بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قوعام حاۋىپسىزدىگى ورگاندارى باجىعا ساياتىن ەرەكشە ءىرى الدامكوستىك دەلوسىن انىقتاپ، تۇڭعىش رەت قاشقىن قىلمىسكەرلەردى قىرعىزستاننان ەلىمىزگە قايتارىپ اكەلدى

2021.07.12 16:02     كەلۋ قاينارى : حالىق تورابى

  بەيجيڭ گازەتىنىڭ ءتىلشىسى سۇن يىڭ حابارلايدى. بەيجيڭ قالالىق قوعام حاۋىپسىزدىگى مەكەمەسىنىڭ كەشە جاريالاعان حابارلاندىرۋىنشا، بەيجيڭ قالالىق ساقشى مەكەمەسى مەن باجى ىستەرى مەكەمەسى بىرگە شايقاس جۇرگىزىپ، قايتارىلاتىن ەكسپورت باجىسىنا قاتىستى ەرەكشە ءىرى الدامكوستىك قىلمىستىق توبىن ءساتتى تالقانداپ، قىلمىستىق ىستەر بويىنشا قىلمىس كۇماندىلارىنان 28 ادامدى قولعا العان ءارى توپتاعى باستى قىلمىسكەر ياڭ X حۇيدى قىرعىزستاننان ەلىمىزگە وتكىزىپ العان. بۇل ەلىمىزدىڭ تۇڭعىش رەت قاشقىن قىلمىسكەرلەردى قىرعىزستاننان وتكىزىپ الۋى.

  بەيجيڭ ساقشى جاعىنىڭ حابارلاندىرۋىنشا، 2015 – جىلى 8 – ايدان 2019 – جىلى 3 – ايعا دەيىن، بۇل توپ قولدانۋ قۇنى جوق قىمبات مەتالدان جاسالعان زاپشاستاردى ءوندىرىپ جانە مانەرلەپ، ونى «قۋىستى ەلەكتر يندۋكسياسى اسپابى»، «ەلىكتەمەلى سەگنال اۋىستىرۋ اسپابى» قاتارلى باجىسى قايتارىلاتىن جوعارى عىلىم – تەحنيكالى ەكسپورت ونىمدەرى ەتىپ بۇركەمەلەپ، قايتارىلاتىن ەكسپورت باجىسىن الداپ العان، دەلوعا قاتىستى سوما 46 ميلليارد يۋان حالىق اقشاسى، ەكسپورتقا قاتىستى قايتارىلاتىن باجى سوماسى ءبىر ميلليارد 800 ميلليون يۋان حالىق اقشاسى بولعان. اتالعان توپتاعى باس قىلمىسكەر ياڭ X حۇي شەتەلگە قاشىپ كەتكەندىكتەن، بەيجيڭ قالالىق قوعام حاۋىپسىزدىگى ورگانى قوعام حاۋىپسىزدىگى مينيسترلىگىنە حالىقارالىق قىلمىستىق ىستەر ساقشى ۇيىمىنا ونىڭ ۇستىنەن قىزىل ءتۇستى حابارلاندىرۋ شىعارۋدى وتىنگەن.

  بيىل 2 – ايدا، قىرعىزستان ساقشى جاعى ياڭ X حۇيدى قولعا تۇسىرگەن، بەيجيڭ قالالىق قوعام حاۋىپسىزدىگى ورگانى دەرەۋ جياڭسۋ قاتارلى جەرلەردەگى قوعام حاۋىپسىزدىگى ورگاندارىمەن بىرگە جەر – جەردەگى ىسپات ماتەريالدارىن توپتاستىرىپ، ىسپات تىزبەگىن كەمەلدەندىرىپ، وتكىزىپ بەرۋ ءوتىنىشىن ۋاقىتىندا تاپسىرعان.

  بيىل 4 – ايدا، قىرعىزستان جاق وتكىزىپ بەرۋدى ماقۇلداعان. قوعام حاۋىپسىزدىگى مينيسترلىگىنىڭ سايكەسۋى مەن جەتەكشىلىك ەتۋىندە، بەيجيڭ، شينجياڭ قوعام حاۋىپسىزدىگى ورگاندارى، شەكارالىق تەكسەرۋ تاراۋلارى وزىنە قاراستى ورىنداعى قاتىستى مەكەمەلەرمەن تىعىز سايكەسىپ، شەكاراعا بارىپ قابىلداپ الۋ، ىندەتكە قاتىستى تەكسەرۋ قاتارلى ىستەردى ىستەۋگە تىڭعىلىقتى دايىندالعان. 4 – ايدىڭ 23 – كۇنى قىزمەتكەرلەر گرۋپپاسى ياڭ X حۇيدى قۇرلىق جولى وتكەلى ارقىلى ەلىمىزگە ءساتتى الىپ كەلگەن ءارى سول جەردە 21 كۇن مەديتسينالىق باقىلاۋعا العان. قازىر پروكۋراتۋرا ورگانى ياڭ X حۇيدى زاڭ بويىنشا تۇتقىنداۋدى ماقۇلدادى، دەلو ىشكەرىلەي تەكسەرىلۋدە.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار