ەل ىشىندەگى ەڭ ۇلكەن ولشەمدەگى قاتتى، شىدامدى الۋمين قورىتپا جۇمىر قۇيما تاياقشا رايونىمىزدا ءساتتى زەرتتەلىپ جاسالدى
2021.07.13 16:35 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 7 - ايدىڭ 11 - كۇنى ۇرىمجىدەن حابارلايدى. 7 - ايدىڭ 5 - كۇنى ەل ىشىندەگى ەڭ ۇلكەن ولشەمدەگى ديامەترى 1400 ميللي مەترلىك 2 - جۇيەلى قاتتى، شىدامدى الۋمين قورىتپا جۇمىر قۇيما تاياقشا شينجياڭ جۇڭحى جارنا شەكتى سەرىكتەستىگى جاڭا ماتەريالدار كاسىپ باقشاسىندا ءساتتى زەرتتەلىپ جاسالدى. بۇل ءونىمنىڭ ساپاسى تۇتاس تۇلعالىق تومەن ەسەلى كريستال ءتۇيىرىنىڭ مولشەرى 2 دارەجەگە جەتىپ، وسى كاسىپ سالاسىندا اعالاپ العا شىقتى، بولاشاقتا جاڭا تيپتى تاسىمال راكەتاسىنىڭ ساقينالى شىڭدالعان بولشەگىنە پايدالانىلاتىن ماڭىزدى شيكىزاتعا اينالادى.
ۇعىسۋعا قاراعاندا، وسى رەتتە ءساتتى زەرتتەلىپ جاسالعان ەل ىشىندەگى ەڭ ۇلكەن ولشەمدەگى قاتتى، شىدامدى الۋمين قورىتپا جۇمىر قۇيما تاياقشانىڭ سالىستىرمالى كۇشەمەلىلىگى جوعارى بولۋ، تومەن تەمپەراتۋرا مەن جوعارى تەمپەراتۋراداعى مەحانيكالىق قۋاتى جاقسى بولۋ، ءۇزىلۋ، سوزىلۋ مولشەرى جوعارى بولۋ، اسەر كۇشكە، شىرۋگە قارسىلىق قۋاتى جاقسى بولۋ سياقتى ەرەكشەلىكتەرگە يە، 315 سەلتسي گرادۋستىق جوعارى تەمپەراتۋرادا جۇمىس ىستەيتىن قۇرىلىمدىق بولشەككە، جوعارى قۋاتتى دانەكەرلەۋ بولشەگىنە پايدالانۋعا ۇيلەسەدى، بۇل شينجياڭ جۇڭحىنىڭ جوعارى الۋمين قورىتپاسى ءونىمىن ءوندىرۋ تەحنولوگياسىنىڭ ەل ءىشىنىڭ وزىق ورەسىنە جەتكەندىگىنىڭ بەينەسى.
2018 - جىلدىڭ سوڭىندا، جۇڭگو يوۋيان عىلىم - تەحنيكا توبى يوۋيان مەتال قوسپا ماتەريالدار تەحنيكاسى شەكتى سەرىكتەستىگى وزىق الۋمين قورىتپاسىن قۇيۋ تەحنيكاسى مەن شينجياڭ جۇڭحى ساپ الۋمين ءوندىرىسى ارتىقشىلىعىن تايانىش ەتىپ، ەكى جاق مەملەكەتتەگى ءتۇيىندى جابدىقتاردى جاساۋ سالاسىنا پايدالانىلاتىن 2 جۇيەلى، 7 جۇيەلى ۇلكەن ولشەمدەگى قاتتى، شىدامدى الۋمين قورىتپا جۇمىر قۇيما تاياقشا ونىمدەرىن بىرگە زەرتتەپ جاسادى. قازىرگە دەيىن، شينجياڭ جۇڭحى ديامەترى 90 ميلليمەتردەن 880 ميلليمەترگە دەيىنگى ۇقساماعان ولشەمدى ونىمدەردى تۇراقتى وندىرە الاتىن بولدى، 2219، 7050 سياقتى كوپ ءتۇرلى قورىتپا ماركالى قۇيما تاياقشا ونىمدەرىنىڭ تۇتاس تۇلعالىق تومەن ەسەلى كريستال ءتۇيىرى مولشەرىنىڭ بارلىعى 1 - دارەجەدەن استى.
شينجياڭ جۇڭحى سەرىكتەستىگىنىڭ ورىنباسار باس ديرەكتورى چىن چاڭكى مىنالاردى ءبىلدىردى: مۇنان كەيىن شينجياڭ جۇڭحى نازاردى مەملەكەتتىڭ ءتۇيىندى عىلمي زەرتتەۋ جوباسى باعىتىنا شوعىرلاندىرىپ، بازار قاجەتىن جەتەكشى ەتىپ، عىلىم - تەحنيكادا جاڭالىق اشۋ تەبىنىن ۇزدىكسىز ارتتىرىپ، وزىق ءوندىرىس قۋاتى مەن بۇلت ەسەپتەۋدى، ۇلكەن ساندى مالىمەتتى، ونەركاسىپ ينتەرنەتىن تىعىز بىرلەستىرىپ، جاڭا كاسىپ كۇيىن جۇزەگە اسىرىپ، جاڭا قوزعاۋشى قۋات قالىپتاستىرىپ، شينجياڭ ەكونوميكاسىنىڭ جوعارى ساپالى دامۋىنا دەم بەرەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
