شي جينپيڭ چاۋشياننىڭ ەڭ جوعارى باسشىسى جين جىڭ - ىنمەن ءوزارا قۇتتىقتاۋ تەلەگرامماسىن جولدادى

2021.07.13 16:32 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى. 7 - ايدىڭ 11 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى، چاۋشيان قارۋلى كۇشتەرىنىڭ ەڭ جوعارى قولباسشىسى جين جىڭ - ىنمەن «جۇڭگو - چاۋشيان دوستىق سەلبەستىك، ءوزارا كومەكتەسۋ شارتىنا» قول قويىلعاندىعىنىڭ 60 جىلدىعى جونىندە ءوزارا قۇتتىقتاۋ تەلەگرامماسىن جولدادى.

　　شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: 1961 - جىلى جۇڭگو مەن چاۋشياننىڭ اعا بۋىن باسشىلارى كورەگەندىكپەن «جۇڭگو - چاۋشيان دوستىق سەلبەستىك، ءوزارا كومەكتەسۋ شارتىنا» قول قويىسۋ جونىندەگى ستراتەگيالىق شەشىمدى جاساپ، ەكى ەل حالقىنىڭ ىستىق قاندارىمەن ورناعان جاۋىنگەرلىك دوستىعىن بەكەمدەۋگە، ەكى ەلدىڭ باياندى دوستىق سەلبەستىگىن ىلگەرىلەتۋگە ماڭىزدى ساياسي، زاڭدىق نەگىز قالادى. 60 جىلدان بەرى جۇڭگو مەن چاۋشيان ەكى جاق شارت رۋحى بويىنشا ءبىرىن - ءبىرى باتىل قولداپ، تىزە قوسا كۇرەس جۇرگىزىپ، ەكى پارتيانىڭ، ەكى ەلدىڭ باۋىرلاستىق ءداستۇرلى دوستىعىن كۇشەيتىپ، وزدەرىنىڭ سوتسياليستىك ىستەرىنىڭ دامۋىن جەبەپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن قورعادى.

　　شي جينپيڭ بىلاي دەپ باسا دارىپتەدى: سوڭعى جىلدارى مەن باس شۋجي جولداسپەن كوپ رەت ءديدارلاسىپ، ەكى پارتيانىڭ، ەكى ەلدىڭ قارىم - قاتىناسى دامۋىنىڭ جوباسىن جوبالاپ، جۇڭگو - چاۋشيان دوستىعىنىڭ داۋىرلىك ءمانىن مولايتىپ، ءبىرسىپىرا ماڭىزدى ورتاق تانىمعا كەلىستىم. بۇگىنگى دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا. مەن باس شۋجي جولداسپەن ستراتەگيالىق تىلدەسۋدى كۇشەيتىپ، جۇڭگو - چاۋشيان قارىم - قاتىناسىنىڭ العا باسۋ بەتالىسىن ويداعىداي يگەرىپ، ەكى ەلدىڭ دوستىق سەلبەستىگىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، ەكى ەلدى جانە ەكى ەل حالقىن اناعۇرلىم جاقسى باقىتقا كەنەلتۋدى قالايمىن.

　　شي جينپيڭ بىلاي دەپ باسا دارىپتەدى: ءبىز تاياۋدا جۇڭگو كوممۋنيستىك پارتياسىنىڭ 100 جىلدىق مەرەيتويىن سالتاناتپەن قۇتتىقتادىق. كەزەكتە چاۋشيان حالقى ءبىر نيەتپەن ىنتىماقتاسىپ، چاۋشيان ەڭبەك پارتياسى 8 - قۇرىلتايىنىڭ شەشىمدەرىن، ورنالاستىرۋلارىن بار كۇشپەن دايەكتىلەندىرۋدە. جۇڭگو جاق چاۋشيان جاقتىڭ ەكونوميكانى، حالىق تۇرمىسىن دامىتۋىن، سوتسياليستىك قۇرىلىس ىستەرىن پارمەندى ىلگەرىلەتۋىن باتىل قولدايدى. باس شۋجي جولداستىڭ باستاۋىندا چاۋشيان پارتياسى مەن حالقىنىڭ، ءسوز جوق، تىڭ دا اناعۇرلىم زور تابىستارعا قول جەتكىزەتىندىگىنە سەنەمىن.

　　جين جىڭ - ىن قۇتتىقتاۋ تەلەگرامماسىندا مىنانى ءبىلدىردى: «چاۋشيان - جۇڭگو دوستىق سەلبەستىك، ءوزارا كومەكتەسۋ شارتىنا» قول قويۋ بۇكىل دۇنيە جۇزىنە چاۋشيان مەن جۇڭگو ەكى پارتياسىنىڭ، ەكى ەل ۇكىمەتىنىڭ جانە حالقىنىڭ بەرىك زاڭدىق نەگىزدە ىستىق قاندارىمەن ورناعان چاۋشيان - جۇڭگو دوستىعىن باياندى دامىتۋ بەرىك ەركىن ايگىلەدى. 60 جىلدان بەرى چاۋشيان مەن جۇڭگو ەكى ەل ءوزارا قولداۋ كورسەتىپ، ءبىر - بىرىنە كومەكتەسىپ، ماقتان ەتۋگە تاتىرلىق دوستىق تاريحتى جازدى. سوڭعى جىلدارى كۇردەلى دە قۇبىلمالى حالىقارالىق جاعداي الدىندا چاۋشيان مەن جۇڭگو ەكى ەلدىڭ جولداستارداي سەنىمى مەن جاۋىنگەرلىك دوستىعى كۇن سايىن تەرەڭدەپ، ەكى جاق قارىم - قاتىناسى دامىپ، ءتىپتى دە جوعارى ساتىعا كوتەرىلدى.

　　جين جىڭ - ىن مىنانى ءبىلدىردى: چاۋشيان مەن جۇڭگونىڭ دوستىق سەلبەستىك قارىم - قاتىناسىن ۇزدىكسىز كۇشەيتۋ جانە دامىتۋ چاۋشيان پارتياسى مەن ۇكىمەتىنىڭ بۇلجىماس تۇرعىسى. چاۋشيان پارتياسى، ۇكىمەتى جانە حالقى ەكى جاقتىڭ ورتاق قۇندى بايلىعى − چاۋشيان - جۇڭگو دوستىعىن اناعۇرلىم قاستەرلەپ، سوتسياليزم، كوممۋنيزم قۇرۋدىڭ قاسيەتتى ساپارىندا باتىل تۇردە جۇڭگو كوممۋنيستىك پارتياسىمەن، جۇڭگو ۇكىمەتىمەن جانە جۇڭگو حالقىمەن قول ۇستاسا العا ىلگەرىلەيدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن تاعى دا قۇتتىقتايمىن، جۇڭگو پارتياسى مەن حالقىنىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ىستەرىندە اناعۇرلىم زور جەڭىسكە قول جەتكىزۋىن تىلەيمىن.

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved