا مينيسترلىگىنەن جانە ورتالىق راديو - تەلەۆيزيا باس ستانسياسىنان كۇش ۇيىمداستىرىپ، 3 ايعا جۋىق ۋاقىت جۇمساپ، 52 ايماق، قالانى قامتىپ، 300 مىڭ كيلومەترگە جۋىق جول باسىپ، حۋاڭحى وزەنى باسىپ وتەتىن 9 ولكە، اۆتونوميالى رايوندى ىشكەرىلەي ارالاپ جاسىرىن تەكسەرۋ جۇرگىزىپ، جاسىرىن تىلشىلىك ىستەپ، جاسىرىن كەسكىنگە ءتۇسىرىپ، حۋاڭحى وزەنى الابىنىڭ ەكولوگيالىق ورتاسى جونىندەگى ساقتىق فيلمىن رەداكسيالاپ ازىرلەپ، حۋاڭحى وزەنى الابىنا ءبىر رەت ارنايىلانعان «دەنساۋلىق تەكسەرۋىن» جۇرگىزۋدى تالاپ ەتكەن بولاتىن. ماجىلىستە ساقتىق فيلمى قويىلىپ، حۋاڭحى وزەنى باسىپ وتەتىن 9 ولكە، اۆتونوميالى رايونداعى جانە قاتىستى تاراۋلارداعى جاۋاپتى جولداستار ساقتىق فيلمىن كورگەننەن كەيىن ءسوز سويلەدى.

  حان جىڭ بىلاي دەپ دارىپتەدى: يدەيالىق تانىمدى ونان ارى جوعارىلاتىپ، حۋاڭحى وزەنى الابىنىڭ ەكولوگياسىن قورعاۋدىڭ جانە ساپالى دامىتۋدىڭ كەلەلى ءمانىن تەرەڭ ءتۇسىنۋ كەرەك. باس شۋجي شي جينپيڭ حۋاڭحى وزەنىن قورعاۋدى جانە جونگە سالۋدى ەل باسقارۋداعى ءىرى ءىس رەتىندە قاراپ، پارتيانىڭ 18 - قۇرىلتايىنان بەرى حۋاڭحى وزەنى الابىنىڭ ەكولوگياسىن قورعاۋ جانە وزەن جاعالاۋىنداعى ولكە، اۆتونوميالى رايونداردىڭ دامۋ جاعدايىن تالاي رەت ناقتى تەكسەردى ءارى ءبىرسىپىرا ماڭىزدى ءسوز سويلەپ، نۇسقاۋ بەرىپ، بەكىتۋ سالدى. شي جينپيڭ ەكولوگيالىق وركەنيەت يدەياسىن جەتەكشى ەتۋدە تاباندى بولىپ، ساياسي دەڭگەيدى شىنايى جوعارىلاتىپ، حۋاڭحى وزەنى الابىنىڭ ەكولوگيالىق ورتاسىن قورعاۋدى توتەنشە ماڭىزدى ورىنعا قويىپ، حۋاڭحى وزەنى الابىنىڭ ساپالى دامۋىن قۇلشىنا ىلگەرىلەتۋ كەرەك.

  حان جىڭ مىنالاردى اتاپ كورسەتتى: حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ قىزمەتىن جاقسى ىستەۋدە، ءسوز جوق، ماسەلەنى نىشان ەتۋدەن جازباي، ماسەلەنى بايقاپ، ماسەلەگە بەتپە - بەت كەلىپ، ماسەلەنى دەر كەزىندە شەشۋ كەرەك. الدىمەن ماسەلەنى كورە ءبىلۋ كەرەك، ماسەلەنى كورە الماۋ − ەڭ ۇلكەن ماسەلە. حۋاڭحى وزەنى الابىنىڭ ەكولوگياسىن قورعاۋ جاعدايى ءالى دە اۋىر، سۋ بايلىعى اۋىر دارەجەدە تاپشى، سۋ ارقىلى قالانى، سۋ ارقىلى جەردى، سۋ ارقىلى ادامدى، سۋ ارقىلى ءونىمدى تۇراقتاندىرۋ تالابىن جاپپاي تياناقتاندىرىپ، سۋ بايلىعىن ەڭ ۇلكەن بۇلجىماس شەكتەمە ەتىپ، بەلگىلەمەگە قايشى كەلىپ سۋ الۋدى، سۋدان پايدالانۋدى باتىل تەجەۋ كەرەك. جاسىل تيپكە بۇرىلىس جاساۋدى جەدەلدەتىپ، كاسىپ قۇرىلىمىن رەتتەپ، ساپالىلاندىرىپ، «ەكىدە جوعارى» نىسانداردى كوزسىزدىكپەن دامىتۋدى باتىل تەجەۋ كەرەك. حۋاڭحى وزەنى الابىنىڭ ەكولوگياسىن ءبۇلدىرۋ جانە قورشاعان ورتانى لاستاۋ ماسەلەسىن كۇش سالا شەشىپ، جان - جاقتى جونگە سالۋدى كۇشەيتىپ، ەكولوگيالىق ورتانىڭ ساپاسىن ۇزدىكسىز جاقسارتۋ كەرەك. مادەني مۇرالاردى يەمدەنىپ الۋ نەمەسە ءبۇلدىرۋ كورنەكتى ماسەلەلەرىن قاتاڭ ءبىر جاقتى ەتىپ، حۋاڭحى وزەنى الابىنداعى مادەني مۇرالار بايلىعىن قورعاۋدى شىنايى كۇشەيتۋ كەرەك.

  حان جىڭ مىنالاردى دارىپتەدى: ماسەلەنى رەتتەۋ - تۇزەتۋدى مىقتى يگەرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شىن مانىندە تياناقتانىپ، تامىر تارتۋىنا كەپىلدىك ەتۋ كەرەك. قىزمەت مەحانيزمىندە جاڭالىق اشۋ، ماسەلە بايقالعاندا مەحانيزمدە جاڭالىق اشۋ، ماسەلەنى شەشكەندە دە مەحانيزمدە جاڭالىق اشۋ كەرەك. تۇلعالىق جاۋاپكەرلىكتى تياناقتاندىرۋ، ءارقايسى ولكە، اۆتونوميالى رايون قىسىم ءتۇسىرىپ، رەتتەۋ - تۇزەتۋ مىندەتىن ءار دارەجەلى جەرگىلىكتى پارتكومداردا، ۇكىمەتتەردە جانە جاۋاپكەرلىك تاراۋلارىندا تياناقتاندىرۋ كەرەك. قۋزاۋ مەن جەتەكشىلىك ەتۋدى كۇشەيتىپ، فورماشىلدىق پەن تورەشىلدىكتى جويىپ، رەتتەۋ - تۇزەتۋدە ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. قورشاعان ورتاعا قاتىستى زاڭعا قايشى ارەكەتتەردى زاڭ بويىنشا قاتاڭ ءبىر جاقتى ەتىپ، زاڭعا قايشىلىق جاساۋدىڭ وزىندىك قۇنى تومەن بولۋ ماسەلەسىن شەشۋ كەرەك. جەرگىلىكتى جاعدايعا قاراي تۇزىمدىك ساڭلاۋلاردى بىتەپ، رەتتەۋ - تۇزەتۋدى ىلگەرىلەتۋ بارىسىندا جوبا مەن ساياسات جۇيەسىن جەدەل كەمەلدەندىرۋ كەرەك. قوعام مەن بۇقارانى بەلسەنە ات سالىسۋعا شابىتتاندىرىپ، اقپارات قۇرالدارى، بۇقارا سياقتى جاقتارداعى باقىلاۋدى كۇشەيتىپ، حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ سىندى كەلەلى ءىستى ويداعىداي ىستەۋ كەرەك.

  حۋاڭحى وزەنى الابىنىڭ ەكولوگياسىن قورعاۋدى جانە ساپالى دامىتۋدى ىلگەرىلەتۋگە باسشىلىق ەتۋ گرۋپپاسىنىڭ مۇشەلەرى، باسشىلىق ەتۋ گرۋپپاسى كەڭسەسىندەگى، سونداي - اق قاتىستى تاراۋلارداعى، ورىندارداعى جاۋاپتى جولداستار ماجىلىسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار