شينجياڭ تەمىر جولىنىڭ الدىڭعى جارتى جىلداعى جۇك تاسىمال مولشەرى 90 ميلليون 300 مىڭ تونناعا جەتتى
2021.07.12 16:35 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لۋ فىڭباۋ 7 - ايدىڭ 10 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، بيىل الدىڭعى جارتى جىلدا شينجياڭ تەمىر جولىنىڭ جۇك جونەلتۋ - جەتكىزۋ مولشەرى 90 ميلليون 300 مىڭ تونناعا جەتىپ، بىلتىرعى ۇقساس مەزگىلدەگىدەن ％8.5 ارتقان.
بيىل جىل باسىنان بەرى شينجياڭ تەمىر جول تاراۋلارى ”تاس جولدان تەمىر جولعا اۋىستىرىپ“ تاسىمالداۋدى بار كۇشپەن ىلگەرىلەتىپ، جىل باسىندا قول قويعان ستراتەگيالىق سەلبەستىك كەلىسىمى نەگىزىندە، كاسىپورىندارعا مەنشىكتى قاريدارلار ۋاكىلىن تۇراقتاپ تۇرۋعا جىبەرۋ، تاسىمالدى سايكەستىرۋ ءماجىلىسىن مەرزىم بويىنشا اشۋ سياقتى تاسىلدەر ارقىلى قاريدارلارمەن يكەمدى كەڭەسۋدى كۇشەيتىپ، قىسقا ارالىقتى وتكەرمەلەپ زات شىعارۋ، تيەۋ - تۇسىرۋگە ۇيىمداستىرۋ، پويەز سەپتەۋ، ۆاگون سەپتەۋ سياقتى ماسەلەلەردى كۇش سالا شەشىپ، كومىر، مەتال رۋداسى سياقتى زات تاسىمالىنىڭ ىركىلىسسىزدىگىن قامتاماسىز ەتتى.
”ءبىر جاعىنان، ءبىز شينجياڭ ىشىندە توبەسى اشىق ۆاگوندى كەزەكشى پويەزدىڭ قاتىناۋ سالىستىرماسىن ارتتىرساق، ەندى ءبىر جاعىنان، مەكەمە اتتاپ سەلبەسۋدى بار كۇشپەن ىلگەرىلەتىپ، اۋىر جۇك پويەزىنىڭ شينجياڭعا كىرۋىن بەلسەنە قابىلدادىق جانە مەكەمە اتتاپ اينالمالى قاتىنايتىن كەزەكشى پويەز جۇرگىزدىك“، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ زات تاسىمال تاراۋىنىڭ قاتىستى جاۋاپتىسى اۋىر جۇك پويەزىنداعى جۇكتى ءتۇسىرىپ بوساتقاننان كەيىن بوس پويەز قاينارى ارتىپ، اينالمالى كەزەكشى پويەزدىڭ قاتىناۋىن ۆاگونمەن قامداۋعا جانە تاسىمال مولشەرىن تۇراقتاندىرۋعا كەپىلدىك ەتىلەتىندىگىن ءبىلدىردى.
شينجياڭنىڭ تەمىر جول تاراۋلارى تاعى ءبىر جاعىنان قاتىناۋعا، ەندى ءبىر جاعىنان، قۋاتىن كەڭەيتۋگە تاباندى بولىپ، ۇرىمجىدەن (سولتۇستىك ۆوكزال) جياڭجۇنمياۋعا دەيىنگى تەمىر جولدى قۋاتىن كەڭەيتىپ جاڭالاۋ ينجەنەرياسىن اتقارىپ، ارنا تاسىمال قۋاتىن اناعۇرلىم كەڭەيتتى. كەزەكتە ءۇرىمجى - جياڭجۇنمياۋ تەمىر جولىنىڭ جۇندۇڭنان جياڭجۇنمياۋعا دەيىنگى بولىگىندەگى توموي، قۇربان، گۋشيا سىندى 3 ايىرعى بەكەتى تۇگەلدەي اشىلىپ، وتكەل قۋاتىن ءونىمدى جوعارىلاتتى.
ءۇرىمجى - جياڭجۇنمياۋ تەمىر جولى قۋاتىن كەڭەيتىپ جاڭالاۋدى اتقارعاننان كەيىن، شينجياڭنىڭ تەمىر جول تاراۋلارى سولتۇستىك شينجياڭ تەمىر جولىنىڭ اينالما جەلى باسىمدىعىن تولىق ساۋلەلەندىرىپ، ءۇرىمجى - جياڭجۇنمياۋ وڭىرىنە جەتكەن بوس ۆاگون سەپتەلگەن كەزەكشى پويەز كۇيتۇن - بەيتۇن جەلىسىن، التاي - كوكتوعاي - جۇندۇڭ جەلىسىن اينالىپ ءوتىپ، قۇرىلىس جۇمىسى قاۋىرت ءجۇرىلىپ جاتقان ءوڭىر بولىگىن وراعىتىپ، بوس ۆاگوندى پويەزدىڭ جۇك تيەيتىن ورىنعا دەر كەزىندە جەتۋىنە كەپىلدىك ەتىپ، تاسىمال قاجەتىن قاناعاتتاندىرادى.
شەكارادان كىرىپ - شىعاتىن جۇڭگو - ەۆروپا (ورتا ازيا) كەزەكشى پويەز سانى جىلدام ارتقان جاڭا جاعدايدا شينجياڭنىڭ تەمىر جولى تاراۋلارى اينالىم ءتارتىبىن ساپالىلاندىرىپ، كەزەكشى پويەزدى رەتتەۋ، اۆتوكولىكتىڭ زات الۋ - جەتكىزۋى، زاتتاردى تيەۋ - ءتۇسىرۋ جۇمىسى سياقتىلاردى ۇيلەسىمدى ورنالاستىرىپ، شەكارا وتكەلى بەكەتى رولىن ساۋلەلەندىرىپ، حالىقارالىق بىرلەسپە تاسىمال ۇلكەن ارناسىن ىركىلىسسىزدەندىردى. الدىڭعى جارتى جىلدا قورعاس، الاتاۋ ساعاسى تەمىر جولى شەكارا وتكەلىنەن كىرىپ - شىققان جۇڭگو - ەۆروپا (ورتا ازيا) كەزەكشى پويەزى تۇگەلدەي 3000 پويەزدەن استى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
