ستيلى پاك، سالتى دۇرىس ساياسي ەكولوگيا قالىپتاستىرۋ ءۇشىن
— شي جينپيڭنىڭ پارتيا ستيلى، پاكتىك قۇرىلىسىنا جانە شىرىكتەسۋگە قارسى تۇرۋ كۇرەسىنە باسشىلىق ەتۋى جونىندەگى حيكايا
شينحۋا اگەنتتىگىنىڭ تىلشىلەرى جۋ جيچاي، فان سىشياڭ، گو جيڭدان
2021.07.13 16:33 كەلۋ قاينارى : شينجياڭ گازەتى
”باس شۋجي، سالەمەتسىز بە! ءسىز شىرىكتەسكەن ەلەمەنتتەردىڭ سازايىن بەرۋشىسىز، بۇكىل ەل حالقىنىڭ باقىت جۇلدىزىسىز!“
2014 - جىلى 12 - ايدىڭ 13 - كۇنى، باس شۋجي شي جينپيڭ جياڭسۋ جىنجياڭ قالاسى دانتۋ رايونى شىيە قالاشىعى يۇڭماۋشۇي قىستاعىندا قىزمەت تەكسەرگەندە، 74 جاستاعى قارت سۇي رۇڭحاي توپتى ورتادان قىستىرىلا الدىعا شىعىپ، باس شۋجيدىڭ قولىن قاتتى قىستى. 50 نەشە جىلدىق پارتيالىق ستاجى بار وسى قارت پارتيا مۇشەسى كوڭىلىندەگى تولقىنىسىن تەجەي الماي وسى سوزدەردى ايتتى.
”تالىقپاس قۇلشىنىس ارقىلى ستيلى پاك، سالتى دۇرىس ساياسي ەكولوگيا قالىپتاستىردى“.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تاۋدا جولبارىس بار ەكەنىن بىلە تۇرا، تاۋعا قاراي اتتانعان قايتپاس باتىلدىقپەن، تەبىنى، كەڭدىگى، تەرەڭدىگى بۇرىن - سوڭدى بولماعان پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن جۇرگىزىپ، پارتيانى جاپپاي قاتاڭ جونگە سالۋ ارقىلى پاك ستيلدى، دۇرىس سالتتى اسقاقتاتىپ، پارتيا بەكىمىن، حالىق تىلەگىن ۇيىستىرىپ، جاپپاي دوڭگەلەك داۋلەتتى قوعام ورناتۋعا پارمەندى قامتاماسىزدىق ازىرلەدى.
8 ءتۇرلى بەلگىلەمە جۇڭگونى وزگەرتتى
2020 - جىلى جۇڭچيۋ مەرەكەسىنەن ەكى كۇن بۇرىن، فۋجيان ولكەسى شيامىن قالاسى جيمەي رايونى گۋانكوۋ قالاشىعى ۇكىمەتىنىڭ كادرى گاۋ دۇڭشىڭ ەرتەمەن ايتۋلى ”حۋاڭزىحىعا“ كەلىپ 2 قوراپ ايكۇلشەگە زاكاز بەردى، بۇل ونىڭ وسى جىلداردا قالىپتاستىرعان ادەتى.
”ايكۇلشەنى ءوزىڭ ساتىپ العانىڭ جاقسى، ءدامدى ءارى ىسىراپ بولمايدى، ونان دا ماڭىزدىسى، جۇڭچيۋدە وتباسىمىزداعىلارمەن بىرگە بولۋعا اناعۇرلىم كوپ ۋاقىتىمىز بار“، - دەدى گاۋ دۇڭشىڭ ەزۋ تارتىپ كۇلە سويلەپ.
نازىك تۇستاردان سالتتاعى وزگەرىستى كورۋگە بولادى.
سوناۋ ءبىر كەزدەردە، قياق كۇرىش، ايكۇلشە، شايان سياقتىلار بۇقارانىڭ مەرەكە - مەيرامدى قۇتتىقتاۋىنا جاراسىپ تۇراتىن ءدامدى قۇجىر ەدى، ۇكىمەت قاراجاتىمەن تۇتىنۋداعى پايدا تىزبەگىنە جاستانعان ونىڭ ”زاردەن قىمبات باعامەن“ ءتۇسى وزگەرىپ كەتكەن ەدى، ال قازىر قالىپتى بازار باعاسىنا قايتىپ، وزىنە ءتيىستى مادەنيەت ءمانىن قايتا تاپتى.
”8 ءتۇرلى بەلگىلەمە“ − جۇڭگونى وسىنشاما تەرەڭدەي وزگەرتكەن مۇنداي ساياسي ءسوز وتە نەكەن - ساياق.
2012 - جىلى 12 - ايدىڭ 4 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ، ورتالىق كوميتەت ساياسي بيۋروسىنىڭ قىزمەت ستيلىن جاقسارتۋ، بۇقارامەن ەتەنە بايلانىس ورناتۋ جونىندەگى 8 ءتۇرلى بەلگىلەمەسىن قاراپ ماقۇلدادى.
وسى رەتكى ماجىلىستە باس شۋجي شي جينپيڭ ءوزى باستاپ ۋادە بەرىپ، ۇندەۋ تاستادى:
”پارتيا ستيلى، پاكتىك قۇرىلىسىن باسشى كادرلاردان باستاپ ىستەۋ، باسشى كادرلاردىڭ ىشىندە، الدىمەن ورتالىقتىڭ باسشىلارىنان باستاپ ىستەۋ كەرەك. ءوزىن تۇزەتە بىلمەگەن باسقالاردى قالاي تۇزەتە الادى دەگەن وسى“.
وسىنى كىرىسۋ ءتۇيىنى جانە اتتانىسقا كەلتىرۋ بۇيرىعى ەتكەن، ناشار سالتتى تۇزەتىپ، جاقسى سالتتى اسقاقتاتقان سالت وزگەرىسى جۇڭگونىڭ بايتاق دالاسىن جۋىپ تازارتا باستادى.
2012 - جىلى 12 - ايدىڭ 30 - كۇنى كەشتە شينحۋا اگەنتتىگىنىڭ ”شينحۋا نازارى“ ميكروبلوگى ەرەكشە ءبىر ”تاعام تىزىمدىگىن“ تاراتتى.
”4 ىستىق قۋىرماش: قىزارتا قۋىرىلعان تاۋىق ەتى قۋىرداعى، فۋپيڭ بىقتىرىلعان كوكونىسى، ءتوستىڭ ەتىمەن قۋىرىلعان سارىمساق سۇيرىگى، سارىمساق قوسىپ قۋىرىلعان داستۇرگۇل؛ شوشقا ەتى دومالاقتاماسى قوسىلعان كوك اسقاباق سورپاسى؛ نەگىزگى تاعام — تۇشپارا، شيىرشىقتاما بۋ نان، كۇرىش جانە قارا استىق بوتقاسى. اراق - شاراپ شىعارىلمايتىنى ەرەكشە تاپسىرىلادى“.
بۇل باس شۋجي شي جينپيڭنىڭ حىبەيدىڭ فۋپيڭىندە قىزمەت تەكسەرگەن كەزدە، بىرگە جۇرگەندەرمەن تۇرعان قوناق ءۇيدىڭ كەشكى اس - تاعام تىزىمدىگى.
ءبىر تاعام تىزىمدىگىنەن وزگەرىستى كورۋگە بولادى.
پارتيا 18 - قۇرىلتايىنان بەرى، باس شۋجي شي جينپيڭ قاشاندا ءوز باسىنان ونەگە كورسەتىپ، جوعارى ارقىلى تومەندى باستاپ، ورتالىقتىڭ 8 ءتۇرلى بەلگىلەمەسىن ءوزى باستاپ قاتاڭ اتقارىپ، ارەكەتى ارقىلى جاسالعان ءۇنسىز بۇيرىقپەن، ءوزى باستاپ اتقارىپ كورسەتكەن ونەگەسىمەن بۇكىل پارتيانىڭ ستيل جاقسارتۋى ءۇشىن پارمەندى قوزعاۋشى كۇش ازىرلەدى.
ۇكىمەت اقشاسىمەن ايكۇلشە ساتىپ الۋدى يگەرۋدەن ۇكىمەت اقشاسىمەن اتكريتكا ۇسىنۋدى يگەرۋگە دەيىن، ”اس - سۋداعى ىسىراپشىلدىقتى“ تەجەۋدەن ”كولىك ىستەتۋدەگى بەيبەرەكەتتىكتى“ تۇزەتىپ جونگە سالۋعا، ودان ”مەيرامحاناداعى بۇرىس ستيلدەردى“ رەتتەپ - جونگە سالۋعا دەيىن... ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى قاجىماي - تالماي ىلگەرىلەتىپ، دامىل تاپپاي ستيل دۇرىستاپ، ءتارتىپتى قاتايتىپ، بۇرىن تەجەۋ مۇمكىن ەمەس دەپ قارالعان بۇرىس ستيل، تەرىس پيعىلداردى تەجەپ، ۇزاق ۋاقىت بويى شەشۋدى ويلاسا دا شەشىلمەي كەلگەن ءسىڭىستى كىناراتتار مەن قاساڭ دەرتتەردى شەشتى.
2017 - جىلى 10 - ايدىڭ 27 - كۇنى پارتيا 19 - قۇرىلتايى جابىلعان ءۇشىنشى كۇنى، باس شۋجي شي جينپيڭ پارتيا 19 - كەزەكتى ورتالىق كوميتەتى ساياسي بيۋروسىنىڭ 1 - ءماجىلىسىن باسقارىپ اشىپ، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ەگجەي - تەگجەيلى ەرەجەسىن» قاراپ ماقۇلدادى.
8 ءتۇرلى بەلگىلەمەدەن 8 ءتۇرلى بەلگىلەمەنى اتقارۋ ەگجەي - تەگجەيلى ەرەجەسىنە دەيىن بىردەي مازمۇندى اقىلداستى، سونداي - اق اناعۇرلىم تەرەڭدەتىپ، ناقتىلاندىرىپ، ستيل قۇرىلىسىن ۇزبەي سوڭىنا دەيىن جالعاستىرۋ دەيتىن ايقىن سيگنال تاراتتى.
ەندىگارى قارسى الىپ، شىعارىپ سالۋدىڭ قاجەتى جوق، قوناق كۇتىپ، تارتۋ - تارالعى ۇسىنۋدىڭ قاجەتى جوق، جانىندا سەرىك بولىپ تاماقتانىپ، اراق - شاراپ ءىشۋدىڭ قاجەتى جوق... 8 ءتۇرلى بەلگىلەمە پارتيالى كادرلارعا ”قاتاڭ تيىم“ بولىپ عانا قويماي، ولارعا ”قورعاۋشى“ دا بولدى.
”توي - تومالاقتى جاڭاشا وتكىزۋ، ءولىم - ءجىتىمدى قاراپايىم وتكىزۋ“، ”جەتسە بولدى، ىسىراپشىلدىق ىستەمەۋ“، ”تويا تاماقتانسا بولدى، استا - توكتىك ىستەمەۋ“... پارتيا ستيلى، ۇكىمەت ستيلى قوعامدىق سالتقا، حالىقتىق سالتقا جەتەكشىلىك ەتىپ، حالىق بۇقاراسى ستيل قۇرىلىسىنىڭ قاتىناسۋشىسى جانە يگىلىكتەنۋشىسى بولدى.
”مىڭداعان ادامدى رەنجىتسەك تە، ءبىر ميلليارد 300 ميلليون ادامنىڭ ءۇمىتىن اقتاۋ كەرەك“
ەكىنشى رەتكى قاراۋدا ءولىم جازاسى ۇكىمىن ساقتادى!
2021 - جىلى 1 - ايدىڭ 21 - كۇنى تيانجين قالالىق جوعارى حالىق سوتى مەكەمەسى جۇڭگو حۋارۇڭ مال - مۇلىك باسقارۋ جارنا شەكتى سەرىكتەستىگى پارتكومىنىڭ بۇرىنعى شۋجيى، القا باستىعى لاي شياۋميننىڭ پارا الۋ، قياناتشىلدىق، ۇيلەنۋ ۇستىنە ۇيلەنۋ دەلوسىنا ەكىنشى قاراۋدا اشىق ۇكىم جاريالاپ، 1 - سوتتاعى ءولىم جازاسى ۇكىمىن ساقتادى.
”فينانس ءىرى جەمەڭگەرلەرىن“ زاڭ بويىنشا جازالاپ ءبىر جاقتى ەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇلجىماستان شىرىكتەسۋدى جازالاۋ بەكىمى مەن جىگەرىن قايتالاي ايگىلەدى.
شىرىكتەسۋگە قانداي پوزيتسيامەن قاراۋ، شىرىكتەسۋدى قانداي ارەكەتپەن الاستاۋ ءبىر ساياسي پارتيانىڭ، ءبىر بيلىكتىڭ تابىسقا جەتۋى مەن جەڭىلىسىن، گۇلدەنۋى مەن كۇيرەۋىن بەلگىلەيدى.
ۋاقىتتى 8 جىلدىڭ الدىنا شەگىندىرەيىك، 2012 - جىلى 11 - ايدىڭ 15 - كۇنى، حالىق سارايىنىڭ شىعىس ۇلكەن زالى.
18 - كەزەكتى ورتالىق كوميتەت ساياسي بيۋروسىنىڭ تۇراقتى كوميتەتى تۇڭعىش رەت جۇرت الدىنا شىقتى، 500 نەشە جۇڭگولىق، شەتەلدىك ءتىلشىنىڭ الدىندا باس شۋجي شي جينپيڭ سابىرلى دا بايىپتى ءسوز سويلەدى —
”جاڭا جاعدايدا، پارتيامىز كوپتەگەن قاتاڭ سىن - سايىستارعا ءدوپ كەلدى، پارتيا ىشىندە شەشۋدى شۇعىل قاجەت ەتىپ تۇرعان كوپتەگەن ماسەلە بار. اسىرەسە، كەيبىر پارتيالى كادرلار اراسىندا تۋىلعان قياناتشىلدىق، شىرىكتەسۋ، بۇقارادان اجىراۋ، فورماشىلدىق، تورەشىلدىك قاتارلى ماسەلەلەردى، ءسوز جوق، كۇش سالا شەشۋ كەرەك. بۇكىل پارتيا، ءسوز جوق، سەرگەكتەنە ءتۇسۋ كەرەك. تەمىر سوقساڭ، قۇرىش بول“.
”تەمىر سوقساڭ، قۇرىش بول“ وبرازدى دا جاندى سويلەمنىڭ ءار سوزىندە مول ماعىنا جاتىر.
2 ايدان كەيىن، 18 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە باس شۋجي شي جينپيڭ جاڭا داۋىردەگى شىرىكتەسۋگە قارسى كۇرەستىڭ ”’جولبارىس‘ پەن ’شىبىندى‘ بىرگە سوعۋعا تاباندى بولۋ“ دەگەن ەكپىندى ۋادەسىن ايتتى.
ايتىلعان ءسوزدى، ءسوزسىز، ورىنداۋ كەرەك! جۇڭگو كوممۋنيستىك پارتياسىنىڭ تاريحىندا سەرپىنى بۇرىن بولماعان شىرىكتەسۋگە قارسى تۇرۋ كۇرەسى باستالدى.
تيىم سالىنعان ءوڭىر بولماۋعا، تولىق قامتۋعا، راقىمدىلىق ەتپەۋگە تاباندى بولىپ، جوعارىدا جوۋ يۇڭكاڭ، بو شيلاي، گو بوشيۇڭ، شۇي سايحوۋ، سۇن جىڭساي، ليڭ جيحۋا قاتارلى ”ۇلكەن جولبارىستارعا“، تومەندە بۇقارانىڭ جانىنداعى ”شىبىن پاراقورلار مەن وبىر تىشقاندارعا“ دەيىن ەشكىم دە قىلمىسىنان قاشىپ قۇتىلاتىن ”ولىمنەن كەشىرۋ جارلىعىنا“ يە بولا المادى، ەشكىم دە ”ەرەكشە ۇقىقتى پاتشا“ بولا المادى.
بۇل جۇرتتى ءدۇر سىلكىندىرگەن باتىل كەسىم: پارتيا 18 - قۇرىلتايىنان پارتيا 19 - قۇرىلتايىنا دەيىنگى 5 جىلدا پارتيا ورتالىق كوميتەتى دەلو تۇرعىزىپ تەكسەرۋدى بەكىتكەن ولكە، ارميا دارەجەلىدەن جوعارى پارتيالى كادر، سونداي - اق باسقا دا ورتالىق كوميتەت ۇيىمداستىرۋ ءبولىمى ەستەلىككە العان كادر 440. بۇكىل ەلدەگى ءتارتىپ تەكسەرۋ، باقىلاۋ - تەكسەرۋ ورگاندارى ءبىر ميلليون 545 مىڭ دەلونى ەستەلىككە الىپ، ءبىر ميلليون 537 مىڭ ادامدى جازالادى، مۇنىڭ ىشىندە مەڭگەرمە، مەكەمە دارەجەلى كادر 8900دەن اسادى، اۋدان، باسقارما دارەجەلى كادر 63 مىڭ ادام، 58 مىڭ ادام قىلمىسقا شاتىلىپ ءادىليا ورگانىنىڭ ءبىر جاقتى ەتۋىنە تاپسىرىلدى.
”حالىق ۇقىقتى بىزگە بەردى، ءبىز، ءسوز جوق، ءوزىمىزدى پارتياعا، وتانعا ارناپ، پارتيانىڭ، وتاننىڭ ءۇمىتىن اقتاپ، ىستەۋگە ءتيىستى ىستەردى ىستەۋىمىز، رەنجىتۋگە ءتيىستى ادامداردى رەنجىتۋىمىز كەرەك“، ”مىڭداعان شىرىكتەسكەن ەلەمەنتتەردى رەنجىتپەسەك، وندا ءبىر ميلليارد 300 ميلليون حالىقتى رەنجىتكەن بولامىز“ — وسى ءتۇتىنسىز كۇرەستە باس شۋجي شي جينپيڭ تۋى ايقىن تاباندى تۇرعىسىن، ەرەكشە قايسار ەرىك - جىگەرىن كورسەتىپ، شىرىكتەسۋگە قارسى كۇرەستىڭ ۇستەم جەڭىسكە قول جەتكىزۋىن ىلگەرىلەتتى.
بۇل — جالپى جۇرتقا ايان سەس كورسەتۋ اسەرى: پارتيا 19 - قۇرىلتايىنان 2018 - جىلدىڭ اياعىنا دەيىن بۇكىل ەل بويىنشا جالپى 27 مىڭ پارتيالى كادر تارتىپكە، زاڭعا قايشىلىق جاساۋ ماسەلەسىن ىرىقتىلىقپەن تاپسىردى، 5000نان استام پارتيالى كادر ىرىقتىلىقپەن ءوزىن مالىمدەدى؛ 2019 - جىلى بۇكىل ەل بويىنشا 10 مىڭ 357 ادام ىرىقتىلىقپەن ءوزىن مالىمدەدى، مۇندا ورتالىق كوميتەت ۇيىمداستىرۋ ءبولىمى ارحيۆكە العان كادر 5، ولكەلىك پارتكوم ۇيىمداستىرۋ ءبولىمى باسقارۋىنداعى كادر 119؛ 2020 - جىلى بۇكىل ەل بويىنشا 16 مىڭ ادام ىرىقتىلىقپەن ءوزىن مالىمدەدى، 66 مىڭ ادام ماسەلەسىن ىرىقتىلىقپەن تاپسىردى.
”حالىق تىلەگى — ەڭ ۇلكەن ساياسي، ادىلەتتىلىك — ەڭ قۋاتتى كۇش“. شىرىكتەسۋگە قارسى كۇرەس پارتيا مەن مەملەكەتتىڭ ەڭ ۇلكەن ساياسي كومەسكى قاتەرىن جويىپ، حالىق بۇقاراسىنىڭ سەنىمىنە يە بولدى، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن وزگەرتۋ، ءوزىن جوعارىلاتۋ قابىلەتىن كۇشەيتىپ، ۇلى ءىستى ىلگەرىلەتۋگە پارمەندى ساياسي كەپىلدىك ازىرلەدى.
”بۇقاراعا شىرىكتەسۋگە قارسى تۇرۋدىڭ، پاكتىكتى دارىپتەۋدىڭ ناقتى جەتىستىگىن اناعۇرلىم كوپ سەزىندىرۋ كەرەك“
”قيانات جاسالعان اقشانىڭ قولىمىزعا قايتىپ كەلەتىندىگىن ويلاماپپىن“، - دەدى قايتارىلعان ورمان تولەمى قاراجاتىن قولىنا العان سىچۋان ولكەسى داجوۋ قالاسى چۇيشيان اۋدانى جينما قىستاعىنىڭ تۇرعىنى دىڭ شياۋگاڭ تەبىرەنە.
2020 - جىلى 8 - ايدا اۋداندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قىزمەتكەرلەرى جينما قىستاعى تۇرعىندار كوميتەتىنىڭ بۇرىنعى مەڭگەرۋشىسى يەمدەنىپ العان 7000 يۋاندىق الەۋمەتتىك يگىلىك ورمان تولەمى قارجىسىن 35 قىستاق تۇرعىنىنا قايتاردى.
اقشا سوماسى كوپ بولماعانىمەن، قاتەرى ۇلكەن، ”ۇساق شىرىكتەسۋ“ دە ”ۇلكەن كەسەپاتقا“ اينالادى، بۇل جونىندە باس شۋجي شي جينپيڭنىڭ تانىمى تەرەڭ: ”’ءيت ارقاسى قيانداعى‘ ’جولبارىسپەن‘ سالىستىرعاندا، بۇقارا ’كوز الدىندا‘ ىزىڭداپ ۇشىپ جۇرگەن ’شىبىن جەمقوردى‘ اناعۇرلىم شىنايى سەزىنەدى“.
”بۇقارانىڭ اڭىسى كۇشتى ماسەلەلەردىڭ بارلىعىنا قاتاڭ، مۇقيات قاراۋ كەرەك، بۇقارانىڭ مۇددەسىن زياندايتىن ارەكەتتەردىڭ بارلىعىن باتىل تۇزەتۋ كەرەك“. باس شۋجي شي جينپيڭ مىنە وسىلاي دەپ باسا دارىپتەدى.
پارتيا 18 - قۇرىلتايىنان بەرى، كەدەيلىكتەن ارىلتۋدان قامال الۋ شايقاسىنىڭ باستالۋىنا ىلەسە، كەدەيلىكتەن ارىلتۋدان قامال الۋدى ”قورعاۋ شايقاسى“ دا قاتار باستالدى.
2015 - جىلى 11 - ايدا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ جونىندەگى قارارى» باسىپ تاراتىلدى.
2016 - جىلى 1 - ايدا 18 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە باس شۋجي شي جينپيڭ: ”پارتيانى جاپپاي قاتاڭ جونگە سالۋدىڭ نەگىزگى ساتىعا كەڭەيۋىن ىلگەرىلەتۋ“ تالابىن ايرىقشا العا قويىپ، ”نەگىزگى ساتىداعى قياناتشىلدىق، شىرىكتەسۋ جانە زاڭدى ءادىل اتقارماۋ سياقتى ماسەلەلەردى مۇقيات تۇزەتىپ جانە قاتاڭ تەكسەرىپ ءبىر جاقتى ەتىپ، بۇقارانىڭ ءتول مۇددەسىن قورعاپ، بۇقاراعا شىرىكتەسۋگە قارسى تۇرۋدىڭ، پاكتىكتى دارىپتەۋدىڭ ناقتى جەتىستىگىن اناعۇرلىم كوپ سەزىندىرۋ كەرەك“، - دەپ ايقىن باسا دارىپتەدى.
باس شۋجي شي جينپيڭنىڭ تالابىن تياناقتاندىرۋ ءۇشىن، وسى رەتكى ورتالىق ءتارتىپ تەكسەرۋ كوميتەتىنىڭ جالپى ءماجىلىسى دەرەۋ كەدەيلەردى سۇيەمەلدەۋ سالاسىندا باقىلاۋ، ءتارتىپ اتقارۋ، جاۋاپقا تارتۋ قىزمەتى جونىندە ارناۋلى ورنالاستىرۋ جاساپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە قاتاڭ ءتارتىپ ارقىلى قامتاماسىزدىق ازىرلەۋ كەرەكتىگىن باسا دارىپتەدى.
2017 - جىلدىڭ سوڭىندا ورتالىق ءتارتىپ تەكسەرۋ كوميتەتى 2018 - جىلدان 2020 - جىلعا دەيىن 3 جىل ۋاقىتپەن كەدەيلەردى سۇيەمەلدەۋ سالاسىنداعى شىرىكتەسۋ مەن ستيل ماسەلەسىن ارناۋلى جونگە سالۋدى ورنالاستىردى.
الدىنا كەلگەنىنەن قىمقىرىپ قالۋ، ۇستاپ قالۋ، جەكە يەمدەنۋ، ءىشىپ - جەۋ، الۋ، قىسىم ءتۇسىرۋ، سۇراۋ، تۋىستارى مەن دوستارىنا ايرىقشا قامقورلىق جاساۋ... كەدەيلەردى سۇيەمەلدەۋ سالاسىنداعى تالايلاعان شىرىكتەسۋ مەن ستيل ماسەلەلەرى قۋاتتى باقىلاۋ، ءتارتىپ اتقارۋ، جاۋاپقا تارتۋ تەبىنىنىڭ ناتيجەسىندە باتىل تەكسەرىلىپ، ءبىر جاقتى ەتىلدى.
2017 - جىلى بۇكىل ەل بويىنشا كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنەن 48 مىڭ 700ى تەكسەرىلىپ ءبىر جاقتى ەتىلدى؛ 2018 - جىلى كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنەن 131 مىڭى تەكسەرىلىپ ءبىر جاقتى ەتىلدى؛ 2019 - جىلى كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنەن 85 مىڭى تەكسەرىلىپ ءبىر جاقتى ەتىلدى؛ 2020 - جىلى كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنەن 65 مىڭى تەكسەرىلىپ ءبىر جاقتى ەتىلدى... جوعارى ورىندى ساندى مالىمەتتەردىڭ باستان - اياق ساقتالۋىنىڭ استارىندا ءتارتىپ تەكسەرۋ، باقىلاۋ - تەكسەرۋ ورگاندارىنىڭ تەز ءارى كۇشتى ءتارتىپ اتقارۋ تەبىنى جاتىر.
وقۋ - اعارتۋ، ەمدەۋدەن جۇمىستاندىرۋ، شارۋاشىلىق قۇرۋعا، زەينەتكەرلىك، قوعامدىق قامسىزداندىرۋدان قورشاعان ورتانى قورعاۋعا دەيىن حالىق بۇقاراسى كوڭىل ءبولىپ وتىرعان تالماۋ تۇيىندەر قايدا بولسا، ستيل دۇرىستاۋ، شىرىكتەسۋگە قارسى تۇرۋدىڭ ءتۇيىنى سول اراعا شوعىرلاندى.
2020 - جىلى 2 - ايدىڭ 20 - كۇنى ءوڭىن وزگەرتىپ زاڭ قۇرىعىنا ىلىنبەي تالاي جىل جۇرگەننەن كەيىن، سۇن شياۋگوعا يۇنناننىڭ كۇنميڭىندە ءولىم جازاسى اتقارىلدى، ال ونىڭ ارتىنداعى ”باسقالقالار“ دا قارا كۇشتەردى الاستاپ، سۇرقيا كۇشتەردى جويۋدىڭ قۋاتتى شابۋىلىنىڭ ناتيجەسىندە جويىلدى، بۇعان كوپتەگەن ادام قول سوعىپ الاقايلادى.
قارا كۇشتەردى الاستاپ، سۇرقيا كۇشتەردى جويۋ — حالىق بۇقاراسىنىڭ حاۋىپسىزدىك سەزىمىن كۇشەيتۋدىڭ ماڭىزدى شاراسى.
2018 - جىلى 1 - ايدا باس شۋجي شي جينپيڭ ورتالىق ءتارتىپ تەكسەرۋ كوميتەتىنىڭ جالپى ماجىلىسىندە ماڭىزدى ءسوز سويلەپ مىنانى ايقىن العا قويدى: ”قارا كۇشتەردى الاستاۋدى، سۇرقيا كۇشتەردى جويۋدى شىرىكتەسۋگە قارسى تۇرۋمەن ۇشتاستىرۋ، ءارى قارا كۇشتەرگە ساياتىن ۇيىمداردى ۇستاۋ، ءارى ونىڭ ارتىنداعى ’باسقالقالارىن‘ ۇستاۋ كەرەك“.
سول ايدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «قارا كۇشتەردى الاستاپ، سۇرقيا كۇشتەردى جويۋ ارناۋلى كۇرەسىن ورىستەتۋ جونىندەگى حابارلاندىرۋدى» جاريالاپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ شىمىلدىعىن اشتى.
حۋناننىڭ شينحۋاڭداعى ”الاڭعا كومىلگەن ولىك دەلوسى“، حيلۇڭجياڭنىڭ حۋلانىنداعى ”4 ۇلكەن اۋلەتتىڭ“ قارا كۇشتەرگە ساياتىن دەلوسى، حاينان چاڭجياڭداعى حۋاڭ حۇڭفا اۋلەتىنىڭ قارا كۇشتەرگە ساياتىن دەلوسى... 3 جىلدان بەرى، بۇكىل ەل بويىنشا قارا كۇشتەرگە، سۇرقيا كۇشتەرگە ساياتىن شىرىكتەسۋ جانە ”باسقالقا“ دەلوسىنان جالپى 89 مىڭ 742سى ارحيۆكە الىنىپ، تەكسەرىپ ءبىر جاقتى ەتىلدى، 115 مىڭ 913 ادام دەلو تۇرعىزىلىپ ءبىر جاقتى ەتىلدى، 80 مىڭ 649 ادامعا پارتيا ءتارتىبى، اكىمشىلىك جازاسى بەرىلدى، 10 مىڭ 342 ادام ءادىليا ورگانىنا وتكىزىلىپ بەرىلدى.
قارا، سۇرقيا كۇشتەردى ىرقىنا جىبەرگەن، قورعاشتاعان ”باسقالقالاردى“ باتىل تالقانداپ، حالىق تۇرمىسىنا تيىمدىلىك جاساۋ ساياساتىنىڭ تياناقتانۋىنا كەدەرگى بولعان ”توسقاۋىلداردى“ باتىل الاستاپ، حالىق بۇقاراسى ستيل دۇرىستاۋدىڭ، شىرىكتەسۋگە قارسى تۇرۋدىڭ جاندارىندا ەكەندىگىن شىنايى سەزىندى.
(شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
