7 – ايدىڭ 12 – كۇنىنەن 18 – كۇنىنە دەيىن شينجياڭنىڭ كوپ جەرىندە جاڭبىر جاۋادى
2021.07.13 14:38 كەلۋ قاينارى : حالىق تورابى
تيانشان تورابى – شينجياڭ گازەتى ءتىلشىسى يۇي مىڭفان حابارلايدى. 7 – ايدىڭ 12 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، 7 – ايدىڭ 12 – كۇنىنەن 18 – كۇنىنە دەيىن، شينجياڭنىڭ كوپ جەرىندە جاڭبىر جاۋادى. جاڭبىر نەگىزىنەن سولتۇستىك شينجياڭداعى جازىق جەرلەر مەن وڭتۇستىك شينجياڭدا، شىعىس شينجياڭداعى تاۋلى وڭىرلەردە جاۋادى.
مۇندا، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعىنىڭ سولتۇستىك بولىگى مەن شىعىس بولىگى، شىعىزى قالاسىنىڭ وڭتۇستىك بولىگىندەگى تاۋلى ءوڭىر، ءۇرىمجى قالاسىنىڭ وڭتۇستىگىندەگى تاۋلى ءوڭىر، سانجى حۇيزۋ اۆتونوميالى وبلىسىنداعى تاۋلى ءوڭىر، قاشقار ايماعىنداعى تاۋلى ءوڭىر، قىزىلسۋ قىرعىز اۆتونوميالى وبلىسىنداعى تاۋلى ءوڭىر، حوتان ايماعىنداعى تاۋلى ءوڭىر، بايىنعولىن موڭعۇل اۆتونوميالى وبلىسىنداعى تاۋلى ءوڭىر، تۇرپان قالاسىنىڭ سولتۇستىگىندەگى تاۋلى ءوڭىر، قۇمىل قالاسى قاتارلى جەرلەردىڭ ءىشىنارا بولىكتەرىندە ۇزدىك – سوزدىق بولماشى مولشەردە نەمەسە سەبەزگى جاڭبىر جاۋادى، ىلە وبلىسىنىڭ وڭتۇستىك بولىگى، تارباعاتاي ايماعىنىڭ وڭتۇستىك بولىگى، شىحىزى قالاسىنىڭ وڭتۇستىك بولىگى، قىزىلسۋ وبلىسى، حوتان ايماعىنىڭ وڭتۇستىك بولىگى، اقسۋ ايماعىنىڭ باتىس بولىگى مەن سولتۇستىك بولىگى، بايىنعولىن وبلىسىنىڭ سولتۇستىك بولىگى، تۇرپان قالاسىنىڭ سولتۇستىك بولىگى قاتارلى جەرلەردەگى تاۋلى وڭىرلەردىڭ ءىشىنارا بولىكتەرىندە ورتا دارەجەدەن قالىڭ دارەجەگە دەيىن جاڭبىر جاۋادى، ءىشىنارا جەرلەردە نوسەر جاۋادى.
اۋا رايى تاراۋلارىنىڭ ەسكەرتۋىنشە، جوعارىداعى وڭىرلەردىڭ ءىشىنارا جەرلەرىندە قىسقا ۋاقىتتىق قالىڭ جاۋىن – شاشىن، نايزاعايلى داۋىل، بۇرشاق قاتارلى كۇشتى وتىسپەلى اۋا رايى جارىققا شىعۋى مۇمكىن، كەي جەرلەردە سەل ءجۇرۋ، لاي كوشكىنى جانە تاۋ بەتكەيى كوشۋ قاتارلى گەولوگيالىق اپاتتاردىڭ تۋىلۋىنان ساقتانۋ قاجەت.
بۇگىن (7 – ايدىڭ 12 – كۇنى) تۇرپان قالاسى، قۇمىل قالاسى قاتارلى جەرلەردە ℃35 تان ℃39 قا دەيىنگى جوعارى تەمپەراتۋرا جارىققا شىعادى، تۇرپان قالاسىنىڭ ءىشىنارا جەرلەرىندە ℃40 تان اسادى. جاڭبىر جاۋۋعا بايلانىستى، جوعارى تەمپەراتۋرا جارىققا شىعاتىن اۋماق بارعان سايىن تارايادى، الايدا، جوعارى تەمپەراتۋرالى اۋا رايى جارىققا شىعاتىن اۋماقتا ءورت وڭاي تۋىلاتىن حاۋىپ كۇشتى بولادى، ساقتىقتى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
