قوعام حاۋىپسىزدىگى مينيسترلىگى ورىستەتكەن «قاۋىشتىرۋ» ارەكەتى ارقىلى، دەرەكسىز كەتكەن، الداپ اكەتىلگەن بالالاردان 2609 بالا تاۋىپ اكەلىندى

2021.07.13 15:14   كەلۋ قاينارى : حالىق تورابى

　　ءتىلشىنىڭ 7 – ايدىڭ 13 – كۇنى قوعام حاۋىپسىزدىگى مينيسترلىگىنەن ۇعىسۋىنشا، قوعام حاۋىپسىزدىگى مينيسترلىگى بيىل جىل باسىندا الداپ ساتىلعان بالالارعا قاتىستى باسىلىپ قالعان دەلولاردى انىقتاۋدى، دەرەكسىز كەتكەن، الداپ اكەتىلگەن بالالاردى تاۋىپ اكەلۋدى باستى مازمۇن ەتكەن «قاۋىشتىرۋ» ارەكەتىن ورىستەتۋدى ورنالاستىردى. قازىرگە دەيىن، بۇرىنعى جىلدارى دەرەكسىز كەتكەن، الداپ اكەتىلگەن بالالاردان 2609 بالانى تاۋىپ اكەلدى، مۇنىڭ ىشىندە ۋاقىت ارالىعى ەڭ ۇزاعى 61 جىل بولعان؛ بالالاردى الداپ ساتۋعا قاتىستى باسىلىپ قالعان دەلولاردان 147 دەلونى انىقتاپ، الداپ ساتۋعا قاتىستى قىلمىس كۇماندىلارىنان 372 ادامدى تۇتقىنداعان، جەر – جەر تۋىسقانىن تانىپ الۋ قيمىلىن 1200 رەت ۇيىمداستىرعان. مۇندا 6 – ايدىڭ 1 – كۇنى قوعام حاۋىپسىزدىگى مينيسترلىگى اقپارات قۇرالدارى ارقىلى بۇكىل ەلىمىزدەگى «قاۋىشتىرۋ» ارەكەتىنە قاتىستى قان ۇلگىسىن الدىرۋعا تەگىن قىزمەت وتەۋ ورنىنىڭ ءادىرىسىن، تەلەفون ءنومىرىن شوعىرلى تۇردە جولداعان سوڭ، ون مىڭعا جۋىق ادام قوعام حاۋىپسىزدىگى مينيسترلىگىنە ىرىقتىلىقپەن بارىپ، قان ۇلگىسىن الدىرۋعا تەگىن قىزمەت وتەۋدى قابىلداعان، قازىرگە دەيىن كومەكتەسىپ 306 وتباسىنىڭ قاۋىشۋىن ىسكە اسىرعان.

　　كەلۋ قاينارى: حالىق تورابى