قاھارماننىڭ ىزگى ىستەرىنەن ۇگىت لەكسيا جاساپ، رۋحاني كۇش - قۋات قابىلدادى
− قاشقار ايماعى لاچين بايەكەنىڭ قاھارماندىق ىزگى ىستەرىنەن ارالاپ ۇگىت لەكسيا جاساۋ قيمىلىن ۇيىمداستىرىپ ورىستەتتى
□ انار بۇلت / شينجياڭ گازەتىنىڭ ءتىلشىسى ءرايدا
2021.07.12 16:34 كەلۋ قاينارى : شينجياڭ گازەتى
”لاچين بايەكەنى ءبىرىنشى رەت كورگەنىمدە، ول ماعان توتەنشە شىنايى، باۋىرمال كورىندى...“ 7 - ايدىڭ 6 - كۇنى تۇستەن كەيىن ياركەن اۋدانى چىڭجۇڭ ءمالى باسقارماسىنىڭ قيمىل ورتالىعىندا قاشقار ايماعىنىڭ لاچين بايەكەنىڭ قاھارماندىق ىزگى ىستەرىن ۇيرەنۋ، ۇگىتتەۋ، ارالاپ ۇگىت لەكسيا، بايانداما جاساۋ ۇيىرمەسىنىڭ مۇشەسى، قاشقار داشۋەسىنىڭ وقىتۋشىسى ليۋ جۇيحۇڭ مەملەكەتتىك حالىق قۇرىلتايىنىڭ ۋاكىلى، مەملەكەتتىك ەڭبەك ەرى، وتاندى ءسۇيىپ، ارميانى قولداۋدىڭ مەملەكەتتىك ۇلگىسى لاچين بايەكەمەن العاش تانىسقانداعى اسەرىن تىلگە الۋمەن سول كۇنگى ۇگىت لەكسياسىن باستادى.
ساحنانىڭ تومەنگى جاعىندا وتىرعان 100گە تارتا اۋىل - قالاشىق كادرى، قىستاق تۇرعىنى، اۋىلىنا قايتقان جوعارى مەكتەپ وقۋشىلارى بار ىقىلاسىمەن ليۋ جۇيحۇڭنىڭ ۇگىت لەكسياسىن تىڭدادى، ليۋ جۇيحۇڭ لاچين بايەكەنىڭ سۋعا ءتۇسىپ كەتكەن بالانى ەرلىكپەن قۇتقارىپ، باقىتقا قارسى قازا تاپقان قاھارماندىق ۇلى ءىسىن تىلگە العان كەزدە تىڭدارماندار اسەرلەنە كوزدەرىنە جاس الدى.
ءبىر ساعاتتان استام ۋاقىتتا ۇگىت لەكسيا ۇيىرمەسىنىڭ مۇشەلەرى قاراپايىم تىلمەن، شىنايى سۇيىسپەنشىلىكپەن ۇقساماعان جاقتاردان، تۇرلىشە تۇرعىدان لاچين بايەكەنىڭ قىزمەتتەگى، تۇرمىستاعى كەشىرمەلەرىن باياندادى. ونىڭ قاھارماندىق ىزگى ىستەرى مەن اسىل قاسيەتى كورەرمەندەر اراسىندا كۇشتى ۇندەستىك تۋدىردى.
”لاچين بايەكە تاڭداۋلى كوممۋنيستەردىڭ ۋاكىلى، بۇگىنگى كۇندە ودان ايرىلىپ قالعانىمىزبەن، ءبىراق ونىڭ رۋحى ماڭگى جاسايدى. پارتيا مۇشەسى رەتىندە، مەن قاھارماننان ۇيرەنىپ، ءىس جۇزىندىك ارەكەتىم ارقىلى اۋەلگى ماقساتتى، بورىشتى امالياتتا ايگىلەيمىن“، - دەدى ۇگىت لەكسيانى تىڭداعاننان كەيىن ياركەن اۋدانى چىڭجۇڭ ءمالى باسقارماسىنىڭ كادرى ابدۇكەرىم ابدۇللا تەبىرەنىپ.
ياركەن اۋدانى چىڭجۇڭ ءمالى باسقارماسى شىنارباق الەۋمەتتىك اۋماعىنىڭ تۇرعىنى گۇلميرا ابىلەت كوزىنە ىستىق جاس الا وتىرىپ ۇگىت لەكسيانى تىڭدادى. ول بىلاي دەدى: ”لاچين بايەكە بىزگە ۇلگى ورناتتى. جاڭا داۋىردەگى جاس رەتىندە، مەن لاچين بايەكە سياقتى جاپا - ماشاقاتتان قورىقپاي، ۇلەس قوسۋعا باتىل بولىپ، باتىلدىقپەن جاۋاپكەرشىلىك ارقالاپ، جاستىق ورالىم مەن ىستىق قانىمدى وسىناۋ قۇتتى مەكەنگە ارنايمىن“.
”ءار رەتكى ۇگىت لەكسيا سايىن رۋحاني جاقتان كىرشىكسىزدەنە تۇسەمىن“. قاشقار ايماعى لاچين بايەكە جولداستىڭ قاھارماندىق ىزگى ىستەرىن ۇيرەنۋ، ۇگىتتەۋ جونىندەگى ارالاپ ۇگىت لەكسيا، بايانداما جاساۋ ۇيىرمەسىنىڭ مۇشەسى، قاشقار گازەتىنىڭ ءتىلشىسى ليۋ مىڭشين وسىلاي دەدى.
بيىل 1 - ايدىڭ 4 - كۇنى لاچين بايەكە قاشقار داشۋەسىندە ۇيرەنۋدە جۇرگەن كەزىندە، سۋعا ءتۇسىپ كەتكەن بالانى قۇتقارۋ جولىندا ەرلىكپەن قۇربان بولعاننان كەيىن، قاشقار ايماقتىق پارتكوم قاشقار ايماعىنىڭ لاچين بايەكەنىڭ قاھارماندىق ىزگى ىستەرىن ۇيرەنۋ، ۇگىتتەۋ جونىندەگى ارالاپ ۇگىت لەكسيا بايانداماسىن جاساۋ ۇيىرمەسىن ۇيىمداستىرىپ قۇرعان بولاتىن.
4 - ايدىڭ 29 - كۇنىنەن باستاپ بايانداما ۇيىرمەسىنىڭ 12 مۇشەسى 2 گرۋپپاعا ءبولىنىپ قاشقار ايماعىنا توتە قاراستى قاتىستى ورىنداردا، 12 اۋدان - قالادا ارالاپ ۇگىت لەكسيا جاسادى. 7 - ايدىڭ 6 - كۇنىنە دەيىن 176 مايدان ۇگىت لەكسيا جاسالىپ، تىڭدارمان 60 نەشە مىڭ ادام - رەتكە جەتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
